الصيد فى مصر

الصيد فى مصر (http://www.egyhunt.net/index.php)
-   الصيد العام (http://www.egyhunt.net/forumdisplay.php?f=1)
-   -   استـفـسـار بـخـصـوص الـسـتـرات الـواقـيـة مـن الـرصـاص !!! (http://www.egyhunt.net/showthread.php?t=5746)

Axel 11-03-14 01:13 AM
استـفـسـار بـخـصـوص الـسـتـرات الـواقـيـة مـن الـرصـاص !!!
 
السلام عليكم و رحمة الله و بركاته

انا عندي استفسار غريب شوية
بخصوص السترات الواقية من الرصاص

هل السترات الواقية من الرصاص يمنع حيازتها في مصر ؟؟
و ايه السبب لأني مسمعتش قبل كده عن قانون زي الخاص بحيازة الاسلحة النارية و البيضاء
بيمنع حصول الشخص علي سترات واقية من الرصاص

و اللي خلاني اسأل السؤال ده انهم مسكوا صاحب شركة في اسكندرية لأنه استورد سترات واقية من الرصاص طب هنقول ده دخلهم و كان مخبيهم وسط بضاعة و جايب 10

طب صحفي اجنبي مسكوه برده في المطار لأنه جاي بسترة و خوذة واقية من الرصاص
و اعتقد بحكم شغلهم وسط الاحداث لازم يكون معاهم حماية
لأن في التحرير لما المؤيدين و المعارضين كانوا بيضربوا في بعض كان في مصورين اجانب لابسين سترات و خوذ واقية من الرصاص

فهل فعلا في قانون يمنع حصول الشخص علي سترة و خوذة واقية من الرصاص
و لو اه هل في تصريح بيؤخذ لحيازتهم ؟

mman2005 11-03-14 09:46 AM
رد: استـفـسـار بـخـصـوص الـسـتـرات الـواقـيـة مـن الـرصـاص !!!
 
هو النظام عندنا السابق الله ما يرجعه تانى كان ناقص يخلى الناس ملط علشان لما ينضربوا برصاصة متلاقيش أساسا قطعة قماش تصدها، كل حاجة كانت بتهدد أمن الدولة حتى حمل قصافة، كان ممكن كمان يمنعه الأقلام الرصاص والمساطر من شنط التلاميذ.

Axel 11-03-14 05:43 PM
رد: استـفـسـار بـخـصـوص الـسـتـرات الـواقـيـة مـن الـرصـاص !!!
 
هههههههه طب مش كانوا ينزلوا قانون طيب يكلم عنها عشان نعرف راسنا من رجلينا عشان الواحد بقي تايه اه و لا لأ

lastworld 11-03-15 12:12 AM
رد: استـفـسـار بـخـصـوص الـسـتـرات الـواقـيـة مـن الـرصـاص !!!
 
اقتباس:
المشاركة الأصلية كتبت بواسطة Axel (المشاركة 56569)
هههههههه طب مش كانوا ينزلوا قانون طيب يكلم عنها عشان نعرف راسنا من رجلينا عشان الواحد بقي تايه اه و لا لأ
كلامك مظبوط فعلا

احمد العوضى 11-03-15 12:47 AM
رد: استـفـسـار بـخـصـوص الـسـتـرات الـواقـيـة مـن الـرصـاص !!!
 
يااخى الستره الواقيه من الرصاص ممنوعه فى العالم كله مش فى مصر بس الا بتصريح رسمى من الجهات الامنيه لانها تعتبر سلاح مضاض فان ارت ارتداء واحده بتكون بتصريح رسمى من وزارة الداخليه تخيل لو لص بنوك او ارهابى ارتدى الستره كيف للاجهذه الامنيه التعامل معه فى اى اشتباك كما ان كاتم الصوت ممنوع تماما حياذته او استيراده لانه يحول اى سلاح دفاعى الى سلاح هجومى والكلام ده مذكور فى القانون بس مش بالنص ولاكن اى مستلذم من مستلذمات الاسلحه التى تحول السلاح الدفاعى الى هجومى ممنوعه تماما وقاصره على الاستخدام العسكرى فقط

Axel 11-03-16 05:57 PM
رد: استـفـسـار بـخـصـوص الـسـتـرات الـواقـيـة مـن الـرصـاص !!!
 
اقتباس:
المشاركة الأصلية كتبت بواسطة احمد العوضى (المشاركة 56702)
يااخى الستره الواقيه من الرصاص ممنوعه فى العالم كله مش فى مصر بس الا بتصريح رسمى من الجهات الامنيه لانها تعتبر سلاح مضاض فان ارت ارتداء واحده بتكون بتصريح رسمى من وزارة الداخليه تخيل لو لص بنوك او ارهابى ارتدى الستره كيف للاجهذه الامنيه التعامل معه فى اى اشتباك كما ان كاتم الصوت ممنوع تماما حياذته او استيراده لانه يحول اى سلاح دفاعى الى سلاح هجومى والكلام ده مذكور فى القانون بس مش بالنص ولاكن اى مستلذم من مستلذمات الاسلحه التى تحول السلاح الدفاعى الى هجومى ممنوعه تماما وقاصره على الاستخدام العسكرى فقط
شكرا لردك يا استاذ احمد
مع انهم اساسا أكيد معاهم اذا كان السلاح مع الخارجين ع القانون من غير ترخيص ديه اللي هيعملوها ترخيص

sam 11-03-17 03:38 AM
رد: استـفـسـار بـخـصـوص الـسـتـرات الـواقـيـة مـن الـرصـاص !!!
 
اقتباس:
المشاركة الأصلية كتبت بواسطة احمد العوضى (المشاركة 56702)
يااخى الستره الواقيه من الرصاص ممنوعه فى العالم كله مش فى مصر بس الا بتصريح رسمى من الجهات الامنيه لانها تعتبر سلاح مضاض فان ارت ارتداء واحده بتكون بتصريح رسمى من وزارة الداخليه تخيل لو لص بنوك او ارهابى ارتدى الستره كيف للاجهذه الامنيه التعامل معه فى اى اشتباك كما ان كاتم الصوت ممنوع تماما حياذته او استيراده لانه يحول اى سلاح دفاعى الى سلاح هجومى والكلام ده مذكور فى القانون بس مش بالنص ولاكن اى مستلذم من مستلذمات الاسلحه التى تحول السلاح الدفاعى الى هجومى ممنوعه تماما وقاصره على الاستخدام العسكرى فقط
الكلام ده مرفوض جدا لأن المجرم والأرهابي يحصل علي ما يريده سواء القانون سمح ام لم يسمح وهذا ما فهمته الدول المتقدمة فاصبح كل شي مسموح بشرط تسجيل بيانات المشتري من الأسم والعنوان وخلافه هكذا اصبح الوصول اسهل للمجرم ولكن السترات لا تمنع سوي الرصاص العادي اما المتفجر الخارق لا توقفه وكذلك كاتم الصوت سيحصل عليه المجرم لو اراد عن طريق السوق السوداء وجميعنا راينا عندما حصل الأنفلات الأمني السلاح توفر فالمنع ليس الحل الحل التقنين والتعليم لمبادئ الأخلاق والحق والعدل وشكرا لكم

Axel 11-03-28 08:27 PM
رد: استـفـسـار بـخـصـوص الـسـتـرات الـواقـيـة مـن الـرصـاص !!!
 
اقتباس:
المشاركة الأصلية كتبت بواسطة sam (المشاركة 57679)
الكلام ده مرفوض جدا لأن المجرم والأرهابي يحصل علي ما يريده سواء القانون سمح ام لم يسمح وهذا ما فهمته الدول المتقدمة فاصبح كل شي مسموح بشرط تسجيل بيانات المشتري من الأسم والعنوان وخلافه هكذا اصبح الوصول اسهل للمجرم ولكن السترات لا تمنع سوي الرصاص العادي اما المتفجر الخارق لا توقفه وكذلك كاتم الصوت سيحصل عليه المجرم لو اراد عن طريق السوق السوداء وجميعنا راينا عندما حصل الأنفلات الأمني السلاح توفر فالمنع ليس الحل الحل التقنين والتعليم لمبادئ الأخلاق والحق والعدل وشكرا لكم
فعلا ده اللي حصل و انا اتفق معاك هم لما منعوا تداول الحاجات ديه فاكرين ان محدش هيجيبها بالعكس ديه بقت تجاب من السوق السودا و ان مكنش كمان بيصنعوها هنا او بتتهرب زي برده الالكتريك شوك و الاميركان ستيك ..الخ ...الخ و محدش يقدر يعرف مين جابها و باعها لمين ع عكس لو متسجله يقدروا يعرفوا و السلاح اللي دلوقتي بقي مع عيل صغير و كل ما تمشي تلاقي واحد معاه طبنجة يا فرحتي اي حد دبانة تزعجه يطلع الطبنجة و يضرب
و اكتر حاجة مستغربها
الصحافيين اللي كل يوم يمسكوهم عشان معاهم سترات واقية و خوذات و ياخدوها منهم طب هم رايحين بيها ليبيا و بطبيعة شغله بتحكم عليه يبقي في وسط الاحداث
يعني لو خايفين مثلا انهم يستخدموها هنا خلاص ممكن يحرزوها و يسلموها ليهم و هم رايحين
بس هم شكلهم ماشيين بمقولة الوقاية خيرا من العلاج بالرغم ان ليها مميزات ليها عيوب
و ربنا يستر في الايام الحلوة ديه
شكرا لردودكم و منورين

mero1x 11-03-28 11:40 PM
رد: استـفـسـار بـخـصـوص الـسـتـرات الـواقـيـة مـن الـرصـاص !!!
 
والله انا اخر تعديل فى فانون الاسلحة والذخائر ومتعلقاتها عندى ومفهوش اى حاجةعن السترات الواقية لا من قريب ولابعيد وبعدين السترات دى ممكن صنعها لأنى اعرف انها نوعين نوع الياف صناعية ودة الغالى ونوع صفائح معدنية ودى ممكن صنعها . والسلام ختام

القناص2010 11-03-29 12:00 AM
رد: استـفـسـار بـخـصـوص الـسـتـرات الـواقـيـة مـن الـرصـاص !!!
 
اقتباس:
المشاركة الأصلية كتبت بواسطة mero1x (المشاركة 63872)
والله انا اخر تعديل فى فانون الاسلحة والذخائر ومتعلقاتها عندى ومفهوش اى حاجةعن السترات الواقية لا من قريب ولابعيد وبعدين السترات دى ممكن صنعها لأنى اعرف انها نوعين نوع الياف صناعية ودة الغالى ونوع صفائح معدنية ودى ممكن صنعها . والسلام ختام
السلام عليكم طبعا دا كلام جميل وحوار اكثر من رائع بس ليا تعليق ان السترات دى بتصنع من الياف تسمى كفلر وليها عدة مستويات من الحماية تبدا من طلقات المسدس وعلى بعد معين حتى المضادة لانفجار القنابل زى الى بيلبسها الى بيطل فعل القنابل و ا الشحنات الناسفة المفخخة وعموما بتحتاج تكنولوجيا عالية جدا وبالنسبة للنوع المعدنى هوا اقوى فعلا من الالياف بس لة عيب خطير انة ثقيل الوزن وكبير الحجم وكل ما تزود الوقاية ضد القنابل او الاسلحة الالية بيتزود الوزن وسمك الصلب ودا عيب خطير يجعلة غير مستخدم وشكرا .

أميجو 11-03-29 01:20 AM
رد: استـفـسـار بـخـصـوص الـسـتـرات الـواقـيـة مـن الـرصـاص !!!
 
اقتباس:
المشاركة الأصلية كتبت بواسطة احمد العوضى (المشاركة 56702)
يااخى الستره الواقيه من الرصاص ممنوعه فى العالم كله مش فى مصر بس الا بتصريح رسمى من الجهات الامنيه لانها تعتبر سلاح مضاض فان ارت ارتداء واحده بتكون بتصريح رسمى من وزارة الداخليه تخيل لو لص بنوك او ارهابى ارتدى الستره كيف للاجهذه الامنيه التعامل معه فى اى اشتباك كما ان كاتم الصوت ممنوع تماما حياذته او استيراده لانه يحول اى سلاح دفاعى الى سلاح هجومى والكلام ده مذكور فى القانون بس مش بالنص ولاكن اى مستلذم من مستلذمات الاسلحه التى تحول السلاح الدفاعى الى هجومى ممنوعه تماما وقاصره على الاستخدام العسكرى فقط
رد سليم و ممتاز وواقعى أستاذ / أحمد العوضى وهى بالفعل بتحتاج لتصريح خاص من الداخلية والامن القومى .

Axel 11-03-29 05:20 AM
رد: استـفـسـار بـخـصـوص الـسـتـرات الـواقـيـة مـن الـرصـاص !!!
 
اقتباس:
المشاركة الأصلية كتبت بواسطة mero1x (المشاركة 63872)
والله انا اخر تعديل فى فانون الاسلحة والذخائر ومتعلقاتها عندى ومفهوش اى حاجةعن السترات الواقية لا من قريب ولابعيد وبعدين السترات دى ممكن صنعها لأنى اعرف انها نوعين نوع الياف صناعية ودة الغالى ونوع صفائح معدنية ودى ممكن صنعها . والسلام ختام

يا ريت لو تكتبلنا اخر تعديل

السترات الواقية من الرصاص فعلا بتتكون من 3 انواع كمان اولهم الكيفلار و هي مادة مشتقة من البترول و بتفرق كل تصميم لحاجة يعني تصميم لعيار 9 مم و تصميم للرشاش و تصميم للشظايا و المتفجرات و هكذا و نوع تاني من الحرير الطبيعي و التالت من الصفائح المعدنية و ده اخطرهم لأن الاثر الناتج في الجهة الاخري من الصفائح المعدنية هتبقي خطورتها ع الشخص اكتر من الرصاص نفسه لكن مادة زي الكيفلار مثلا بتبقي عامة زي شبكة حارس المرمي متكونة من شبكات متداخلة كتييرة جدا و لما الرصاصة بتضرب قوتها مش بتتركز في منطقة و بتتوزع و بالتالي الانسان ميضرش و كبيرها انه ممكن يوقع ع الارض

و يا ريت تاني تكتب التعديل الأخير للقانون

و شكرا ليك

Axel 11-03-29 05:22 AM
رد: استـفـسـار بـخـصـوص الـسـتـرات الـواقـيـة مـن الـرصـاص !!!
 
اقتباس:
المشاركة الأصلية كتبت بواسطة القناص2010 (المشاركة 63890)
السلام عليكم طبعا دا كلام جميل وحوار اكثر من رائع بس ليا تعليق ان السترات دى بتصنع من الياف تسمى كفلر وليها عدة مستويات من الحماية تبدا من طلقات المسدس وعلى بعد معين حتى المضادة لانفجار القنابل زى الى بيلبسها الى بيطل فعل القنابل و ا الشحنات الناسفة المفخخة وعموما بتحتاج تكنولوجيا عالية جدا وبالنسبة للنوع المعدنى هوا اقوى فعلا من الالياف بس لة عيب خطير انة ثقيل الوزن وكبير الحجم وكل ما تزود الوقاية ضد القنابل او الاسلحة الالية بيتزود الوزن وسمك الصلب ودا عيب خطير يجعلة غير مستخدم وشكرا .
تمام يا قناص و انا كنت بقول موضوع السترات في المشاركة اللي فاتت

شكرا يا باشا

hema777h 11-04-04 02:41 AM
رد: استـفـسـار بـخـصـوص الـسـتـرات الـواقـيـة مـن الـرصـاص !!!
 
ياريت ترخيص اللاسلحة يتم النظر لية نظر تانية من الحكومة الجديدة ومجلس الشعب الجديد علي الاقل الي بيطلب يرخص سلاح بيطلب الحاجة بطرق رسمية وعلي الاقل هيبقي معروف هو وخدة لية ولاقدر اللة واضطر انو يستعملة او في حالة اي اعتداء هيوح هو نفسو يبلغ عن الي حصل عشان هيبقي في حالة دفاع عن النفس


والممنوع مرغوب ولا اية

احمد العوضى 11-04-04 03:47 AM
رد: استـفـسـار بـخـصـوص الـسـتـرات الـواقـيـة مـن الـرصـاص !!!
 
