الصيد فى مصر

الصيد فى مصر (http://www.egyhunt.net/index.php)
-   بنادق ضغط الهواء ومتعلقاتها (http://www.egyhunt.net/forumdisplay.php?f=51)
-   -   مساعدة لمعرفة نوع بندقيتى الرش (http://www.egyhunt.net/showthread.php?t=5399)

Mkhalil 11-03-05 05:32 PM
مساعدة لمعرفة نوع بندقيتى الرش
 
10 مرفق
انا عندى بندجقية رش صينى اشستريتها لإبنى منذ حوالى 8 سنوات ..على ما أذكر إنها 2 لأنى كنت زعلان انها ليه مش واحد وكنت فاكر انه 2 يعنى درجه تانيه والمطلوب:-

هى ماسورتها من الخارج بدء الصدأ البسيط يكسوها ونفسى اجددها واعمل لها صيانه . نفسى اشترى عدة صيانه لها وكمان رش ومش عارف ازاى ومنين وممكن الاسعار تكون كام

على فكره انا مهندس ميكانيكا بس ميح فى موضوع السلاح ودى بندقية ابنى الى مسافر دلوقتى

واشكركم جدميعا واتمنى الرد

rock 11-03-05 05:53 PM
رد: مساعدة لمعرفة نوع بندقيتى الرش
 
تقريبا دى بايونيير .... والصدأ حاجه سهله .... بس حضرتك اكيد عارف wd40 .... خليط مذهل يذيب الصدأ.... والرش فى مصرى وفيه اجنبى .... المصرى 3 او 4 ج .... والاجنبى 20 _25 ج .... تحياتى .

osamaboha 11-03-05 06:03 PM
رد: مساعدة لمعرفة نوع بندقيتى الرش
 
اقتباس:
المشاركة الأصلية كتبت بواسطة rock (المشاركة 52123)
تقريبا دى بايونيير .... والصدأ حاجه سهله .... بس حضرتك اكيد عارف wd40 .... خليط مذهل يذيب الصدأ.... والرش فى مصرى وفيه اجنبى .... المصرى 3 او 4 ج .... والاجنبى 20 _25 ج .... تحياتى .
ياريت تقولي ماهو wd40 ومنين اجيبة وبكام وهل هو دا بنضف البندقية من الداخل عادي وشكرا

وايه افضل نوع شحم للبنادق

rock 11-03-05 06:12 PM
رد: مساعدة لمعرفة نوع بندقيتى الرش
 
السلام عليكم .... تحذير هام .... لايستخدم wd40 الا فى حالات الصدأ فقط .... وممكن تجيبه من اى سنتر زى كارفور المعادى او محلات السلاح وهتلاقى عندهم نوع تانى اسمه براوننج واغلى بس ده مش زيت ده ملمع اوعى تقع فى الغلط ده .... الدبليو دى فورتى بيآكل الحديد .... احترس منه .... والزيت اللى ممكن تزيت البندقيه بيه فى انواع كتير لكن انا عن نفسى بستخدم زيت مكن الخياطه الاحمر .... الابيض لزج اكتر ومش مستحب .... والشحم متجبش الحرارى اللى لونه اسود .... لأ..... هتجيب الابيض او اللى لونه سمنى .... وفيه الشحم الانبوبه من التعاون .... تحياتى .

osamaboha 11-03-05 06:14 PM
رد: مساعدة لمعرفة نوع بندقيتى الرش
 
اقتباس:
المشاركة الأصلية كتبت بواسطة rock (المشاركة 52137)
السلام عليكم .... تحذير هام .... لايستخدم wd40 الا فى حالات الصدأ فقط .... وممكن تجيبه من اى سنتر زى كارفور المعادى او محلات السلاح وهتلاقى عندهم نوع تانى اسمه براوننج واغلى بس ده مش زيت ده ملمع اوعى تقع فى الغلط ده .... الدبليو دى فورتى بيآكل الحديد .... احترس منه .... والزيت اللى ممكن تزيت البندقيه بيه فى انواع كتير لكن انا عن نفسى بستخدم زيت مكن الخياطه الاحمر .... الابيض لزج اكتر ومش مستحب .... والشحم متجبش الحرارى اللى لونه اسود .... لأ..... هتجيب الابيض او اللى لونه سمنى .... وفيه الشحم الانبوبه من التعاون .... تحياتى .
متشكر جدا يا رووك باشا وعلي سرعه الرد الشافي

خلاص كده انا فهمتك.( اهو الواحد لسة في بداية الطريق وبيتعلم)

chemist ahmed fathy 11-03-05 06:21 PM
رد: مساعدة لمعرفة نوع بندقيتى الرش
 
ال wd 40 مزيل صداء ويعتبر من اقوى مزيلات الصداء والشركه المصنعه ليه كان فى كالفورنيا فى سنه 1953 ولو حضرتك حابب تعرف معلومات اكتر عن المزيل ده وتاريخ الشركه المنتجه ليه ده موقعها
http://www.wd40.com/about-us/history
واما اماكن تواجده فانا ملاحظ ان حضرتك من القاهره لو سالت اخونك هنا الى فى القاهره حتلقيه بامر الله عند تجار السلاح زى فتح الله او ميشيل عازر وفى انواع اخرى مستورده المهم لما تشترى لازم تقول للراجل (مزيل صداء ) وليس (مانع صداء ) مانع الصدء ده بيترش عند صيانه البندقيه لمنع تكون اكسيد الحديد مع تعرض البندقيه للرطوبه والهواء , وللعلم والله اعلم هذه البندقيه هى b2-2a وهى موجوده عندى وسرعتها 128 متر فى الثانيه انا حبيت بس اعرف الباشمنهدس mkhalil بالبندقيه وارجو انى ماكنش طولت عليكم فى الحديث .

rock 11-03-05 06:41 PM
رد: مساعدة لمعرفة نوع بندقيتى الرش
 
اقتباس:
المشاركة الأصلية كتبت بواسطة chemist ahmed fathy (المشاركة 52141)
ال wd 40 مزيل صداء ويعتبر من اقوى مزيلات الصداء والشركه المصنعه ليه كان فى كالفورنيا فى سنه 1953 ولو حضرتك حابب تعرف معلومات اكتر عن المزيل ده وتاريخ الشركه المنتجه ليه ده موقعها
http://www.wd40.com/about-us/history
واما اماكن تواجده فانا ملاحظ ان حضرتك من القاهره لو سالت اخونك هنا الى فى القاهره حتلقيه بامر الله عند تجار السلاح زى فتح الله او ميشيل عازر وفى انواع اخرى مستورده المهم لما تشترى لازم تقول للراجل (مزيل صداء ) وليس (مانع صداء ) مانع الصدء ده بيترش عند صيانه البندقيه لمنع تكون اكسيد الحديد مع تعرض البندقيه للرطوبه والهواء , وللعلم والله اعلم هذه البندقيه هى b2-2a وهى موجوده عندى وسرعتها 128 متر فى الثانيه انا حبيت بس اعرف الباشمنهدس mkhalil بالبندقيه وارجو انى ماكنش طولت عليكم فى الحديث .
الله ينور عليك يااستاذنا .... كيميائى بقى .... هههه.... تحياتى ليك .

Mkhalil 11-03-05 10:09 PM
رد: مساعدة لمعرفة نوع بندقيتى الرش
 
والله إنتم منتدى محترم جداً وأشكركم جميعا على سرعة الرد .. احنا بنستخدم wd40 فى إزالة صدأ المسامير الحديد أعتقد أنه ما تقصدونه بس السؤال بعد تنظيف البندقيه به . هل ممكن دهان الماسورة طلائها يعنى ولا لأ . ثانياً طريقة التظيف ياريت لو فيه كتيب او أى شئ .والف شكر مره أخرى لردودكم ..بارك الله فيكم

هشام سمير 11-03-05 10:50 PM
رد: مساعدة لمعرفة نوع بندقيتى الرش
 
الله ينور يا روك باشا استاذ دكتور فعلاً دى فعلاً (بيونير لوتس فريب لى) وهى من اروع البنادق الصنيه
تسلم على معلوماتك العاليه يا دكتور احمد

Ebrahim Al Ansari 11-03-06 11:56 PM
رد: مساعدة لمعرفة نوع بندقيتى الرش
 
اقتباس:
المشاركة الأصلية كتبت بواسطة osamaboha (المشاركة 52131)
ياريت تقولي ماهو wd40 ومنين اجيبة وبكام وهل هو دا بنضف البندقية من الداخل عادي وشكرا

وايه افضل نوع شحم للبنادق

الdw40 زي ما إخواننا الكبار قالو مزيل للصدأ
وموجود عند أغلب محلات الحدايد و البويات.. ده لو مكنش موجود عندهم كلهم أصلاً.. يعني سهل جدا تلاقيه
وأصغر عبوه آخر مره شفتو كانت بـ 14 جنيه مصري فقط



.


الساعة الآن 08:07 AM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir