الصيد فى مصر - تعارفوا تحابوا

الصيد فى مصر (http://www.egyhunt.net/index.php)

- محدثات الصوت (http://www.egyhunt.net/forumdisplay.php?f=81)

- - تعارفوا تحابوا (http://www.egyhunt.net/showthread.php?t=5522)

ادم عبد ربه

11-03-08 04:06 PM

تعارفوا تحابوا

هو ممكن يعنى لو الظروف سمحت ممكن نرتب موعد نتقابل فيه كلنا طالما بنتكلم فى نفس الموضوع وانا عن نفسى ممكن اجى من الاسكندرية بس علشان اشوف بدر ولو القنصل ييجى انا ابت له من قبلها بليلة ناس كلها افاضل وبقترح وده طبعا حاجة شخصية ممكن نصلى اى يوم جمعة ونتقابل بعد الصلاة ونقول قبلها للناس بأسبوع علشان اللى عايز ييجى ويبقى تعارف وفسحة وتغيير جو عن اللى بنعيشه فى الايام الصعبة دى واكيد هيبقى عيش وملح لو ادارة المنتدى عملت غدا جماعى ياسلام كده يبقى من الاخر .

صائد البوم

11-03-08 05:03 PM

رد: تعارفوا تحابوا

شيء جميل وانا معاكم ان شاء الله

احمد العوضى

11-03-08 05:08 PM

رد: تعارفوا تحابوا

تعارفو تحابو فكره جميييييييييييييييييييييييييييييييييييله جدا جدا(اصل الكلمه تهادو تحابو صلا الله على الرسول الامى)

بدر	11-03-08 05:16 PM

رد: تعارفوا تحابوا

اقتباس:

المشاركة الأصلية كتبت بواسطة ادم عبد ربه (المشاركة 53475)

حبيبى السلام عليكم
طبعا فكرة هايلة وخصوصا موضوع الاكل
ودة ممكن ننظم مجموعة تطلع تصطاد والمجموعة التانية عليها الاكل هههههههههههه

memo2224

11-03-08 05:21 PM

رد: تعارفوا تحابوا

ههههههههههههههههههههههه حلوه دى ياستاذ بدر
بس الفكره كمان حلوه

هشام سمير

11-03-08 05:29 PM

رد: تعارفوا تحابوا

اقتباس:

المشاركة الأصلية كتبت بواسطة بدر (المشاركة 53508)

فكره والله جميله بس طبعاً فى مجموعة الاكل انا بقلها من دلوقتى اه ههههههههههه

braveheart

11-03-08 05:30 PM

رد: تعارفوا تحابوا

يشرفني التعارف بجميع أعضاء المنتدي المحترمين.

mlikhunter

11-03-08 05:37 PM

رد: تعارفوا تحابوا

السلام اخواني انا اويد هذا اللقاء وان شاء الله بالتوفيق قلبي معكم

Consul

11-03-08 06:05 PM

رد: تعارفوا تحابوا

اقتباس:

المشاركة الأصلية كتبت بواسطة بدر (المشاركة 53508)

يا حبيب قلبي والله فكرة هائلة وجميلة طبعا...مجموعة تصطاد وعرفناها وأكثر الله من خيراتهم ما قصروا...بس إيه ذنب المجموعة الثانية نوجع بطنهم...هل سيأكلون الصيد بريشه...بالطبع محتاجين مجموعة ثالثة للتحضير والتجهيز والطبخ...وبعدين إللي ها يأكلوا وإللي ها يطبخوا دول مالهمش نفس يصطادوا...ويمارسوا الهواية معانا ولا إيه؟!...أنا بس بأفتح مواضيع علشان نفكر مع بعض بصوت عالي ونستفيد من أفكار وخبرات بعض...أنا عن نفسي من زمان بأحب أقف حارس مرمي...يعني أحرس الصيد والأكل من القطط والكلاب والغربان...طبعا أنا بأضحك حبايب قلبي...يا ريت والله نتجمع كلنا ونتعارف عن قرب أكثر ونمارس الهواية في مجموعات ونتبادل المعلومات والخبرات والتجارب...بس للأسف في الوقت الراهن صعب وفي ظل هذه الظروف الأمنية وعدم وجود أدارة للمنتدى ومشرفين لتنظيم وترتب هذه اللقاءات...يا ريت...ندعوا الله أن يفرجها علينا قريبا من عنده...اللهم آمين...خالص تحياتي...

هشام سمير

11-03-08 07:33 PM

رد: تعارفوا تحابوا

اقتباس:

المشاركة الأصلية كتبت بواسطة consul (المشاركة 53535)

ديماً اقتراحات عبقريه يا سيادة القنصل ربنا يبركلك وانا كمان حقعد معاك احرس الصيد :):)

braveheart

11-03-08 07:57 PM

رد: تعارفوا تحابوا

يا أستاذ هشااااام ... بلاش أنت علشان أنت مش بتنزل في القاهرة غير لكارفور أو غبور .. هههههههه

و كمان نسيت تجيب لي علبة الطلق الألماني ال 8 م ... و كنت هخبط المشوار أونطة ... أفتكرتني ولا لأ ..

أنا بهزر طبعا ... أنا كان نفسي أقابل الراجل المحترم دة علشان أتعرف علية أكثر من إني أشتري منه ... بس الظروف بقي.

بالمناسبة أنا جيبت علبة 50 طلقة Umarex ألماني بـ 200 ج ..

ادم عبد ربه

11-03-09 01:57 AM

رد: تعارفوا تحابوا

طيب كلام جميل جدا اول ما كبرتنا يقررو انا خدام وعلى فكرة سامحونى على طريقتى فى الكلام دى لانى اصلى من المحلة واتربيت على انى لازم يبقالى كبير فطبعا القنصل والد بدر وعنانى اخوة افاضل وكبار و سيادة المستشار هشام باشا اخى الصغير ولو انه مبيحبش اعمل معاه اى واجب فى جرين بلازا
المهم رتبوا واكيد هنتقابل على كل خير والسلام كل السلام منى حفظكم الله انتم واهلكم من كل ضر وسوء

Consul

11-03-09 02:40 AM

رد: تعارفوا تحابوا

اقتباس:

المشاركة الأصلية كتبت بواسطة ادم عبد ربه (المشاركة 53798)

الله يبارك فيك حبيب قلبي...كلك شهامة وذوق وصاحب واجب وأبو الكرم...كلنا أخوة وأسرة واحدة...والمحلة خيرها علينا كلنا...وياما لبسنا وإتكسينا من المحلة...إن شاء الله تهدأ الأمور ويستقر الحال ونرتب ميعاد في أقرب وقت...إدعي معايا وقول يا رب...خالص تحياتي...

احمد العوضى

11-03-09 02:44 AM

رد: تعارفوا تحابوا

منين من المحله اخ ادم نحب نتعرف عليك وايه المشكله انك تكون من المحله هيه عيب هههههههههههههههه اخوك برده محلاوى من شكرى القوتلى

Consul

11-03-09 02:48 AM

رد: تعارفوا تحابوا

اقتباس:

المشاركة الأصلية كتبت بواسطة احمد العوضى (المشاركة 53822)

أحسن وأجدع ناس وزدنا شرف بمعرفتكم...بارك الله فيكم جميعا أخي الحبيب...خالص تحياتي...

احمد العوضى

11-03-09 02:53 AM

رد: تعارفوا تحابوا

ده من ذوق اخلاقك تشرفنا فى اى وقت نعمل الواجب معاك اخوك م/احمد العوضى من المحله

hemi afifi

11-03-09 03:10 AM

رد: تعارفوا تحابوا

بمناسبة تجمع كبار المنتدي كلهم ماشاء الله انا نفسي اسأل علي مذكرة حمل السلاح الصوت التي تستخرج من القسم الكلام ده حقيقي ولا لأ و شكرا

احمد العوضى

11-03-09 03:18 AM

رد: تعارفوا تحابوا

يا اخى القانون عندنا جميل وملم ولاكن التشكيك سهل اما موضوع المذكره فسيتك تروح لمحامى بالمسدس والفاتوره ويتقدم بمذكره للقسم الى سيتك تابع له ويسبت ان المسدس الى معاك صوت بالفاتوره ورقم المسدس وللاسف الكلام ده لا يسبت شىء بل من السهل انه يتقال ان سيتك هددت بيه حد وتخش فى س وج وبرده ممكن اى ضابط معندوش ضمير يعملك احراذ سلاح بدون رخصه وخش الحبس لحد ما تسبت بالمذكره والمعمل الجنائى انه صوت وفى الاخر بتتناذل عنه بمعنا ادق بيتصاضر منك تقبل سؤال البيضه الاول ولا الفرخه ههههههههههههه

hemi afifi

11-03-09 03:20 AM

رد: تعارفوا تحابوا

انا كل يوم بحب القانون المصري اكتر من اليوم اللي قبله , حسبي الله و نعم الوكيل

احمد العوضى

11-03-09 03:24 AM

رد: تعارفوا تحابوا

اقتباس:

المشاركة الأصلية كتبت بواسطة hemi afifi (المشاركة 53838)

انا كل يوم بحب القانون المصري اكتر من اليوم اللي قبله , حسبي الله و نعم الوكيل

ولاهى مش قصدى تحبه المشكله هوه يحبك وسلملى على الترماى لان احنا الى بنخدم السيد المحترم المبجل اوعه اكون نسيت لقب لحسن بعدين اروح فى !!!!!!!طبعا قصدى على القانون اوع دماغك تروح لبعيد

hemi afifi

11-03-09 03:28 AM

رد: تعارفوا تحابوا

ما تيجي نعمل اعتصام و نعيطلهم شويه يمكن يفتحو الترخيص و يخففوا الشروط

احمد العوضى

11-03-09 03:36 AM

رد: تعارفوا تحابوا

اقتباس:

المشاركة الأصلية كتبت بواسطة hemi afifi (المشاركة 53842)

ما تيجي نعمل اعتصام و نعيطلهم شويه يمكن يفتحو الترخيص و يخففوا الشروط

اعمل اعتصام يوقف البلد مقبول اعمل اعتصام يخرب البلد مقبول اعمل اعتصام يرجع البلد 100 سنه اهلن بيك لاكن اشتغل واحمى نفسك وبيتك تبا ايه ا ر ه ا ب ى انت الى اريت انا مقلتش حاجه هههههههههههههههههههههههههههههههههههههههههههههه

hemi afifi

11-03-09 03:42 AM

رد: تعارفوا تحابوا

بتلبسني يا عوضي احتمال تكون بلغت عني كمان و خلي بالك انا مش حقع لوحدي انا عندي cd و مستندات تسجنك معايا "حته مرتضي منصور"

احمد العوضى

11-03-09 03:47 AM

رد: تعارفوا تحابوا

يله على الاقل هلاءى ليه ذميل ذنذانه صباح الفل ولاهى بكره احلا دى بلدنه بتتولد من جديد يعنى لسه عيذه رجاله تائف جنبها وتاخد بادها مش تنهش لحمها وكفايه كده سياسه لحسن هباغ عن نفسى

hemi afifi

11-03-09 03:53 AM

رد: تعارفوا تحابوا

والله كده كفايه و حلو واكتر من ما كنا نحلم بيه المفروض نهداااا و نفكر و نشتغل و نستحمل شوية وجع القلب دول كام شهر و الله حتبقي جنه و بالنسبه للسجن اهو يبقا تغيير جو و تواصل بين طبقات المجتمع

احمد العوضى

11-03-09 03:56 AM

رد: تعارفوا تحابوا

يا باشا يشرفنى الستضافتك فى اى وقت تتفضل العرض مفتوح لاى انسان محترم

hemi afifi

11-03-09 04:04 AM

رد: تعارفوا تحابوا

الله يكرمك يا باشا اتشرفت بمعرفتك

ادم عبد ربه

11-03-09 11:59 AM

رد: تعارفوا تحابوا

ايوه ياعوضى

احمد العوضى

11-03-09 12:03 PM

رد: تعارفوا تحابوا

انا من شكرى بكلوريوس هندسه دفعة 87 ج القاهره واعمل مهندس حر مع معظم مصانع الملابس والنسيج

ادم عبد ربه

11-03-09 03:27 PM

رد: تعارفوا تحابوا

شكرا يا احمد

JOKER_KLEN

11-03-09 04:45 PM

رد: تعارفوا تحابوا

يوجد مسدس صوت رقم 1 النوع أيكول ماجنم 14 طلقة عيار 9ملى عادى المنشا تركى الحجم الكبير جديد تماما بالعلبة .
السعـــر : 1000ج
رقم الموبيل : 0126309816
انا من القاهرة / الهرم او المعادى او السلام

zmbugany

11-03-09 08:00 PM

رد: تعارفوا تحابوا

معاكم بالتاكيد
ثورة ......ثورة........ثورة

goodzila

11-03-10 12:57 AM

رد: تعارفوا تحابوا

اقتباس:

المشاركة الأصلية كتبت بواسطة ادم عبد ربه (المشاركة 53798)

عشان كده افكارك جمده هما المحلويه بتوع الفسح والحجات الجمده بس ربنا يفقوا للعمل الجامد وانا عن نفسي اول المشتركين وعلي فكره انا كمان من المحله

goodzila

11-03-10 01:02 AM

رد: تعارفوا تحابوا

اه ياجماعه هتعملو الغدا امتا عشان انا جعان

الساعة الآن 09:57 AM