إلى كل صقار قديماً كان أو جديد بمصر
 

السلام عليكم ورحمة الله وبركاته
أعزائى وأخوتي بمنتدى الصيد فى مصر الكرام . .

بما أننى موجود فى دولة الإمارات الآن بمأمورية عمل أود أن أعرض عليكم خدمة لكل من يريد أدوات خاصة بصيد الصقور مثل شبك الحمام وشبك السمان وأيضاً شبك الجربوع أو الفريسة التى تستخدم للنقل أو ما يخص تدريب الصقور مثل برقع ، داسة ، تلواح ، مرسل ، سبوق ، أوكار ، وكل ما يخص عالم الصقارة لأننى سوف أرجع قريباً لمصر إن شاء الله .
طبعاً هذه خدمة مني لا أريد أى مكسب من إخواني ولا حتى جمارك ولا بدل وزن بالمطار .
مكسبي الحقيقي هو :
أولاً : التواصل مع الصقارة القليلون جداً بمصر .
ثانياً : تنمية هذه الهواية الجميلة بمصر .

رد: إلى كل صقار قديماً كان أو جديد بمصر
 

شكرا جدا يا سيد اسمك على اسمي على مجهوداتك
و ربنا معاك و ترجع بالسلامة ان شاء الله

رد: إلى كل صقار قديماً كان أو جديد بمصر
 

لا شكر على واجب يا سيد
وعلى فكرة أنا اسمي عاطف بس اليوزر بتاعي إسمه الصياد
شرفت ونورت موضوعي يا سيد وجزاك الله خير

رد: إلى كل صقار قديماً كان أو جديد بمصر
 

اشكرك على العرض الطيب ده , و اشكر حرصك على التعرف على الصقارين على فكرة احنا مش كتير بس مش قليلين قوى فى مصر

رد: إلى كل صقار قديماً كان أو جديد بمصر
 

الله الله
برقع الشاهين بكام؟

رد: إلى كل صقار قديماً كان أو جديد بمصر
 

أشكرك أخي nile hunter على مرورك الطيب
وبالنسبة لأعداد الصقارين عندنا فى الشرقية وطبعاً الكل أكيد عارف ان محافظة الشرقية هي أساس ومنبع الصقارين فى مصر وعددهم لا يزيد عن 300 صقار أما فى باقي المحافظات فأظن والله العالم أن الأعداد قليلة جداً . . والله الموفق .

رد: إلى كل صقار قديماً كان أو جديد بمصر
 

برقع الشاهين 15 درهم

والمفاجأة أنه يوجد براقع للصقور البلدي صغيرة الحجم وتسمى بالخليج ( الباشق أو الشبوط ) وسعر البرقع 10 دراهم يعنى 15 جنيه

الأسعار عموماً علشان الناس كلها تاخد فكرة

البراقع : بتبتدي من 10 درهم إلى 25 درهم

المرسل : من 15 إلى 30 درهم ( بس مرسل بالسبوق ملوش حل بصراحة حاجة مفتخرة أوى ) لجميع أحجام الصقور .

الداسة : فى ب 15 درهم وفى 25 درهم ( وهي مثل جراب ليد الصقار ليحمل الصقر على يده بدون إيذاؤه وعلى فكرة الداسة غير الجوانتى ، سعر الجوانتى على حسب الجلد بيبتدي من 20 درهم وبيوصل إلى 50 درهم للجوانتى الملكي .

الوكر : وهو الذى يتم غرزه فى الأرض ليقف عليه الصقر يبدأ سعره من 35 درهم ويصل إلى 150 درهم .

أما بالنسبة للشبك الخاص بطرح الصقور : جميع الشبك سواء سمان أو حمام سعره 10 درهم للشبكة فيما عدا شبكة الجربوع فسعرها 20 درهم .

وسلامي لكم جميعاً .

رد: إلى كل صقار قديماً كان أو جديد بمصر
 

الف*شكر*ليك*اخى*الصياد*على*اهتمامك*باخوانك*المصريي ن*
و*ان*شاء*الله*ترجع*بالسلامه*
تقبل*مرورى

رد: إلى كل صقار قديماً كان أو جديد بمصر
 

مشكور جداً على مرورك الطيب وجزاك الله خيراً

رد: إلى كل صقار قديماً كان أو جديد بمصر
 

اولا اخوى احب اشكرك على العرض الى يدل على نبل اخلاقك
واسمحلى اتقل عليك فى السؤال اريد معرفه بلد الصنع بالنسبه للبرقع والسيور جلد ولا بلاستيك
والوكر المعدن على كام ولو تعرف جهاز طير مرشال 15 على كام وشكرا لك

رد: إلى كل صقار قديماً كان أو جديد بمصر
 

أخي حورس 1
أعذرنى خلاص انا كتبت الموضوع ولقيت ان مفيش حد عايز حاجة وقلت خلاص أنا كنت عايز أخدم بس لكن للأسف الفرصة راحت . . تتعوض الرحلة القادمة إن شاء الله