نفسي أشارك حد في رحلة صيد
 

[size="5"]السلام عليكم ورحمة الله وبركاته
السادة الأفاضل رواد وأعضاء المنتدي الكرام ، بعد التحية ، أنا عضو جديد في المنتدي وموضوع الصيد ده ، والحمد لله إشتريت بندقية نمرة 2 ، ومن ساعة ماجبتها وأنا بنشن علي علب كانز وأهداف ثابته ، بس بعد إللي قرأته في المنتدي وشفت صور الصيد الخاصة برحلات الصيد الخاصة بحضراتكم وبالأعضاء الكرام لقيت نفسي إتشجعت ونفسي أشارك في الموضوع ده ، بس المشكلة إن قلبي خفيف جداً في الضرب علي الأهداف الحيه زي الحمام واليمام ومعرفش أتعامل معاهم حتي بعد ماأصطادهم وخصوصا إني عمري مادبحت حتي كتكوت .
[color="purple"]فياريت بعد إذنكم لو حد من حضراتكم ناوي يطلع رحلة صيد في القريب العاجل يسمح ليه إنه أشاركة فيها علشان أتجرأ وأعرف إزاي أصطاد ويعلمني إزاي أتعامل في الموقف ده ، ومش مهم بعد المسافة المهم إني أتعلم ، وأكون شاكر لكم كرمكم الجم في قبولي عضواً معكم كي أستفيد من خبرات أشخاص محترفين في هذا المجال .
وتفضلوا بقبول فائق الإحترام :)
د / خالد
ت :01526250462[/size][/color]
مكان السكن : شبرا مصر - القاهرة

رد: نفسي أشارك حد في رحلة صيد
 

نورت المنتدي يا دكتور خالد
حضرتك ساكن فين

رد: نفسي أشارك حد في رحلة صيد
 

شبرا - مصر ، ومع خالص شكري لإهتمامك الكريم

رد: نفسي أشارك حد في رحلة صيد
 

خير ياأساتذه ، هوه محدش عايز يشركني معاه ، أرجوا تقبلي معكم وتعليمي .
د / خالد

رد: نفسي أشارك حد في رحلة صيد
 

منور يا دكتور واحنا نتشرف بحضرتك علي العموم الاسكندرانية كتير في المنتدي وناوين علي طلعة قريب
لو ينفع حضرتك تيجي تنورنا وان شاء الله الدنيا تهدي شوية بس وكله يبقي تمام

رد: نفسي أشارك حد في رحلة صيد
 

الحقيقة الأسكندرانية ناس جدعان قوي ، ويقفوا مع بعض حلو ، وطول عمرهم الشهامة في دمهم ، وأنا شاكر لحضرتك عرضك الكريم ، وده من دواعي سروري ، بس المشكلة إن حضرتك عارف الأوضاع في البلد اليومين دول عامله إزاي ، أنا نفسي أطلع أصطاد مع حد بس ياريت يكون من القاهرة أو من أي مكان يكون جنب القاهرة ، ولو حكمت أمري إلي الله ، وبأكرر شكري لعرضك الكريم .
مع خالص شكري وإعتزازي
د / خالد

رد: نفسي أشارك حد في رحلة صيد
 

ممكن نحط همنا انا و انت و نروح نصطاد يوم الجمعه، ايه رأيك

رد: نفسي أشارك حد في رحلة صيد
 

شاكر لعرضك الكريم ، بس الجمعة الجاية مرتبط بميعاد هام ، إن شاء الله ممكن نرتبها في وقت تاني ، بأكرر شكري لحضرتك .
د / خالد

رد: نفسي أشارك حد في رحلة صيد
 

حضرتك منين من شبرا مصر لأنك قريب مني على فكرة وأنا ناوي الاسبوع الجاي يكون عندي بندقية رش بس متحير بين رمسيس واي نوع تاني
حضرتك معاك نوع ايه وايه مدى قوتها وجبتها على كام
تحياتي يا فندم

رد: نفسي أشارك حد في رحلة صيد
 

انا كمان نفسى اشارك فى رحلة صيد بس مش عارف اين الاماكن المتاحه لي ومع من مع العلم اني ساكن في المعادى

رد: نفسي أشارك حد في رحلة صيد
 

بقترح عمل رحله لصيد البلطجيه اليومين دول و يكون في جايزه للي يسلم واحد سليم ليسجن مع اخواته و ربنا يحفظ مصر دائما