استفسار بخصوص رمسيس 1
 

السلام عليكم و رحمة الله و بركاته

انا متابع المنتدي ده بقالي فترة و معجب جدا بروح التعاون الموجودة فيه بس بصراحة دي اول مشركة ليا. انا بعد متابعة المنتدي استهويتني جدا حكاية الصيد دي و عايز انزل اجرب و اشوف رزقي فيها ايه.

انا عندي بندقية رمسيس نمرة واحد ماستخدمتهاش من سنين طويلة طلعتها و نضفتها و زيتتها و كله تمام عايز بقي اظبط النيشان.

في هنا مواضيع جميلة و وافية في الموضوع ده كلها بتتكلم عن مسمارين علي الناشينكاه الخلفي لتحريكه افقي و رأسي بس انا مش لاقيهم عندي.

هل البندقبة فيها حاجة غلط ولا الرمسيس ليها اسلوب تاني للضبط و انا مش عارف.

ارجو الافادة من الاساتذة الأفاضل و عذرا لجهلي

رد: استفسار بخصوص رمسيس 1
 

شاريها من اين و ما هو السعر

رد: استفسار بخصوص رمسيس 1
 

دي والدي شاريها و انا طفل يعني من يجي اكتر من عشرين سنة ايام ما كان سعرها جديدة ٣٣جنيه

رد: استفسار بخصوص رمسيس 1
 

حبيب قلبي البندقية ما فيهاش حاجة غلط...هي نظامها وتصميمها هكذا...فتحة الشيز الخلفية تتحرك لأعلى ولأسفل بواسطة منزلق على مسطرة متدرجة للأمام والخلف على سن مشرشر...كلما حركت المنزلق للأمام إرتفعت فتحة الشيز للأعلى وبالتالي هذا يجعل إتجاه الماسورة للأعلى مما يجعل الرشة تتجه إلى أعلى...وكلما حركت المنزلق للخلف إنخفضت فتحة الشيز للأسفل وبالتالي هذا يجعل إتجاه الماسورة للأسفل مما يجعل الرشة تتجعه إلى أسف...أما ظبط فتحة الشيز لليمين واليسار...فنصيحتى لا تغيره أو تلعب فيه فهو بظبطة المصنع ويدخل في مكانه شحط ومكانه في آخر المسطرة التي يتحرك عليها المنزلق للأمام...وعند اللزوم يتم وضع جلدة أو كاوتشة عليه من الجانب لحمايته وحتى لا تتلفه أو تترك عليه آثار أو علامة وتضع عليه مفك سن تخين وتطرق عليه بالشاكوش طرقا خفيفا حتى تظبط يمين أو يسار...بس ارجع واكرر نصيحتي ما تلعبش فيها وتلخبط الدنيا وخليها بظبطة المصنع...خالص تحياتي...

رد: استفسار بخصوص رمسيس 1
 

تمام يا افندم
انا ليا الشرف ان ترد عليا بنفسك يا جناب القنصل و بصراحة شرف لم اكن اتوقعه
و دائما تفيد بخبراتك الواسعة المبتدئين امثالي
ولكم جزيل الشكر