الصيد فى مصر - ضبط مسافه التليسكوب لهوات الصيد بالتليسكوبات

الصيد فى مصر (http://www.egyhunt.net/index.php)

- بنادق ضغط الهواء ومتعلقاتها (http://www.egyhunt.net/forumdisplay.php?f=51)

- - ضبط مسافه التليسكوب لهوات الصيد بالتليسكوبات (http://www.egyhunt.net/showthread.php?t=5686)

chemist ahmed fathy

11-03-12 07:09 PM

ضبط مسافه التليسكوب لهوات الصيد بالتليسكوبات

السلام عليكم
اخوانى الاعزاء الموضوع ده فكرت فيه كتير وجربت اساليب كتيره وتعبت جدا فى موضوع ظبط التليسكوب لانى من هوات الصيد بالتليسكوب والكلام الى حزكره بعد قليل مجرب وبامر الله اتمنى انه يجدى نفعا مع كل من يهوى الصيد بالتليسكوب .
اى شخص مننا متمرس فى التليسكوب يقدر يظبط التليسكوب بتاعه على مسافه معينه وبكل دقه بس المشكله دلوقتى الى بتقبلنا كلنا لو مسافه الطريده اتغيرت عن مسافه ظبط التليسكوب حنعمل ايه انا فضلت ادور كتير فى النت على مسافات مختلفه لضبط التليسكوب وجربت طرق كتيره وتعبت فعلا من موضوع ضبط التليسكوب لحد اما قعدت مع نفسى وحللت الموضوع لايجاد افضل حل للمشكله دى , دلوقتى يا اخوانى فى 3 حلول للمشكله دى .

اول حل :- وهو انى اظبط التليسكوب على مسافه قريبه جدا ولتكن 5 متر ولو بعدت الطريده افضل ارفع البندقيه وانشن بالشرط السفليه الموجوده اسفل الكروس وده حل صعب جدا وفى الاغلب الرشه مش بتيجى فى الهدف .

الحل الثانى :- وهو انى اظبط التليسكوب على مسافه بعيده جدا ولتكن 40 متر ولو جت اى طريده اقل من المسافه دى اضطر انشن على الشرط الموجوده اعلى الكروس وبرضه الحل ده صعب وغير دقيق ونتيجته فى الاغلب زى نتيجه الحل الاول .

الحل الثالث وهو بامر الله اكثر الحلول مناسبا لى :- انى اظبط التليسكوب على مسافه 25 يارده يعنى 22.85 متر نقول 23 متر وبعد ظبط التليسكوب على المسافه دى اقسم المسافه دى على 2 بمعنى انى اضع مثلا غطاء زجاجه على مسافه 11.5 متر واضع غطاء اخر على مسافه 23 متر واضع غطاء ثالث على مسافه 34.5 متر على انى اظبط التليسكوب (اصفره ) على مسافه 23 متر ثم اجرب التنشين على الغطاء الاولانى واشوف انه شرطه من الشرط مناسبه لهذه المسافه واحفظها تماما بحيث لو جتلى طريده على مسافه 11 ونص متر او فى الحدود دى اروح على طول منشن بالشرطه الى حفظتها من التدريب على المسافه دى ونفس الموضوع يحدث فى مسافه 34.5 متر وبذلك اكون جمعت بين مسافه اغلب الطرائد والمسافات الاخرى من حيث البعد والقرب عن المسافه الشائعه لطرائدى , ارجو انى اكون افدت اخوانى بالموضوع ده وانا تحت امر اى اخ من اخوانى عن استفسار ما فى الموضوع .

khaledabdelnaby

11-03-12 07:44 PM

رد: ضبط مسافه التليسكوب لهوات الصيد بالتليسكوبات

يا دكتور احمد معلش سؤال بعيد شوية عن الموضوع بس من وجهة نظرى ممكن يكون مرتبط بيه وحضرتك خبرة كبيرة وان شاء الله الاقى اجابته عند حضرتك هو ايه الفرق من الناحية التقنية والعملية بين التليسكوب والريد او الجريين دوت والليزر والفلاش لايت عشان انا لاقيت كل الحاجات دى مع بعضها فى جهاز واحد على النت

tamer_tatow

11-03-12 08:04 PM

رد: ضبط مسافه التليسكوب لهوات الصيد بالتليسكوبات

يا دكتور انا جارك ومن الورديان برضه تحديدا خفاجي علي الترام يا ريت اعرف اقابلك اخوك تامر صلاح

sayed allaa

11-03-12 08:25 PM

رد: ضبط مسافه التليسكوب لهوات الصيد بالتليسكوبات

موضوعة روعة يا احمد و شكرا على المجهود
و اسمحلي اجاوب على سؤال الاستاذ خالد
انا هقولك كل حاجة
التيلسكوب : ده بيقرب المسافة و دقيق طبعا
اليد دوت : مبيقربش المسافة و ده عبارة عن منظار فيه نقطة ليزر بس مبيقربش المسافة بس هوة ادق من التلسكوب
الجرين دوت : هوة هوة الريد دوت بس النقطة بتاعته لونها اخضر
الليزر : انت عارفه طبعا و هوة برده دقيق و مناسب جدا للصيد الليلي
الفلاش لايت : ده عبارة عن مصباح بيتثبت على البندقية
و اي سؤال تاني انا في الخدمة

khaledabdelnaby

11-03-12 08:43 PM

رد: ضبط مسافه التليسكوب لهوات الصيد بالتليسكوبات

اقتباس:

المشاركة الأصلية كتبت بواسطة sayed allaa (المشاركة 55777)

يعنى كل حاجة ليها استخدامها يعنى لو هصطاد من مسافة بعيدة يبقى التليسكوب

لو هصطاد من مسافة قريبة يبقى الرد دوت

ولو هصطاد بالليل يبقى الليزر

مش حضرتك تقصد كده يا أستاذ سيد

بدر	11-03-12 08:48 PM

رد: ضبط مسافه التليسكوب لهوات الصيد بالتليسكوبات

الاخ الفاضل
دكتور احمد
مشكور على الاجتهاد
وفكرة رائعة
تحياتى

sayed allaa

11-03-12 09:33 PM

رد: ضبط مسافه التليسكوب لهوات الصيد بالتليسكوبات

اقتباس:

المشاركة الأصلية كتبت بواسطة khaledabdelnaby (المشاركة 55791)

اه تمام بس الريد دوت ممكن تصطاد بيه من بعيد برده بس طبعا الرؤية مش هتبقى تمام عشان انت بتصطاد من بعيد و مبيقربش الصورة زي التلسكوب
و التلسكوب تمام تقدر تصطاد بيه من بعيد و تقدر تشتغل بيه تمام و ممكن تصطاد بيه بالليل عادي ده لو قدرت تغير لون الصليبه من الاسود للون تاني احمر مثلا و كمان فيه تلسكوبات للرؤية الليلية
و تمام الليزر تقدر تصاد بيه برده بالليل
و كلهم اصابتهم دقيقة
لكن اكتر واحد عملي هوة التلسكوب

khaledabdelnaby

11-03-12 09:36 PM

رد: ضبط مسافه التليسكوب لهوات الصيد بالتليسكوبات

اقتباس:

المشاركة الأصلية كتبت بواسطة sayed allaa (المشاركة 55809)

الف شكر يا أ/سيد انت كده هتبقى مرجع ليا فى البنادق ومستلزماتها

هتقل عليك بقى سؤال اخير لو حضرتك هتجيب تليسكوب ليك والعملية ماديا متيسرة هتجيب ايه

sayed allaa

11-03-12 09:54 PM

رد: ضبط مسافه التليسكوب لهوات الصيد بالتليسكوبات

اقتباس:

المشاركة الأصلية كتبت بواسطة khaledabdelnaby (المشاركة 55810)

لا العفو على ايه و انا علطول في الخدمة
انا كنت هجيب تلسكوب بي اس ايه دي احسن ماركة في السوق حاليا
ده تلسكوب 100 100
و بالنسبة للمقاس كنت هجيب 3-9*50 او 3-9*40 دول احسن مقاسين و مريحين في الرؤية اوي

khaledabdelnaby

11-03-12 09:57 PM

رد: ضبط مسافه التليسكوب لهوات الصيد بالتليسكوبات

ياباشا الف شكر على المعلومات القيمة دى طب ياترى تعرف اسعارهم كام النوعين دول تقريبا والاقيهم عند مين فى القاهرة

professional sniper

11-03-12 10:22 PM

رد: ضبط مسافه التليسكوب لهوات الصيد بالتليسكوبات

اقتباس:

المشاركة الأصلية كتبت بواسطة chemist ahmed fathy (المشاركة 55726)

كيف حالك اخى الحبيب أ / احمد
سؤال بعد إذن حضرتك : هو حضرتك بتتكلم على البندقيه اللى معاك ولا اى بندقيه اخرى لان على حد علمى ان البندقيه البام22 تحقق اصابه قاتله من على بعد 80 و90 متر واكثر , فياريت لوحضرتك توضحلى.
وجزاك الله كل خير ,,,

BASiC

11-03-12 10:59 PM

رد: ضبط مسافه التليسكوب لهوات الصيد بالتليسكوبات

الله ينور ي أ/ أحمد على المجهود والتفكير

Peace Missile

11-03-12 11:27 PM

رد: ضبط مسافه التليسكوب لهوات الصيد بالتليسكوبات

ممكن حضرتك يا استاذ سيد تقولنا اسعار ال بى اس ايه فى مصر بالمواصفات اللى حضرتك كاتبها

sayed allaa

11-03-12 11:49 PM

رد: ضبط مسافه التليسكوب لهوات الصيد بالتليسكوبات

اقتباس:

المشاركة الأصلية كتبت بواسطة khaledabdelnaby (المشاركة 55821)

لالا العفو على ايه
انا الصراحة معرفش حد بيبيع في القاهرة عشان انا مش من هناك
بس السعر مش هيقل عن 700 جنيه ده لل 3-9*40
و 3-9*50 ده ممكن يكون سعره 800 جنيه دي كانت اسعار سمعتها يعني مشوفتهاش بنفسي
بس الرينج يعني تعمل حسابك من 700 - 800 850 بالكتير

sayed allaa

11-03-12 11:51 PM

رد: ضبط مسافه التليسكوب لهوات الصيد بالتليسكوبات

اقتباس:

المشاركة الأصلية كتبت بواسطة peace missile (المشاركة 55844)

ممكن حضرتك يا استاذ سيد تقولنا اسعار ال بى اس ايه فى مصر بالمواصفات اللى حضرتك كاتبها

السعر من 700 - 800 850 بالكتير يعني ده السعر اللي كنت سمعته من مدة مش قليلة معرفش الصراحة وصل لكام دلوقتي
بس هتلاقيه في الرينج ده يعني او يزيد بشوية عشان الظروف اتغيرت انت عارف

taisonnn

11-03-13 12:18 AM

رد: ضبط مسافه التليسكوب لهوات الصيد بالتليسكوبات

موضوع رائع وفي الوقت المناسب بارك الله فيك

taisonnn

11-03-13 12:23 AM

رد: ضبط مسافه التليسكوب لهوات الصيد بالتليسكوبات

اقتباس:

المشاركة الأصلية كتبت بواسطة professional sniper (المشاركة 55831)

الاخ الفاضل الاستاذ احمد بيتكلم عن طريقة ضبط التليسكوب لان الاصابه تختلف تبعا للمسافة
وشكرا

chemist ahmed fathy

11-03-13 04:12 AM

رد: ضبط مسافه التليسكوب لهوات الصيد بالتليسكوبات

اقتباس:

المشاركة الأصلية كتبت بواسطة khaledabdelnaby (المشاركة 55749)

السلام عليكم
اخى الكريم بالنسبه للتليسكوب فهو زى ناشنكانات البندقيه عباره عن احداثات افقيه ورئسيه ولكن الفرق بينه وبين ناشنكانات البندقيه اولا قدرته على عمل الاحداثات مع تقريبه للهدف بدون اخطاء فى حساب موضع الاحداثى وثانيا الدقه المتناهيه والتى تميزه عن الناشنكان فى اصابه الهدف عن بعد , اما بخصوص الليزر او الجرين والرد دوت والموجوده ايضا مع بعض انتاجات من التليسكوبات فانها تستخدم فى الاغلب للتنشين الليلى وهى دقيقه ايضا وتكون فكره عملها عباره عن شعاع من اليزر طوله الموجى قصير جدا وقطره صغيره جدا حيث انه فى استطاعته وضع نقطه لا تتعدى المليمترات على مسافات كبيره فى خط مستقيم على الطرائد ومنها يستطيع الصياد التصويب على طريدته ليلا والليز يتميز عن التليسكوب فى انه مهيىء للصيد ليلا اما التليسكوب فهو للصيد نهارا ولكن يمكن الصيد به ليلا ايضا ان وجد مصدر للضوء لادخال الضوء لعدسات التليسكوب ومنه يتمكن الصياد بالصيد به ليلا ايضا , ارجو انى اكون وضحت اجابه السؤال لحضرتك .

chemist ahmed fathy

11-03-13 04:16 AM

رد: ضبط مسافه التليسكوب لهوات الصيد بالتليسكوبات

اقتباس:

المشاركة الأصلية كتبت بواسطة بدر (المشاركة 55795)

الاخ الفاضل
دكتور احمد
مشكور على الاجتهاد
وفكرة رائعة
تحياتى

جزالك الله خيرا اخى الكريم واتمنى ان تعم الفائده على اخوانى فى المنتدى .

chemist ahmed fathy

11-03-13 04:20 AM

رد: ضبط مسافه التليسكوب لهوات الصيد بالتليسكوبات

اقتباس:

المشاركة الأصلية كتبت بواسطة professional sniper (المشاركة 55831)

السلام عليكم
اخى الحبيب فكره عمل التليسكوب ملهاش ارتباط بقوه البندقيه ومداها يعنى حتى البنادق الضعيفه بفرض انك ركبلتلها تليسكوب فستجد ان قدرتك على اصابه الهدف ستكون فى منتهى الدقه ولكن على مسافه بندقيتك وتقدر برضه تظبطه على مسافات بعيده لكن طبعا الضربه حتكون غير مؤثره للهدف .

chemist ahmed fathy

11-03-13 04:20 AM

رد: ضبط مسافه التليسكوب لهوات الصيد بالتليسكوبات

اقتباس:

المشاركة الأصلية كتبت بواسطة basic (المشاركة 55839)

الله ينور ي أ/ أحمد على المجهود والتفكير

جزاك الله خيرا اخى الكريم .

chemist ahmed fathy

11-03-13 04:22 AM

رد: ضبط مسافه التليسكوب لهوات الصيد بالتليسكوبات

اقتباس:

المشاركة الأصلية كتبت بواسطة taisonnn (المشاركة 55869)

موضوع رائع وفي الوقت المناسب بارك الله فيك

جزاك الله خيرا اخى الكريم .

lastworld

11-03-13 08:04 PM

رد: ضبط مسافه التليسكوب لهوات الصيد بالتليسكوبات

مشكور على المجهود الرائع و الملحوظ
تقبل مرورى

BooGY

11-03-15 03:05 PM

رد: ضبط مسافه التليسكوب لهوات الصيد بالتليسكوبات

تسلم ايدك دكتور احمد وبجد فكرة عبقرية والمسافة كمان كويسة لان اغلب الطرائد بيبقى يمام وهو مش هيبقى ابعد من كده بيتهيألى

dr_mohasan

11-03-17 11:29 PM

رد: ضبط مسافه التليسكوب لهوات الصيد بالتليسكوبات

بارك الله فيك يا دكتور أحمد

juDge911

11-03-18 02:03 AM

رد: ضبط مسافه التليسكوب لهوات الصيد بالتليسكوبات

شكرا جدا للأفاده مع خالص تحياتى

sasha128

11-03-19 03:35 AM

رد: ضبط مسافه التليسكوب لهوات الصيد بالتليسكوبات

صباح الفل او مساء الفل على الكل حد يقولى يا جماعة اية العقوبة القانونية لاصطحاب تليسكوب صيد باليزر معى من الخارج ول مفيش مشاكل يا ريت النصيحة لو سمحتوا

sasha128

11-03-19 04:14 AM

رد: ضبط مسافه التليسكوب لهوات الصيد بالتليسكوبات

صباح الفل او مساء الفل على الكل حد يقولى يا جماعة اية العقوبة القانونية لاصطحاب تليسكوب صيد باليزر معى من الخارج ول مفيش مشاكل يا ريت النصيحة لو سمحتوا دلوقتى مافيش امن دوله

الساعة الآن 06:16 AM