الحقيقه وراء عروض البيع و الشراء مهم جدا كله يقراه
 

انا اسف لو موضوعي ده ممكن يقطع رزق حد بس لو انا قدامي حد حيجي علي حد مش فاهم يبقي انا اسف اني حعمل الموضوع
اقسم بالله انا شايف يوم الجمعه اللي فاتت و عملت موضوع عن كده
الايكول الفايبر الماسوره ال4.5 انش ب 900 من غير فصال
الايكول الp29 ب 800 من غير فصال
الايكول التونا ب 400 من غير فصال
الايليكتريك و السلف ديفينس الاسبراي اسعارهم مبالغ فيهم و انا مش محدد انهي موضوع بس نصيحه الناس تنزل تسأل قبل ما تشتري
الاسعار دي في اسكندريه و الناس تهدااا الشوارع مليانه ضباط و ده انا شايفه في كل حته و اللي شايف غير كده يشتري هو حر الاسعار بتنزل و الشرا قل
و للمره الملييييييييون مفيش حاجه اسمها ايكول حي ب 2000 و ب 3000 جنيه اللي بيبيع جايب الصوت و معدله يضرب بلي و ده سهل و اي حد يقدر يعمله و اللي بيضرب بيه حي يبقا يقابلني لو كمل خزنه و وشه سليم عشان حينفجر في وشه و ينفجر دي مش تشبيه هو فعلا حينفجر
اللهم بلغت اللهم فأشهد

رد: الحقيقه وراء عروض البيع و الشراء مهم جدا كله يقراه
 

رد: الحقيقه وراء عروض البيع و الشراء مهم جدا كله يقراه
 

انتا مية مية ووووووووووووالله النااااااااااس متغمية وي مبيصدقو هيصة او اي حااااجة يمشو وراهاااااا

رد: الحقيقه وراء عروض البيع و الشراء مهم جدا كله يقراه
 

كلامك 100%

رد: الحقيقه وراء عروض البيع و الشراء مهم جدا كله يقراه
 

يا رب بس الناس تتعلم و تهدا عشان هو ده الحل

رد: الحقيقه وراء عروض البيع و الشراء مهم جدا كله يقراه
 

كلامك صح فى ناس كتيرة دماغها مليانة خيالات حول تحويل الصوت لحقيقي

رد: الحقيقه وراء عروض البيع و الشراء مهم جدا كله يقراه
 

كلام سليم, يارب الناس تسمع النصائح من اللى عنده خبرة

رد: الحقيقه وراء عروض البيع و الشراء مهم جدا كله يقراه
 

رد: الحقيقه وراء عروض البيع و الشراء مهم جدا كله يقراه
 

طيب ممكن تخدمنى و تجيبلى p29 الأسود ب 800 جنيه و تبقى خدمتنى و أخوك من إسكندريه برده.

رد: الحقيقه وراء عروض البيع و الشراء مهم جدا كله يقراه
 

ممكن لو سمحت معلش ضرورى جدا ترد عليا عايز اعرف المحل اللى بيبيع التونا ب 400 ارجو الاهتمام بالرد
وجزاك الله كل خير

رد: الحقيقه وراء عروض البيع و الشراء مهم جدا كله يقراه
 

هشام سمير بايع لى واحد الاسبوع الماضى ب750 وعلبة طلقات ب175 وعلى فكرة بقى فعلا الناس متخيلة الدنيا بايظة و لو فكرت فيها شوية هتعرف انها خنقات عصابات مع بعضها والحرامى اللى بيطلغ برة منطقته واتمسك الجيش مبيرحمش ونسبة كبيرة جدا لمت نفسها اما بالنسبة للسلاح معتقدش ان فيه حد بيظبط زباينه اد السجلابى بتاع جرين بلازا امامى بايع ايكول دول على 3000 وقالى اول الاسبوع القادم هيبى ب4000 وبيبيع التونا على 1000 و اسعار مش عارف لابيبع بيها ازاى المهم من الصدمة مشيت وطبعا هو ب؟؟؟؟؟؟؟ الناس اللى بتشترى منه وطبعا بيقول معلومات مش منطقية والناس مصدقاه وكأنه ساحر وبيقول العلم العليم ربنا يلطف بعباده وعلى رأى المثل رزق ؟ على ؟

رد: الحقيقه وراء عروض البيع و الشراء مهم جدا كله يقراه
 

اولا شكرا على النصيحة ثانيا يارات حضرتك تقول على المحلات اللى بتبيع بالاسعار دية بيقى 100 100

رد: الحقيقه وراء عروض البيع و الشراء مهم جدا كله يقراه
 

فعلا الاسعار غليت جدا و خصوصا ان دى اسلحه صووووت بس....وانا بشوف اسعار المسدسات الصوت بره رخيصه جدا وهى فعلا كانت رخيصه فى مصر... وانا متأكد ان الغلو ده من عند التجار استغلالا للأزمه.....ربنا يستر على اسلحه الصيد هى كمان بقى مبالغ فيها.....بالنسبه للأليكتريك شوك و السلف ديفينس فأسعارهم اللى شفتها عل المنتدى فعلا مبالغ فيهم و خصوصا انهم صينى ردئ جدا و يستخدم بطاريات غير قابله لاعاده الشحن.....مع ان فيه بديل غالبا صينى بردو بس نضيف و يستخدم بطاريات قابله للشحن و ارخص او فى نفس الرنج....فياريت الناس تسأل كويس قبل ماتشترى عشان التجار و اللى بيحاولو يعملو مكسب سريع ميخدوش فرصه و ربنا يهديهم بقى ويرجعوا الاسعار لطبيعتها......شكرا لصاحب الموضوع لحرصه على تنبيه الناس......خالص تحياتى

رد: الحقيقه وراء عروض البيع و الشراء مهم جدا كله يقراه
 

ربا يبارك فى حضرتك اخى الكريم كلامك صحيح بس ياريت الناس تقتنع بيه , وربنا يجازيك عنا كل خير .
تقبل مرورى,,,

رد: الحقيقه وراء عروض البيع و الشراء مهم جدا كله يقراه
 

و الله الموضوع إن الناس تدرك إن السلاح الصوت ده مجرد حاجة للمرح .... يعنى زى ما الأجانب بيقولوا .... For FUN ..... أما كحماية و الكلام ده أنا شايف اللى يفتكر إنه هيحمى نفسه بيه يبقى بيهزر لأن سلاح الصوت لا يسمن و لا يغنى من جوع.

كل الموضوع إن فى بعض الناس (و أنا منهم) بيحبوا صوت الفرقعة و ضرب النار و مفيش مجال إننا نضرب نار حى، فبالتالى بنجيب مسدسات صوت و نفرغ طاقتنا.... ممكن نضرب رصاصتين فى فرح ..... خراطيش ألعاب نارية ..... يعنى الموضوع هواية و مالهوش علاقة بأى ظروف أمنية.

و طبعاً لا ننسى إخوانا اللى عايزين يعيشوا فى دور إنهم ظباط و يمشوا بمسدس شبه الحقيقى ... بس أعتقد إن الفئة دى قليلة (طبعاً لو الفئة دى كتير تبقى مصيبة لأننا هيبقى عندنا كم مرضى نفسيين كتير):).

أما للحماية فده كلام فاضى، إلا لو واحد شاله فى البيت و سمع إن فيه حراميه فيقوم يضرب عيارين فى البلكونة يعمل بيهم دوشة و يرهب الحرامى اللى فى المنطقة .... بس بشرط إنه يكون فى مكان منعزل عن الحرامى .... يعنى ما يكونش فى المواجهة .... هنا ممكن نقول إن الطبنجة الصوت ساعات بتنفع .... إنما فى حالة المواجهة الأكيد إن ضررها أكتر من نفعها.

و برضه ينفع للغفر و الحراس على أساس إن صوته العالى بيلفت نظر الجيران ليهم و فى نفس الوقت ممكن يرهب اللصوص .... بس بشرط .... إنه ما يواجهش اللصوص بيه .... يعنى يضرب و هو بعيد عن اللصوص أو البلطجية .... يعنى بلاش مواجهة برضه.

الخلاصة، مفيش داعى للتهافت على السلاح الصوت دلوقتى و نصبر لحد ما الجو يهدى و الأسعار تبقى طبيعية و نبقى بعد كده نمارس هوايتنا عادى .... إنما اللى رفع الأسعار الفترة اللى فاتت هو الهوجة اللى خلت كل الناس عايزة تعمل منظر علشان وهم البلطجية اللى بينزلوا يقتلوا الناس ... و ده طبعاً كلام فاضى.

مجرد إن الجو يهدى فى الطلب شوية الأسعار هتنزل أكتر .... يعنى على رأى أحمد زكى فى فيلم البيضة و الحجر، ياريت نحارب الغلاء بالإستغناء ..... و بالأخص إن المسدس الصوت سلعة كمالية و مش أساسية و لا مهمة (لو فكرنا بشىء من المنطقية)

أشكركم على وقتكم و شكر خاص لصاحب الموضوع على تنويره للأعضاء بالحقيقة.

محمود الحسينى

رد: الحقيقه وراء عروض البيع و الشراء مهم جدا كله يقراه
 

ياريت بس الناس تقتنع بكده و ان الصوت مجرد صوت و ممكن مايخوفش الحرامي بل بلعكس لو ضربت مثلا علي حرامي و طلع هو معاه حي بقي و قام رضلك الطلقه الصوت بطلقه حي و اصابتك
فياريت ياجماعه الاسعار غليت جامد لان التجار لاقيني اللي يشتري و ربنا يستر طريقنا جميعا
و شكرا لصاحب الموضوع للتنويه

رد: الحقيقه وراء عروض البيع و الشراء مهم جدا كله يقراه
 

على فكرة صحيح، إعلانات الوسيط فى قسم الصيد هتلاقوا فيها أسعار أقل كتير من اللى بتتطلب هنا فى المنتدى ... و مع ذلك أغلى من المحلات برضه ..... أنا مش فاهم، هو ليه اللى بيطلب سلاح من هنا مش بينزل يلف على المحلات يوم و يشترى و يريح دماغه؟
على الأقل لو طلع فى عيب فى السلاح أهو يروح يبدله أو يرجعه من مكان معروف
ولا أنا بفكر غلط؟

إنما هنا ممكن الواحد يستفسر عن الأنواع و الفروق الفنية من الأعضاء اللى ليهم خبرة و بس و ممكن برضه نتعرف على الأسعار بشكل عام ... إنما خلاص ... كله عايز ديليفرى

رد: الحقيقه وراء عروض البيع و الشراء مهم جدا كله يقراه
 

للناس اللي طلبت مني اجبلهم حاجه انا مش تاجر و مش مستعد اني اتدخل في اي عملية بيع و شراء و لكن الاسعار دي انا شايفها في شارع النبي دانيال و ارخص محلين فيه هم اول محلين من ناحة محطة مصر و بالنسبه لموضوع الضمان علي السلاح ده حاجه كلاميه يعني مفيش ورقه ولا حاجه يبقا نصيحه نشتري من محل محترم او من شخص محترم زي استاذ هشام سمير الراجل اسعاره اقل من بره و امانه و معظمنا اتعامل معاه

رد: الحقيقه وراء عروض البيع و الشراء مهم جدا كله يقراه
 

رد: الحقيقه وراء عروض البيع و الشراء مهم جدا كله يقراه
 

الله يباركلك واحيي خوفك على الاخوه الكرام اللهم اكثر من امثالك

رد: الحقيقه وراء عروض البيع و الشراء مهم جدا كله يقراه
 

والله كلامك مظبوط
بس تقنع ميين بقى

رد: الحقيقه وراء عروض البيع و الشراء مهم جدا كله يقراه
 

باركة الله فيك
كيفية التواصل عاوز ايكول 900 جنيه

رد: الحقيقه وراء عروض البيع و الشراء مهم جدا كله يقراه
 

للاسف يا باشا انا مش ببيع انا بشارك الناس اللي انا بشوفه عشان نوقف الاستغلال و حضرتك اسأل في المحلات و الارخص اشتري منه

رد: الحقيقه وراء عروض البيع و الشراء مهم جدا كله يقراه
 

كلامك 100 100 بس الناس عندها حالت خوف فظيعه من الى بتشوفه وتسمعه
انا اخويا طلب منى ان انا اجبله مسدس يخليه فى العربيه لقيت ان المسدس الصوت فى محل بون ذكر اسماء الى كان سعره 800 بقى 1200
قولتله هات مصحف بدل المسدس وحطه العربيه بردو؟؟؟

رد: الحقيقه وراء عروض البيع و الشراء مهم جدا كله يقراه
 

+100000000

رد: الحقيقه وراء عروض البيع و الشراء مهم جدا كله يقراه
 

جزاك الله خيرا

رد: الحقيقه وراء عروض البيع و الشراء مهم جدا كله يقراه
 

جزاك الله خيرا
طيب تقدر تدلتا علي المحلات اللي بتبيع رخيص فين..؟

رد: الحقيقه وراء عروض البيع و الشراء مهم جدا كله يقراه
 

في شارع النبي دانيال اكتر من محل و الاسعار دي كانت الجمعه اللي فاتت

رد: الحقيقه وراء عروض البيع و الشراء مهم جدا كله يقراه
 

رد: الحقيقه وراء عروض البيع و الشراء مهم جدا كله يقراه
 

التونا عند فتح الله سعد زغلول بـ300 جنيه واول كلمة هو بيقولها 350

رد: الحقيقه وراء عروض البيع و الشراء مهم جدا كله يقراه
 

[QUOTE=hemi afifi;57243]انا اسف لو موضوعي ده ممكن يقطع رزق حد بس لو انا قدامي حد حيجي علي حد مش فاهم يبقي انا اسف اني حعمل الموضوع
اقسم بالله انا شايف يوم الجمعه اللي فاتت و عملت موضوع عن كده
الايكول الفايبر الماسوره ال4.5 انش ب 900 من غير فصال
الايكول الp29 ب 800 من غير فصال
الايكول التونا ب 400 من غير فصال
ياليت تتاكد مكن الاسعار دي علشان هنا في القاهرة الموضوع مختلف تمام وذيادة لا تقل عن 300 200 جنية بالاضافة ان اغلب الذي بيشتري التونا بيشترية لغرض معين لو الماسورة مسدودة يبقي شكراا فارجواج اتاكد من الاسعار ضرورى جدااااااا

رد: الحقيقه وراء عروض البيع و الشراء مهم جدا كله يقراه
 

good advice brother,dont buy anything now & el waset esp...gar regl ya regala .da seyamco el haramy

رد: الحقيقه وراء عروض البيع و الشراء مهم جدا كله يقراه
 

باشا ممكن سعر البرونى 1911 أو الوالتر الألمانى ppk بتاع جيمز بونت؟