|
بالله عليكو الافاده ضرورى
معلش انا اسف انا ليا طلب عند جميع اعضاء المنتدى الكرام وخصوصا استاذى القدير استاذ جمال (القنصل) والاستاذ ذو الخلق الرفيع استاذ بدر وجميع اخواننا هنا
عايز اجيب بندقيه رش رمسيس او المعادى عايز اشترى واحده جديده يعنى حاجه ككده على قدى لسه فى البدايه ليا شويه اسئله ياريت تجاوبنى عليها بوضوح 1- اجيب رمسيس او معادى رقم 1 ولا رقم 2 2 متوسط سعر البندقيه دى فى المحلات ايه بس ياريت محدش يقولى فتح الله من السمعه السيئه الىل اكتسابها وطريقه معاملته مع الزبائن بصراحه اتعقدت منه 3- مدها الموثر كويس فعلا ولا ايه 4-- ينفع يتركب عليها منظار 5-ممكن اجيبها منين وهل ممكن اجيبها من المصنع احسن ولو ينفع من المصنع ليه منفذ بيع او كده ولالا او ايه ارخص محل معلش انا اسف بس ياريت الاخوة الكرام يوضحولى وشكرا واسف جدا على تعبكم وربنه يجازيكم خير |
رد: بالله عليكو الافاده ضرورى
السلام عليكم .... ازيك ..
لو عايز تجيب رمسيس جبها نمره 1 لانها اسرع من نمره 2 ... مداها المؤثر كويس جدا وفى اكتر الاوقات فى الصيد بيكون الاهداف قريبه ... يعنى 25 او 30 متر (انا عايزك تاخد بالك ان 30 متر دى يعنى الدور العاشر لان الدور فى العماره متوسطه 3 متر ) ... مينفعش يتركب عليها تليسكوب لان البنادق اللى بيتركب عليها التليسكوب بتبقى بنادق سريعه او نازل معاها تليسكوب خاص بيها ... لكن الرمسيس للاسف مينفعش معاها تليسكوب ... والمعادى مكان التليسكوب موجود بس مش سريعه (المعادى هى النسخه غير المعدله للرمسيس ) وممكن تجيبها من اى حد ... زى ابوضيف ... او فتح الله ... ولو عايز تجيب من المصنع ... المصنع 54 الحربى بالمعادى ... وليه منفذ بيع ومن المصنع تجيبها ارخص ... يارب اكون عرفت افيدك ... تحياتى . |
رد: بالله عليكو الافاده ضرورى
بارك الله فيك أخي الحبيب الأستاذ محمد...وبصراحة وكما نصحك أخونا العزيز الأستاذ أحمد عبد الغني ( روك ) لا أجد ما أضيفه من بعده فهو أستاذ وخبير وله باع طويل في الصيد وأسلحة الصيد وأمين في رأيه ومشورته...فقط أحب أن أوضح لك أن الرمسيس سرعتها 128- 140 م/ث وكان سعرها 550 جنيه ( قبل الأحداث الأخيرة ) وبالطبع الأفضل هو عيار 4.5 ( نمرة 1 ) كما قال أخي روك وليس بها مكان لتركيب تيليسكوب فهي لا تحتاج ولا تحتمل...وهي بندقية لا أستطيع أن أقول عنها أنها قوية أو أن خامتها ممتازة...هي بندقية متواضعة وزي ما بيقولوا على قد حالها ولكن غالبيتنا ( أقصد أبناء جيلي من العواجيز ) تربينا وتأسسنا عليها وأنا واحد من هؤلاء ما زلت محتفظا بها حتي يومنا هذا ومحافظا عليها وعلى نظافتها وصيانتها أولا بأولا وما شاء الله لها معي أكثر من 40 سنة...وكل من يراها يعتقد أنها جديدة...وما زلت أستخدمها إلي يومنا هذا مع باقي البنادق الأخري...وعاشت معي أحلى ذكرياتي وأيام صبايا وشبابي...ولها عندي معزة خاصة ولا أستغنى عنها ولا أفرط فيها...وعندك أيضا الأسباني مثل النوريكا 56 وكذلك الصيني مثل b2-2a وكذلك b3-2a وكلها بنادق أسعارها متهاودة ويمكنك التدريب عليها وإكتساب المهارات اللازمة للرماية أو الصيد...وهناك أخوة أفاضل أساتذة ومحترفين صيد عاملين بيهم شغل جامد جدا كلنا بنبارك لهم عليه...توكل على الله وربنا ها يوفقك بمشيئته سبحانه وتعالي...خالص تحياتي...