يا اخوه السترات الواقيه وكواتم الصوتوالتلسكوبات الخاصه بالاسلحه الناريه من الاسلحه الهجوميه التى لم ترد فى القانون لان الاسلحه المصرح بها الاسلحه الدفاعيه فقط وهل ورد فى القانون عدم امتلاك دبابه او هون او ما شابه اما المنع وما يقوله الاخوه ان الان كل حاجه متاحه والى عايذ حاجه بيجبها طيب احنا منعين المخدرات ليه مالى عايذ حاجه بيجبها نسمح بيها فى الحدود السخصيه ذى امريكه وبعض الدول خدو بلكم انا بشبه ولا اجيذ السماح باى شىء احنا مسلمين والحمد لله

hafez 11-04-04 03:47 PM
رد: استـفـسـار بـخـصـوص الـسـتـرات الـواقـيـة مـن الـرصـاص !!!
 
اقتباس:
المشاركة الأصلية كتبت بواسطة sam (المشاركة 57679)
الكلام ده مرفوض جدا لأن المجرم والأرهابي يحصل علي ما يريده سواء القانون سمح ام لم يسمح وهذا ما فهمته الدول المتقدمة فاصبح كل شي مسموح بشرط تسجيل بيانات المشتري من الأسم والعنوان وخلافه هكذا اصبح الوصول اسهل للمجرم ولكن السترات لا تمنع سوي الرصاص العادي اما المتفجر الخارق لا توقفه وكذلك كاتم الصوت سيحصل عليه المجرم لو اراد عن طريق السوق السوداء وجميعنا راينا عندما حصل الأنفلات الأمني السلاح توفر فالمنع ليس الحل الحل التقنين والتعليم لمبادئ الأخلاق والحق والعدل وشكرا لكم
اتفق معك تماما

صقر ابوحسانين 11-04-10 09:18 AM
رد: استـفـسـار بـخـصـوص الـسـتـرات الـواقـيـة مـن الـرصـاص !!!
 
كل شى موجود فى مصر بعدين انت هتخاف من ايه فى سترات واقيه خفيفه محدش بياخد باله منه
كل حاجه متوفره فى السوق السوداء وبفلوسك تشترى دبابه وطياره لو بتعرف تطير هتلك بالمره جهز رؤيه ليليه عندنا فى الصصعيد موجود لو عاوز هههههههههههه

amir3 11-04-10 03:52 PM
رد: استـفـسـار بـخـصـوص الـسـتـرات الـواقـيـة مـن الـرصـاص !!!
 
اقتباس:
المشاركة الأصلية كتبت بواسطة صقر ابوحسانين (المشاركة 71773)
كل شى موجود فى مصر بعدين انت هتخاف من ايه فى سترات واقيه خفيفه محدش بياخد باله منه
كل حاجه متوفره فى السوق السوداء وبفلوسك تشترى دبابه وطياره لو بتعرف تطير هتلك بالمره جهز رؤيه ليليه عندنا فى الصصعيد موجود لو عاوز هههههههههههه
لو سمحت يا استاذ "صقر ابوحسانين" لو تعرف حاجة عن الـسـتـرات الـواقـيـة مـن الـرصـاص في السوق السوداء ياريت تفيدنا. و ممكن تبعتلي علي الخاص.
شكرا مقدما

Axel 11-04-10 07:44 PM
رد: استـفـسـار بـخـصـوص الـسـتـرات الـواقـيـة مـن الـرصـاص !!!
 
اقتباس:
المشاركة الأصلية كتبت بواسطة صقر ابوحسانين (المشاركة 71773)
كل شى موجود فى مصر بعدين انت هتخاف من ايه فى سترات واقيه خفيفه محدش بياخد باله منه
كل حاجه متوفره فى السوق السوداء وبفلوسك تشترى دبابه وطياره لو بتعرف تطير هتلك بالمره جهز رؤيه ليليه عندنا فى الصصعيد موجود لو عاوز هههههههههههه
طب بقولك ايه يا صقر ابعتلي واحدة ميراج 2000 و دبابة ابرامز موديل 99 بس اوعي تكون رشة دواخل و الموتور يكون حالته حلوة و فرد جنازير جديدة مش عايز فردة جنزير ملووحة او فيها لحام كتيير
اهم حاجة بقي المدفع يكون راشش نضافة مش حادثة ههههههههههه


الساعة الآن 03:36 AM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir