الصيد فى مصر - خبر اكييييد مية فى المية

الصيد فى مصر (http://www.egyhunt.net/index.php)

- سوق المنتدى (http://www.egyhunt.net/forumdisplay.php?f=50)

- - خبر اكييييد مية فى المية (http://www.egyhunt.net/showthread.php?t=5723)

Mohamed Mahmoud

11-03-13 05:15 PM

خبر اكييييد مية فى المية

السلام عليكم
خبر اكيييييد من مصدر مهم لن يتم فتح الاستيراد قريبا نظرا لاستمرار الظروف الغير مستقرة فى مصر فى الوقت الحالى و استمرار حالة الفوضى فى البلد

fikra

11-03-13 05:30 PM

رد: خبر اكييييد مية فى المية

اقتباس:

المشاركة الأصلية كتبت بواسطة mmahmoud1800 (المشاركة 56104)

و استمرار حالة الفوضى فى البلد

لا حول ولا قوة إلا بالله العلى العظيم
اللهم ارفع مقتك وغضبك عنا

BASiC

11-03-13 05:50 PM

رد: خبر اكييييد مية فى المية

ممكن أعرف مصدر الخبر

osha966

11-03-13 06:01 PM

رد: خبر اكييييد مية فى المية

- لأ أنا أؤكد أن الخبر غير صحيح بتاتا لأن لى قريب يعمل فى جهة رسمية أكد لى ان استيراد جميع أنواع الأسلحة غير محظور . أنما التجار هم البيقولو كده .حجة لرفع الأسعار.

tamer_tatow

11-03-13 06:02 PM

رد: خبر اكييييد مية فى المية

يووووووووووووووه يا جدعان والله الخبر ده مش صح وكفاية اشاعات الموضوع كله ان السوق العالمية غير واثقة في التاجر المصري في الوقت الحالي علشان كدة محدش راضي يبيع كريدت كله بيبع كاش والكلام ده معناه ان الاستيراد ح يقل مش ح يقف واللي معاه فلوس ح يشيل

ahmadkader

11-03-13 06:05 PM

رد: خبر اكييييد مية فى المية

كفاية لب تجار بقى ، لغاية إمتى التجار هيفضلوا يبتكروا الإشاعة و يروجوا ليها و يكسبوا من وراها ، يا جدعان دا الإيكول بى 29 التعبان عدى الألف جنيه بسبب إشتغالة ، مش معقول ننساق ورا أى كلام نقوم نشترى حاجة متساويش و ندفع فيها أكتر من تمنها

osha966

11-03-13 06:13 PM

رد: خبر اكييييد مية فى المية

يا جماعة دى اشاعات تجار -أنا لسه كنت عند محل شاهين وابو ضيف ونازلهم بضاعة جديدة بنادق ومسدسات والأسعار فى المعقول-

essam assem

11-03-13 06:13 PM

رد: خبر اكييييد مية فى المية

خبر صحيح وسبق انى بلغت بية قبل كدة عموما شكرا يا باشا على المعلومة ومع ذالك الطلب قل جامد على السلاح الصوت ودة اللى خلا الاسعار تنزل شوية بشكل ملحوظ اليومين دول وانا كنت داعيت السادة اعضاء المنتدى فى مشاركة فى موضوع اخر على الامتناع عن شراء اى سلاح صوت من المحلات خلال الاسبوع دة عشان نساعد على نزول الاسعار ودية طبعا نظرية العرض والطلب اللى احنا عرفنها وعلفكرة يا جماعة المعروض كتير جدا بذات ان الخضة اللى كانت عند الناس راحت نوعا ما مع نزول بعض رجال الشرطة الى الشارع مما ادى الى عرض ناس كتيرة معاة سلاح صوت الى البيع وباسعار اقل من المحلات وكلها كسر الزيرو او تقريبا زيرو فرجاء تلبية الدعوة للصالح العام ويارايت التجار متزعلش منى وشكرا واسف على الاطالة

khaledabdelnaby

11-03-13 06:20 PM

رد: خبر اكييييد مية فى المية

اقتباس:

المشاركة الأصلية كتبت بواسطة essam assem (المشاركة 56130)

وانا اؤيد هذا الكلام لان السبب فى نزول الاسعار مش استيراد شحنة جديدة بس زى ما سمعنا بالامس انما ايضا عدم اقبال الناس اليومين اللى فاتوا بعد نزول الشرطة وعودة احساسهم بالامان وللاسف التجار كانوا بيطلعوا البضاعة القديمة والمركونة عندهم وشايلين الجديد وتم ملاحظة ده من كذا واحد اشترى الفترة اللى فاتت ان البضاعة مزيتة اوى ودلوقتى ابتدوا يطلعوا الحاجات الجديدة اى كانوا شلوهابس برضه الاسعار هتنزل كمان وكمان لان الشعب خلاص مش محتاج مسدسات صوت تانى لان الشرطة رجعت تانى

ممكن بقى السادة التجار يشتغلوا على الذخيرة بس زى الاول انما مسدسات تانى لا اعتقد

محمد اسماعيل

11-03-13 06:58 PM

رد: خبر اكييييد مية فى المية

الكلام ده مش صحيح دى كلام تجار عايزين يلحقو يبعو الىل عندهم لانهم عرفو انه الاسعار نزلت يا جماعه وعن تجربه الاسعار فعلا نزلت اوعو تصدقو الكلام دا

osha966

11-03-13 07:11 PM

رد: خبر اكييييد مية فى المية

خلاص بقى الأشترى اشترى وما حدش بقى يشترى كتير زى الأول والطلب قل كتير عن الفترة الماضية - وبعدين الناس بدات تفهم ان مسدسات الصوت أو البلى مالهاش لزمة لأنها مش مؤثرة ويا دوب ممكن تعمل جرح بسيط يستفز البلطجى أكتر وممكن يتهور عليك ويقتلك

aaaa2000

11-03-13 07:46 PM

رد: خبر اكييييد مية فى المية

الموضوع ان مش كل الناس اللى فى مصر موجودين على النت انا رحت الاهليه اول امس والله ما تعرف تدخل من الزحام والناس بتشترى زى ما بتشترى عيش ورحت للى فى الجيزه واحد منهم قافل للتجديد والتانى عمال يبيع ويشترى فى الناس والزحام كان كتير المشكله سلوكيات شعب

lastworld

11-03-13 07:48 PM

رد: خبر اكييييد مية فى المية

اقتباس:

المشاركة الأصلية كتبت بواسطة osha966 (المشاركة 56120)

هوا دا الكلام اللى يفرح القلب

zmbugany

11-03-13 07:49 PM

رد: خبر اكييييد مية فى المية

على فكرة الكلام دة مش صحيح على الاطلاق بسبب ان الاستيراد كان بيتم بدون حتى دفع رسوم الجمرك وبقيت بتسهيلات وفى منتجات زى المنتجات الغذائية بقيت حتى من غير جمرك بمعنى ان الجمرك ممكن يدفع بعدين ودة تم على اللحوم والمنتجات الغذائية نفس الفكرة تقريبا انا مش متاكد منها اوى كانت على الاسلحة الى بدون ترخيص وبالمناسبة واحد صاحبى قاللى ان مسدسات الصوت بتخش على انها لعب اطفال وبالتالى اعتقد ان دة ممكن يكون
كـــــــــــــــــــــــــــــــلام تـــــــــــــــــــــــــــــــــــــــــــــــــ ـجــــــــــــــــــــــــــــــــــــــــــــــار
وشكرا

unknown

11-03-13 08:09 PM

رد: خبر اكييييد مية فى المية

اعتقد ان دى اشاعات من التجار والمستفيدون من عدم نزول الاسعار والله تعالى اعلم

sameh73eg

11-03-13 08:21 PM

رد: خبر اكييييد مية فى المية

انا ستنى مش هشترى وياريت نشجع بعض على الانتظار

hosam ibrahem

11-03-13 08:40 PM

رد: خبر اكييييد مية فى المية

نرجوا من الاخوة الاعضاء عدم الانسياق وراء الاشاعات و مقاطعة الشراء في الوقت الحالي والتاكد من نزول الاسعار واستقرارها

احمد هاشم

11-03-13 08:53 PM

رد: خبر اكييييد مية فى المية

انا اعتقد ان الكلام دى صحيح لان البلد دلوقتى فى اوقات حرجه وممكن الاستيراد يتقفل كام شهر لحد ما الامور تتعدل

Mohamed Mahmoud

11-03-13 09:14 PM

رد: خبر اكييييد مية فى المية

أقسم بالله أقسم بالله أنا مش تاجر كل واح وعلى راحتة اللى عايز يشترى براحتة واللى مش عايز بردة براحتة

unknown

11-03-13 09:25 PM

رد: خبر اكييييد مية فى المية

يا اخى لا داعى للقسم نحن لا نتهمك انك تاجر فربما كان الخبر مدسوس عليك او على مصدرك

Mohamed Mahmoud

11-03-14 11:29 AM

رد: خبر اكييييد مية فى المية

ممكن ان احنا نكلم بالمنطق متهيلىء ان كل الموجود فى المحلات انتهى او قرب على الانتهاء وانتم عارفين ان اكبر المستوردين هم ابوضيف و فتح الله لو هما طلبوا طلبية الاستيراد دلوقتى على الاقل شهر او شهر ونصف حتى تصل الى مصر ودة على فكرة لاى طلبية فى الدنيا الى اية حاجة مش شرط اسلحة فقط ......والله اعلى و اعلم

الساعة الآن 07:37 PM