|
مسلسل البلطجة اليومى
كان عندنا من شوية فاصل من مسلسل البلطجة الشبه يومى
يعنى حلقة اليوم كان ابطالها اهالى قتلى الخميس الماضى يبحثون عن البلطجية القتلة عن طريق ضرب اعيرة نارية عشوائيا لاجبارهم على الخروج المهم نكمل اللى كنا بنقوله عشان الناس اللى عمله حملة ضد حيازة اى نوع سلاح للدفاع عن النفس سواء صوت او رش او حى ميزعلوش مننا انا احب ابلغهم انا سمعت الكلام وقفلت باب البيت كويس بالمفتاح ودخلت مراتى وابنى فى ابعد غرفة عن الشارع ورجعت عشان نكمل موضوعنا الجميل ((الكلام ده كلامى وانا اقتبسته من موضوع بندقية رش جديدة ب 300 جم لان محدش عقب عليه باى حاجة وكأن ده العادى اليومين دول وقررت انى اعمله موضوع لوحده ونشوف اراء الناس ايه)) |
رد: مسلسل البلطجة اليومى
اقتباس:
استاذ خالد مش عارف اقولك غير ربنا يعافينا واياك ويحفظنا من كل سوء واللى حضرتك بتتكلم فية دة بنشوفة كل يوم نسأل الله العافية تحياتى |
رد: مسلسل البلطجة اليومى
متشكر ليك جدا وعلى كلماتك الرقيقة يا أ/ بدر وحشنا صوتك والله
|
رد: مسلسل البلطجة اليومى
السلام عليكم
خالد باشا ربنا يحفظك ويحفظ أهل بيتك ويستركم، انا كنت متابع موضوعك الأول بتاع الخناقه الأولى ومش عارف اقولك ايه أكتر من اللى الأخوه الأعضاء الكرام قالوه.. ربنا يصبرك على هذا الإبتلاء ويعينك على المنطقه اللى انت ساكن فيها دى، وبضم صوتى لصوت اخواننا اللى نصحوك بانك تقفل على نفسك دول لعده اسباب اولا الناس دى مش عاوزين حاجه من السكان وبيتخانقو مع بعض ثانيا انت بتقول انهم مسلحين فلو لا قدر الله حصل حاجه لا صوت ولا رش هياكل معاهم ثالثا لو افترضنا انك ربنا رزقك برخصة سلاح انت واحد.. وهما كتير.. ففي كل الاحوال للأسف ليس امامك إلا إنك تاخد بنصيحه اللى قالو إنك تلجأ إلى الله فى هذه الشده.. ومتاخدش الكلام على انه كلام محفوظ والناس بتقوله، لا بجد حط فى دماغك انك انسان فى كرب وقول يا رب احفظنى انا واهلى وادعى ليل نهار وأكثر من الإستغفار ( مَنْ لَزِمَ الِاسْتِغْفَارَ جَعَلَ اللَّهُ لَهُ مِنْ كُلِّ ضِيقٍ مَخْرَجًا ، وَمِنْ كُلِّ هَمٍّ فَرَجًا ، وَرَزَقَهُ مِنْ حَيْثُ لَا يَحْتَسِبُ ) وربنا يكون فى عونك ويصبرك على اللى انت فيه ده |
رد: مسلسل البلطجة اليومى
ربنا بستر علي الناس كلها الشارع من كتر الزحمة و قلة الادب اصبح لا يطاق !!
|
رد: مسلسل البلطجة اليومى
اقتباس:
والله المستعان على ما تصفون |
رد: مسلسل البلطجة اليومى
اقتباس:
|
رد: مسلسل البلطجة اليومى
اقتباس:
ايوه افتكرت :) ده كان فى المرحله التالته من لعبه دووم تقريبا :) بهزر معاك طبعاً إوعى تزعل:) و والله حاسس بيك (وفاهم انت تقصد ان اللى ايده فى الميه مش زي اللى ايده فى النار) بس برضه ميمنعش انى حاسس بيك وربنا عالم انى لما بقول ربنا يحفظك انت واهلك بقولها بصدق وربنا يصبرك بس بمناسبة قاذف القنابل :) متعرفش إزاى أخلى الطلقات متخلصش عشان مش عارف اقفل الجيم :) |
رد: مسلسل البلطجة اليومى
بص يا أ/ ابراهيم اولا انا مستخدمتش ال ak47 ولا مرة فى حياتى
الا فى لعبة call of duty وبرضه معرفتش العب بيه ولو عايز طريقة متخلصش الطلقات يبقى هتغش فى اللعبة ودى مش من سمات المنتدى بتاعنا انما لو عايز نصيحة العب ببندقية رمسيس او معادى دول الدهن فى العتاقى ههههههه |
رد: مسلسل البلطجة اليومى
اقتباس:
ههههههههههههههههههه رمسيس فى كول اوف ديوتي |
رد: مسلسل البلطجة اليومى
اقتباس:
|
رد: مسلسل البلطجة اليومى
الف شكر يا أ/ جمال على النصيحة الغالية وان شاء الله هحاول انفذها
|
رد: مسلسل البلطجة اليومى
انشاء اللة ربنا يحمي بلد الوحيد والتي منعرفش نعيش غير فيها ربنا هيجميها من كل شر وعدوان
|
رد: مسلسل البلطجة اليومى
ياليت تقولنا المكان فين ممكن ننشر تا في المواقع لعلا وعسا حد يسمع
|
رد: مسلسل البلطجة اليومى
لو سمحت يا استاذ جمال انا لى اعتراض بسيط على رأى حضرتك فى انه يقفل شقته اليومين دول....... ... على العكس الناس دى لو عرفت ان فيه شقة فضيت من سكانها هيستولوا عليها لكن مهما بلغوا من فجر وافتراء مش هيقدروا يدخلوا بيت ويخرجوا اهله منه بالعافية ولو لا قدر الله حصل على الاقل هيلاقوا حد يقف لهم وربنا يعديها على خير عليك يا استاذ خالد وعلى مصر حبيبتنا كلنا
|
رد: مسلسل البلطجة اليومى
السلام عليكم ورحمة الله
اخى الكبير أ/ جمال انا النهاردة رجعت البيت بعد منفذت نصيحة حضرتك لان بالامس كان فى تنجيد عروسة عقبال اولاد حضرتك فى الشارع اللى ساكن فيه والدى ولكن رايت ما رايت فى الحى اللذى يسكن فيه فلقد رايت بعينى شاب يقف على اول الشارع يمنع السيارات من الدخول عشان (( التنجيد )) بالقوة وهو يشهر بيده (( كذلك )) وبعض الفتية من اقارب اصحاب المناسبة يذهبون ويجيئون ومع احدهم فرد خرطوش ويعاكسون الفتيات ولا احد يقدر ان يقول لهم كده عيب لذا فقد عدت الى بيتى اليوم وانا فكرت فى هذا الموضوع واعتقد ان الحل الامثل بندقية رش محترمة ومعاها سكوب والواحد يحطها فوق السطح ولو حصل حاجة لا قدر الله يدافع بيها من بعيد عن نفسه وبيته وصوتها مش هيبان وممكن محدش يعرف مين اللى ضرب عشان العمليات الانتقامية ومفيش داعى لاصابات قاتلة ممكن فى الكتف او القدم كافية اما عن الحماية الشخصية فمسدس رش برضه محترم كافى للمسافات القريبة ولكن يرجى الحذر فى استعماله من العدد اذا كانوا كثيرين وهذا هو ما توصل اليه عقلى ارجو مناقشة هذا الاقتراح واذا تم الموافقة عليه نشره على كل من يسال عن سلاح للحماية وهو حل قانونى واخيرا لقد حكى لى جيرانى فى اليومين الماضيين عند والدى خناقة بالاسلحة النارية والزجاجات الفارغة بين البلطجية وبعضهم توفى على اثرها رجل كبير فى السن ليس من الاسلحة ولكن بنوبة قلبية من الخوف ولى سؤال اخر كل من يعارض حمل اى نوع سلاح او رد العنف بالعنف سؤال شخصى لكل منهم وارجو الرد وانا عارفهم بالاسم ماذا ستفعل اذا وصل الاعتداء الى مالك وعرضك ؟ اعرض علينا حلك السلمى والقانونى ارجو الاهتمام والرد وانا فى الانتظار ملحوظة: انا من اشد المعارضين لحمل سلاح حى |
رد: مسلسل البلطجة اليومى
حمداً لله على سلامتك يا أستاذ خالد
والله الواحد بيبقى قلقان عليك ومبيرتاحش غير لما تظهر الحمد لله إنك بخير... وربنا يحفظك من كل سوء |
رد: مسلسل البلطجة اليومى
ربنا يعزك ويحفظك يا أ/ ابراهيم انا حاسس فعلا ان انا رجعت لاهلى واخوانى وبحاول على قد مقدر ان اقرا الموضوعات اللى فاتتنى خلال اليومين الماضيين
ويشرفنى مشاركتك فى الاسئلة التى طرحتها وابداء رايك فى اقتراحى من حيث الاسلحة |
رد: مسلسل البلطجة اليومى
اقتباس:
|
رد: مسلسل البلطجة اليومى
السلام عليكم أ خالد
انا ليا رأى ، هو الأصل فى و جود البلطجه سلبية الناس انا طبعاً مش باقول نتخانق بس نقوله كلمتين براحة نراعى ، انا عارف إنى المنظومة كانت بايظة قبل كده بس لازم نحاول نعدلها ، تتدريجاً طبعاً . اهلك اليهود انهم كان يرون الباطل فلا يتناهون عنه و الله الحافظ أولا و أخراً |
رد: مسلسل البلطجة اليومى
اقتباس:
بالنسبه لبندقية الرش فكره هايله ويكون جميل جداً إنك تجيب حاجه محترمه زي ما حضرتك قلت عشان تبقى قويه ومتينه وتعيش معاك.. أما الإسكوب فا أنا قرأت نصيحه فى المنتدى هنا وعجبتني كان مضمونها إن الواحد فى الأول لو إتعلم منغير سكوب يكون أحسن عشان يبقى متمكن.. وبصراحه هيا عجبتني عشان هتوفر فلوس كمان والواحد ميجبش كل حاجه مره واحده:) بالنسبه للمسدسات الرش بصراحه مش قادر أقتنع بيها.. يمكن عشان مشفتهاش ولا جربتها.. بس أغلب الناس بتقول إنها ضعيفه أما بالنسبه للتساؤلات اللى إنت طرحتها.. فسؤالك كان ليه شقين.. الأول بخصوص معارضه حمل السلاح.. وأنا مش من الناس دي.. يمكن اللى يقرأ كلامي بدون تأني يفهم كده بس الحقيقه أنا ضد حمل السلاح بصوره عشوائيه وإنفعاليه وبدون تدريب أياً كان نوع هذا السلاح.. أما لو السلاح في يد شخص قادر على السيطره على نفسه أولاً والسلاح ثانياً فلا بأس.. ودي حاجه محتاجه إن كل واحد يكون أمين مع نفسه ويقرر إيه قدراته مش محتاج حد يقولهالو.. بس يقرر بناء على واقع عملى وملموس كتدريب مثلاً.. مش يقرر على أساس نظري وكلام تشجيع وشحن معنويات بدون فايده.. أما عن مواجهة العنف بالعنف.. فالأمر يستدعي الحكمه فى رد الفعل.. يعني لو وقع عليا إعتداء ورد فعلى العنيف هيخلي الإعتداء يزيد والضرر يبقى أكبر وممكن كمان يتخطاني ويصيب غيري.. أعتقد من وجهة نظري إن الحكمه تقتضى إن أمسك نفسي ومردش على العنف بعنف.. أما تسائلك الأخير فبصراحه مبفكرش فيه ولا عايز أتخيله وليه أقدر البلا قبل وقوعه ربنا يحفظنا.. رغم إني فى حياتي على المستوى الشخصي وفى شغلى دايما بكون عامل خطه للتعامل مع أسوأ الظروف (Worst-case scenario)... بس التسائل ده خرج من نطاق التخطيط والإستعداد إلى نطاق التشائم فلا داعي لهذا السؤال من وجهة نظري.. فى الاخر مقدرش أقول غير يا رب إحفظنى وإحفظ كل مكروب لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ |
رد: مسلسل البلطجة اليومى
أ/ ابراهيم احييك على رايك و وجهة نظر محترمة لكن انا مقصدتش حضرتك بالمعارضين لحمل السلاح انا زى ما قلت فى الملحوظة الاخيرة انى بعارض السلاح الحى احنا مش قتلة ولا مجرمين احنا بنحاول نوفر الامان بقدر الامكان ولكن انا طلبت رايك لانى يهمنى اعرف راى محترم وعقلانى زى حضرتك وكتير من الاعضاء الموقرين
|
رد: مسلسل البلطجة اليومى
ربنا يخليك يا أستاذ خالد والله... أنا فاهم طبعاً إنك بتتكلم بصوره بلاغيه ومتقصدش حد معين.. وحتى لو تقصدنى ما إنت خيرك عليا سابق ومكنتش هخلص كول أوف ديوتي لولا نصيحتك ليا بإستخدام الرمسيس أو المعادى :)
وبلاش المجامله اللى فى الآخر دي لأنها مبالغه شويتين.. وربنا يجعلني عند حسن ظنك وظن جميع أخواننا |
رد: مسلسل البلطجة اليومى
حبيب قلبى ربنا يخليك ليا بس دى مش مجاملة اعرض مشاركات حضرتك على اى حد تانى هيقول نفس الكلام
ومبروك عليك تقفيل كول اوف ديوتى بفخر الصناعة المصرية قال جايبين فى اللعبة هارت بييت سينسور وهو فى حد فى مصر هيمشى ورا ضربات القلب ههههههههههههههه |
رد: مسلسل البلطجة اليومى
عندى حل لحيازة سلاح قانونى للحماية وارجو مناقشة الامر من السادة الخبراء وجميع الاعضاء لمعرفة مدى صحة هذا الاقتراح وفى حالة الموافقة عليه نرجو نشره على الاعضاء وارجو من الادارة التثبيت لحين النتهاء من مناقشة هذا الحل وبحث مدى جدواه
انا فكرت فى هذا الموضوع واعتقد ان الحل الامثل بندقية رش محترمة ومعاها سكوب والواحد يحطها فوق السطح ولو حصل حاجة لا قدر الله يدافع بيها من بعيد عن نفسه وبيته وصوتها مش هيبان وممكن محدش يعرف مين اللى ضرب عشان العمليات الانتقامية ومفيش داعى لاصابات قاتلة ممكن فى الكتف او القدم كافية اما عن الحماية الشخصية فمسدس رش برضه محترم كافى للمسافات القريبة ولكن يرجى الحذر فى استعماله من العدد اذا كانوا كثيرين واخيرا هذا الحل حل امثل للسادة محبى هواية الصيد وهم الاعضاء الحقيقيين فى هذا المنتدى لانه بانتهاء الظروف الحالية سيستخدموا هذه الاسلحة فى ممارسة هوايتنا الجميلة والممتعة ارجو اخيرا فى حالة الموافقة على هذا الحل توحيد الاجابة للرد على المتسائلين عن حيازة سلاح للدفاع عن النفس |
رد: مسلسل البلطجة اليومى
ايوة ممكن زي ما قال الاستاذ consul بندقية رش نمره 3 قوية وبمنظار وربنا يحفظنا جميعا
|
رد: مسلسل البلطجة اليومى
اشكرك يا أ/ اسامة على المشاركة وارجو من الاعضاء الاونلاين الادلاء برايهم
|
رد: مسلسل البلطجة اليومى
هههههههههههه هتعمل ايه بالبندقيه الالى عارف ياستاذ خالد لو اخدت طلقه بالجار ورشيت رشه حلوه هتدلع الشارع كله والناس تحلف بيك بس المشكله الزحمه هتجيب ناس كتير هههههههههه سبحان الله ظهر عندنا بنادق اسمه pkc تعالى خد وحده ورخيصه 40 الف جنيه بشريطه مش هتدلع الشارع بس دى المنطقه كلها ربنا يكفيك شر السلاح انت واسرتك ولكن متخليش البيت فاضى منه حتى لو مسدس 9 مم وخلاص لانه بصراحه اليومين دول سوق محش عارف مين ضارب ولا مين مضروب وبقيت سويقه والنصيحه التانيه طلما المشكله بعيد عنك فاركن انت على جنب وخليها لمره تانى كلام صعيدى ويارب تفهمه اخوك صقر
|
رد: مسلسل البلطجة اليومى
مكنتش عارف إن في الصعيد في بيكا :d
وتسلم على النصيحة يا أخويا صقر "طلما المشكله بعيد عنك فاركن انت على جنب" رأيي المتشائم شوية, إنك لو في منطقة مقطوعة أو فيها مشاكل كتير, سيبها اليومين دول. عشان واحد بس مهما كان معاه سلاح مش هيصد مع الناس دي. لكن لو عشرة مثلاً ومعاهم شوم حتى بيعملوا نوع من الأمان. يا اللجان الشعبية ترجع, يا الشرطة ترجع لكن الحالة الي إحنا فيها دي ماتنفعش. ربنا يحمي مصر وأهلها من كل شر وجميع بلاد المسلمين. |
رد: مسلسل البلطجة اليومى
اقتباس:
انت بس ارجع النقابه تانى بدل حمدى خليفه والامور هتبئى زى الفل ههههههههه انا بهزر اوعى تزعل تحياتى . والله الموفق |
رد: مسلسل البلطجة اليومى
اقتباس:
:D |
| الساعة الآن 05:38 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir