الصيد فى مصر - أخيرا يا رجاله

الصيد فى مصر (http://www.egyhunt.net/index.php)

- محدثات الصوت (http://www.egyhunt.net/forumdisplay.php?f=81)

- - أخيرا يا رجاله (http://www.egyhunt.net/showthread.php?t=5642)

hemi afifi

11-03-11 04:00 PM

أخيرا يا رجاله

أخيرا يا رجاله الاسعار عندنا في اسكندريه نزلت شويه وصلت ل 200 جنيه اقل في اكتر من حاجه و 150 و 50 في المسدسات الاصغر انا لسه راجع و كل محلات النبي دانيال منزله في الاسعار و نصيحه للناس اللي ناويه تضرب بلي بالبي 29 و التونا انا سامع في التونه 400 جنيه اول كلام من غير فصال و البي 29 800 اول كلام الناس ضميرها صحي او الاقبال قل بس المهم ان الاسعار نزلت بس تقريبا فتح الله لسه ما أخدش خبر الاسعار هيه هيه الوحيد اللي مرخصش

khaledabdelnaby

11-03-11 04:09 PM

رد: أخيرا يا رجاله

ياجماعة دى بشرة خير نزول الشرطة بالامس خلى الناس تبتدى تطمن تانى ومبقاش فى الاقبال الجنونى على الشراء وده خلى التجار تنزل الاسعار زى زمان وفى ناس هتبتدى تفكر من جديد اشترى ولا لا لو استنينا اسبوعين كمان اتفرجوا على اللى هيحصل هترجع الاسعار تانى زى الاول واحسن ان شاء الله

hemi afifi

11-03-11 04:22 PM

رد: أخيرا يا رجاله

اظن كل كام يوم حنشوف نزول طفيف و سوف يصل لارقام اكبر مع مرور الوقت لتصل الاسعار لمستواها الطبيعي مش ممكن مسدس كان بيتباع ب 650 يبقي ب 950 و اكتر من ذلك المسدسات المطلوبه زادت الضعف و اليوم راينا الانتظار و عدم الاقبال بشده نزل الاسعار قد ايه يا ريت نتقل اكتر علي الشراء و كله لمصلحتنا

khaledabdelnaby

11-03-11 04:29 PM

رد: أخيرا يا رجاله

ياجماعة الشرطة نزلت بكثافة زى الاول انا شوفت بالامس عند منفذ المظلات الامنى بشارع شبرا الصبح وانا رايح الشغل عدد كبير ظباط وامناء شرطة وعساكر رجعوا تانى فى مكانهم لانهم مش هيقدروا يخالفوا مرسوم بقانون من المجلس العسكرى ومجلس الوزراء والا يعد امتناع عن العمل وفى الشرطة ده يؤدى لمحاكمة عسكرية

osha966

11-03-11 05:05 PM

رد: أخيرا يا رجاله

أنا فعلا لاحظت نزول جامد فى أسعار المسدسات والطلقات الألمانى فى عدد من المحلات فى القاهرة والأسكندرية-

osha966

11-03-11 05:07 PM

رد: أخيرا يا رجاله

وعلى فكرة نزول الأسعار امتد كمان للبنادق -

hemi afifi

11-03-11 05:09 PM

رد: أخيرا يا رجاله

الحمد لله ربنا يزيد و يبارك

hunter1

11-03-11 05:48 PM

رد: أخيرا يا رجاله

طيب حد يدينا اى اسعار واسم المحل علشان انا لسه جاى من الجيزه وكان مزود السعر وما رضتش اشتري

hemi afifi

11-03-11 05:52 PM

رد: أخيرا يا رجاله

في اسكندريه انزل شارع النبي دانيال فيه تقريبا 5 محلات كله منزل الاسعار الا فتح الله محطة الرمل و جرين بلازا دول اغلي محل و بالنسبه للاسعار بالتحديد صعب الاسعار بتفرق من الصبح لبليل و في نفس المحل اتنين يقولولك سعرين مختلفين

hunter1

11-03-11 05:54 PM

رد: أخيرا يا رجاله

طيب اللى عرف ان الاسعار نزلت يقول عرف سعر ايه

hemi afifi

11-03-11 06:02 PM

رد: أخيرا يا رجاله

يا جماعه احنا بنوصل اللي بنشوفه الاسعار نزلت و مختلفه من مكان للتاني اللي عايز يعرف ينزل يلف و يشوف النوع اللي عايزه و يشتري بأقل سعر يلاقيه بس الحاله العامه ان الناس رخصت الاسعار
البي 29 بقي 800 من غير فصال
التونا 400 من غير فصال
الفايبر الساقيه 900 الماسوره ال4.5 انش من غير فصال
الاسعار التانيه مش فاكرها عشان في موديلات كتير اوي و كل محل اسعاره مختلفه عن التاني

sameh73eg

11-03-11 06:10 PM

رد: أخيرا يا رجاله

فى حد راح عند ميشل عازر وشاف اسعاره

hemi afifi

11-03-11 06:13 PM

رد: أخيرا يا رجاله

الاسعار دي من اسكندريه بس القاهره في ناس قالت ان الاسعار نزلت بس معرفش المحلات ولا الاسعار الجديده هناك

sanset

11-03-11 07:42 PM

رد: أخيرا يا رجاله

اولا اية التونا دى انا مش فاهم
ثانيا فين المحل الى عندة بى 29 800 الله يخليك

hemi afifi

11-03-11 07:57 PM

رد: أخيرا يا رجاله

الايكول التونا و ده مسدس 8ملي صغير بتنتجه ايكول التركيه بينفع في موضوع البلي و المحلات اللي في شارع النبي دانيال من اوله ناحية محطة مصر مش محطة الرمل حتلاقي علي ايدك الشمال محلين ورا بعض يفصل بينهم 10 متر و اول محل هو ارخصهم و لو كملت الشارع لاخره حتلاقي 3 محلات تانيه علي سكتك

sanset

11-03-11 08:00 PM

رد: أخيرا يا رجاله

ايوة ايوة على ايدى الشمال وانا داخل شمال من عند الفسخانية ونازل على محطة الرمل

hemi afifi

11-03-11 08:03 PM

رد: أخيرا يا رجاله

ايوه اول محلات خالص في الشارع بعد مكتبة الصياد

sanset

11-03-11 08:04 PM

رد: أخيرا يا رجاله

يا فندم انا عاجز عن الشكر

hemi afifi

11-03-11 08:08 PM

رد: أخيرا يا رجاله

يا باشا كلنا اخوة و نصيحه الاسعار بتنزل بالتدريج لو الشراء مش ضروري اصبر و باذن الله تشتري بأقل من كده كمان

osha966

11-03-12 01:15 AM

رد: أخيرا يا رجاله

- الحمد لله بدا انخفاض ملحوظ فى اسعار المسدسات والطلقات فى كذا محل فى القاهرة والأسكندرية-خصوصا فى اسكندرية أكتر لأن فيه شحنات جديدة وصلت الميناء -بس فى القاهرة النزول أقل بسبب التهافت على المحلات .بس هينزل أكتر اليومين الجايين وكلهم بيؤكدوا ان فيه بضاعة كتير نازلة آخر الشهر
دا عن تجربة شخصية وبشهادة أكتر من صديق- وفى انتظار المزيد انشاء الله وربنا يهدى التجار كمان وكمان

lastworld

11-03-12 03:38 AM

رد: أخيرا يا رجاله

ادى بشرى حلوه
اخيرا الناس بقى عندها ضمير
كويس ان الشرطه رجعت تانى

mman2005

11-03-13 02:52 PM

رد: أخيرا يا رجاله

طب يا جماعة مفيش بندقية صينى شنغهاى جديدة سعرها فى حدود 600-700 جنيه علشان الواحد يشترى بندقية.

lastworld

11-03-13 02:53 PM

رد: أخيرا يا رجاله

اعمل موضوع فى سوق المنتدى و اكتب رقم تليفونك لو حد معاه هيكلمك

essam assem

11-03-13 03:35 PM

رد: أخيرا يا رجاله

ان شاء اللة الاسعار عتنزل اكتر كمان بس احنا نصبر شوية عن الشراء يمكن الدنيا تبقى تمام ومنحتجش اصلا لسلاح صوت ولا حى على الاقل نصبر الاسبوع دة بس وياريت نخلية دعوة على المنتدى لكل الاعضاء وقف الشراء خلال الاسبوع من المحلات

Batman

11-03-17 04:52 AM

رد: أخيرا يا رجاله

انا لسه سائل اليوم فى كل هذه المحلات الذكوره فى النبى دانيال بالاسكندريه و كلهم ماسكين فى 1400 جم للايكول بى 29 !!!!!!!!!!!!!!!!!!!!!!!!!!!!!!!!!!!!!!! هو فيه ايه ؟؟؟؟؟؟؟؟؟؟؟؟؟؟؟؟؟ 600 جم زياده فى يومين ؟؟؟؟؟؟؟!!!!!!!!!!1
** بالنسبه للايكول التونه 400 / 450 جم.
ياريت لو فبه اخبار اخرى حد يقولنا.

basemzero

11-03-17 05:34 AM

رد: أخيرا يا رجاله

ياريت الاسعار تنزل ...بالذات لأسلحه الصيد...واعتقد ان دى فى ايدينا اننا نتحكم فى الاسعار عن طريق حركه الشراء
تحياتى

hemi afifi

11-03-17 06:25 AM

رد: أخيرا يا رجاله

1400 بي 29 ده سرقه ده اللي شاريه ب 1000 ندمان

الساعة الآن 11:03 AM