الصيد فى مصر

الصيد فى مصر (http://www.egyhunt.net/index.php)
-   بنادق ضغط الهواء ومتعلقاتها (http://www.egyhunt.net/forumdisplay.php?f=51)
-   -   ممكن جميع المعلومات عن البام 21 او 22 (http://www.egyhunt.net/showthread.php?t=5566)

amer ibrahim 11-03-09 03:46 PM
ممكن جميع المعلومات عن البام 21 او 22
 
السلام عليكم ورحمة الله وبركاته
بصراحة أعضاء المنتدى من أروع الأعضاء كلكوا اسرة واحدة ماشاء الله والله
انا كنت حطيت موضوع قبل كدة إسمه (سؤال عن الكرال التركي) لكن كتبت في نهاية الموضوع أنهي أفضل الكرال التركي ولا البام الصيني ومن خلال المقارنة وجدت إن الصيني أفضل فكدة أنا نويت أشتريها بإذن الله وعشان كدة عاوز كل المعلومات عن البندقية من أول طقطق لـ السلامو عليكو ^_^
يعني مثلاً عاوز أعرف:

1-إيه الفرق بين 21 و22 في البام؟
2-سعرها حالياً في السوق
3-هل هي عملية بما إن وزنها كبير يعني
4-هي سرعتها كام متر/الثانية؟
5-وياريت واحد من الأعضاء يكون عنده البندقية يقول رأيه فيها
6-أي سؤال أنا مكتبتهوش تكتبوه وتردو عليه عشان هكون ناسيه ^_^

أنا عارف أني طولت أوي عليكوا بس أنا فعلاً لازم أعرف كل حاجة عن الهدف الي عاوز أشتريه حتى لو كان رخيص.
والسلام خير ختام...

amer ibrahim 11-03-09 06:47 PM
رد: ممكن جميع المعلومات عن البام 21 او 22
 
مش عارف بتتأخروا في أول رد ليه مع إن المنتدى سريع...
عالعموم انا مستني..
لحسن تكونوا زهقتوا مني ولا حاجة ^^

BASiC 11-03-09 06:51 PM
رد: ممكن جميع المعلومات عن البام 21 او 22
 
انا معاك يا باشا وياريت حد يرد للضرورة .........!!!!

احمد هاشم 11-03-09 06:57 PM
رد: ممكن جميع المعلومات عن البام 21 او 22
 
السلام عليكم
اخى العزيز
1لا يوجد فرق بين 21او22 الا فى لون الدبشك والمسطرة الى ممكن تركب عليها النشان
2سعرها تقريبا بعد الفصال الشديد1800
3بندقيه عمليه جدا ووزنها هتاخد عليه من اول طلعه صيد ان شاء الله
4سرعتها 950قدم /ث فاحذر من قوتها لانها فى بعض المناطق فى جسم الانسان قد تكون قاتله بالفعل
وبس انا ممكن اقيملك البندقيه
من حيث القوة 100%
من حيث الدقه70%
وده تلفونى ممكن تكلمنى
0126694014
0143902168

Consul 11-03-09 07:17 PM
رد: ممكن جميع المعلومات عن البام 21 او 22
 
الأخوة الأعزاء الأفاضل...البام سواء 21 أو 22 هي النسخة الصيني للديانا 52 الألماني ( مع إختلاف الخامة والصناعة والشهرة والسعر ) ويركب عليها نفس قطع غيارها...وزنها 4.6 كجم وسرعتها في عيار 5.5 ( نمرة 2 ) 290 م/ث وتعتبر البام 22 مطورة عن البام 21 وعالجت ضعف المسامير المثبتة للناشينكان الخلفي بأخري أقوى وتتحمل رد فعل البندقية الشديد وهناك إختلاف بسيط في شكل الدبشك لكن نفس المكونات والخامة والقوة واحدة...من فرط قوة البندقية ورد فعلها نيشاناتها غير دقيقة ويفضل تركيب تيليسكوب وتثبيته جيدا والصيد بها من مسافات بعيدة...لا بد أن تكون مهيئا ومستعد نفسيا لحمل هذه البندقية والصيد بها لفترة طويلة فهي ثقيلة وبمرور الوقت تملخ اليد فيمكن إستعمال حامل أو الإرتكاز على سور أو حائد لدقة التصويب وعدم إرتعاش يدك من ثقلها بعد فترة من حملها...خالص تحياتي...

بدر 11-03-09 07:23 PM
رد: ممكن جميع المعلومات عن البام 21 او 22
 
اقتباس:
المشاركة الأصلية كتبت بواسطة consul (المشاركة 54145)
الأخوة الأعزاء الأفاضل...البام سواء 21 أو 22 هي النسخة الصيني للديانا 52 الألماني ( مع إختلاف الخامة والصناعة والشهرة والسعر ) ويركب عليها نفس قطع غيارها...وزنها 4.6 كجم وسرعتها في عيار 5.5 ( نمرة 2 ) 290 م/ث وتعتبر البام 22 مطورة عن البام 21 وعالجت ضعف المسامير المثبتة للناشينكان الخلفي بأخري أقوى وتتحمل رد فعل البندقية الشديد وهناك إختلاف بسيط في شكل الدبشك لكن نفس المكونات والخامة والقوة واحدة...من فرط قوة البندقية ورد فعلها نيشاناتها غير دقيقة ويفضل تركيب تيليسكوب وتثبيته جيدا والصيد بها من مسافات بعيدة...لا بد أن تكون مهيئا ومستعد نفسيا لحمل هذه البندقية والصيد بها لفترة طويلة فهي ثقيلة وبمرور الوقت تملخ اليد فيمكن إستعمال حامل أو الإرتكاز على سور أو حائد لدقة التصويب وعدم إرتعاش يدك من ثقلها بعد فترة من حملها...خالص تحياتي...
السلام عليكم ورحمة الله وبركاتة
سعادة القنصل حبيبى وحبيب الملايين
انا شايف انك لازم ترشح نفسك للانتخابات القادمة واعتقد ان شعبية حضرتك وحب الناس ليك يشجعك على الخطوة دية واللى أكيد ان كل المحيطين بسعادتك فى العمل والجيران عندهم نفس الشعور
نيجى بقى لموضوع المنظار (ههههههههه) هو ممكن اضع اى نوع مادة لازقة على القواعد لضمان تثبيتة على الكرال طبعا . وتقبل تحياتى ومتقولشى عليا تلميذ خايب علشان لسة ما ظبطوش

BASiC 11-03-09 07:24 PM
رد: ممكن جميع المعلومات عن البام 21 او 22
 
الله ينور يا استاذ احمد و سيادة القنصل ......

انا كان ليا سؤال في موضوع الدقة دي انا كان عندي بندقية نوريكا 56 وكنت لما انشن بيها على حيطة مثلا الاقي الإصابات في حدود قطر من 5 سم من مسافة 10 الى 15 متر فيا ريت حد يقوللي مقارن كده بينها وبين البام من حيث الدقة ...

احمد هاشم 11-03-09 08:04 PM
رد: ممكن جميع المعلومات عن البام 21 او 22
 
السلام عليكم
انا مجربتهاش على حائط
لكن انا ثقبت بيها لوح خشب 6 سم

BASiC 11-03-09 08:12 PM
رد: ممكن جميع المعلومات عن البام 21 او 22
 
اقتباس:
المشاركة الأصلية كتبت بواسطة احمد هاشم (المشاركة 54186)
السلام عليكم
انا مجربتهاش على حائط
لكن انا ثقبت بيها لوح خشب 6 سم
أوباااااااااااااا 6 سم ده اكيد من على مسافة 2 متر...... (مش حسد بس انبهار بقوة البندقية ما شاء الله )
ظيب دقتها عاملة ايه معاك يعني بتصطاد على مسافات قد ايه وتصيب الهدف في مكان التصويب ولا لأ....

amer ibrahim 11-03-09 08:20 PM
رد: ممكن جميع المعلومات عن البام 21 او 22
 
بسم الله ماشاء الله على الردود وخاصاً من الأستاذ consul تشرفت بحضرتك في موضوعي والله
لكن عندي سؤال هل ردة الفعل تؤثر تأثيراً كبيراً على النشان من مسافات قريبة؟ ياريت يكون حد مجربها يرد على السؤال دة ولو حد يعرف حد عنده البندقية دي في المنتدى يقولي عليه وأنا أتواصل معاه للضرورة
سؤال للأستاذ consul هل البندقية مع حضرتك؟
ونفس السؤال للأستاذ أحمد هاشم

شكراً لكم جميعاً..

احمد العوضى 11-03-09 08:30 PM
رد: ممكن جميع المعلومات عن البام 21 او 22
 
اقتباس:
المشاركة الأصلية كتبت بواسطة احمد هاشم (المشاركة 54186)
السلام عليكم
انا مجربتهاش على حائط
لكن انا ثقبت بيها لوح خشب 6 سم
6 ملى ممكن يا اخى لاكن سم صعبه اوى دا الحى صعب يعدى فيها بنسبه للمسدس او ممكن يكون الباب مغلف ابلاكاش

amer ibrahim 11-03-10 12:51 PM
رد: ممكن جميع المعلومات عن البام 21 او 22
 
هل تنصحوني بهذه البندقية؟

braveheart 11-03-10 03:12 PM
رد: ممكن جميع المعلومات عن البام 21 او 22
 
من الأخر هي بندقية قوية جدا و لكنها ليست دقيقة .. أما لو عاوز الدقة و القوة و بسعر معقول فعندك مثلا النوريكا جيت نمرة 1 ... دقة و قوة ... و لكن تأثير الإصابة لن يكون بحجم الـ bam طبعا ... تقبل مروري.

BASiC 11-03-10 03:34 PM
رد: ممكن جميع المعلومات عن البام 21 او 22
 
اقتباس:
المشاركة الأصلية كتبت بواسطة braveheart (المشاركة 54541)
من الأخر هي بندقية قوية جدا و لكنها ليست دقيقة .. أما لو عاوز الدقة و القوة و بسعر معقول فعندك مثلا النوريكا جيت نمرة 1 ... دقة و قوة ... و لكن تأثير الإصابة لن يكون بحجم الـ bam طبعا ... تقبل مروري.
هل فعلا البام بندقية غير دقيقة ؟؟؟؟؟؟؟؟؟؟؟ لأن كتير بيشكرو فيها ودقتها بس العيب الوحيد اللي معلهوش خلاف وزنها وموضوع فك النيشان الخلفي وده لي حل ......

amer ibrahim 11-03-10 05:59 PM
رد: ممكن جميع المعلومات عن البام 21 او 22
 
أنا عاوز أتأكد من حتة الدقة دي من واحد معاه البندقية فعلاً
......
لاتبحلوا علينا بالردود
وشكراً...

amer ibrahim 11-03-11 05:41 AM
رد: ممكن جميع المعلومات عن البام 21 او 22
 
أنا عاوز أتأكد من حتة الدقة دي من واحد معاه البندقية فعلاً
......
لاتبحلوا علينا بالردود
وشكراً...

chemist ahmed fathy 11-03-11 11:01 AM
رد: ممكن جميع المعلومات عن البام 21 او 22
 
السلام عليكم
بص يا اخى البام دقيقه وانا بكلمك كلام عملى لانها عندى والحمد لله دقتها تمام جدا لكن لو البام مش دقيقه مع حد فيمكن نتيجه خطاء بيها فنى او نتيجه انه جاب نوعيه رش رديئه وده حصل معايا مما ادى الى عدم اصابه الهدف وعدم الدقه فلو حابب تشتريها اشتريها ومش حتندم بامر الله لانك حتشترى بندقيه قويه جدا ودقيقه ولكن اشترى نوعيه كويسه من الرش فلو انت حابب تشترى رش مصرى فهما نوعين فقط الى انصحك بيهم ياما مارسمان او الرمايه فقط ومتشتريش مصرى غير دول لانهم ادق نوع رش مصرى موجود فى السوق اما لو حابب تشترى رش تانى مستورد فاشترى رش جامو ماتش اصابته دقيقه جدا ومؤثره جدا ده نصيحتى ليك وانت صاحب قرارك النهائى .

BASiC 11-03-11 11:31 AM
رد: ممكن جميع المعلومات عن البام 21 او 22
 
شكرا ليك يا استاذ أحمد فتحي ,,,,,,,,,,انا كده انشاء الله قررت اجيب البام 22 بس مش لاقيها لغاية دلوقتي ولا عند استاذ هشام ولا عند ميشيل عازر في العتبة وإن شاء الله انهاردة هكلم فتح الله وهشوف لو موجودة عنده بسعر مناسب هتوكل على الله .........ربنا يوقعني في واحدة ما فيهاش مشاكل ......إدعولي .

chemist ahmed fathy 11-03-11 11:43 AM
رد: ممكن جميع المعلومات عن البام 21 او 22
 
الشكر لله يا اخى العزيز وحاول تتصل بفتح الله الى فى اسكندريه لو فرع مصر ملقتهاش عنده لانى جيبها من فرع الاسكندريه وبامر الله تلقيها بسعر مناسب وتستمتع بيها وتورينا صور صيدها عما قريب .

BASiC 11-03-11 12:08 PM
رد: ممكن جميع المعلومات عن البام 21 او 22
 
ربنا يباركلك ...
طيب هوة حضرتك كنت جايبها بكام ولو لقيتها عند فرع اسكندرية ممكن يبعتهالي على فرع القاهرة ولا حضرتك متعرفش ؟؟؟؟؟؟

waleedrahmy 11-03-11 12:28 PM
رد: ممكن جميع المعلومات عن البام 21 او 22
 
اقتباس:
المشاركة الأصلية كتبت بواسطة chemist ahmed fathy (المشاركة 54938)
السلام عليكم
بص يا اخى البام دقيقه وانا بكلمك كلام عملى لانها عندى والحمد لله دقتها تمام جدا لكن لو البام مش دقيقه مع حد فيمكن نتيجه خطاء بيها فنى او نتيجه انه جاب نوعيه رش رديئه وده حصل معايا مما ادى الى عدم اصابه الهدف وعدم الدقه فلو حابب تشتريها اشتريها ومش حتندم بامر الله لانك حتشترى بندقيه قويه جدا ودقيقه ولكن اشترى نوعيه كويسه من الرش فلو انت حابب تشترى رش مصرى فهما نوعين فقط الى انصحك بيهم ياما مارسمان او الرمايه فقط ومتشتريش مصرى غير دول لانهم ادق نوع رش مصرى موجود فى السوق اما لو حابب تشترى رش تانى مستورد فاشترى رش جامو ماتش اصابته دقيقه جدا ومؤثره جدا ده نصيحتى ليك وانت صاحب قرارك النهائى .
احمد باشا انا ناوي اني اشتري البام 22/21 بس كنت خايف من موضوع الدقة ده فعلا كويس ان حضرتك طمنتنا..........هل ليك اب ملاحظات اخري او شكاوي من البندقية....؟؟؟؟؟؟؟وحضرتك كنت شاريها بكام ؟؟؟؟؟؟؟؟ ومن عند مين......؟؟؟؟؟؟؟؟لاني بفكر جديا في شراءها وعايز الم بالتفاصيل.......ومعلش انا حاتقل علي حضرتك

amer ibrahim 11-03-11 02:46 PM
رد: ممكن جميع المعلومات عن البام 21 او 22
 
اقتباس:
المشاركة الأصلية كتبت بواسطة chemist ahmed fathy (المشاركة 54938)
السلام عليكم
بص يا اخى البام دقيقه وانا بكلمك كلام عملى لانها عندى والحمد لله دقتها تمام جدا لكن لو البام مش دقيقه مع حد فيمكن نتيجه خطاء بيها فنى او نتيجه انه جاب نوعيه رش رديئه وده حصل معايا مما ادى الى عدم اصابه الهدف وعدم الدقه فلو حابب تشتريها اشتريها ومش حتندم بامر الله لانك حتشترى بندقيه قويه جدا ودقيقه ولكن اشترى نوعيه كويسه من الرش فلو انت حابب تشترى رش مصرى فهما نوعين فقط الى انصحك بيهم ياما مارسمان او الرمايه فقط ومتشتريش مصرى غير دول لانهم ادق نوع رش مصرى موجود فى السوق اما لو حابب تشترى رش تانى مستورد فاشترى رش جامو ماتش اصابته دقيقه جدا ومؤثره جدا ده نصيحتى ليك وانت صاحب قرارك النهائى .
الله يطمنك زي ماطمنتني، في الحقيقة أنا كنت صرفت نظر عنها لكن بكلامك دة رجعتني ليها تاني وبإذن الله هاشتريها..
حضرتك جبتها من الإسكندرية من فتح الله للسلاح؟ لو جبتها من المكان دة أو من مكان تاني قولي عليه وقلي جبتها بكام ﻷني من الإسكندرية برضو زي حضرتك، وهي الي معاك 21 ولا 22 ؟؟؟
شكراً
سؤال خارج الموضوع.. هو حضرتك كيميائي؟ يعني مدرس كيمياء ولا إيه بالظبط؟

احمد هاشم 11-03-11 04:17 PM
رد: ممكن جميع المعلومات عن البام 21 او 22
 
6 ملى ممكن يا اخى لاكن سم صعبه اوى دا الحى صعب يعدى فيها بنسبه للمسدس او ممكن يكون الباب مغلف ابلاكاش




لا 6 سم هم بالظبط 2 موله سرير وانا قمت بقياسهما

احمد هاشم 11-03-11 04:19 PM
رد: ممكن جميع المعلومات عن البام 21 او 22
 
اقتباس:
المشاركة الأصلية كتبت بواسطة احمد العوضى (المشاركة 54199)
6 ملى ممكن يا اخى لاكن سم صعبه اوى دا الحى صعب يعدى فيها بنسبه للمسدس او ممكن يكون الباب مغلف ابلاكاش
لا 6سم بالظبط 2موله سرير يعنى مش ابلاكاش

chemist ahmed fathy 11-03-11 05:25 PM
رد: ممكن جميع المعلومات عن البام 21 او 22
 
اقتباس:
المشاركة الأصلية كتبت بواسطة amer ibrahim (المشاركة 55019)
الله يطمنك زي ماطمنتني، في الحقيقة أنا كنت صرفت نظر عنها لكن بكلامك دة رجعتني ليها تاني وبإذن الله هاشتريها..
حضرتك جبتها من الإسكندرية من فتح الله للسلاح؟ لو جبتها من المكان دة أو من مكان تاني قولي عليه وقلي جبتها بكام ﻷني من الإسكندرية برضو زي حضرتك، وهي الي معاك 21 ولا 22 ؟؟؟
شكراً
سؤال خارج الموضوع.. هو حضرتك كيميائي؟ يعني مدرس كيمياء ولا إيه بالظبط؟
السلام عليكم
شكرا اخى العزيز انا جبتها من فتح الله بتاريخ 15 يناير الى فات ب 1800 والى معايا بام 22 , بالنسبه لكيميائى مش مدرس كيمياء كيميائى ه خريج علوم وشغال فى معمل بعمل تركيبات وبشوف جوده المنتجات طبعا لمواصفات خاصه وانا عنيا ليك فى اى وقت لاى سؤال ان كانت اجابته عندى .

BASiC 11-03-11 05:29 PM
رد: ممكن جميع المعلومات عن البام 21 او 22
 
في مواضيع في سوق المنتدى بتتكلم عن إنخفاض الأسعار لما كانت عليه قبل الأحداث بما ان اليام كانت ب 1800 جنيه هل ده يعني انها مش هتنزل عن السعر ده

chemist ahmed fathy 11-03-11 05:48 PM
رد: ممكن جميع المعلومات عن البام 21 او 22
 
اقتباس:
المشاركة الأصلية كتبت بواسطة waleedrahmy (المشاركة 54969)
احمد باشا انا ناوي اني اشتري البام 22/21 بس كنت خايف من موضوع الدقة ده فعلا كويس ان حضرتك طمنتنا..........هل ليك اب ملاحظات اخري او شكاوي من البندقية....؟؟؟؟؟؟؟وحضرتك كنت شاريها بكام ؟؟؟؟؟؟؟؟ ومن عند مين......؟؟؟؟؟؟؟؟لاني بفكر جديا في شراءها وعايز الم بالتفاصيل.......ومعلش انا حاتقل علي حضرتك
اطمن يا اخى العزيز بامر الله مفهاش اى مشاكل بس زى ما وضحت لاخوانى جيب نوع رش كويس وابعد عن الرش المدبب وخليك فى الرش المبطط حيديلك افضل اداء وانا كنت شريها زى ما زكرت 1800 بس مش عارف والله تمنها دلوقتى عامل كام وانا تحت امرك فى اى وقت .

amer ibrahim 11-03-11 06:56 PM
رد: ممكن جميع المعلومات عن البام 21 او 22
 
اقتباس:
المشاركة الأصلية كتبت بواسطة chemist ahmed fathy (المشاركة 55102)
السلام عليكم
شكرا اخى العزيز انا جبتها من فتح الله بتاريخ 15 يناير الى فات ب 1800 والى معايا بام 22 , بالنسبه لكيميائى مش مدرس كيمياء كيميائى ه خريج علوم وشغال فى معمل بعمل تركيبات وبشوف جوده المنتجات طبعا لمواصفات خاصه وانا عنيا ليك فى اى وقت لاى سؤال ان كانت اجابته عندى .
الله يخليك والله أنا كنت بسأل بس...
معلش أنا عارف إني طولت عليكوا وبالأخص إنت بس ممكن تصورلي الحتة الي مكتوب عليها bam 22 عشان متلغبطش وأنا بشتري أو الراجل يضحك عليا ويقولي دي 22 بدم في فرق بين الإتنين يبقى أنا آخد الأفضل مش كدة ولا إيه؟
وأنا سمعت إنها للطرائد الكبيرة صح الكلام دة ولا ﻷ يعني ينفع أصطاد بيها عصافير ويمام؟
وهل بندقيتك مثل هذه البندقية بالظبط؟


شكراً شكراً لك...

professional sniper 11-03-11 08:47 PM
رد: ممكن جميع المعلومات عن البام 21 او 22
 
السلام عليكم ورحمة الله تعالى وبركاته
البندقيه البام من كتر الكلام اللى بسمعه عنها بقيت بحلم بيها , البندقيه دى قويه جدا جدا جدا , ذكر احد اعضاء هذا المنتدى الكرام وهو ابى الغالى سعادة القنصل انه حقق بهذه البندقيه اصابات مباشره وقويه من مسافات كبيره 80 و 90 متر بس الكلام ده بالتليسكوب , وانا كنت باستفسر منه على قوتها وسألته هى لو اصابت ارنب ممكن تخلص عليه, اجاب على بإجابه اصابتنى بالذهول وقال لى انها لو اصابت غزاله ممكن تخلص عليها .
وانصح من يريد شراء هذه البندقيه القويه ان يشترى تليسكوب لكي يستمتع بهذا المدفع الجبار .
تقبل مرورى,,,

Consul 11-03-11 09:41 PM
رد: ممكن جميع المعلومات عن البام 21 او 22
 
الأخوة الأعزاء الأفاضل...أحسن رش يأتي بنتائج ممتازة مع البام هو الجامو بروماجنوم...الماتش خفيف ومع شدة وقوة البندقية الرش يطيش ويحيد عن الهدف...الماتش ممتاز مع البنادق المتوسطة القوة...البروماجنوم رش ثقيل ومتوازن مع قوة البندقية...الثقل مع القوة المفرطة يعطيه ثبات نحو الهدف...خالص تحياتي...

waleedrahmy 11-03-11 11:32 PM
رد: ممكن جميع المعلومات عن البام 21 او 22
 
اقتباس:
المشاركة الأصلية كتبت بواسطة chemist ahmed fathy (المشاركة 55112)
اطمن يا اخى العزيز بامر الله مفهاش اى مشاكل بس زى ما وضحت لاخوانى جيب نوع رش كويس وابعد عن الرش المدبب وخليك فى الرش المبطط حيديلك افضل اداء وانا كنت شريها زى ما زكرت 1800 بس مش عارف والله تمنها دلوقتى عامل كام وانا تحت امرك فى اى وقت .
احمد باشا متحرمش منك ومن معلوماتك...............يعني رش تقيل ومبطط ومستورد تعطي دقة عالية جدا بافتراض رامي ماهرال بينشن

مصراويي 11-03-12 03:27 PM
رد: ممكن جميع المعلومات عن البام 21 او 22
 
ايه الفرق ما بين الرش المبطط والمدبب؟؟
الصراحة انا كنت فاكر ان المدبب أحسن عشان مبيلاقيش مقاومة كبيرة من الهوا واحسن في الاختراق
يمكن المبطط بيلاقي مقاومة من جسم الطائر فيخلي عضمه يتكسر وينزل مقفول....
مش هوه ده قصدك... ياريت حد يرد علينا في الجزئية ده

BASiC 11-03-12 03:38 PM
رد: ممكن جميع المعلومات عن البام 21 او 22
 
إنا بصراحة معنديش خبرة كبيرة في موضوع الرش ... بس نظريا الرش المدبب لازم استخدامه يكون بدقة ...يعني في مقتل عشان فعلا بتكون مقاومته للهوا أقل وكمان مقاوته للطريده لما يدخلها أقل فممكن لو ملقاش عائق قدامه (عضم) يسرق الطريدة ومتقعش مقفولة زيه زي الموس ممكن يعورك بس متحسش بالجرح إلا بعد فترة ...
أما إلرش إلي مقدمته عريضة هيكون تأثيره أكبر من حيث الصدمة ......

أرجو ان كلامي يكون صحيح ... والله أعلم ..

chemist ahmed fathy 11-03-12 06:46 PM
رد: ممكن جميع المعلومات عن البام 21 او 22
 
[quote=amer ibrahim;55177]الله يخليك والله أنا كنت بسأل بس...
معلش أنا عارف إني طولت عليكوا وبالأخص إنت بس ممكن تصورلي الحتة الي مكتوب عليها bam 22 عشان متلغبطش وأنا بشتري أو الراجل يضحك عليا ويقولي دي 22 بدم في فرق بين الإتنين يبقى أنا آخد الأفضل مش كدة ولا إيه؟
وأنا سمعت إنها للطرائد الكبيرة صح الكلام دة ولا ﻷ يعني ينفع أصطاد بيها عصافير ويمام؟
وهل بندقيتك مثل هذه البندقية بالظبط؟

@@@@@@@@@@@@@@@@@@@@@@@@@@@@@@@@

السلام عليكم
بص يا اخى العزيز البندقيه حتلاقى مكتوب عليها بام b22 من نحيه المكان الى بيتثبت فيه التليسكوب تحتيه بالظبط حتلاقى الكلام مكتوب ومتخفش بامر الله محدض حيغشك ولا يضحك عليك وهى فعلا ينفع تصطاد بيها طرائد زى اليمام والحمام والارانب ان وجدت وممكن كمان تقتل بيها كلاب مؤذيه للناس او غربان , اما بخصوص البندقيه الى فى الفيديو فهى فعلا بام 22 ولكن مش هى دى الى عندنا تقريبا دى مش صناعه صينى والله اعلم اما الى عندنا صينى وتقليد للديانا 52 وفيها عتله جانبيه وليست كسر .

amer ibrahim 11-03-12 09:56 PM
رد: ممكن جميع المعلومات عن البام 21 او 22
 
يعني الي مع حضرتك عتلة مش كسر؟

BASiC 11-03-12 10:54 PM
رد: ممكن جميع المعلومات عن البام 21 او 22
 
1 مرفق
البام 21 / 22 عتلة مش كسر ومفيش منها كسر حتى فيه شركة تانية او مش عارف تسمية تانية ليها اسمها SUPERMAX 1000 b21/b22 وفي المواقع الأجنبية قريت انها تقليد الديانا 48 وبرضو عتلة جانبية مش كسر ...
ودي صورة للتلاتة مع بعض الSM 1000 B21 and b22 and diana 48 و مش هتعرف تفرقهم عن بعضهم ..

amer ibrahim 11-03-13 05:43 AM
رد: ممكن جميع المعلومات عن البام 21 او 22
 
بصراحة أنا عمري ماشفت العتلة الجانبية أنا طبعاً شفت كسر كتير لكن مشفتش عتلة جانبية مش مهم بدم قطع الغيار بتاعتها متوفرة وينفع كمان تركب عليها قطع الديانا، أنا لو كنت رحت عند الراجل ولقتها عتلة جانبية مكنتش هاشتريها لكن الحمد لله إني عرفت...
ب معلش ياجماعة عندي إتفسار.. البندقية الي في الموقع كسر ولا عتلة؟ الموقع دة من هنا..... والي في الفيديو كسر أكيد كلكوا شوفتوها معنى كدة إن في إختلاف مع إن الي في الفيديو مكتوب عليها bam 22 وكلكوا برضوا أكيد شفتوها؟؟ ياريت تكونوا فهمتوا قصدي
وللعلم بعد ما الموضوع دة يخلص هالم كل المعلومات الي فيه وأحطه في موضوع شامل للبام عشان الكل يستفاد..
شكراً...

اسر 11-03-13 06:34 AM
رد: ممكن جميع المعلومات عن البام 21 او 22
 
اللي في الفيديو ده : بام 22 (xs-b22)
كسر (مش عتلة)
نمرة 2 (عيار 5.5)
صنع في الصين
شوف الفيديو (ثانية 29) .
لكن
دي مختلفة عن الموجود في مصر
ما أعرفش ليه
دي كمان لو تلاحظ نهاية الماسورة كأن فيه حاجة زي كاتم صوت
وده من أصل البندقية (يعني مش صاحبها اللي مركبه)
والدليل كمان شوف الفيديو ده (وده من أوروبا) ونفس البندقية اللي في الفيديو السابق (لكنها نمرة 1)

وشوف الرابط ده للشركة :
http://www.xisicousa.com/xs-b21.html

amer ibrahim 11-03-13 07:16 AM
رد: ممكن جميع المعلومات عن البام 21 او 22
 
يعني كل الي في مصر عتلة مش كسر؟ وغير الي في الفيديو شوية يعني نقدر نقول فرز أول وتاني؟؟

اسر 11-03-13 07:40 AM
رد: ممكن جميع المعلومات عن البام 21 او 22
 
اقتباس:
المشاركة الأصلية كتبت بواسطة amer ibrahim (المشاركة 55935)
يعني كل الي في مصر عتلة مش كسر؟ وغير الي في الفيديو شوية يعني نقدر نقول فرز أول وتاني؟؟
لا مش مسألة فرز أول وثاني
المسألة أن المنتج على حسب البلد اللي هيتسوق فيه
فاللي بيجي مصر مش زي اللي بيجي أوروبا

amer ibrahim 11-03-13 08:16 AM
رد: ممكن جميع المعلومات عن البام 21 او 22
 
بم إن البام تقليد الديانا 52 معنى كدة إن الديانا 52 عتلة مش كسر ولا في منها النوعين؟

BASiC 11-03-13 10:21 AM
رد: ممكن جميع المعلومات عن البام 21 او 22
 
اقتباس:
المشاركة الأصلية كتبت بواسطة اسر (المشاركة 55938)
لا مش مسألة فرز أول وثاني
المسألة أن المنتج على حسب البلد اللي هيتسوق فيه
فاللي بيجي مصر مش زي اللي بيجي أوروبا
استاذ أسر أنا اعترض ..... ههههه مش هعمل مظاهرة يعني ..
بس الاختلاف من مصر لأوروبا مش ممكن يكون في الشكل الأساسي (عتلة أو كسر )
ممكن تفصيلة صغيرة أو في الفرز مثلا بس
زي مثلا العربية الشيفورليه أوبترا بتتسوق هنا في مصر باسم شيفورليه أوبترا مع انها في دول تانية بتتسوق تحت اسم دايو لاسيتي .....بس بنفس الشكل والمواصفات .

من الاخر البندقية دي تقليد الديانا 52 و مينفعش تبقى كسر أبدا
البندقية اللي بتتكلمو عنها دي اسمها xisico xs-b20. زدي تقليد البندقية beeman R9

أرجو ان أكون أفدت
احمد سعد

BASiC 11-03-13 10:26 AM
رد: ممكن جميع المعلومات عن البام 21 او 22
 
اقتباس:
المشاركة الأصلية كتبت بواسطة amer ibrahim (المشاركة 55944)
بم إن البام تقليد الديانا 52 معنى كدة إن الديانا 52 عتلة مش كسر ولا في منها النوعين؟
فعلا الديانا 52 عتلة مش كسر ولو حصل عملو بندقية بها كل مواصفات الديانا 52 بس كسر لازم هيدولها اسم مختلف ....... لأن في موديلات كتير في الديانا مشابهه لبعضها في مواصفات كتير بس كل واحدة فيهم ليها اسم مختلف ....

amer ibrahim 11-03-13 10:59 AM
رد: ممكن جميع المعلومات عن البام 21 او 22
 
تمام الله ينور

amer ibrahim 11-03-13 01:28 PM
رد: ممكن جميع المعلومات عن البام 21 او 22
 
بس أنا سمعت انا العتلة فيها خطر جامد لو إنك ماكسرتش العتلة على الآخر وردت على صوابعك ممكن تكسرهالك وكمان هتكون على الأقل 3 صوابع وكمان البام سوستتها قوية جداً..
فدي مشكلة كبيرة جدا جدا جداااااااااااااااااااااااا
ياريت حد يوضحلي لو انا غلطان ويارب أكون غلطان...

waleedrahmy 11-03-13 01:37 PM
رد: ممكن جميع المعلومات عن البام 21 او 22
 
هل البام 22/21 بندقية دقيقة في النشان ولا لا

chemist ahmed fathy 11-03-13 02:38 PM
رد: ممكن جميع المعلومات عن البام 21 او 22
 
اقتباس:
المشاركة الأصلية كتبت بواسطة amer ibrahim (المشاركة 56030)
بس أنا سمعت انا العتلة فيها خطر جامد لو إنك ماكسرتش العتلة على الآخر وردت على صوابعك ممكن تكسرهالك وكمان هتكون على الأقل 3 صوابع وكمان البام سوستتها قوية جداً..
فدي مشكلة كبيرة جدا جدا جداااااااااااااااااااااااا
ياريت حد يوضحلي لو انا غلطان ويارب أكون غلطان...

اطمان اخى الكريم فانت لما بتسحب العتله الجانبيه فكل اما تسحبها بيكون فى امان داخل البندقيه زى المنشار كده ولكنه مدرج بارتفاعات مختلفه لا يمكن العتله الجانبيه للرجوع الى وضعها مره اخرى الا اذا انت ضغط بنفسك على الامان بتعها وحتى لو ضغط على الامان بتعها ورجعتها تانى فالسوسته مش بتنطر وترجع العتله بقوه الى مكانها مره اخرى .

chemist ahmed fathy 11-03-13 02:42 PM
رد: ممكن جميع المعلومات عن البام 21 او 22
 
اقتباس:
المشاركة الأصلية كتبت بواسطة waleedrahmy (المشاركة 56034)
هل البام 22/21 بندقية دقيقة في النشان ولا لا
بقى يا راجل يا طيب بعد الكلام ده كله عنها وتسال فى الاخر البندقيه دقيقه ولا لا ههههه اطمان يا اخى البندقيه دقيقه زى ما زكرت لحضرتك ابل كده , لو استخدمت رش مفلطح والانواع المصريه من الرش ده هى المارس مان والرمايه مع انه مش مفلطح اوى بس شغال كويس والنوع الاسبانى وهو جامو ماتش حيدولك دقه عاليه جدا بامر الله .

BASiC 11-03-13 02:51 PM
رد: ممكن جميع المعلومات عن البام 21 او 22
 
اقتباس:
المشاركة الأصلية كتبت بواسطة amer ibrahim (المشاركة 56030)
بس أنا سمعت انا العتلة فيها خطر جامد لو إنك ماكسرتش العتلة على الآخر وردت على صوابعك ممكن تكسرهالك وكمان هتكون على الأقل 3 صوابع وكمان البام سوستتها قوية جداً..
فدي مشكلة كبيرة جدا جدا جداااااااااااااااااااااااا
ياريت حد يوضحلي لو انا غلطان ويارب أكون غلطان...
طبعا مشكلة كبيرة ..... بس مين اللي هيجي يعمر البندقية ويسيب العتلة قبل م الزناد يلقط،،
طبعا مفبش ولو حصل هتبقى حادثة يعني غير مقصودة ......وكمان ده ممكن يحصل في البنادق الكسر مش العتلة بس......

amer ibrahim 11-03-13 05:17 PM
رد: ممكن جميع المعلومات عن البام 21 او 22
 
اقتباس:
المشاركة الأصلية كتبت بواسطة basic (المشاركة 56063)
طبعا مشكلة كبيرة ..... بس مين اللي هيجي يعمر البندقية ويسيب العتلة قبل م الزناد يلقط،،
طبعا مفبش ولو حصل هتبقى حادثة يعني غير مقصودة ......وكمان ده ممكن يحصل في البنادق الكسر مش العتلة بس......
طبعاً هيكون خطأ غير مقصود... لكن حتة إنها الكسر مش العتلة غلط هي المخاطرة في العتلة أكبر بكتير الكسر عمرها ماهترد في وشك أو في أيدم لكن العتلة ممكن صوابعك تتحشر فيها لو مكسرتهاش على الآخر

اسر 11-03-13 05:32 PM
رد: ممكن جميع المعلومات عن البام 21 او 22
 
اقتباس:
المشاركة الأصلية كتبت بواسطة BASiC (المشاركة 55957)
استاذ أسر أنا اعترض ..... ههههه مش هعمل مظاهرة يعني ..
بس الاختلاف من مصر لأوروبا مش ممكن يكون في الشكل الأساسي (عتلة أو كسر )
ممكن تفصيلة صغيرة أو في الفرز مثلا بس
زي مثلا العربية الشيفورليه أوبترا بتتسوق هنا في مصر باسم شيفورليه أوبترا مع انها في دول تانية بتتسوق تحت اسم دايو لاسيتي .....بس بنفس الشكل والمواصفات .

من الاخر البندقية دي تقليد الديانا 52 و مينفعش تبقى كسر أبدا
البندقية اللي بتتكلمو عنها دي اسمها xisico xs-b20. زدي تقليد البندقية beeman R9

أرجو ان أكون أفدت
احمد سعد
يا فندم حضرتك تعترض على عينا وراسنا :)
بس البندقية اللي في الفيديوهات اللي فاتت هي فعلا بام ، وكسر مش عتلة ، وهاتلاقي في الفيديوهات بيبدأ يقول اسم البندقية : بام . وفي الفيديو الأول جاب الكاميرا عليها واضحة ومكتوب عليها من فوق مكان التلسكوب (BAM) زي اللي في مصر ، لكن زيادة أنه في الجنب عند اتصال الماسورة بجسم البندقية مكتوب التفاصيل :
xs-b22
Cal.5.5/.22
Made in China
1001662
-----------------
ده بالضبط اللي مكتوب عليها

والبام من منتجات شركة xisico

ولو حضرتك رجعت لرابط الشركة في المشاركة اللي فاتت هاتلاقيها على الموقع

* وهي في منها النوعين : الكسر والعتلة
لكن الموجود في مصر في حدود علمي العتلة

وحضرتك أفدتنا طبعا وشرفتنا بمرورك الرائع

amer ibrahim 11-03-13 05:54 PM
رد: ممكن جميع المعلومات عن البام 21 او 22
 
يعني الديانا في منها كسر وعتلة؟

BASiC 11-03-13 06:31 PM
رد: ممكن جميع المعلومات عن البام 21 او 22
 
اقتباس:
المشاركة الأصلية كتبت بواسطة اسر (المشاركة 56108)
يا فندم حضرتك تعترض على عينا وراسنا :)
بس البندقية اللي في الفيديوهات اللي فاتت هي فعلا بام ، وكسر مش عتلة ، وهاتلاقي في الفيديوهات بيبدأ يقول اسم البندقية : بام . وفي الفيديو الأول جاب الكاميرا عليها واضحة ومكتوب عليها من فوق مكان التلسكوب (bam) زي اللي في مصر ، لكن زيادة أنه في الجنب عند اتصال الماسورة بجسم البندقية مكتوب التفاصيل :
Xs-b22
cal.5.5/.22
made in china
1001662
-----------------
ده بالضبط اللي مكتوب عليها

والبام من منتجات شركة xisico

ولو حضرتك رجعت لرابط الشركة في المشاركة اللي فاتت هاتلاقيها على الموقع

* وهي في منها النوعين : الكسر والعتلة
لكن الموجود في مصر في حدود علمي العتلة

وحضرتك أفدتنا طبعا وشرفتنا بمرورك الرائع
تصدق فعلا .......؟؟؟؟؟ على فكرة انا لسة شايف الفيديو ...!!!!
بس إزاي هوة ينفع اسمي أخين نفس الإسم .........أكيد الموضوع ده فيه اننه

amer ibrahim 11-03-13 11:54 PM
رد: ممكن جميع المعلومات عن البام 21 او 22
 
يعني الديانا في منها كسر وعتلة؟

amer ibrahim 11-03-14 01:35 PM
رد: ممكن جميع المعلومات عن البام 21 او 22
 
...........................

BASiC 11-03-14 01:53 PM
رد: ممكن جميع المعلومات عن البام 21 او 22
 
الديانا 52 اللي البام 22 تقليدها عتلة مش كسر


الساعة الآن 08:58 AM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir