موضوع حطرحه بس ارجو ان محدش يضايق منى
 

السلام عليكم
انا كنت بدخل كل يوم الموقع اكثر من مره قبل ما حدث فى مصر وكانت المواضيع كلها شيقه جدا حول الصيد والبنادق المختلفه بس بعد الحداث دى لحظت ان معظم اخوانى مبهورين جدا ومشدودين جدا لمسدسات الصوت والمواضيع كترت جدا فى طلبها ونسينا المواضيع الاساسيه فى المنتدى من صيد وبنادق الهواء طبعا انا مش بقول كل الصيادين بس بقول ناس كتيره والى ملحظه ان ناس كتيره دخلت جديده اول طلباتها مسدسات صوت يعنى دخولها الاساسى مش الصيد ولكن طلب سلاح صوت وللعلم فى ناس كتير حولت الصوت دى لحى وانا اعرف ناس عملت كده بس مش فى المنتدى ومما فات خلانى وخلى ناس من كبار المنتدى يبتعدوا فترات عن المنتدى ده الى انا ملحظه واسف لو كانت ملحظتى خاطئه انا حبيت احط الموضوع ده للمناقشه ولو اخوانى شيفين كلامى خطىء انا مستعد للمناقشه .

رد: موضوع حطرحه بس ارجو ان محدش يضايق منى
 

وعليكم السلام أخونا الكيميائي أستاذ أحمد
طبعاً إنت مستغرب أنا عرفت كيميائي دى منين :)
من كلام الناس مع حضرتك فى المنتدى وأنا سعيد بإن ده يكون أول كلام بينا

بعد المقدمه بكل أسف كلام حضرتك صح.. برغم إنى من الأعضاء الجدد لاكن أنا ملاحظ فعلاً إن كلامك صح من متابعتي للمواضيع الجديده والقديمه فعلا هناك فرق.. بس إن شاء الله تكون دي غمه وتزول ويرجع الناس يهتموا بالرياضه الجميله دى وتبقى هيا رقم واحد فى أولويات كل اللى بيكتبو مواضيع.. الصبر جميل وإن شاء الله الوضع يرجع أحسن من الأول

وللعلم أنا سبب دخولي الموقع فى الأساس كان البحث عن مسدس صوت.. لقيت الموقع ودخلت وكنت مضطر إني أسجل عشان أشوف الصور.. وبعد كده لقيت نفسي تلقائياً مشدود أولاً للعلاقه الطيبه بين الناس وإحترامهم لبعض حتى فى وقت إختلافهم فى الرأى.. وثانياً لرياضه الصيد الرائعه.. وللعلم أنا حالياً فى تخطيط جاد لشراء أول بندقية رش ليا فى حياتي والله الموفق.. اللى أقصده بالكلام ده إن أيوه الوضع ده غريب وضار.. بس رب ضارة نافعه.. وإن شاء الله يستمر المنتدى على نفس المستوى وأفضل فى المستقبل ولا تقلق بعد زوال الأزمه لن يبقى إلا أهل الصيد ومحبينه إن شاء الله وسيرحل من لا تستهويه رياضة الصيد لأنه هيكون جاب مسدس الصوت وخلاص مش عايز حاجه تاني:)

وبعتب عليك وعلى أي حد إبتعد عن المنتدى لأن فى ناس كتير جديده وجاااده ومحتاجه مواضيعك ومواضيعهم ومساعدتك ومساعدتهم.. يا راجل ده انا والله لسه رادد على واحد النهرده مكانش لاقى حد يرد عليه بخصوص بندقيه كرال وقعدت أقوله كلامى ممكن يكون غلط إسأل حد تاني:)... لازم تكون موجود يا أستاذ أحمد ولو تعرف حد تانى متغيب هاته وقوله الناس محتاجنكم

طبعا بس عشان أبقى بقول الحق فى ناس كتير من الأعضاء القدام ماشاء الله موجودين وبيردوا على الأسئله بس أنا رديت عليه لأنه كان مستعجل

والله أعلم.. أرجو إن يكون كلامي أثلج صدرك وأزل عنك القلق.

رد: موضوع حطرحه بس ارجو ان محدش يضايق منى
 

فعلا*كل*الناس*دخلت*عشان*الصوت*والازمه*اللى*حصلت*و* الاهتمام*وبالصيد*قل*شويه
ربنا*يعدى*الايام*دى*على*خير*و*كل*حاجه*ترجع*لطبيعته ا

رد: موضوع حطرحه بس ارجو ان محدش يضايق منى
 

كلامك صحيح يابو حميد انا بردو من بعد الاحداث مش مستمتع بالموقع بتاعنا بسبب انشغال معظم الاعضاء بالاسلحة الصوت على الرغم من ضعف اهميتها و البعد عن الصيد ومتعته بس البعض نلتمسله العذر بسبب غياب الامن اللى بيعتبر من اهم احتياجات الانسان الاساسية المشكله فى الموضوع ان كل الاعضاء طالبى المسدسات الصوت مش بيقروا المواضيع السابقة فى المنتدى عن طلبهم ودة اللى بيطول النقاش وخلافه

رد: موضوع حطرحه بس ارجو ان محدش يضايق منى
 

السلام عليكم
جزاكم الله جميعا كل الخير وانا بشكر استاذ ابراهيم على رده وحديثه المنطقى والف مبروك على البندقيه مقدما ونتمنى جميعا من الله سبحانه وتعالى ان تعود الينا نعم كثيره قد سلبت منا ومنها الامان وان يردنا جميعا الى دينه مردا جميلا .

رد: موضوع حطرحه بس ارجو ان محدش يضايق منى