استفسار
 

لو سمحتم انا جديد فى المنتداى وفى الصيد بشكل عام

لكن لو ممكن تنصحونى انا بقالى فتره بدور على بندقيه مناسبه فى الكفاءه والسعر

شوفت اكتر من حاجه

زى

b3-2 الصينى

bam xs b3

او كرال التركى

او لو فى انواع تانيه فى نفس الحدود بالنسبه للاسعار

لكن تكون عتله

ياريت تفيدونى فى الاسعار وترشحولى الافضل
والنبادق المموهه اقدر اشتريها منين؟

شكرا مقدما وتحياتى للمنتدى الافضل واعضائه اللى كلهم ذوق

رد: استفسار
 

ايه ياجماعه هو محدش هيرد ولا ايه

يعنى مفيش بندقيه قويه ومحترمه فى حدود 700 الى 900

رد: استفسار
 

أخي الحبيب حدود المبلغ ممكن تشتري نوريكا 56 سرعتها 150 م/ث وسعرها في حدود 850 جنيه...أو صيني b3-2a بعتلة سفلية سرعتها 160 م/ث وسعرها في حدود 800 جنيه...أو صيني b2-2a تعمير كسر وسرعتها 160 م/ث وسعرها في حدود 750 جنيه...ممكن تزود على المبلغ 200 جنيه وتجيب كرال التركي الفايبر البني بلون الخشب هاي باور سرعتها 240 م/ث وسعرها في حدود 1100 جنيه...هذه البنادق وبهذه السرعة وهذا السعر في عيار 5.5 ( نمرة 2 )...وأنت صاحب القرار في إختيار المناسب لإمكانياتك...خالص تحياتي...

رد: استفسار
 

شكرااااا جزيلا لذوقك وردك الواضح المرتب والافاده

لانى فعلا عمال بقرا فى اسماء وارقام كتير ومختلفه ولا عارف ارسى على حاجه
ان شاء الله بقرر قريب

رد: استفسار
 

كل مشاركات حضرتك تدل على خبرتك الواسعه تقبل تحياتى :o

رد: استفسار
 

على فكرة سعر النوريكا سبورت عند الاستاذ هشام 1100 جنيه !
يا ترى تفضل النوريكا الاسبورت على الكرال ولا ايه ؟

رد: استفسار
 

ممكن لو سمحت تقولى سرعة ومواصفات النوريكا سبورت اعتقد لو قريب للكرال تبقى احسن

وشكرا على اهتمامك

رد: استفسار
 

بارك الله فيكم يا شباب...والله أنا عن نفسي إشتريت النوريكا سبوت من الشركة الأهلية ( ميشيل عازر ) بـ 1250 جنيه عيار 5.5 ( نمرة 2 ) سرعتها 160 م/ث طبعا خامتها وتقفيلها ووزنها ودقتها ممتازة وهي جامعة لميزتين التدريب لمبتدئ وكذلك الصيد للمحترف...سرعتها متوسطة وتصلح للصيد بفعالية وقوة على مسافات 20- 30 متر وهذه مسافة كافية جدا القوة المفرطة والسرعة العالية ليست مطلوب دائما...الصياد المحترف كعازف الناي المحترف...فعازف الناي يحمل أكثر من قطعة بأحجام وأطوال مختلفة تعطية طبقات صوت ومقامات مختلفة اتكون ملائمة لصوت المغني وباقي الفرقة حتى لا يعزف لحن نشاز أو غير منسجم مع المغني ومجموعة العازفين...وكذلك قوة البنادق والعيارات المختلفة...كل نوع صيد مختلف عن الآخر في الحجم والوزن وسرعة الحركة وبعد المسافة وشدة الريح التي تؤثر فيها ظروف الجو المحيطة...الخلاصة أن النوريكا سبورت إسم له عراقة وبندقية خامتها نظيفة وسرعتها متوسطة ومناسبة ومعمرة وليس لها مشاكل تذكر...هي من ناحية الخامة أفضل طبعا بكثييييييير من الكرال...ولكن الكرال أقوي بالطبع وتعتبر هاي باور وسرعتها 240- 260 م/ث في عيار 5.5 ( نمرة 2 ) ولا يخفى على أحد أن لها مشاكل ومن يشتريها يعرف كيف يتعامل معها ويوجد لها الحلول المناسبة...وسعرها في حدود الـ 1100 جنيه ( الفايبر البني بلون الخشب ) طبعا بالنسبة لخامتها وقوتها يعتبر ممتاز مقارنة بمثيلاتها من الماركات العالمية الشهيرة التي تتعدى بضعة آلاف من الجنيهات مع إختلاف الخامة والإسم والشهرة...وللعم أنا أقتني البندقيتين ولا أستغني عنهما...وكل واحدة لها إستعمالها الخاص...خالص تحياتي...

رد: استفسار
 

Consul
الف شكر على اهتمام حضرتك وردك الانيق ومعلوماتك القيمه اللى بستفاد كتير منها