|
رد: بالله عليكو الافاده ضرورى
اولا اسمحولى ارد على الكبير الاول وهو الاستاذ قنصل الراجل اللى بجد مش عارف اشكره ازاى ربنه يجازيك خير يارب ويديك الصحه وتفضل دايما قدوة لشباب المنتدى ومتشكر جدا على ردك عليا بس فى سوال اخير اسف لو حبيت الصينى حسب ارشادتك هل تفضلى b3 ولا 2 وسعرها فى حدود كام ومره تانيه متشكر اوى لحضرتك
ثانيا استاذ روك الغالى خيره شباب المنتدى والى بجد كل مواضيعه احلى من بعضها ورده على الاسئله دايما مفيد وسهل وبجد انا حبيتك من غير ما اشوفك بس ليا عندك سوال منفذ البيع دا فين بالضبط وهل تفضل الرمسيس ولا المعادى وشكراااااااااااااااااااااااااااااااااااااااااااااا ااااااااا |
رد: بالله عليكو الافاده ضرورى
الله يبارك فيك حبيب قلبي...مسألة الإختيار ترجع لك ولراحتك النفسية...الـ b3 الماسورة ثابتة والتعمير بعتلة سفلية والتلقيم ( بيت الرش ) بوابة...والـ b2 التعمير بكسر الماسورة...وحدود سعرهم 750-850 جنيه وسرعتهم واحدة ويفضل فيهم عيار 5.5 ( نمرة 2 )...وعموما أفضل أن تري صورهم وتقارن بين مواصفاتهم بنفسك للإستفادة على هذين الرابطين بالأسفل...خالص تحياتي...
http://www.airrifle-china.com/newEbi...shParent=false http://www.airrifle-china.com/newEbi...shParent=false |
رد: بالله عليكو الافاده ضرورى
يااستاذى العزيز لا شكر على واجب .... هو المنفذيعتبر فى المصنع .... اسال على المصنع واللى هيدلك عليه هيدلك على منفذ البيع اوتوماتيك .... وبالنسبه للرمسيس مفيش منها متصنع جديد وهتلاقيهم معدودين بس انا بشوف ناس عندهم رمسيس (محلات ) وبالنسبه للمعادى لو تلاحظ فى مشاركتى الاولى (المعادى هى النسخه غير المعدله للرمسيس ) ومعنى الكلام ده ان المعادى فشلت جنب ابداع الرمسيس ومش هى الشكل ولاالهيئه ولا الميكانزم اللى المفروض نعدل بيه الرمسيس .... وللاسف موقوف تصنيع القديم .... وانا لو لاقيت واحده فى محل هكلمك واقوللك بس ابعتلى رقمك عالخاص .... تحياتى .
|
رد: بالله عليكو الافاده ضرورى
أخي الحبيب الأستاذ محمد...مصنع 54 الحربي بجوار مستشفي المعادي أمام محطة المترو تليفون رقم 23582715...مصنع 144 الحربي بأرض المعارض تليفون رقم 24053843...جرب تتصل بيهم وإن شاء الله ربنا يوفقك وطمنني...لو لقيت الرمسيس الصناعة والخامة القديمة في منه جديد بالكرتونة يبقي خير وبركة...وإن تعذر ذلك فأنا عن نفسي أفضل الصيني على المعادي...خالص تحياتي...
|
رد: بالله عليكو الافاده ضرورى
متشكر جدا جدا جدا لحضرتكم والله ومش عارف اقولكم ايه
|
رد: بالله عليكو الافاده ضرورى
يا جماعة أنا أحترت المعادى أفضل ولا رمسيس، وأن أتصلت النهاردة بمصنع 54 احربى علشان أعرف السعر وقالولى أتصل قبل الساعة 3 وأدونى رقم التسويق.
|
رد: بالله عليكو الافاده ضرورى
طيب ياريت اخىالكريم تقولنا رقم التسويق كام او تبعتهولى على الخاص ضرورى لانى بتصل بيهم محدش بيرد وقولنا ايه الىل حصل معاك او اتكلمت معاهم ولو كده نتفق انا وانت ونروح فى يوم واحد نتفرج ونشترى بعد ما نشوف ايه الىل عندهم وناخد راى استاذتنا الكبار هنا
|
رد: بالله عليكو الافاده ضرورى
اقتباس:
|
رد: بالله عليكو الافاده ضرورى
اقتباس:
|
رد: بالله عليكو الافاده ضرورى
اقتباس:
|
رد: بالله عليكو الافاده ضرورى
ألحقونى يا جماعة:mad::mad::mad::mad::mad:
أنا أتصلت بمصنع 54 الحربى وسألتهم عن بنادق الرش تخيلوا بكم معندهمشى غير بندقية المعادى نمرة 2 ولا يوجد رمسيس البندقية بكم مش هتصدقوا أنا كان هيغمى عليه ب 755 جنيه أو والله :eek::eek::eek::eek::eek: |
رد: بالله عليكو الافاده ضرورى
أوعى حد يشجع صناعة بلده، من الآن أنا بشجع الصينى، تحيا جمهورية الصين.
|
رد: بالله عليكو الافاده ضرورى
هههههههههههههههههه ولسه امال فاكر اى هههههههه ههههههههه ههههههههه
|
رد: بالله عليكو الافاده ضرورى
هههههههههههههههههههههههههههههههههههههههههههههههههه هه لا كده بقى نسى وحس بتوجيهات استاذنا القنصل نشوف الى b3 او ال b2
|
رد: بالله عليكو الافاده ضرورى
بالتوفيق شباب
|
رد: بالله عليكو الافاده ضرورى
بكام دلوقتى المعادى فى مارس
|
رد: بالله عليكو الافاده ضرورى
أعتقد أن ال b-3 أدق وأقوى
|
| الساعة الآن 10:32 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir