الصيد فى مصر

الصيد فى مصر (http://www.egyhunt.net/index.php)
-   الصيد العام (http://www.egyhunt.net/forumdisplay.php?f=1)
-   -   باركولى !!!! (http://www.egyhunt.net/showthread.php?t=5530)

mohamed_salam 11-03-08 06:45 PM
باركولى !!!!
 
الموضوع مغلق من المستخدم

BooGY 11-03-08 07:01 PM
رد: باركولى !!!!
 
الف مليون مبروك وربنا يديك خيرها ويكفيك شرها ويبارك لك فيها ويزيدك وعقبالنا يا رب ويشرفنى انى اكون اول واحد يبارك لك

mohamed_salam 11-03-08 07:19 PM
رد: باركولى !!!!
 
اقتباس:
المشاركة الأصلية كتبت بواسطة boogy (المشاركة 53574)
الف مليون مبروك وربنا يديك خيرها ويكفيك شرها ويبارك لك فيها ويزيدك وعقبالنا يا رب ويشرفنى انى اكون اول واحد يبارك لك
و الف مليون الله يبارك فيك ياباشا و انا اللى اتشرفت بيك و بردك الغالى

هشام سمير 11-03-08 07:35 PM
رد: باركولى !!!!
 
الف مليون مبروك يا حبيب قلبى اتصل بيا علشان الرصيد خلص والله اتصل بيا دلوقتى يا حماده

Consul 11-03-08 07:47 PM
رد: باركولى !!!!
 
أخي الحبيب الأستاذ محمد سلام...ألف مبروك عليك العروسة الشقراء الجديدة...ربنا يديك خيرها ويكفيك شرها...وبعدين من أولها ها نغير ولا إيه؟...بتخبيها منا ليه؟...مش تورينا صورة العروسة؟...ولا باين عليها وحشة؟!...ولا يمكن ما بتتكشفش على حد...مستنيين نشوفها علشان نعرف ذوقك والكل يبارك ويهني ويديكوا النقوط...مبارك إن شاء الله...وبالحمام والبط...ويا ريت تشوف لينا صاحبك ده يمكن يكون عنده أخت ليها ولا بنت عم مش مرتبطة...خالص تحياتي...

AMR EBID 11-03-08 08:44 PM
رد: باركولى !!!!
 
الف مبروك يا باشا هيه دي البنادق
صحبك كان جيبها من مصر

mlikhunter 11-03-08 09:06 PM
رد: باركولى !!!!
 
السلام مبروك البندق الجديد

صائد البوم 11-03-08 09:35 PM
رد: باركولى !!!!
 
الف مبروك كنت عايز اسال هل هذا المنظار يصلح في الاستخدام ليلا وبكام لاني ناوي اشتري واحد من الاستاذ هشام بلدياتي

Consul 11-03-08 09:59 PM
رد: باركولى !!!!
 
اقتباس:
المشاركة الأصلية كتبت بواسطة صائد البوم (المشاركة 53663)
الف مبروك كنت عايز اسال هل هذا المنظار يصلح في الاستخدام ليلا وبكام لاني ناوي اشتري واحد من الاستاذ هشام بلدياتي
بارك الله فيك إبني الغالي...للتوضيح هذا ليس بتيليسكوب رؤية ليلية...وإنما إضاءة للشعار داخلية بلون أحمر أو أخضر ( تضيئ الصليبة الداخلية بلون أحمر أو أخضر فقط ) ليكون الشعار واضح في ظروف الإضاءة المختلفة فقد يكون الجو ماطر أو سحاب وغيوم وقد يكون الشعار الداخلي غير واضح...فهذا للتوضيح فقط وليس لتوضيح أو إضاءة الهدف...وعموما التيليسكوب غير عملي على البنادق المتوسطة القوة...عملي ويفضل إستعماله مع البنادق القوية الهاي باور وللصيد والرماية من مسافات بعيدة...خالص تحياتي...

صائد البوم 11-03-08 10:07 PM
رد: باركولى !!!!
 
ربنا يبارك فيك ياسياده القنصل بس انا ناوي اجيب ديانا 52 او 54 وكنت بسال عن تلسكوب يكون جيد وياريت لو يكون فيه اي امكانيه للرؤيه الليليه لاني بطر اني اضرب بالخرطوش لو بصطاد باليل ومعظم صيدي باليل ياريت الافاده ولكم جزيل الشكر

AMR ALY 11-03-08 10:09 PM
رد: باركولى !!!!
 
نفسي الا قي حد بيبيع بنادق ال pcp في مصر و الف مبروك عالعروسه و عقبال البكاري-:-)

mohamed_salam 11-03-08 11:33 PM
رد: باركولى !!!!
 
اقتباس:
المشاركة الأصلية كتبت بواسطة consul (المشاركة 53609)
أخي الحبيب الأستاذ محمد سلام...ألف مبروك عليك العروسة الشقراء الجديدة...ربنا يديك خيرها ويكفيك شرها...وبعدين من أولها ها نغير ولا إيه؟...بتخبيها منا ليه؟...مش تورينا صورة العروسة؟...ولا باين عليها وحشة؟!...ولا يمكن ما بتتكشفش على حد...مستنيين نشوفها علشان نعرف ذوقك والكل يبارك ويهني ويديكوا النقوط...مبارك إن شاء الله...وبالحمام والبط...ويا ريت تشوف لينا صاحبك ده يمكن يكون عنده أخت ليها ولا بنت عم مش مرتبطة...خالص تحياتي...
السلام عليكم استاذنا الكريم
اعرفك بـ بس بس عروستى الجديدة يارب الصور تعجب حضرتك
شكرا على ردك الجميل و الروح الفكاهيه العاليه :)

mohamed_salam 11-03-08 11:36 PM
رد: باركولى !!!!
 
اقتباس:
المشاركة الأصلية كتبت بواسطة amr ebid (المشاركة 53642)
الف مبروك يا باشا هيه دي البنادق
صحبك كان جيبها من مصر
بيقول انه كان جايبها من عند فتح الله اسكندرية و المنفاخ من الكويت
شكرا على ردك و الله يبارك فيك

mohd_wafik 11-03-08 11:48 PM
رد: باركولى !!!!
 
اللف مبروك يا محمد على العروسه ... بس ممكن تشرحلي فكرة المنفاخ ايييه لاني بصراحه مش فاهم الموضوع ده .. و تقبل تحياتي

mohamed_salam 11-03-09 12:00 AM
رد: باركولى !!!!
 
اقتباس:
المشاركة الأصلية كتبت بواسطة mohd_wafik (المشاركة 53734)
اللف مبروك يا محمد على العروسه ... بس ممكن تشرحلي فكرة المنفاخ ايييه لاني بصراحه مش فاهم الموضوع ده .. و تقبل تحياتي
سهل جدا بتفك التانك الخاص بالبندقية و الموجود فى المقدمة و بعدين بتوصلة بالمنفاخ واللى شبة منفاخ العجلة اللى بيد بس يزيد انه به عداد حتى 300 بار و تبداء بالنفخ و التانك به وان واى فالف و بكده كل اللى بتكبسه ما بيرجعش تانى لحد ما توصل لضغط 200 بار و ده بيسمح انك تضرب 230 طلقة رش نمرة 2 بقوة فعلا كبيرة انا ما حستهاش حتى فى الديانا مع احترامى الشديد لها بس فعلا مع ضغط 200 بار اخترقت برشاية برو ماجنوم قطعة خشب ابيض بسمك 5سم و نص
فعلا ممتازه
و الحمد لله رب العالمين

mohd_wafik 11-03-09 12:02 AM
رد: باركولى !!!!
 
يعني هيه بضغط الهوا مش سوسته يعني ؟ ... انشاء الله نتقابل واخليك تجرب الديانا ماجنوم 350

juDge911 11-03-09 12:07 AM
رد: باركولى !!!!
 
الف الف مبروك ياجميل وشكلها جامد جدا بسم الله ما شاء الله ووضح طبعا انك مبسوط بيها قوى ربنا يباركلك فيها
بس ازاى صاحبك يبقى عنده بندقيه زى دى وانت ماتعرفش :)....

وهى سعرها كام جديد؟؟

جوبا 11-03-09 12:38 AM
رد: باركولى !!!!
 
ألف ألف مبروك يا باشا ولو في أخت للعروسة ديت أنا ممكن أتقدم للجواز :))
ياريت لو في وحدة زيها تبلغني

Consul 11-03-09 01:31 AM
رد: باركولى !!!!
 
اقتباس:
المشاركة الأصلية كتبت بواسطة صائد البوم (المشاركة 53683)
ربنا يبارك فيك ياسياده القنصل بس انا ناوي اجيب ديانا 52 او 54 وكنت بسال عن تلسكوب يكون جيد وياريت لو يكون فيه اي امكانيه للرؤيه الليليه لاني بطر اني اضرب بالخرطوش لو بصطاد باليل ومعظم صيدي باليل ياريت الافاده ولكم جزيل الشكر
الله يبارك فيك حبيب قلبي...أكيد طبعا إنت عارف إن الخرطوش ما بيركبش عليه تيليسكوب...أولا علشان بيفرش...ثانيا علشان رد فعله...ثالثا لا يوجد بندقية خرطوش مجهزة لتركيب تيليسكوب...بالطبع التيليسكوب ينفع وعملي على الديانا سواء 52 أو 54...والموجود بالسوق هو البوشنيل والتاسكو والـ bsa وكله صناعة صيني بس نمرة 1 وخامته ممتازة وبتصريح من الشركات المذكورة...وموجود عند أخونا العزيز الأستاذ هشام سمير وهو أمين في أسعاره ربنا يبارك له...يستحسن تجيب مقاس 3-9*40 أو 3-9*50 أفضل وأوضح أكثر...وللعلم لا توجد في مصر تيليسكوبات روئية ليلية...ممكن يكون مجهز لتركيب كشاف أو ليزر أخضر...خالص تحياتي...

Consul 11-03-09 02:14 AM
رد: باركولى !!!!
 
اقتباس:
المشاركة الأصلية كتبت بواسطة mohamed_salam (المشاركة 53724)
السلام عليكم استاذنا الكريم
اعرفك بـ بس بس عروستى الجديدة يارب الصور تعجب حضرتك
شكرا على ردك الجميل و الروح الفكاهيه العاليه :)
وعليكم السلام ورحمة الله وبركاته...بص بقي مافيناش من زعل...هي دلوقتي في حضنك وعلى زمتك...إنت بتوريني صورها وأنا بأشكرك وممتن ليك ولذوقك...بس المهم تعجبك إنت مش مهم أنا...إسمحلي أعرض عليك فيديوهات للعروسة طبعا قبل ما تعرفوا بعض وتبقي على ذمتك...بس والله بريئة لا تسيئ الظن...دي سمعتها زي الفل والكل بيشكر فيها وفي مزاياها...وبتشيل عشر رشات في الخزنة بتاعتها عيار 5.5 ( نمرة 2 ) وسرعتها حوالي 220 م/ث وتعملها 60 رشة في الأنبوبة الكبيرة و35 رشة في الأنبوبة الأصغر...ويعاد شحنها مرة أخرى...ربنا يباركلك فيها وتقدر على مصاريفها وتملأ لك البيت باليمام والحمام والبط والزغاليل...إتفرج وإستمتع وقول يا سلام سلم...خالص تحياتي...

mlikhunter 11-03-09 05:23 AM
رد: باركولى !!!!
 
السلام: كلام اخي القنصل 100% انا اخذته للكرال لكن شكله طويل ومداه بعيد يعني انا ارى انه مش للهوائيات
وشغلة تغيير لون الصليب مش ليها فايده لانها توضح الصليب ليلا لكن مش منظار ليلي

said ali 11-03-09 06:17 AM
رد: باركولى !!!!
 
بسم الله ما شاء الله

فعلا هى بندقيه رائعه
الله يباركلك فيها
ويعطيك خيرها
ويكفيك شرها

mohamed_salam 11-03-09 06:39 AM
رد: باركولى !!!!
 
اقتباس:
المشاركة الأصلية كتبت بواسطة juDge911 (المشاركة 53741)
الف الف مبروك ياجميل وشكلها جامد جدا بسم الله ما شاء الله ووضح طبعا انك مبسوط بيها قوى ربنا يباركلك فيها
بس ازاى صاحبك يبقى عنده بندقيه زى دى وانت ماتعرفش :)....

وهى سعرها كام جديد؟؟
الله يبارك فيك و الله اصله بيحب البحر وانا ماتواقعتش انه غاوى صيد برى و اول مرة افتح معاه الموضوع علشان انا نفسى بقالى كتير بعيد عن الصيد البرى;)
و سعرها بره جديدة 890 دولار تخيل لو بتتباع فى مصر هتبقى بكام اكيد بسعر يخض :eek:

mohamed_salam 11-03-09 06:57 AM
رد: باركولى !!!!
 
اقتباس:
المشاركة الأصلية كتبت بواسطة consul (المشاركة 53814)
وعليكم السلام ورحمة الله وبركاته...بص بقي مافيناش من زعل...هي دلوقتي في حضنك وعلى زمتك...إنت بتوريني صورها وأنا بأشكرك وممتن ليك ولذوقك...بس المهم تعجبك إنت مش مهم أنا...إسمحلي أعرض عليك فيديوهات للعروسة طبعا قبل ما تعرفوا بعض وتبقي على ذمتك...بس والله بريئة لا تسيئ الظن...دي سمعتها زي الفل والكل بيشكر فيها وفي مزاياها...وبتشيل عشر رشات في الخزنة بتاعتها عيار 5.5 ( نمرة 2 ) وسرعتها حوالي 220 م/ث وتعملها 60 رشة في الأنبوبة الكبيرة و35 رشة في الأنبوبة الأصغر...ويعاد شحنها مرة أخرى...ربنا يباركلك فيها وتقدر على مصاريفها وتملأ لك البيت باليمام والحمام والبط والزغاليل...إتفرج وإستمتع وقول يا سلام سلم...خالص تحياتي...
شكرا على الفيديوهات يا سيادة القنصل و بالنسبة لبس بس فهيه دخلة دماغى جدا و انا حملت ملف الـ pdf الخاص بها و اللى بيقول حاجة تقريبا مبالغ فيها بشكل تجارى و هيه انها فى قوة 200 بار تقدر تضرب 230 رشاية نمرة 2 و تقدر تقول انى بضرب بيها تقريبا 90 رشاية بقوة كبيرة و اربعين بقوة متوسطة و سدقنى قوتها المتوسطة بتصيب لحد 50 متر تقريبا بدون تغيير فى التليسكوب يعنى الرشة بتمشى فى خط مستقيم و لو تلاحظ فى الفيديوا التانى الجهاز سجل اكبر سرعة للرشاية المستخدمة تقريبا 864 قدم/ثانية يعنى تقريبا 262متر/ثانية
و برده رايك و خبرتك يا سيادة القنصل تهمنا

Aboyassin 11-03-17 03:08 PM
رد: باركولى !!!!
 
السلام عليكم
ألف مبروك يا أ/ محمد
و أسأل الله لك البركة فيها وفيما تضربه بها إن شاء الله.
بورك فى الموهوب و شكرت الواهب. :p

تقبل مرورى

سيدخالد 11-03-17 04:35 PM
رد: باركولى !!!!
 
الف مبروك البندقية الجميلة ديت وربنا يكفيك شرها وبالهناء والشفاء مزيد من الحمام واليملم بس قولى ايه دور المنفاخ ده؟

mohamed_salam 11-03-17 06:48 PM
رد: باركولى !!!!
 
اقتباس:
المشاركة الأصلية كتبت بواسطة سيدخالد (المشاركة 57910)
الف مبروك البندقية الجميلة ديت وربنا يكفيك شرها وبالهناء والشفاء مزيد من الحمام واليملم بس قولى ايه دور المنفاخ ده؟

البندقية بتضرب عن طريق ضغط الهواء الموجود فى تانك خاص بالبندقيه و التانك بيتم ملئه بالمنفاخ او من اى مركز من مراكز الغوص او من انبوبة تانيه كبيره كده ولا كده اى وسيله توصلة لضغط 200 بار تعتبر كافيه و ده يسمحلك انك تضرب 230 رشه يعنى اكترمن اربع رحلات تقريبا

unknown 11-03-18 12:17 AM
رد: باركولى !!!!
 
الف مبروك يا اخى

fidodido 11-03-22 10:43 AM
رد: باركولى !!!!
 
سهل جدا بتفك التانك الخاص بالبندقية و الموجود فى المقدمة و بعدين بتوصلة بالمنفاخ واللى شبة منفاخ العجلة اللى بيد بس يزيد انه به عداد حتى 300 بار و تبداء بالنفخ و التانك به وان واى فالف و بكده كل اللى بتكبسه ما بيرجعش تانى لحد ما توصل لضغط 200 بار و ده بيسمح انك تضرب 230 طلقة رش نمرة 2 بقوة فعلا كبيرة انا ما حستهاش حتى فى الديانا مع احترامى الشديد لها بس فعلا مع ضغط 200 بار اخترقت برشاية برو ماجنوم قطعة خشب ابيض بسمك 5سم و نص
فعلا ممتازه
و الحمد لله رب العالمين

سؤال
معنى الكلام ده ان ممكن حضرتك تموت بيها الكلاب الضاله

mohamed_salam 11-03-23 06:59 AM
رد: باركولى !!!!
 
اقتباس:
المشاركة الأصلية كتبت بواسطة fidodido (المشاركة 60323)
سهل جدا بتفك التانك الخاص بالبندقية و الموجود فى المقدمة و بعدين بتوصلة بالمنفاخ واللى شبة منفاخ العجلة اللى بيد بس يزيد انه به عداد حتى 300 بار و تبداء بالنفخ و التانك به وان واى فالف و بكده كل اللى بتكبسه ما بيرجعش تانى لحد ما توصل لضغط 200 بار و ده بيسمح انك تضرب 230 طلقة رش نمرة 2 بقوة فعلا كبيرة انا ما حستهاش حتى فى الديانا مع احترامى الشديد لها بس فعلا مع ضغط 200 بار اخترقت برشاية برو ماجنوم قطعة خشب ابيض بسمك 5سم و نص
فعلا ممتازه
و الحمد لله رب العالمين

سؤال
معنى الكلام ده ان ممكن حضرتك تموت بيها الكلاب الضاله
و الله طلقة محترمه فى الرقبه او القلب او الرأس كفيله بذلك لقوة البندقية التى اظنها قادره مع رشه ثقيله ان تحطم العظم
او كام طلقه عشوائى كفيله بقتل ذئب او كلب ضال و البندقيه بتديلك امكانيه 10 طلقات ورى بعض

mohamed_salam 11-03-23 07:00 AM
رد: باركولى !!!!
 
اقتباس:
المشاركة الأصلية كتبت بواسطة unknown (المشاركة 58123)
الف مبروك يا اخى
الله يبارك فيك اخى الكريم

salahfareed 11-03-23 07:43 AM
رد: باركولى !!!!
 
مبروك عليك جميله جداااا
ربنا يباركلك فيها
بس كنت عايز اعرف هو فى منها فى مصر حاليا

mohamed_salam 11-03-23 09:51 PM
رد: باركولى !!!!
 
الموضوع مغلق من المستخدم

mahmoudalaa 11-03-23 09:57 PM
رد: باركولى !!!!
 
الف مبرووووووووووك وعقبال ما نشوف صور اول طلعة صيد وبالهنا والشفا مقدما

mohamed_salam 11-03-23 10:07 PM
رد: باركولى !!!!
 
الموضوع مغلق من المستخدم

salahfareed 11-03-24 02:49 PM
رد: باركولى !!!!
 
اقتباس:
المشاركة الأصلية كتبت بواسطة mohamed_salam (المشاركة 61031)
السلام عليكم
و الله انا اللى اعرفه ان كان فيه كام حته جابهم فتح الله زمان و اتنسفوا بس محدش جاب تانى
و انا على المنتدى ده مشوفتش حد عنده منها
و الصراحة اللى عنده منها مدكنها طبعا و مش هيفكر فى انه يبعها الا اذا كان منمر على اشد منها و ده فى دماغى اليومين دول
ادعيلى ربنا يسهل;)
والله بادعوا لك بالخير والتوفيق وتجيب احسن منها باذن الله
ولو بتفكر تتصرف فيها (علشان تشترى اللى احسن منها) انا شارى باذن الله:d:) راسلنى على الخاص

salahfareed 11-03-24 08:29 PM
رد: باركولى !!!!
 
حاولت ابعتلك رساله بس فى مشكله مش بتتبعت لك يبدوانك لاتتلقى رسائل خاصه
كنت اتمنى ان تضع صور اكثر وضوحا وخصوصا الاجزاء الهامه فى الجنب الايسر

mohamed_salam 11-03-24 09:48 PM
رد: باركولى !!!!
 
الموضوع مغلق من المستخدم

رمزى البيلى 11-03-25 08:52 AM
رد: باركولى !!!!
 
الف مبروك ربنا يباركلك فيها

mohamed_salam 11-03-25 07:01 PM
رد: باركولى !!!!
 
اقتباس:
المشاركة الأصلية كتبت بواسطة رمزى البيلى (المشاركة 61884)
الف مبروك ربنا يباركلك فيها

الله يبارك فيك يا باشا
و يرزقك زيها او احسن منها;)


الساعة الآن 10:44 AM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir