عايز حد يفيدني عشان أنا محتار
 

الأول أقبلوني معاكم عضو جديد في المنتدي الجميل دا اللي عرفته بالصدفة البحتة :)
ثانياً نظراً للظروف اللي فيها البلد اليومين دوول علي حاجة يدافع بيها عن نفسه في أجواء البلطجة اللي حاصلة اليومين دوول
طبعا لو جات أن حد يوقفك ويقولك هات فلوس يبقي سهلة
بس لما يبقي الموضوغ في أزي والسلام يبقي ساعتها الواحد لازم يتحرك لو مش عشان نفسه يبقي عشان أهله
فكرت في مسدس الصوت الأول بس لقيت فيه ناس بتنصح أن مفيش منه فاسدة خصوصا خارج البيت وفي المواجهات المباشرة
فقريت شوية عن مسدسات البلي والرش وهو دا محل إستفساري لو حد يتكرم ويفدني

هل الرش أو البلي لو أضرب من مسافة قريبة 5 متر مثلا ممكن يأذي اللي قدامك بدرجة تسمحلك أنك تهرب منه ولا هتبقي لسعه لواحد ممكن يكون ضارب أصلا ومش هيحس بيها

أنا في النهاية عايز حاجه تأدي الغرض دا وتكون في نفس الوقت متوفرة وقانونية

ياريت حد يفيدني وربنا يجازية خير إن شاء الله

رد: عايز حد يفيدني عشان أنا محتار
 

الاول اهلا بيك معانا و ان شاء الله تستفيد و تعرف كل اللي انت عايزه
لو من 5 متر و في مكان حساس زي الوجه خصوصا العين او الرقبة اه اكيد تبقى اصابة كافية بس ده طبعا مش هيجي منغير تمرين و تدريب
بس غير كده في منطقة تانية ممكن متكونش فعالة و صح هما بيبقى شاربين حاجة ده غالبا
يعني ربنا يستر و يرجع الامان لمصر تاني

رد: عايز حد يفيدني عشان أنا محتار
 

بسم الله الرحمن الرحيم...يا جماعة وحدوا الله وبلاش توتر وشد أعصاب وتحفز...المثل بيقول...إلل يخاف من عفريت فعلا بيطلع له...خلوا إيمانكم بالله كبير وثقوا بأنفسكم وبلاش الرعب إللي معيشين نفسكم فيه ده...والله مافيش حاجة والعملية أمان ولله الحمد بنخرج كل يوم صبح وليل وفي أماكن مختلفة ومتفرقة ولم يحدث أن رأينا إعتداءات أو سمعنا شيئ مؤكد...كله كلام وشائعات ليس لها أي أساس من الصحة...وكل من يروجها أو ينقلها لم يرى بعينه وإنما يذكر...بيقولوا...وسمعنا...مش عارف مين إللي بيقولوا ومين إللي سمعوا...في حالات فردية ودي موجودة من زمان وأماكنها معروفة وليست جديدة ولا تعتبر ظاهرة أو منتشرة...المهم الواحد يتجنب الأماكن النائية والمتطرفة والغير مأهولة وخصوصا بالليل...وإللى عنده مشوار أو مصلحة يقضيها الصبح وفي النور ويبتعد ويتجنب الأماكن المشبوهه أو المعروفة والمشهورة بالمشاكل...لكن ها نوتر نفسنا ونشد أعصابنا ونبقي متحفزين وبالطبع ها نبقي عدوانيين وأي حد يكلمنا نضربه في رقبته أو عينه أو أي مكان حساس...ها نعمل عاهات وتشوهات للناسب وممكن تكون إصابات قاتلة...إستهدوا بالله العملية مبالغ فيها جدا وأبسط من هذا بكثير ولا تستدعي كل هذا الخوف والرعب والقلق والتوتر...الواحد كده بيموت نفسه بإيده...سلمكم الله وحفظكم من كل سوء أو مكروه...خالص تحياتي...

رد: عايز حد يفيدني عشان أنا محتار
 

مبدئياً يا جماعة أنا متشكر ليكم جداً
أستاذ سيد متشكر لحضرتك علي ردك ومعلوماتك وربنا يسهل وأعرف أقرر إيه اللي أحسن في ضوء اللي أنت قلته
عامة أنا إبتديت أميل لمسدس الهواء علي الأقل بعد كدا ممكن الواحد يتعلم بيه الرماية....أعتقد هو دا هدفه الأساسي!!

أستاذ قنصل شاكر جداً لمرورك ونصيحتك وإلي حد كبير سيادتك معاك حق....بس أنا حصلي موقف من كام يوم هو اللي خلاني أفكر كدا
مراتي أتصلت بيا وهي في شغلها وبتقولي بلطجية دخلوا علي مدرسة قريبة ليهم وهددوا الناس بالمطاوي
طبعا ممكن جداً يكون الكلام دا إشاعات بس أنا فكرت لو حصل موقف زي كدا معاها أو معانا وإحنا مع بعض المفروض أتصرف إزاي وأدافع عن نفسي بإيه قدام الناس دي؟؟
سيادتك عارف إن الفلوس تغور في داهية بس الموضوع لما يبقا فيه الأهل كمان يبقي يا روح ما بعدك روح

في النهاية أنا مش عايز حاجه منظرة أحطها في جنبي مثلا وأتفشخر بيها
أنا عايز حاجه هخبيها ومطلعهاش إلا في حالات الضرورة القصوى

في النهاية شاكر ليك مرة تاني نصيحتك وأرجو أنك تك،ن فهمت وجهة نظري