سوال مهم
 

اة ياريت لان انا كنت ناوى اروح اشترى طبنجة بريتا بس قعدت ادور على جوجل علشان اسمع صوتها واخيرا لقيت فيديو لصوتها بس طلع صوتها تعبان خالص
والصوت اللى عاجبنى اوى هو لمسدس الايكول التركى بس انا طمعان فى صوت يكون اعلى من كدة يعنى انا شوفت واحد معاة مسدس صوت وضرب طلقة خلى ناس كتير كنت واقفة جريت من شدة الصوت كانة قنبلة مثلا لدرجة انى خوفت اصلان اروح اسالة هى الطبنجة دية نوعها اية

رد: سوال مهم
 

عن تجربة البروني p4 صوته جبار ، وكذلك الايكول جاكول دول، عموما صوت الطلقة معتمد على طول الماسورة كل ما تكون قصيرة كل ما الصوت يكون أعلى، وطبعا على العيار يعني ال 9 مللي أعلى في الصوت من 8 مللي

رد: سوال مهم
 

اشكرك جدن يا محمد على الاهتمام طيب انا فعلان لقيت واحد كان كاتب موضوع هنا عن البرونى p4 وانة راح اشتراة من واحد اسمة ميشيل عازر فى العتبة وحط صور للمسدس كمان وعجبانى وكمان الشاب دة قال انة ضرب بية من البلكونة بتاعتهم لدرجة ان من شدة صوت البرونى p4 جالة صداع وودانة وجعتة جميل الكللام دة
طيب انا عايز اسمع صوتة ودورت كتير على النت لكن للاسف مش لاقى فيديو للبرونى p4 فهل تعرف يا اخى الفاضل موقع اسمع فية صوت البرونى
وشكرا مقدما

رد: سوال مهم
 

اتفضل صوت البرونى بى 4

رد: سوال مهم
 

اشكرك اخى وصديقى الغالى m .e بس كويس اوى على مجهودك وانك رفعتلى الفيديو دة بس الحمد لله انى سمعتة لان صوتها تعبان جدن ومش هو دة اللى انا عايزة
يعنى انا لما سمعت صوت الايكول التركى فى الفيديو اللى فية واحد عايش الدور كدة فى الغابة والفيديو دة موجود هنا فى المنتدى اكتشفت ان صوت الايكول دة حلو بس انا عايز صوت يكون زى الرعد ويرعب

رد: سوال مهم
 

ya basha elsoot fel video malosh 3elaka belsoot fel 7a2ii2a

رد: سوال مهم
 

ادى يا سيدى الرجل اللى فى الغابة اللى عايش الدور بيجرب البرونى البى فور علشان تعرف تقارن كويس ولا شكر على واجب المهم تكون مقتنع بالى هتعمله او تشتريه

رد: سوال مهم
 

اشكر الاستاذ jamayka على التفاعل معايا والرد على
وميرسى اوى يا m .e على مجهودك معايا يا باشا وانا بحمل الفيديو عندى اهو وبعد ما هشوفة هقولك راى يا صديقى

رد: سوال مهم
 

بص يا مان
انا سمعت صوتها بس هو اللى بيضرب بيها فى الفيديو فى مكان مقفول علشان كدة الصدى بتاعها بيسمع لكن انا عايزك تسمع صوت الايكول لما كان بيضرب بية فى الغابة وتقولى رايك اية كان صوتة لو فية مثلا ناس قاعدة فى مكان وسمعة صوتة هيترعبوا ويقولوا اية ضرب النار دة

رد: سوال مهم
 

الاتنين فى الاخر مسدسات صوت بيعملو صوت عالى وهو المطلوب الباقى ده يرجع ليك والارتياح النفسى للمسدس سواء الشكل اوالصوت او السعر وفى الاول والاخر انتا هتستعمله كام مرة فى حياتك كلها يديك طولت العمر انشاءالله

رد: سوال مهم
 

ربنا يخليك يا صاحبى بس نا عايز حاجة تكون صوتها مرعب وهو دة اللى هيخلينى فى قمة الارتياح النفسى وهكون مطمن انى لما هاجى اضرب بيها للتهويش مثلا هخلى اللى جاى يعتدى على دة يموت من الرعب
والف شكر ليك يا مان على مجهودك معايا

رد: سوال مهم
 

بعيدا عن اى حاجة مين الواد الى عايش الدور دة هههههههه:D

ياجماعة والله المسدسات الصوت لاتقران بصوت المسدسات الحية ابدا مهما كان دة مسدس صوت وتقريبا كل مسدسات الصوت صوتها واحد تقريبا لاكن ممكن الصوت يختلف من نوع رصاص لاخر حاجة تانى صوت المسدس بيعتمد على قطر و اتساع الماصورة (يعنى لو الغاز طلع مرتاح الصوت هيبقى تعبان جدا وكل ما الماسورة داقت الصوت هيبقى اقرب ما للحى )

لية المسدس الحى صوتة اعلى من المسدس الصوت بالرغم من استخدام نفس العيار:confused:

*الاجابة بسيطة بسبب المقظوف الخارج بصعوبة من الماسورة المتسبب فى صعوبة تفريغ ضغظ الغاز الناتج من اشتعال البارود (يعنى الحكاية كلها فى الكيف مش فى الكم)

بس نصيحتى لك بالمسدسات الالمانى وبالاخض (roham rg96 /walter )

واتمنى ان اكون ساعدتك :)


تحياتى للجميع............................................ ....:):):):):)

رد: سوال مهم
 

شكرا يا محمود باشا على ردك وانتا كلمك مضبوط فى ان الصوت الجامد هو اللى بينضرب من مسدس رصاص حى
بس انا اصلى يا محمود مركز اوى على الصوت ومهتم بالعالى علشان الحالة الزفت اللى احنا فيها دية واعتقد ان لما يكون الصوت قوى دة بيرهب البلطجى وبيبث الرعب فى قلبة
والله يا محمود انا لو على مش عايز اى حاجة خالص تتعلق بالحماية والدفاع عن النفس لاننا كنا عايشين فى امان من سعات ما اتولدنا ولا كان الواحد بيفكر فى وسائل الحماية من مسدسات او بنادق الى اخرة
ولكن انا على جدتى الكبيرة فى السن واللى انا عايش معاها فى منطقة شبرا الخيمة وانا امبارح فى اول مشاركة لية فى هذا المنتدى الجميل كتبت وقلت ان انا وهى ساكنين فى شبرا الخيمة فى دور ارضى فى عمارة بجنينة يعنى زى الفيلا وعلشان كدة فكرنا انا وهى ولاول مرة ان احنا نجيب كلبين ويكونوا كبار فى السن اهو يودوا الغرض ويعملوا جو من الحماية لغايت بس ما الاوضاع تستقر ابقى اديهم لاى حد بعد كدة او اسربهم ومش عايز فيهم اى فلوس كمان
المهم اتصلت بواحد عن طريق الوسيط لقيتة كاتب ان عندة كلبين نوعهم انجليزى وبيقول انهم بولودوج وبالنسبة للحماية قالى انسى انتا بس سيبهم ونام وحط فى بطنك بطيخة صيفى وبعد ما كان قالى ان الاتنين ب 900 والكلام كان امبارح بالليل ولما اخدت راى الحاجة جدتى وافقت على طول رغم انها بتكرة الكلاب جدن لانها مصلية وحجت ومعروف عن الكلاب انهم يمنعوا من دخول الملائكة فى البيت
المهم الراجل هو بنفسة اللى اتصل بية النهاردة الصبح وقالى مجتش اخدت الكلبين لية وفوجئت بية بيعرض على انة عملى تخفيض فيهم ةالاتنين هخدهم على 800 جنية وهما على فكرة بيقولى عمرهم 10 شهور
ولكن انا محتار وعلشان الحاجة كمان ضغطها عالى وبيعلى فجئة اول ما بتسمع ضرب نار او زعيق من حد فى الشارع علشان هما بيجوا كل يوم بالليل ويقعدوا يلفوا بموتسكيلات
ولا اية انسب وسيلة للحماية حيث اننى صرفت نظر عن مسدسات الصوت لانة مش مجدية وفعالة فى حالة الهجوم على البيت واقتحامة

رد: سوال مهم
 

والحاجة خايفة اوى من انى اجيب الكلبين مثلا ويموتوا بعد يوم او يومين علشان هما كبار ونفقد الامن والامان اللى طبعا هيوفرهم الكلبين البولودوج وفى نفس الوقت هى برضة معهاش حاليا الا 1500 فمش عارف بقة

رد: سوال مهم
 

موضوع الكلبين ده اشتغاله 800 جنيه ايه يا ريس وبعدين اى نوع من البول دوج فرنش انجلش امريكان الكلاب دى تمنها بيعدى ال6000 جنيه ده الواحد طبعا و لو حتى بول دوج بلدى وده طبعا مفيش حاجه كده مش هيبقى بالسعر ده
بلاش تخلى حد يشتغلك
تحياتى

رد: سوال مهم
 

رد: سوال مهم
 

طيب اية اقوى مسدس صوت صوتة عالى جدن ويعتبر هو الوحيد المتفوق على باقى الانواع بسبب صوتة

رد: سوال مهم
 

رد: سوال مهم
 

الله يا استاذ اسامة انا بقول الكلام دة من واقع تجربة مش من فراغ انا تعاملت مع اسلحة حية كتير
منها الجلوك 17 9mm والبريتا92 9mm والحلوان 9mm

المسدس الى بمتلكة حاليا التوكاريف ودة مسدس روسى

وعموما يا استاذ اسامة وجهة نظرك حضرتك تحترم

وتذكر دائما ان اختلاف الراى لا ي يفسد للود قضية:):):):):):)

رد: سوال مهم
 

والله ربنا يعينك ويخرج بلدنا من الكبوة دى مكنتش اتمنى ان الحال يوصل بينا لكدة:(


وعموما احسن حاجة ممكن تشتريها *المسدسات الالمانى * وخصوصا ال rg96



حاجة مهمة صوت المسدس بيختلف من مكان الى اخر يعنى لو فى مكان مفتوح الصوت هيبقى مرعب

رد: سوال مهم
 

طبعا ياباشا

بس انا برضه بقول الكلام ده من تجارب عمليه كتيره وكان منهم لجلوك الحي
وهاعمل موضوع
ونشوف اراء الأعضاء ايه

رد: سوال مهم
 

انا معايا Bruni p4 ومن واقع تجربتى انه صوته عالى جدا لدرجة ان الناس طلعت من البلكونة مخضوضة لما سمعت صوت الضرب من بعيد

رد: سوال مهم
 

طيب ازاى البرونى p4 صوتة عالى لما ضربت بية عندك فى المنطقة وفى نفس الوقت واحد من الاصحاب اللى فى المنتدى هنا رفعلى فيديو لصوت البرونى p4 ولقيت صوتها تعبان خالص بعد ما كنت ناوى خلاص اروح اجبها من عند واحد بيقولوا علية هنا انة كويس لانهم اتعاملوا وعندة محل فى العتبة اسمة ميشيل عازر
وازاى انتا دلوقتى بتشكر فى صوتها انا احترت والله ومش عارف استقر على طبنجة

رد: سوال مهم
 

طيب ممكن يا اخ kefou بعد اذنك طبعا لو تقدر ترفع فيديو للطبنجة عندك وانتا بتضرب بيها علشان انا معجب بشكلها بس خايف الفلوس تروح على بعد ما اشتريها والاقى صوتها تعبان

رد: سوال مهم
 

حاضر.. بس صوت الفيديو لا يمكن يكون مقياس, انت لازم تسمع صوته على الطبيعة..

رد: سوال مهم
 

مهو انتا لما هتضرب بيها عندك وهتنزل الفيديو دة وهتفرج علية اعتقد بنسبة 95 فى المية هسمعة زى ما اكون واقف جنبك وانتا بتضرب