صلحت البندقيه
 

يا جماعه صلحت البندقيه عند الراجل ألي في الشرابيه
غيرت السوسته و الجلبه الي علي البستم والجلبه الي علي الماسوره " رمسيس 1 "
ودفعت 50 جند انا عارف ان شبه انضحك عليا بس معلش أول مره
المهم انا أصدت بيها عصافير و الطلقه كانت بتطلع من الناحيه التانيه
لكن لما جيت اضرب علي الحمام كانت في الدور الخامس وشوفت الريش بيطير لكن الحمامه طارت بردو
هيا " رمسيس 1 " ما تجبش حمام ولا ايه يا رجاله

اسف للأطاله
وشكرا علي الرد مسبقا

رد: صلحت البندقيه
 

اولا مبروووك علي التصليح


وحكايه الريش دي انا مجربها

بس اعتقد انها بتيجي في ريشها بس

لان ساعات بتحصل معايا في يمام او عصافير


ثانيا


اعتقد ان الرمسيس ممكن تجيب يمام بس تكون المسافه قريبه والضربه في مكان مؤثر

وده علي قد علمي

رد: صلحت البندقيه
 

شكرا Venatic13 علي أهتمامك وردك
بس واضح ان مفيش حد بيعبر المستجدين هنا ولا بيهتم بالي بيقولوه

شكرا مره ثانيه

رد: صلحت البندقيه
 

بالعكس والله ..... انت لو شفت المواضيع هتغير رايك

لاني كنت واحد من المستجدين دول ومحدش اتاخر عني بصراحه

بس معذرة ....يمكن مشغولين بس اليومين دول

رد: صلحت البندقيه
 

اه فعلا والله مشغولين موووووووووووت موووووت وبعدين يا سيدي انت لا مستجد ولا حاجه واضح من كلامك انك صياد قديم علي العموم عنيينا ليك

رد: صلحت البندقيه
 

معني انك شوفت الطلقه دليل علي ان البندقيه ضعيفه جدا جدا يعني كويس انها بتجيب عصافير
اهي تنفع لو عندك صقر وعايز تاكله انا مبتريقش انا بتكلم بجد

رد: صلحت البندقيه
 

معلش احنا اليومين دول مشغولين جدا

بخصوص المشكلة دى , البندقية الرمسيس مداها ضعيف علشان السوستة قصيرة والجلبة بدووب بسرعة

وبخصوص الريش ممكن يكون جت فى ديل الحمامة وبرضة الدور الخامس صعب شوية على الرمسيس