الصيد فى مصر

الصيد فى مصر (http://www.egyhunt.net/index.php)
-   الصيد العام (http://www.egyhunt.net/forumdisplay.php?f=1)
-   -   إلى من يريد الدفاع عن نفسه ضد البلطحية (http://www.egyhunt.net/showthread.php?t=5511)

mman2005 11-03-08 10:58 AM
إلى من يريد الدفاع عن نفسه ضد البلطحية
 
يا جماعة فى رياضة جميلة أوى أسمها أيكيدو إلى بيلعبها أستيفن سيجال، واحد صاحبى معاه الحزام الأسود فيها، الرياضة دى لو أنت عندك سبعين سنة وكرشك طوله مترين هتقدر تدافع عن نفسك وسط عشرين بلطجى بكل سهولة، الرياضة دى مش بتعتمد على الحركة واللياقة البدنية بقدر ما هى بتعتمد على تعليمك إزاى تستغل قوة خصمك فى ضربه يعنى لو واحد ماسكلك مسدس أزاى بكل سهولة تخده منه واحد داخل عليك بشومة أزاى تخدها منه بكل سهولة، وبأقل مجهود لو حبيت تكسر أيديه بسهولة هتكسرها، وبسهولة تقدر تقلب واحد طول فى عرض وأنت واقف فى مكانك على الأرض، صاحبى ده بيقولك أتحداك أدخل عليه بأى حاجة بشومة بسكينة بمسدس، وصاحبى ده علمنى كم حركة، هو معايا فى الشغل ومعاه دلوقتى شهادة تدريب للعبة دى وعمال يعرض عليه تعليمى بس المشكلة فى المكان، لو تشجعونى وحد يدبر مكان ويدربنا ونديله أجر رمزى هتبقى حاجة كويسة جداً، وبكرر الرياضة دى أى سن يتعلمها ومش محتاجة لياقة كبيرة زى الكونغ فو والكارتيه شوية تمارين ليونة سويدى وتسخين فقط وبعدين تتدرب على الحركات مع زميلك، لو عايزين تعرفوا معلومات عن الرياضة دى وتتفرجو على الحركات أدخل اليوتوب وأكتب كلمة أيكيدو وأتفرج على الفيديوهات بتاعتها



وعلى فكرة والله صاحبى لغاية دلوقتى ميعرفشى حاجة أنى عرضت الموضوع ده على النت بس لو قلتله هيوافق، أنا بعرض الموضوع ده لأن الرياضة دى أنسب رياضة فى الظروف إلى إحنا عايشنها، وأنا كنت قبل كده بلعب كونغ فو، بس بعد الجواز والكرش وحوض الواحد أتقفل مبقاش ينفع الكونغ فو إلى كم ضربة بالرجل يا دبوك أعرف أعملها، لكن الإيكيدو مش محتاج لياقة بدنية عالية، عايز بس يا دوبك أن يكون عندك لياقة إنسان عادى وتعرف تتحرك كأنك بتمشى من غير ضرب أيد ورجل وطيران وقفز والكلام ده زى الكونغ فو.

محمود القاضى 11-03-08 11:07 AM
رد: إلى من يريد الدفاع عن نفسه د البلطحية
 
الاول يا باشا حضرتك مكان سكنك فين و سكن المدرب فين ؟

mman2005 11-03-08 11:20 AM
رد: إلى من يريد الدفاع عن نفسه د البلطحية
 
يشرفنى حضرتك أنا صديقى معايا فى الشغل جالى دلوقتى وقلتله على الموضوع وقالى موافق بس الموضوع محتاج مننا تأجير صالة فى جيم يكون فيها بساط للتدريب لأنه هيبقى صعب نتدرب فى حديقة عامة والناس تتفرج علينا، أعتقد أن التدريب هيبقى يوم الجمعة من كل أسبوع لمدة ساعتين، ودلوقتى فيه أخين أتقدموا وأنا الثالث، ويا ريت العدد مش يقل عن 10 أفراد علشان نقدر نأجر صالة، ويا ريت حد يسألنا عن سعر تأجير الصالة وجزاكم الله كل خير.

Calm&Silent 11-03-08 11:31 AM
رد: إلى من يريد الدفاع عن نفسه د البلطحية
 
تمام
كويس إنك عملت موضوع منفصل
بس فعلا زي ما محمود بيسأل: المكان هيبقى فين؟ لأن سعر تأجير الصالة بيفرق حسب الحي اللي هيتم التأجير فيه.
فمن فضلك قولنا الأماكن اللي تقترحها وبلاش نعرف شغال فين يا سيدي

lastworld 11-03-08 11:33 AM
رد: إلى من يريد الدفاع عن نفسه د البلطحية
 
hia fekra 7elwa bas ana lia wa7ed sa7by kan bit3almha o hoa so3`air o 2ido etkasaret
hia me7taga el wa7ed yekon fe sen kam???

Calm&Silent 11-03-08 11:40 AM
رد: إلى من يريد الدفاع عن نفسه د البلطحية
 
اقتباس:
المشاركة الأصلية كتبت بواسطة lastworld (المشاركة 53338)
hia fekra 7elwa bas ana lia wa7ed sa7by kan bit3almha o hoa so3`air o 2ido etkasaret
hia me7taga el wa7ed yekon fe sen kam???
الراجل كاتب في الأول مش فارق سن اللي بيتعلم أد إيه
"لو أنت عندك سبعين سنة وكرشك طوله مترين هتقدر تدافع عن نفسك"

mman2005 11-03-08 11:41 AM
رد: إلى من يريد الدفاع عن نفسه د البلطحية
 
اقتباس:
المشاركة الأصلية كتبت بواسطة lastworld (المشاركة 53338)
hia fekra 7elwa bas ana lia wa7ed sa7by kan bit3almha o hoa so3`air o 2ido etkasaret
hia me7taga el wa7ed yekon fe sen kam???
هو بيقول من سن 6 سنين إلى ما لا نهاية، معايا زميلنا فى الشغل قرب يطلع على المعاش زميلنا بتاع الأيكيدو ده علمه كويس وما شاء الله الراجل بيجيد حركات ايكيدو زى الفل، أنا بقى بنكسف يعلمنى فى الشغل قدام الناس، بخصوص موضوع كسر الأيد ده أنت المفروض تتعامل مع زميلك فى التدريب مش بعنف وأنت بتعمله الحركة لأنها حركات فعلا كلها كسر ولو قصدت أنك تكسره هتسكره بسهوله.

mman2005 11-03-08 11:44 AM
رد: إلى من يريد الدفاع عن نفسه د البلطحية
 
اقتباس:
المشاركة الأصلية كتبت بواسطة calm&silent (المشاركة 53337)
تمام
كويس إنك عملت موضوع منفصل
بس فعلا زي ما محمود بيسأل: المكان هيبقى فين؟ لأن سعر تأجير الصالة بيفرق حسب الحي اللي هيتم التأجير فيه.
فمن فضلك قولنا الأماكن اللي تقترحها وبلاش نعرف شغال فين يا سيدي
هو بيقولى هيخلى حد يسأله فى الصالات إلى فى الألف مسكن أو جسر السويس، يا ريت لو حد عنده معلومات يقولهالنا لأنى بصراحة معنديش فكرة عن موضوع الصالات ده، بخصوص أنا شغال فين مش سر يا صديقى هبقى اقوله لما أتعرف بحضرتك بس على المنتدى مش ينفع.

Calm&Silent 11-03-08 11:51 AM
رد: إلى من يريد الدفاع عن نفسه د البلطحية
 
اقتباس:
المشاركة الأصلية كتبت بواسطة mman2005 (المشاركة 53344)
هو بيقولى هيخلى حد يسأله فى الصالات إلى فى الألف مسكن أو جسر السويس، يا ريت لو حد عنده معلومات يقولهالنا لأنى بصراحة معنديش فكرة عن موضوع الصالات ده، بخصوص أنا شغال فين مش سر يا صديقى هبقى اقوله لما أتعرف بحضرتك بس على المنتدى مش ينفع.
مفهوم طبعا وأنا اتشرف إن شاء الله
بالنسبة للمكان، هل فيه إمكانية لتغييره لمكان قريب من كل الناس أو معظمهم على الأقل؟

msa_79 11-03-08 11:58 AM
رد: إلى من يريد الدفاع عن نفسه د البلطحية
 
ياريت المكان يكون في منطقة قريبة من وسط البلد عشان تبقي قريبة من كل الناس

mman2005 11-03-08 01:19 PM
رد: إلى من يريد الدفاع عن نفسه د البلطحية
 
يا جماعة أنا مليش مصلحة فى الموضوع ده والموضوع جه معايا صدفة وأنا عمال أشاهد مواضيع البلطجة وانتشارها على المنتدى، بالنسبة لمكان الصالة صعب أنها تبقى فى وسط البلد لأنها تعتبر سفر بالنسبالى وبرده بالنسبة لسكن زميلى، الألف مسكن بينى وبينها نصف ساعة وتقريبا برده زميلى ده، سيبكم منى ، الراجل مش هيجى سفر يدربنا علشان ياخد أجر رمزى يدفعهم مواصلات، وبعدين صالات وسط البلد أكيد هتكون أسعارها مولعة، عايزين صالة نضيفة فى منطقة شبه شعبية أكيد هيكون سعرها مهاود.

وبعدين القصة أنك ممكن فى خلال شهرين تكون وصلت لمستوى كويس أنك تدافع عن نفسك، وبعدين دى والله فرصة أنك تتدرب بسعر مش كبير، لأن زميلى ده كان عايز يدرب بأسعار مهاودة فى مكان عملى وكان مقدم طلب بس منفعشى الموضوع ده، رغم أنى مش أتفقت معاه على المبلغ بس أكيد هيكون اقل بكثير من أى مكان تانى، والراجل مش هيختلف على مبلغ التدريب، لو تم 10 أفراد على الأقل هحط رقم موبايلى ونتفق نتقابل وأنا هحاول اشوف صالات من على النت واشوف السعر كم.

Calm&Silent 11-03-08 03:12 PM
رد: إلى من يريد الدفاع عن نفسه د البلطحية
 
اقتباس:
المشاركة الأصلية كتبت بواسطة mman2005 (المشاركة 53377)
يا جماعة أنا مليش مصلحة فى الموضوع ده والموضوع جه معايا صدفة وأنا عمال أشاهد مواضيع البلطجة وانتشارها على المنتدى، بالنسبة لمكان الصالة صعب أنها تبقى فى وسط البلد لأنها تعتبر سفر بالنسبالى وبرده بالنسبة لسكن زميلى، الألف مسكن بينى وبينها نصف ساعة وتقريبا برده زميلى ده، سيبكم منى ، الراجل مش هيجى سفر يدربنا علشان ياخد أجر رمزى يدفعهم مواصلات، وبعدين صالات وسط البلد أكيد هتكون أسعارها مولعة، عايزين صالة نضيفة فى منطقة شبه شعبية أكيد هيكون سعرها مهاود.

وبعدين القصة أنك ممكن فى خلال شهرين تكون وصلت لمستوى كويس أنك تدافع عن نفسك، وبعدين دى والله فرصة أنك تتدرب بسعر مش كبير، لأن زميلى ده كان عايز يدرب بأسعار مهاودة فى مكان عملى وكان مقدم طلب بس منفعشى الموضوع ده، رغم أنى مش أتفقت معاه على المبلغ بس أكيد هيكون اقل بكثير من أى مكان تانى، والراجل مش هيختلف على مبلغ التدريب، لو تم 10 أفراد على الأقل هحط رقم موبايلى ونتفق نتقابل وأنا هحاول اشوف صالات من على النت واشوف السعر كم.
طيب، كلام منطقي
بس مش هقدر أفيدك بالنسبة لأسعار تأجير الصالات ... أنا بعيد جدا عن جسر السويس وعن الألف مسكن

السؤال: بكام ممكن صالة أو حتى حجرة متوسطة المساحة تتأجر لمدة ساعتين يوم الجمعة في منطقة جسر السويس أو منطقة الألف مسكن؟

حد ساكن هناك أو قريب فيسأل يا جماعة؟

Ahmadsaied 11-03-08 03:30 PM
رد: إلى من يريد الدفاع عن نفسه د البلطحية
 
ياة ----كابتن تامر طلعت ----- انا من زمان مشفتوش انت عندك حق الايكيدو فن تمام انا بجد نفسى ارجع اتدرب معاة تانى بس ظروفى وظروف شغلى طين بس هو كمان دايما بيغير مكان التدريب ومش مستقر فى مكان بس انا انصح بة لانة مش بيدرب اكيدو بس دة فية جيجتسو برازيلى ونينجيستوا (نينجا)

محمود القاضى 11-03-08 04:02 PM
رد: إلى من يريد الدفاع عن نفسه د البلطحية
 
لو فى جسر السويس
تبقى ان شاء الله اتحلت ادونى يومين و جبلكم سعر هايل
لمكان هايل

محمود القاضى 11-03-08 04:04 PM
رد: إلى من يريد الدفاع عن نفسه د البلطحية
 
انا قريب من جراج جسر السويس
و عندى مكان تحفه
بس ادونى بالظبط يومين اتاكد من توافره

Calm&Silent 11-03-08 04:28 PM
رد: إلى من يريد الدفاع عن نفسه د البلطحية
 
اقتباس:
المشاركة الأصلية كتبت بواسطة محمود القاضى (المشاركة 53473)
انا قريب من جراج جسر السويس
و عندى مكان تحفه
بس ادونى بالظبط يومين اتاكد من توافره
خد وقتك يا محمود باشا
بس اوعى مشاغل الدنيا تاخدك وتنسى :)
وياريت تبص على الخاص عندك

محمود القاضى 11-03-08 04:34 PM
رد: إلى من يريد الدفاع عن نفسه د البلطحية
 
اقتباس:
المشاركة الأصلية كتبت بواسطة calm&silent (المشاركة 53486)
خد وقتك يا محمود باشا
بس اوعى مشاغل الدنيا تاخدك وتنسى :)
وياريت تبص على الخاص عندك
يا باشا مقدرش
و نتقابل على خير

محمود القاضى 11-03-08 04:35 PM
رد: إلى من يريد الدفاع عن نفسه د البلطحية
 
مفيش حاجه على الخاص يا باشا

Calm&Silent 11-03-08 04:45 PM
رد: إلى من يريد الدفاع عن نفسه د البلطحية
 
اقتباس:
المشاركة الأصلية كتبت بواسطة محمود القاضى (المشاركة 53491)
مفيش حاجه على الخاص يا باشا
معلش
شوف دلوقتي

Ebrahim Al Ansari 11-03-09 11:21 AM
رد: إلى من يريد الدفاع عن نفسه د البلطحية
 
السلام عليكم
جميل جداً الإهتمام ده... وبالتوفيق إن شاء الله...
دى فيديوهات هتساعد جداً إن شاء الله.. معلش هيا طويله بس الواحد لازم يتعب عشان يتعلم..
(ياريت محدش تاخدو الجلاله :) ويحاول يعمل أى حركه من الفيديو بدون إشراف مدرب عشان ميعملش لنفسو أو لغيره إصابه)









ملاحظه:
سوف أتغيب عن المنتدى لفتره نظراً لضغوط العمل...
سأفتقدكم.... وأراكم جميعاً على خير إن شاء الله




.

الورشه الفنيه 11-03-09 11:40 AM
رد: إلى من يريد الدفاع عن نفسه د البلطحية
 
السلام عليكم
اخوانى الاعزاء
انا هقترح بعض الاقتراحات بالنسبه للمكان
فى حديقه بدر و فيها مكان للتدريب
مدعم من القوات المسلحه
كل فرد هيكون عليه 2 ج رسم دخول و هى فى جسر الويس جراج عين شمس
كمان فى سطح عماره ملك صديق هى فى النزهه الجديده
و مجانيه
بس المشكله انه احتمال يسافر فى للسعوديه
و هجيب باقى الاقتراحات

mman2005 11-03-09 12:04 PM
رد: إلى من يريد الدفاع عن نفسه د البلطحية
 
اقتباس:
المشاركة الأصلية كتبت بواسطة الورشه الفنيه (المشاركة 53918)
السلام عليكم
اخوانى الاعزاء
انا هقترح بعض الاقتراحات بالنسبه للمكان
فى حديقه بدر و فيها مكان للتدريب
مدعم من القوات المسلحه
كل فرد هيكون عليه 2 ج رسم دخول و هى فى جسر الويس جراج عين شمس
كمان فى سطح عماره ملك صديق هى فى النزهه الجديده
و مجانيه
بس المشكله انه احتمال يسافر فى للسعوديه
و هجيب باقى الاقتراحات
حبيب قلبى دى قريبة من بيتى، هى فعلاً مكان كويس ورسم الدخول 2 جنيه بس أنا خايف يكون فيه اعتراض من إدارة الحديقة، هى فيها حدائق واسعة جداً، ممكن نتمرن فيها المشكلة بقى تغيير الهدوم والكلام ده ممكن يبقى فيه مشاكل.

Calm&Silent 11-03-09 12:14 PM
رد: إلى من يريد الدفاع عن نفسه د البلطحية
 
اقتباس:
المشاركة الأصلية كتبت بواسطة mman2005 (المشاركة 53927)
حبيب قلبى دى قريبة من بيتى، هى فعلاً مكان كويس ورسم الدخول 2 جنيه بس أنا خايف يكون فيه اعتراض من إدارة الحديقة، هى فيها حدائق واسعة جداً، ممكن نتمرن فيها المشكلة بقى تغيير الهدوم والكلام ده ممكن يبقى فيه مشاكل.
السلام عليكم
جميل إن ابتدينا نستقر على مكان. إن اتفقنا على المكان:
(في جسر السويس، جراج عين شمس: فى حديقه بدر وفيها مكان للتدريب، مدعم من القوات المسلحة، كل فرد هيكون عليه 2 ج رسم دخول)

نوصله إزاي من رمسيس بالمواصلات؟
و(عشان إن جيت سايق) كمان نوصله إزاي من العباسية؟

وموضوع تغيير الهدوم بسيطة جدا...ممكن مثلا يتم ارتداء ملابس فوق الملابس أو حتى أخد ركن بعيد وتغيير الملابس فردا وراء الآخر بهدوء

Calm&Silent 11-03-09 12:15 PM
رد: إلى من يريد الدفاع عن نفسه د البلطحية
 
اقتباس:
المشاركة الأصلية كتبت بواسطة الورشه الفنيه (المشاركة 53918)
السلام عليكم
اخوانى الاعزاء
انا هقترح بعض الاقتراحات بالنسبه للمكان
فى حديقه بدر و فيها مكان للتدريب
مدعم من القوات المسلحه
كل فرد هيكون عليه 2 ج رسم دخول و هى فى جسر الويس جراج عين شمس
كمان فى سطح عماره ملك صديق هى فى النزهه الجديده
و مجانيه
بس المشكله انه احتمال يسافر فى للسعوديه
و هجيب باقى الاقتراحات
جزاك الله خيرا :)

وألف ألف شكر للزميل Ebrahim Al Ansari على معلوماته الرائعة والمفيدة جدا

محمود القاضى 11-03-09 12:27 PM
رد: إلى من يريد الدفاع عن نفسه د البلطحية
 
اقتباس:
المشاركة الأصلية كتبت بواسطة الورشه الفنيه (المشاركة 53918)
السلام عليكم
اخوانى الاعزاء
انا هقترح بعض الاقتراحات بالنسبه للمكان
فى حديقه بدر و فيها مكان للتدريب
مدعم من القوات المسلحه
كل فرد هيكون عليه 2 ج رسم دخول و هى فى جسر الويس جراج عين شمس
كمان فى سطح عماره ملك صديق هى فى النزهه الجديده
و مجانيه
بس المشكله انه احتمال يسافر فى للسعوديه
و هجيب باقى الاقتراحات
[QUOTE=Calm&Silent;53929
يا ابن الايه لحقت تنشر د انا اللى قلتلك
هههههههههههههههههه
ماشى

محمود القاضى 11-03-09 12:30 PM
رد: إلى من يريد الدفاع عن نفسه د البلطحية
 
اقتباس:
المشاركة الأصلية كتبت بواسطة calm&silent (المشاركة 53929)
السلام عليكم
جميل إن ابتدينا نستقر على مكان. إن اتفقنا على المكان:
(في جسر السويس، جراج عين شمس: فى حديقه بدر وفيها مكان للتدريب، مدعم من القوات المسلحة، كل فرد هيكون عليه 2 ج رسم دخول)

نوصله إزاي من رمسيس بالمواصلات؟
و(عشان إن جيت سايق) كمان نوصله إزاي من العباسية؟

وموضوع تغيير الهدوم بسيطة جدا...ممكن مثلا يتم ارتداء ملابس فوق الملابس أو حتى أخد ركن بعيد وتغيير الملابس فردا وراء الآخر بهدوء
بص يا باشا
حديقه بدر بجسر السويس
من رمسيس
اركب ميكروباص مساكن عين شمس ب 1.25 تنزل قدمها
من رمسيس اركب منى باص 16 بتاع المساكن بيطلع من احمد حلمى اصلا
ب 1.5 تنزل قدمها
من العباسيه نفس المواصلات
من رمسيس
ميكروباص السلام
تنزل قدمها
من العباسيه 945
تنزل قدمها و 44
و كتير من المواصلات قول بس جراج عين شمس - جسر السويس - وصلت

محمود القاضى 11-03-09 12:35 PM
رد: إلى من يريد الدفاع عن نفسه د البلطحية
 
اقتباس:
المشاركة الأصلية كتبت بواسطة mman2005 (المشاركة 53927)
حبيب قلبى دى قريبة من بيتى، هى فعلاً مكان كويس ورسم الدخول 2 جنيه بس أنا خايف يكون فيه اعتراض من إدارة الحديقة، هى فيها حدائق واسعة جداً، ممكن نتمرن فيها المشكلة بقى تغيير الهدوم والكلام ده ممكن يبقى فيه مشاكل.
لا
من جهه الاداره مفيش مشكله
بالنسبه للتغير في اكتر من 5 تواليت
و اماكن تانيه كتير كمان ممكن اتفق مع الاداره نعمل دولاب و ندفع اجر شهرى

mman2005 11-03-09 12:45 PM
رد: إلى من يريد الدفاع عن نفسه د البلطحية
 
اقتباس:
المشاركة الأصلية كتبت بواسطة calm&silent (المشاركة 53929)
السلام عليكم
جميل إن ابتدينا نستقر على مكان. إن اتفقنا على المكان:
(في جسر السويس، جراج عين شمس: فى حديقه بدر وفيها مكان للتدريب، مدعم من القوات المسلحة، كل فرد هيكون عليه 2 ج رسم دخول)

نوصله إزاي من رمسيس بالمواصلات؟
و(عشان إن جيت سايق) كمان نوصله إزاي من العباسية؟

وموضوع تغيير الهدوم بسيطة جدا...ممكن مثلا يتم ارتداء ملابس فوق الملابس أو حتى أخد ركن بعيد وتغيير الملابس فردا وراء الآخر بهدوء
بخصوص موضوع المواصلات زى مقالك الأخ بس مش تركب ميكروباص مساكن لأنه بيدخل المساكن قبل الحديقة بمحطة، أركب ميكروباص العاشر أو السلام أو النهضة هينزلك قدام الحديقة بالظبط وده برده أى أتوبيس السلام أو العاشر أو النهضة هينزلك قدام باب الحديقة.

Calm&Silent 11-03-09 12:45 PM
رد: إلى من يريد الدفاع عن نفسه د البلطحية
 
اقتباس:
المشاركة الأصلية كتبت بواسطة محمود القاضى (المشاركة 53940)
بص يا باشا
حديقه بدر بجسر السويس
من رمسيس
اركب ميكروباص مساكن عين شمس ب 1.25 تنزل قدمها
من رمسيس اركب منى باص 16 بتاع المساكن بيطلع من احمد حلمى اصلا
ب 1.5 تنزل قدمها
من العباسيه نفس المواصلات
من رمسيس
ميكروباص السلام
تنزل قدمها
من العباسيه 945
تنزل قدمها و 44
و كتير من المواصلات قول بس جراج عين شمس - جسر السويس - وصلت
تمام جدا :) ألف شكر يا محمود باشا

إن كان فيه إمكانية، ممكن نخليها الجمعة الجاية
حتى حصة مبدئية نفهم منها طبيعة الرياضة من المدرب مباشرة

يا ترى كام واحد ناوي يدرب وكمان مستعد يفضي نفسه الجمعة الجاية؟
ياريت يقول عشان على أساس العدد هيتحدد سعر حصة التدريب لكل فرد (اللي أنا معرفش هتتكلف كام أصلا)

محمود القاضى 11-03-09 12:51 PM
رد: إلى من يريد الدفاع عن نفسه د البلطحية
 
اقتباس:
المشاركة الأصلية كتبت بواسطة Calm&Silent (المشاركة 53947)
تمام جدا :) ألف شكر يا محمود باشا

إن كان فيه إمكانية، ممكن نخليها الجمعة الجاية
حتى حصة مبدئية نفهم منها طبيعة الرياضة من المدرب مباشرة

يا ترى كام واحد ناوي يدرب وكمان مستعد يفضي نفسه الجمعة الجاية؟
ياريت يقول عشان على أساس العدد هيتحدد سعر حصة التدريب لكل فرد (اللي أنا معرفش هتتكلف كام أصلا)
تمام يا صحبى
انا بحجز 3 أفراد
و ياريت الاخ m man 2005
يقولنا المدرب ها ياخد كام كل شهر
و ممكن نشترى زى موحد
علشان المظهر مهم برضوا
و ربنا معانا
و الجمعه اللى جايه نكون مع بعض يا رب

mman2005 11-03-09 12:59 PM
رد: إلى من يريد الدفاع عن نفسه د البلطحية
 
اقتباس:
المشاركة الأصلية كتبت بواسطة محمود القاضى (المشاركة 53953)
تمام يا صحبى
انا بحجز 3 أفراد
و ياريت الاخ m man 2005
يقولنا المدرب ها ياخد كام كل شهر
و ممكن نشترى زى موحد
علشان المظهر مهم برضوا
و ربنا معانا
و الجمعه اللى جايه نكون مع بعض يا رب
أخى 3 افراد قليل نريد حتى 6 أفراد، سوف يدفع كل فرد 2 جنيه رسم دخول الحديقة بالإضافة أنى هجبلكم أقل سعر لكل فرد هيندفع للمدرب، وما دام الموضوع فى حديقة بدر ولا يتطلب تأجير صالة غالية فلا داعى لأن يصل العدد ل 10، ولكن 6 أفراد حتى يكون المبلغ المدفوع للمدرب بسيط ويقسم على 6 وليس 3.

Calm&Silent 11-03-09 12:59 PM
رد: إلى من يريد الدفاع عن نفسه د البلطحية
 
اقتباس:
المشاركة الأصلية كتبت بواسطة mman2005 (المشاركة 53946)
بخصوص موضوع المواصلات زى مقالك الأخ بس مش تركب ميكروباص مساكن لأنه بيدخل المساكن قبل الحديقة بمحطة، أركب ميكروباص العاشر أو السلام أو النهضة هينزلك قدام الحديقة بالظبط وده برده أى أتوبيس السلام أو العاشر أو النهضة هينزلك قدام باب الحديقة.
تمام :) شكرًا جزيلاً
الجمعة الجاية أخبارها إيه كميعاد مع المدرب؟
وسعر الحصة لا يقل عن كام (بغض النظر عن العدد)؟ عشان إن العدد ما وصلش لـ 10 أفراد، الباقي يكمل إن كان المبلغ معقول.

ملحوظة: ممكن الكلام عن سعر حصة التدريب يبقى على الخاص منعا للتسبب في أي حرج لأي شخص، أو هنا...اللي يريحكم

Calm&Silent 11-03-09 01:02 PM
رد: إلى من يريد الدفاع عن نفسه د البلطحية
 
طيب بالنسبة للي هيحجزوا، من فضلكم اعملوا اقتباس للمشاركة وزودوا أسماءكم:

قائمة حجز لحصة تدريب الآيكايدو يوم الجمعة 11 مارس:
---------------------------------------------------------------
1. Calm&Silent
2. ....

mman2005 11-03-09 01:05 PM
رد: إلى من يريد الدفاع عن نفسه د البلطحية
 
-----------------------------------------------------------
1. Calm&Silent
2. mman2005

mman2005 11-03-09 01:20 PM
رد: إلى من يريد الدفاع عن نفسه د البلطحية
 
1. Calm&Silent
2. mman2005
3- zalabany

mman2005 11-03-09 01:20 PM
رد: إلى من يريد الدفاع عن نفسه د البلطحية
 
1. Calm&Silent
2. mman2005
3- zalabany
4- محمود القاضى

محمود القاضى 11-03-09 01:34 PM
رد: إلى من يريد الدفاع عن نفسه د البلطحية
 
اقتباس:
المشاركة الأصلية كتبت بواسطة mman2005 (المشاركة 53982)
1. Calm&silent
2. Mman2005
3- zalabany
4- محمود القاضى
يا جماعه انا مع فرد اخر
يعنى احنا كده خمسه

محمود القاضى 11-03-09 01:35 PM
رد: إلى من يريد الدفاع عن نفسه د البلطحية
 
اقتباس:
المشاركة الأصلية كتبت بواسطة محمود القاضى (المشاركة 53995)
يا جماعه انا مع فرد اخر
يعنى احنا كده خمسه
بيتهيقلى كده كويس جدا
ارجو من الاستاذ m man 2005
يقول سعر المدرب علشان نقدر نحدد باقى التافصيل

mman2005 11-03-09 01:44 PM
رد: إلى من يريد الدفاع عن نفسه د البلطحية
 
اقتباس:
المشاركة الأصلية كتبت بواسطة محمود القاضى (المشاركة 53996)
بيتهيقلى كده كويس جدا
ارجو من الاستاذ m man 2005
يقول سعر المدرب علشان نقدر نحدد باقى التافصيل
لازم عدد زوجى يا أخى لأن اللعبة دى بيتطلب كل إثنين مع بعض يعنى ناقصلنا واحد بالنسبة للسعر زميلى برن على موبايله وشكله مجاش أساسا بس أوعدكم أن المبلغ هيكون بسيط وصغير وفى مقدرة كل شخص، وبمجرد ما أعرف هحط مشاركة فى الموضوع.

محمود القاضى 11-03-09 01:48 PM
رد: إلى من يريد الدفاع عن نفسه د البلطحية
 
اقتباس:
المشاركة الأصلية كتبت بواسطة mman2005 (المشاركة 54001)
لازم عدد زوجى يا أخى لأن اللعبة دى بيتطلب كل إثنين مع بعض يعنى ناقصلنا واحد بالنسبة للسعر زميلى برن على موبايله وشكله مجاش أساسا بس أوعدكم أن المبلغ هيكون بسيط وصغير وفى مقدرة كل شخص، وبمجرد ما أعرف هحط مشاركة فى الموضوع.
مش مشكله
الفرد اللى ناقص ممكن نحضره معنا
ان شاء الله
الاخوه كتير
و هيرحبوا
و هيكون فى جديه
على فكره يا جماعه
منطقه الجراج فيها اكتر من مكان
و ببلاش
يعنى شارع النزهه خلف التراك فيه حديقه مفتوحه مجانيه
و بشوف شبابا كتير بيروحوا يتمرنوا فيها على رياضات كتير
كان نفسى انضم ملهم بس مكنتش اعرفهم
و ممكن نتشاور لما نتقابل و نخش الحديقتين و نتشاور بينهم

mman2005 11-03-09 02:00 PM
رد: إلى من يريد الدفاع عن نفسه د البلطحية
 
اقتباس:
المشاركة الأصلية كتبت بواسطة محمود القاضى (المشاركة 54003)
مش مشكله
الفرد اللى ناقص ممكن نحضره معنا
ان شاء الله
الاخوه كتير
و هيرحبوا
و هيكون فى جديه
على فكره يا جماعه
منطقه الجراج فيها اكتر من مكان
و ببلاش
يعنى شارع النزهه خلف التراك فيه حديقه مفتوحه مجانيه
و بشوف شبابا كتير بيروحوا يتمرنوا فيها على رياضات كتير
كان نفسى انضم ملهم بس مكنتش اعرفهم
و ممكن نتشاور لما نتقابل و نخش الحديقتين و نتشاور بينهم
وكمان أن أفتكرت مكان رهيب يا جماعة وببلاش، عند الجراج وأنت داخل عند السندباد فى حدايق فاضية كثير والمنطقة دى الرجل فيها قليلة ومش زحمة خالص خصوصا يوم الجمعة.

زميلى أتصل بيه دلوقتى من شوية وقالى الفرد ب 15 جنيه فى الحصة، والله العظيم حاولت أخليها ب 10 جنيه للفرد بس هو قالى المجموعة قليلة وهيبقى المبلغ مش مجزى، وأكيد الحصة هتبقى مفتوحة يعنى ممكن تزيد عن ساعتين بشوية لو تتطلب الأمر ذلك.

mman2005 11-03-09 02:10 PM
رد: إلى من يريد الدفاع عن نفسه د البلطحية
 
عايز ردودكم يا أخوانى
وده رفمى 0112898303
أخوكم محمد

Calm&Silent 11-03-09 02:28 PM
رد: إلى من يريد الدفاع عن نفسه د البلطحية
 
اقتباس:
المشاركة الأصلية كتبت بواسطة mman2005 (المشاركة 54005)
وكمان أن أفتكرت مكان رهيب يا جماعة وببلاش، عند الجراج وأنت داخل عند السندباد فى حدايق فاضية كثير والمنطقة دى الرجل فيها قليلة ومش زحمة خالص خصوصا يوم الجمعة.

زميلى أتصل بيه دلوقتى من شوية وقالى الفرد ب 15 جنيه فى الحصة، والله العظيم حاولت أخليها ب 10 جنيه للفرد بس هو قالى المجموعة قليلة وهيبقى المبلغ مش مجزى، وأكيد الحصة هتبقى مفتوحة يعنى ممكن تزيد عن ساعتين بشوية لو تتطلب الأمر ذلك.
اقتباس:
المشاركة الأصلية كتبت بواسطة mman2005 (المشاركة 54009)
عايز ردودكم يا أخوانى
وده رفمى 0112898303
أخوكم محمد
خلاص، توكلنا على الله.
محمود بيقول هيجيب معاه صديقه، يعني بقينا خمسة... كل واحد يدفع 15 جنيه مش كتير
دلوقتي ادخل أي مطعم وشوف نوع الأكل الشعبي البسيط بيتباع بكام عشان نعرف إن 15 جنيه للحصة مبلغ معقول جدا.

المهم دلوقتي ناخد أرقام تليفونات بعض عشان نحدد مكان التجمع + الوقت بالتحديد يوم الجمعة (يعني 2 أو 3 عصرًا مثلا)

أقترح مكان التجمع (مش بالضروري مكان التدريب) أمام حديقة بدر، الساعة 3 عصرا، الجمعة الجاية
... مناسب ليكم يا جماعة؟

smsmn8888 11-03-09 02:29 PM
رد: إلى من يريد الدفاع عن نفسه د البلطحية
 
انا بدرب فري استيل وعند المدرب بتاعي صالة في منطقة العشرين فيصل جاهزة للتدريب لو عايزنها ممكن اتفق معا انا اصلا عايز ارجع ادرب بس للاسف المدرب ساب الصالة دي وراح حدايق الاهرام مشوار علية بجد

mman2005 11-03-09 02:40 PM
رد: إلى من يريد الدفاع عن نفسه د البلطحية
 
اقتباس:
المشاركة الأصلية كتبت بواسطة calm&silent (المشاركة 54018)
خلاص، توكلنا على الله.
محمود بيقول هيجيب معاه صديقه، يعني بقينا خمسة... كل واحد يدفع 15 جنيه مش كتير
دلوقتي ادخل أي مطعم وشوف نوع الأكل الشعبي البسيط بيتباع بكام عشان نعرف إن 15 جنيه للحصة مبلغ معقول جدا.

المهم دلوقتي ناخد أرقام تليفونات بعض عشان نحدد مكان التجمع + الوقت بالتحديد يوم الجمعة (يعني 2 أو 3 عصرًا مثلا)

أقترح مكان التجمع (مش بالضروري مكان التدريب) أمام حديقة بدر، الساعة 3 عصرا، الجمعة الجاية
... مناسب ليكم يا جماعة؟
أنا شايف الميعاد الساعة 3 مناسب لأن ساعتين تدريب هيبقى قربنا من المغرب والتجمع يا جماعة بعد الدخول من البوابة أعتقد أن الجانب الشمال فى الحديقة مناسب لأنه حدائق واسعة وهادية بعيد عن الكافتيريات، وأكيد هنتعرف على بعض عن طريق الموبايل، وتكون معرفة خير إن شاء الله.

mman2005 11-03-09 02:42 PM
رد: إلى من يريد الدفاع عن نفسه د البلطحية
 
يا ريت بكرة إن شاء الله يتم تأكيد الحضور وأنا هأكد حضور المدرب والميعاد بكرة بمشيئة الله.

Calm&Silent 11-03-09 02:50 PM
رد: إلى من يريد الدفاع عن نفسه د البلطحية
 
اقتباس:
المشاركة الأصلية كتبت بواسطة mman2005 (المشاركة 54022)
أنا شايف الميعاد الساعة 3 مناسب لأن ساعتين تدريب هيبقى قربنا من المغرب والتجمع يا جماعة بعد الدخول من البوابة أعتقد أن الجانب الشمال فى الحديقة مناسب لأنه حدائق واسعة وهادية بعيد عن الكافتيريات، وأكيد هنتعرف على بعض عن طريق الموبايل، وتكون معرفة خير إن شاء الله.
اقتباس:
المشاركة الأصلية كتبت بواسطة mman2005 (المشاركة 54023)
يا ريت بكرة إن شاء الله يتم تأكيد الحضور وأنا هأكد حضور المدرب والميعاد بكرة بمشيئة الله.
أنا لسة رانن عليك يا محمد
رقمي آخره 97
من فضلك سجله
معاك خالد محمد

mman2005 11-03-09 02:51 PM
رد: إلى من يريد الدفاع عن نفسه د البلطحية
 
اقتباس:
المشاركة الأصلية كتبت بواسطة Calm&Silent (المشاركة 54027)
أنا لسة رانن عليك يا محمد
رقمي آخره 97
من فضلك سجله
معاك خالد محمد
أوك أخى خالد.........

محمود القاضى 11-03-09 03:15 PM
رد: إلى من يريد الدفاع عن نفسه د البلطحية
 
اقتباس:
المشاركة الأصلية كتبت بواسطة mman2005 (المشاركة 54005)
وكمان أن أفتكرت مكان رهيب يا جماعة وببلاش، عند الجراج وأنت داخل عند السندباد فى حدايق فاضية كثير والمنطقة دى الرجل فيها قليلة ومش زحمة خالص خصوصا يوم الجمعة.

زميلى أتصل بيه دلوقتى من شوية وقالى الفرد ب 15 جنيه فى الحصة، والله العظيم حاولت أخليها ب 10 جنيه للفرد بس هو قالى المجموعة قليلة وهيبقى المبلغ مش مجزى، وأكيد الحصة هتبقى مفتوحة يعنى ممكن تزيد عن ساعتين بشوية لو تتطلب الأمر ذلك.
اولا بالنسبه للاماكن اللى فى الجراج كتير
و المكان اللى بتقول عليه ده كويس
ثانيا بالنسبه لسعر الحصه غالى جدا يعنى فى الشهر هتبقى بتسعين جنيه اضرب فى سته
يعنى لو خلينا الاجر بالشهر و الدفع مقدم يعنى كل واحد يدفع زى مراكز الشباب 35 جنيه فى الشهر فى سته ب 210 و ربنا يسهل و العدد يزيد ايه رئيكم فى الاقتراح ده نطرحه على المدرب و ياخد فلوسه مقدم و ربنا يجازيه خير
ثالثا مفيش حاجه اسمها تدريب مفتوح محدش يقدر يزود عن ساعتتين الا لو واخد منشطاط
مستنى ردودكم

mman2005 11-03-09 03:33 PM
رد: إلى من يريد الدفاع عن نفسه د البلطحية
 
اقتباس:
المشاركة الأصلية كتبت بواسطة محمود القاضى (المشاركة 54039)
اولا بالنسبه للاماكن اللى فى الجراج كتير
و المكان اللى بتقول عليه ده كويس
ثانيا بالنسبه لسعر الحصه غالى جدا يعنى فى الشهر هتبقى بتسعين جنيه اضرب فى سته
يعنى لو خلينا الاجر بالشهر و الدفع مقدم يعنى كل واحد يدفع زى مراكز الشباب 35 جنيه فى الشهر فى سته ب 210 و ربنا يسهل و العدد يزيد ايه رئيكم فى الاقتراح ده نطرحه على المدرب و ياخد فلوسه مقدم و ربنا يجازيه خير
ثالثا مفيش حاجه اسمها تدريب مفتوح محدش يقدر يزود عن ساعتتين الا لو واخد منشطاط
مستنى ردودكم

أخى محمود أنا والله قلتله على 10 جنيه للفرد من غير ما أعرض الموضوع عليكم، تخيل أنك يوم أجازتك مطلوب من أنك تنزل شغل ليوم واحد بس وتركب عربيتك وتسيب بيتك وأسرتك علشان تعمل شغلانة لحد معين تخيل مثلاً هل 60 جنيه فى مشوار زى كده هيكون مجزى، أنا لما فكرت وحطيت نفسه مكانه لاقيت أنى مش هتحرك من بيتى يوم الجمعة علشان 60 جنيه لو كان كل يوم هقولك ماشى بس ده يوم فى الأسبوع هو على فكرة ساكن فى الحى العاشر فى مدينة نصر وعنده عربية ولو هيجى بمواصلات هيصرفله 5 جنيه ميكروبصات، أنا لو مكانه هفضل أنى أنام فى بيتنا يوم الجمعة ومش أنزل لأنه ده يوم بس ويعتبر أجازتى إلى بستريح فيها وبقعد مع أسرتى، وعلى فكرة اليوم بالنسباله يعتبر ضاع لأنه هيروح بيته بعد المغرب، بالنسبة لموضوع مراكز الشباب بيختلف لأن الأعداد بتبقى كبيرة والدولة مدعمة مراكز الشباب، وصدقنى لازم هتراضى المدرب بمبلغ غير الإشتراك، وبعدين فيه فرق بين أنك تاخد درس فى مجموعة مدرسية وأنك تاخد درس خصوصى، العدد هيكون ستة أفراد يعنى أهتمامه بيك كفرد هيبقى كبير مش لو كنت فى مجموعة فيها 20 فرد.

وأنا بفضل المجموعة مش تزيد عن ستة علشان الإهتمام بكل فرد، أنا كنت عايز عدد كبير علشان لو هنأجر صالة تدريب، بما أن الموضوع بتاع المكان طلع رخيص يبقى مش عايزين العدد يزيد عن 6، وعلشان نقطة ثانية العدد الكبير هيلفت النظر بشكل مبالغ فيه وممكن أساسا تكون الحديقة فيها مدرب أيكيدو وتحصل مشكلة، لكن لو عددنا قليل حتى لو الإدارة شافتنا هيبقى شوية شباب بيلعب ومش هندخل فى قصة تدريب ومدرب والكلام ده.

mman2005 11-03-09 03:35 PM
رد: إلى من يريد الدفاع عن نفسه د البلطحية
 
وعلى فكرة أنا كنت بلعب كونغ فو من 15 سنة فى المدرسة وكان أجر رمزى وقتها بندفعه للمدرب الى فى المدرسة وكنت بدفع 30 جنيه شهرى، وأى اسلوب زيادة عايزينه كان بيبقى ليه مبلغ تانى.

msa_79 11-03-09 03:41 PM
رد: إلى من يريد الدفاع عن نفسه د البلطحية
 
اقتباس:
المشاركة الأصلية كتبت بواسطة mman2005 (المشاركة 54049)
وعلى فكرة أنا كنت بلعب كونغ فو من 15 سنة فى المدرسة وكان أجر رمزى وقتها بندفعه للمدرب الى فى المدرسة وكنت بدفع 30 جنيه شهرى، وأى اسلوب زيادة عايزينه كان بيبقى ليه مبلغ تانى.
اخي العزيز 30 جنيه من 15 سنة مكنوش اجر رمزي علي الاطلاق دول كانو يفتحو بيت اسبوع :)

mman2005 11-03-09 03:45 PM
رد: إلى من يريد الدفاع عن نفسه د البلطحية
 
وفيه نقطة ثانية إلى عايز يتفاوض معاه منكم ليه أنتم أحرار، المسألة أنى مش بحب حد أعرفه افاصل معاه، أنتم مش تعرفوه مش هتتحرجو تفاصله معاه أما أنا الموضوع مختلف بالنسبالى طلبت منه وهو قالى قليل، أخاف أكون ظلمته ويرضى علشان خاطرى وهو متضرر، لكن لو هو رضى منكم أنتم يبقى هو راضى مش عن طريق الإحراج.

drforfree 11-03-09 03:47 PM
رد: إلى من يريد الدفاع عن نفسه د البلطحية
 
7elwa el fekra de ya gama3a
ana ma3akom law el makan monaseb

mman2005 11-03-09 03:51 PM
رد: إلى من يريد الدفاع عن نفسه د البلطحية
 
اقتباس:
المشاركة الأصلية كتبت بواسطة msa_79 (المشاركة 54051)
اخي العزيز 30 جنيه من 15 سنة مكنوش اجر رمزي علي الاطلاق دول كانو يفتحو بيت اسبوع :)

وكانت الأعداد بتوصل ل 20 طالب فى المدرسة بيتدربوا... هو المبلغ وقتها مكنشى يعتبر لا كبير ولا صغير، بس محستشى ساعتها أنه مبلغ كبير، مع العلم بأنى من أسرة عادية متوسطة.

أعتقد أن 60 جنيه فى الشهر حالياً ومدرب هيجى مخصوص علشان 6 افراد أنه مبلغ مش كبير، أنا أعرف أن التدريب فى حديقة بدر على السباحة بيعدى 150 جنيه فى الشهر إبن خالى طفل وكان بيتدرب سباحة فى حديقة بدر وكنت بسمع من مراة خالى مبلغ 150 جنيه تدريب سباحة غير تدريب الكاراتيه.

محمود القاضى 11-03-09 03:53 PM
رد: إلى من يريد الدفاع عن نفسه د البلطحية
 
اقتباس:
المشاركة الأصلية كتبت بواسطة mman2005 (المشاركة 54053)
وفيه نقطة ثانية إلى عايز يتفاوض معاه منكم ليه أنتم أحرار، المسألة أنى مش بحب حد أعرفه افاصل معاه، أنتم مش تعرفوه مش هتتحرجو تفاصله معاه أما أنا الموضوع مختلف بالنسبالى طلبت منه وهو قالى قليل، أخاف أكون ظلمته ويرضى علشان خاطرى وهو متضرر، لكن لو هو رضى منكم أنتم يبقى هو راضى مش عن طريق الإحراج.
عزيزى محمد
الموضوع يا اخى مش موضوع فصال
انا بحب الخير للجميع
بس صدقنى 15 جنيه كل حصه كتير جدا
بص احنا ممكن نتقابل يوم الجمعه و نفاوض على كل شىء احسن
حتى الزى و الاماكن و المواعيد يعنى نخلى الجمعه اللى جايه
الاتفاق على كل شىء
ايه رئيكم
و مش هتفرق كتير
ان شاء الله طالما المبداء موجود

mman2005 11-03-09 03:56 PM
رد: إلى من يريد الدفاع عن نفسه د البلطحية
 
يا جماعة خلاصة الكلام أنا بلغت الرسالة قلتله العدد 6 قالى 15 جنيه للفرد إلى عايز يتفاوض معاه فى أول يوم هو حر والى شايف مكان تانى أرخص دى مصلحته يقولنا عليه ويفيدنا، 60 جنيه فى الشهر ب 4 حصص شهرية الحصة ساعتين يعنى 8 ساعات، يعنى الساعة تدريب واقفة ب 7.5 جنيه ونصف ودى ساعة تأجير بلايستيشن أو بلياردو.

محمود القاضى 11-03-09 03:59 PM
رد: إلى من يريد الدفاع عن نفسه د البلطحية
 
اقتباس:
المشاركة الأصلية كتبت بواسطة mman2005 (المشاركة 54062)
يا جماعة خلاصة الكلام أنا بلغت الرسالة قلتله العدد 6 قالى 15 جنيه للفرد إلى عايز يتفاوض معاه فى أول يوم هو حر والى شايف مكان تانى أرخص دى مصلحته يقولنا عليه ويفيدنا، 60 جنيه فى الشهر ب 4 حصص شهرية الحصة ساعتين يعنى 8 ساعات، يعنى الساعة تدريب واقفة ب 7.5 جنيه ونصف ودى ساعة تأجير بلايستيشن أو بلياردو.
تمام
نتقابل
و نتفاوض معاه و مش هنختلف
على العموم
هنتقابل فين و اواى ايه رئيكم فى الجراج الساعه 4

mman2005 11-03-09 04:00 PM
رد: إلى من يريد الدفاع عن نفسه د البلطحية
 
اقتباس:
المشاركة الأصلية كتبت بواسطة محمود القاضى (المشاركة 54059)
عزيزى محمد
الموضوع يا اخى مش موضوع فصال
انا بحب الخير للجميع
بس صدقنى 15 جنيه كل حصه كتير جدا
بص احنا ممكن نتقابل يوم الجمعه و نفاوض على كل شىء احسن
حتى الزى و الاماكن و المواعيد يعنى نخلى الجمعه اللى جايه
الاتفاق على كل شىء
ايه رئيكم
و مش هتفرق كتير
ان شاء الله طالما المبداء موجود
أوك يا أخى..... هو زيادة العدد هتقلل المبلغ على الفرد بس أنا مش بشجع أن العدد يزيد عن 6 زى مقولت لحضرتك مش عايزين لمة كبيرة عايزين نستفاد والمبلغ ممكن نبقى نقوله بدل 15 جنيه فى الحصة يبقى 25 جنيه فى الحصتين بحيث أن المبلغ يبقى فى الشهر 50 جنيه للفرد، ومش عارف هيوافق ولا لا لأنه مش معايا حالياً.

محمود القاضى 11-03-09 04:03 PM
رد: إلى من يريد الدفاع عن نفسه د البلطحية
 
اقتباس:
المشاركة الأصلية كتبت بواسطة mman2005 (المشاركة 54064)
أوك يا أخى..... هو زيادة العدد هتقلل المبلغ على الفرد بس أنا مش بشجع أن العدد يزيد عن 6 زى مقولت لحضرتك مش عايزين لمة كبيرة عايزين نستفاد والمبلغ ممكن نبقى نقوله بدل 15 جنيه فى الحصة يبقى 25 جنيه فى الحصتين بحيث أن المبلغ يبقى فى الشهر 50 جنيه للفرد، ومش عارف هيوافق ولا لا لأنه مش معايا حالياً.
ده تمام طب هنتاقبل الساعه كام و هات تليفونك
عاوين نعمل مشاركه واحده فيها كل التليفونات

mman2005 11-03-09 04:09 PM
رد: إلى من يريد الدفاع عن نفسه د البلطحية
 
الإتفاق المبدئى الساعة 3 ورقم موبايلى 0112898303 داخل الحديقة الجانب الشمال من الحديقة ونأكد بكرة الى هيجى والميعاد.

محمود القاضى 11-03-09 04:17 PM
رد: إلى من يريد الدفاع عن نفسه د البلطحية
 
اقتباس:
المشاركة الأصلية كتبت بواسطة mman2005 (المشاركة 54068)
الإتفاق المبدئى الساعة 3 ورقم موبايلى 0112898303 داخل الحديقة الجانب الشمال من الحديقة ونأكد بكرة الى هيجى والميعاد.
تمام بس خليها خارج الحديقه علشان نعرف نتفرج على بقيه الاماكن
يعنى نتقابل على البوابه الاول
و بعدين نتفق
على العموم بكره مش هكون على النت
بس هتصل بيك
و سجل رقمى
و اعرف انتوا اتفقتوا على ايه
و يا ريت خالد و بقيه الاخوه
يكونوا معانا

mman2005 11-03-09 04:22 PM
رد: إلى من يريد الدفاع عن نفسه د البلطحية
 
اقتباس:
المشاركة الأصلية كتبت بواسطة محمود القاضى (المشاركة 54071)
تمام بس خليها خارج الحديقه علشان نعرف نتفرج على بقيه الاماكن
يعنى نتقابل على البوابه الاول
و بعدين نتفق
على العموم بكره مش هكون على النت
بس هتصل بيك
و سجل رقمى
و اعرف انتوا اتفقتوا على ايه
و يا ريت خالد و بقيه الاخوه
يكونوا معانا
حضرتك هتجيب حد معاك علشان عايزين نعرف العدد هيبقى 6 ولا أقل وعلشان ممكن حد جديد يطلب ينضم وأى عدد يزيد عن 6 يكونه هما مجموعة ثانية.

Calm&Silent 11-03-09 04:34 PM
رد: إلى من يريد الدفاع عن نفسه د البلطحية
 
اقتباس:
المشاركة الأصلية كتبت بواسطة محمود القاضى (المشاركة 54071)
تمام بس خليها خارج الحديقه علشان نعرف نتفرج على بقيه الاماكن
يعنى نتقابل على البوابه الاول
و بعدين نتفق
على العموم بكره مش هكون على النت
بس هتصل بيك
و سجل رقمى
و اعرف انتوا اتفقتوا على ايه
و يا ريت خالد و بقيه الاخوه
يكونوا معانا
أنا جاهز إن شاء الله ليوم الجمعة
وبكرة مطلوب من الجميع التأكيد النهائي على الميعاد والمكان بالتحديد:
يوم الجمعة، الساعة 3 عصرا، أمام حديقة بدر (بجسر السويس، جراج عين شمس)


اقتباس:
المشاركة الأصلية كتبت بواسطة mman2005 (المشاركة 54073)
حضرتك هتجيب حد معاك علشان عايزين نعرف العدد هيبقى 6 ولا أقل وعلشان ممكن حد جديد يطلب ينضم وأى عدد يزيد عن 6 يكونه هما مجموعة ثانية.
أنهي مدخل لحديقة بدر؟ فيه مكان معين أسأل عليه؟

mman2005 11-03-09 04:38 PM
رد: إلى من يريد الدفاع عن نفسه د البلطحية
 
الحديقة ليها مدخل 1 بس بوابة واحدة ويا ريت يا جماعة مش تتأخروا عن الساعة 3 أو 3 ألا 10 علشان مش نصيع وقت وعلشان برده على ما ندخل ونغير الهدوم ونتعرف ده هياخد وقت.

محمود القاضى 11-03-09 04:39 PM
رد: إلى من يريد الدفاع عن نفسه د البلطحية
 
اقتباس:
المشاركة الأصلية كتبت بواسطة calm&silent (المشاركة 54077)
أنا جاهز إن شاء الله ليوم الجمعة
وبكرة مطلوب من الجميع التأكيد النهائي على الميعاد والمكان بالتحديد:
يوم الجمعة، الساعة 3 عصرا، أمام حديقة بدر (بجسر السويس، جراج عين شمس)




أنهي مدخل لحديقة بدر؟ فيه مكان معين أسأل عليه؟
تمام
هو المدخل الرئيسى على جسر الويس
بعد كشك القوات المسلحه اللى بيبع المياه المعدنيه

Calm&Silent 11-03-09 04:46 PM
رد: إلى من يريد الدفاع عن نفسه د البلطحية
 
اقتباس:
المشاركة الأصلية كتبت بواسطة mman2005 (المشاركة 54079)
الحديقة ليها مدخل 1 بس بوابة واحدة ويا ريت يا جماعة مش تتأخروا عن الساعة 3 أو 3 ألا 10 علشان مش نصيع وقت وعلشان برده على ما ندخل ونغير الهدوم ونتعرف ده هياخد وقت.
اقتباس:
المشاركة الأصلية كتبت بواسطة محمود القاضى (المشاركة 54080)
تمام
هو المدخل الرئيسى على جسر الويس
بعد كشك القوات المسلحه اللى بيبع المياه المعدنيه
ألف شكر يا جماعة
نشوف بعض يوم الجمعة إن شاء الله
وياريت تبعتلي رقمك على الخاص يا محمود
السلام عليكم

محمود القاضى 11-03-09 04:57 PM
رد: إلى من يريد الدفاع عن نفسه د البلطحية
 
اقتباس:
المشاركة الأصلية كتبت بواسطة calm&silent (المشاركة 54087)
ألف شكر يا جماعة
نشوف بعض يوم الجمعة إن شاء الله
وياريت تبعتلي رقمك على الخاص يا محمود
السلام عليكم
رقمى موجود فى كل مشاركه مع كل توقيع

mman2005 11-03-10 12:42 PM
رد: إلى من يريد الدفاع عن نفسه د البلطحية
 
يا جماعة أنا عايز تأكيد بالحضور غداً بمشيئة الله الساعة علشان أكد على الراجل تأكيد أخير، مش عايزين نضرب مشوار على الفاضى ومنلقيش حد جه، وإلى مش يلاقينى اونلين يتصل بيه يؤكد حضوره.

mman2005 11-03-13 11:00 AM
رد: إلى من يريد الدفاع عن نفسه د البلطحية
 
الحمد لله تم أول يوم تدريب، كنا ثلاثة أفراد، أنا ومحمود القاضى والأخ خالد وكان يوم ممتع وجميل وأتعرفنا على بعض وأتدربنا على كم حركة أيكيدو، بس الأخ محمود القاضى أيديه تقيلة شوية وكان هيكسر أيدية خف يا محمود المرة الجاية، وبصراحة محمود وخالد شخصيات زى الفل وناس محترمة وأنا سعيد أنى أتعرفت عليهم.

mman2005 11-03-17 02:05 PM
رد: إلى من يريد الدفاع عن نفسه د البلطحية
 
مين هيجى بكره إن شاء الله يا جماعة التدريب، يا ريت لو حد عايز يقول علشان لسة المجموعة مش كملت وشكراً.

ابو مروان 11-03-17 02:19 PM
رد: إلى من يريد الدفاع عن نفسه د البلطحية
 
واللة انا ما عارف اية علاقة دة بالصيد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

Aboyassin 11-03-17 02:58 PM
رد: إلى من يريد الدفاع عن نفسه د البلطحية
 
السلام عليكم
أنا معكم إن شاء الله
م/ شريف. جسر السويس

mman2005 11-03-17 03:25 PM
رد: إلى من يريد الدفاع عن نفسه د البلطحية
 
اقتباس:
المشاركة الأصلية كتبت بواسطة ابو مروان (المشاركة 57816)
واللة انا ما عارف اية علاقة دة بالصيد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يا أخى ابو مروان هدى من نفسك أنت زعلان ليه، القسم أسمه القسم العام وهو خاص بأى شئ عام وإحنا عملنا الموضوع ده علشان الناس الى كل شوية بتسأل عن أسلحة نارية حية وإنتشار البلطجة فى المجتمع، جبت واحد زميلى مدرب أيكيدوا بيدربنا كل يوم جمعة فى حديقة بدر بندفعله مبلغ رمزى والمبلغ هيقل لما العدد يزيد، لو حضرتك مش عجبك الفكرة أنت حر فى رأيك، وإحنا حرين فى رأينا ولا ضرر ولا ضرار.

mman2005 11-03-17 03:27 PM
رد: إلى من يريد الدفاع عن نفسه د البلطحية
 
اقتباس:
المشاركة الأصلية كتبت بواسطة aboyassin (المشاركة 57840)
السلام عليكم
أنا معكم إن شاء الله
م/ شريف. جسر السويس
يشرفنا أنضمامك يا باش مهندس إحنا أول يوم كنا 3 افراد وإحتمال نكون 4 بكرة ولو حضرتك جيت هنبقى خمسة، ميعاد التدريب فى حديقة بدر الساعة 3 إن شاء الله، وده رقم موبايلى لو حبيت تيجى 0112898303.

Abdo 11-03-17 10:41 PM
رد: إلى من يريد الدفاع عن نفسه د البلطحية
 
يا جماعة تاجروا صالة لية؟؟؟؟
ممكن ترعملوا اشتراك فى اى مركز شباب ونتجمع كل يوم جمعة بجنيهات معدودة هتكون عملت الاشتراك فى المركز وتروح فى اى وقت ونتدرب فية براحتنا

mman2005 11-03-18 06:12 PM
رد: إلى من يريد الدفاع عن نفسه د البلطحية
 
اقتباس:
المشاركة الأصلية كتبت بواسطة abdo (المشاركة 58077)
يا جماعة تاجروا صالة لية؟؟؟؟
ممكن ترعملوا اشتراك فى اى مركز شباب ونتجمع كل يوم جمعة بجنيهات معدودة هتكون عملت الاشتراك فى المركز وتروح فى اى وقت ونتدرب فية براحتنا
إحنا فعلاً بنتدرب فى حديقة بدر فى جسر السويس ورسم دخول الحديقة 2 جنيه فقط، والحديقة مستواها كويس جداً وفيها أماكن واسعة، ويشرفنا إنضمامك، إحنا عايزين نكون ست أفراد بعد كده مش هنقبل حد تانى، والحصة ساعتين ب 15 جنيه وممكن المبلغ يقل عن كده ف حال توافر ستة أشخاص.

wael-elshenawi 11-03-18 06:41 PM
رد: إلى من يريد الدفاع عن نفسه د البلطحية
 
السلام عليكم اخى الكريم برجاء تعريفى بما هى المواعيد وكيفية التواصل اخيك وائل الشناوى 0110922727

mman2005 11-03-18 06:50 PM
رد: إلى من يريد الدفاع عن نفسه د البلطحية
 
اقتباس:
المشاركة الأصلية كتبت بواسطة wael-elshenawi (المشاركة 58459)
السلام عليكم اخى الكريم برجاء تعريفى بما هى المواعيد وكيفية التواصل اخيك وائل الشناوى 0110922727
أخى الفاضل نحن نتدرب يوم الجمعة الساعة الثالثة بحديقة بدر ويسعدنا إنضماك إلينا، أخوك محمد ورقمى 0112898303 ولسة جاى من التدريب من شوية، بس حضرتك أتصل قبليها بيوم علشان تتأكد أن المدرب جاى ومش هيعتذر

Android man 11-05-28 04:25 PM
رد: إلى من يريد الدفاع عن نفسه د البلطحية
 
انا من بورسعيد وكنت زمان بلعب لعبة اسمها باركور وهي كلمة فرنساوي تعني تختي الحواجر او الهروب الحر وممكن تدخلو علي اليوتيوب وتشوفها بس المهم انا حاليا مبطلها وكرشت اوي ههههههههههه
بس حاليا اخلص امتحانات والعب تخسيس شهرين وبعديها اكون معاكو بأذن الله ومستعد اجيلكو في المواعيد بس حد ساعتها يقولي اجي من بورسعيد ازاي واركب ايه بس انا اقترح ان يكون يومين في الاسبوع او يوم الجمعة فقط بس يكون 3 ساعات مثلا وانا متحمس جدا علي فكرة لللعبة دي لانها هتساعدني كتير حتي كمان في اللعبة الاساسية بتاعتي
وشكرا

don'tshoot 11-05-28 05:15 PM
رد: إلى من يريد الدفاع عن نفسه ضد البلطحية
 
من واقع خبرتي مع الأيكيدو وان كنت ملعبتهاش فترة طويلة إلا أنها لعبة استعراضية في المقام الأول ، ولو عايز تستخدمها في القتال فمينفعش تستخدمها لوحدها لازم يكون عندك خلفية قتالية صحيحة (يعني تكون بتلعب كونغفو أو كيوكوشن أو كيك بوس أو ملاكمة....) ويكون عندك لياقة كويسة وجسم كويس

أما موضوع فلسفة الأيكيدو وإن أي حد بيستخدمها حتي لو كان راجل مسن وفيديوهات موريهي أويشيبا وغيره فده كله (تمثيل) ، أنت أصلاً لازم تقعد فترة (ممكن توصل لشهر) تتعلم إزاي ترمي نفسك فقط بدون تعلم أي حركات وبعد كده بتبدأ تتعلم مجموعات حركات ، إزاي تعمل الحركة ورد الحركة ، يعني تمثيلية شكلها حلو.... ومفيش فايت حقيقي في الأيكيدو

أنا كنت بلعب في اتحاد الشرطة (ده أحسن نادي بيدرب اللعبة دي في مصر) لكن أنا كان عندي خلفية قتالة لأني كنت بلعب كونغفو لفترة طويلة من صغري، وبقول إن الأيكيدو أفادني طبعاً لكن بدرجة معينة وكإضافة ، غير كده لا أعتقد إن الأيكيدو هيبقي مفيد (لإن حتي مفيش فيه تمارين لياقة زي بقيت الألعاب :) ) وبالتوفيق وربنا يحفظ الجميع


الساعة الآن 09:48 PM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir