كرال تركي ... ولا بام صيني ؟؟؟
 

اخواني الأعزاء ....
دلوقتي أنا في حالة تحديد لنوع البندقية اللي هجيبها ان شاء الله ........ومحتار بين اثنين ..الكرال التركي والبام21/ 22 من مقارنتي بينهم وقراتي في المواضيع وجدت ..

-السعر: طبعا لصالح الكرال (بندقية هاي باور بالسعر ده معجزة ) (والبام 21 : هل فرق السعر بينها وبين الكرال يستاهل)

- القوة : الكرال 240 م/ث (في موضوع اختبار عملي على الكرونوجرأف السرعة الفعلية 214 م/ث ) ، البام21. 290 م/ث

-الخامة : الكرال : قرأت في تقييم في موقع أجنبي ان الخامة رغم انها فايبر إلا انها مصمتة. متحسش انها بلاستيك يعني متينة .. البام 21 خامتها خشب مونت كارلو صيني ««« أنا معرفش مين مونت كارلو ده بس بندقية بالقوة دي تستخدم ويتشكر فيها كده بدون أي مشاكل في الدبشك اكيد خامتها حلوة وكمان في ناس عندهم بنادق صيني رديئة وعايشة معاهم 10 سنين واكتر ..... (كللو بالزوق و المحافظة بيعدي ).

-النيشانات : الكرال فسفورية ( مش عارف بالضبط مدى الفائدة هل فعلا بيحسن التجميع )
البام 21 طبعا نيشاناتها عادية (هل ينفع يتعملو فسفوري ).

-نظام التعمير : الكرال الكسر (على كلام الناس الكسر أسرع في التعمير. ... البام 21 عتلة جانبية ( مجربتش قبل كده نفس النوع ده بس هل فعلا هوة بطئ ، اظن انها مسألة تعود )

-الشكل : بصراحة الاتنين شكلهم حلو ...

في حاجة أخيرة بالنسبة للبام 21 الشركة بتاعتها إلي هية xisico هل هي شركة اصلها أمريكي ولا إيه لأن موقعها مكتوب فيه xisico us ده معناه أييه .......

تمام كده ......يا ريت بقى ردود باستفاضة برأي الخبراء عشان امخمخ واحدد ....

وشكراإ .....
احمد سعد

رد: كرال تركي ... ولا بام صيني ؟؟؟
 

انا هقولك من الاخر انت لو معاك فلوس البام 21 او 22 حاتها وانت مغمض انت بس هتظبط فيها شويه حاجات صغيرين زي المسمارين اللي بيتفكو بس وتركبلها منظار تبقي انت كده عديت بقي

بس البام في ناس اشتكت من وزنها يعني ممكن تتاقلم

لكن الكرال وزنها خفيف وكل حاجه بس مشاكلها كتير

اول حاجه السوستة بتتكسر وهتجيب سوسته تانية وتصرف تاني يعني حتلاقي نفسك بتصرف فلوس عليها لغاية لما تتظبط

فا انت تجيب البام 21 او 22 المعدلة هي عاملة دلوقت 1800

رد: كرال تركي ... ولا بام صيني ؟؟؟
 

شكرا استاذ أسامة للرد .....
بس على ما اظن موضوع كسر السوستة ده اتعدل في الدفعة الثانية من الكرال .....ولا ايه ؟؟

رد: كرال تركي ... ولا بام صيني ؟؟؟
 

لالالا متعدلش ولا حتي في فرز اول دفعه 2 ولا اي حاجه م الكلام دا هتتكسر برده بس بعد 5 شهور ولا حاجه

افضلك انك تجيب بام 21او22 بس تركبلهم منظار وتظبتها بس هتبقي بصراحه مدفع يعني انت شوف فرق السرعة والقوة بينها وبين الكرال وانت تعرف

رد: كرال تركي ... ولا بام صيني ؟؟؟
 

طيب هل سعر ال 1800 ده بعد الثورة ولا قبلها ومنين .....

رد: كرال تركي ... ولا بام صيني ؟؟؟
 

هي من 1800 لغاية 2000 مع اختلاف اماكن الشراء

رد: كرال تركي ... ولا بام صيني ؟؟؟
 

أنا متشكر جدا لردودك يا استاذ أسامة

بس ليا سؤال معلش هوة ايه الفرق بين البام 21 وال 22

رد: كرال تركي ... ولا بام صيني ؟؟؟
 

العفو يا اخي

لا يوجد فرق كبير بينهم
بام 22 معدلة من 21 بس في ناس بتقول هما عدلو الارتداء للبندقية

رد: كرال تركي ... ولا بام صيني ؟؟؟
 

طيب هل قطع الغيار متوفرة للبام وأسعارها عاملة ايه ؟؟

رد: كرال تركي ... ولا بام صيني ؟؟؟
 

رد: كرال تركي ... ولا بام صيني ؟؟؟
 

الأخوة الأعزاء الأفاضل...إسمحوا لي ومع إحترامي لجميع أرائكم وإنبطاعاتكم...البندقيتين عندي...وكلامي عن واقع وتجربة فعلية ومع بنادق أخري أقتنيها...المقارنة بين الكرال التركي والبام الصيني سواء 21 أو 22 ظالمة وغير متكافئة...كالمقارنة بين البام الصيني 21 أو 22 والديانا 52 الألماني...فالكرال ( وللعلم يركب عليها قطع غيار الجامو ) لها قوة ووزن وخامة وسعر أقل من البام 21 أو 22...بالطبع البام تتفوق عليها في قوتها وخامتها وبالتالي سعرها أعلى وهي بالفعل تعتبر بندقية المهام والأهداف الصعبة والخاصة...يعاب عليها فقط ثقل وزنها وشدة الإرتداد وحجمها الكبير...والمقارنة بين البام 21 أو 22 والديانا 52 أيضا ظالمة وغير متكافئة بالرغم من أن البام أشد وأقوى وتعتبر النسخة الصيني من الديانا ويركب عليها قطع غيارها ولكن الديانا خامتها أفضل بكثير وأعطالها أقل وإسم وشهرة عالمية وعراقة وبالتالي سعرها أعلى بكثير وبالطبع يفضل إقتنائها في حالة توافر الإمكانيات المادية...الصياد الماهر والمحترف لا يكتفي ببندقية واحدة فقط...وليست البنادق الهاي باور والمفرطة في القوة مطلوبة طول الوقت...فمن غير المستساغ أو المقبول أن تقوم بصيد عصفورة أو يمامة ببندقية بام 21 أو 22 عيار 5.5 ( نمرة 2 ) وعلى بعد ومسافة 10 متر أو أقل مثلا...ستفرتكها وتهرتكها وتبهدل الصيد...لا بد وأن يكون مع الصياد بندقية متوسطة القوة للمسافات القريبة والمتوسطة ( وهي التي عليها تحميل وإستعمال أكثر )...وبندقية قوية هاي باور للمسافات البعيدة ( إستعمالها أقل وللمهام الخاصة ويستحسن وضع تيليسكوب عليها )...فلا يوجد صياد محترف يكتفي ببندقية واحدة...وكذلك هواية صيد السمك...لا يكتفي بغابة أو بوصة واحدة...ولا بنوع واحد من الشعر والسنانير...أحجام وأشكال وأطوال وسمك مختلف...لكل إستعماله...ودائما أشبه هذا بالناي...فعازف الناي المحترف يحمل معه نايات متعددة...مختلفة الأحجام والأطوال...لتعطي أصوات ومقامات مختلفة تتوافق وتنسجم مع الفرقة الموسيقية والمغني...فمن يعتقد بأنه سيكتفي ببندقية واحدة وتؤدي له جميع المهام والأغراض فهو مخطئ...الموضوع أكبر من هذا وأعمق بكثير...عبارة عن مراحل ومحطات وكل مرحلة ومحطة تشدك للتي بعدها...وفي الآخر تجد عندك ترسانة بنادق متعددة الأنواع والماركات والأشكال والأحجام والعيارات والإستعمالات...وأرجع وأذكركم وأقول أنه في الأول والأخير إرتياح نفسي وستجد أن هناك بندقية أقرب لك وتحبها أكثر وتحس بأنه بينك وبينها ألفة وإنسجام ولذلك تستخدما أكثر من باقي البنادق وتجدها دائما في صحبتك...خالص تحياتي...

رد: كرال تركي ... ولا بام صيني ؟؟؟
 

شكرا جدا يا أ/ مصراوي
بس ايه والله الموفق والمستعان ... أنته اتأثرت بالمجلس الاعلى ولا ايه :d

رد: كرال تركي ... ولا بام صيني ؟؟؟
 

استاذ جمال القنصل الأب الروحي للمنتدى حضرتك بتخلي الواحد يحب السؤال عشان يستنى الاجابة من حضرتك ويستمتع بيها ..... طبعا زي ما حضرتك قلت المقارنة ممكن تكون ظالمة نوعا ما ......بس الحكاية أن أنا كان عندي بندقية نوريكا 56 وبعد استخدامها لفترة بعد ما اتعلمت شوية لقيت ان أنا عايز أقوى عشان مكانتش زي ما كان في بالي وأنا كل اللي عايزه اصطاد يمام وحمام و ممكن غربان وأنا المبلغ اللي معايا دلوقتي في حدود 1100 جنيه يعني أجيب كرال بالتيلة ....
بس زي ما في الأول كنت محدد اين أجيب بندقية في حدود. 500 جنيه وبعد فحص ومحص جبت النوركا ب 750 ومندمتش أبدا عليها عشان مكنش خسارة فيها بجد كانت بندقية خامتها جميلة ونشانها دقيق جدا بس المشكلة انها مكنتش قوية كفاية والشباب الطايش اللي زي حلاتي عايز رشاش عشان يصطاد بيه ...... كان قصدي طبعا عشان أنا طمإع اين اصبر شوية وأجيب البام على طول بدل ما أرجع وأقول ده أنا كنت عايز من دي ....... وحضرتك بردك خليتني في حيرة أكبر لأنني فعلا الاتنين بالنسبالي بهم نفس الرغبة في اقتنائهم ...... طبعا أنا لسة مبقتش صياد ماهر عشان أجمع بنادق كل بندقية ليها وظيفة

وشاكر لرد حضرتك جدا .....