برجاء غلق الموضوع من الإدارة
 

تم البيع بحمد الله ، برجاء غلق الموضوع من المنتدى

رد: مسدس صوت ألمانى متوسط الحجم
 

أولا لا يسعنى إلا إنى أشكر حضرتك ، و ثانيا المسدس اللى أنا عارضه للبيع ده أنا لسة شاريه من كام يوم من أحد الأعضاء هنا ، و هو عارف نفسه طبعا ، و بصراحة متعتاملش معايا بأمانة ، و لما روحت لقيت المسدس مابيسحبش طلقات كويس من الخازنة ، أنا و لله الحمد بعرف فى صيانة المسدسات الألمانى بالذات كويس ف عرفت إزاى أظبطه ، إنما لما إتصلت بيه قاللى : ماتصلحه إنتا بقى يا عم مادام إنتا بتفهم فيه !!!
و من هنا بقى أحب أوجه ليه رسالة ، و أقولله : أنا مادفعتش فلوس ف حاجة بايظة ، طيب أنا و ربنا سترها معايا و عرفت ألم الموضوع بدون غرامة ، غيرى كان ممكن يتدبس و كان ساعتها هيدعيلك أحلى دعا

عموما بدون ما أطول عليكم ، بالنسبة للخناجر القتالية فى الحقيقة فيه واحد كان واعدنى يجيبلى حاجات سعرها مهاود من إسكندرية بس للأسف لسة ماقابلتوش ، و أول ما الحاجة توصل هحط الصور ، و شكرا

رد: مسدس صوت ألمانى متوسط الحجم
 

انتا كده برنس
ممكن نعرف هوا باعوللك و غشك و لا مش قصده
و لو غشك ممكن اعرف اسمه عالخاص؟؟؟؟؟

رد: مسدس صوت ألمانى متوسط الحجم
 

و الله صدقنى أنا فعلا معرفش كانت نيته إيه ؟ بس أنا إتصلت بيه أول ما روحت و قلتله أنا عايز أرجع المسدس و مش عايز ألعب فيه ، و رده كان إنه مابيفهمش فيه ، و أنا متأكد إنه مابيفهمش فى أى مسدس أصلا ، لأنه لو بيفهم فيه مكانش ركب المسدس غلط ،،، هاهاهاهاها

رد: مسدس صوت ألمانى متوسط الحجم
 

المصيبة بقى و اللى يجننك ، إنى لما جيت أعرض بيع المسدس ده هنا النهاردة الصبح ، لقيته بيرد على الإعلان بإستغراب على إنى ببيعه بسعر أغلى من اللى باعهولى بيه ، طيب هو كان بيبيع حاجة من وجهة نظره إنها بايظة ف حب يرضى ضميره فخسف بسعرها الأرض ، أنا بقى ببيعها شغالة

رد: مسدس صوت ألمانى متوسط الحجم
 

بعد موضوع السعر دا انا حسيت انو كان عارف انو بايظ
و الله اعلم

ربنا يوفقك فى بيعه عشان انتا راجل ابن حلال

رد: مسدس صوت ألمانى متوسط الحجم
 

الله يكرمك يا باشا ، و أنا بعتلك لينك إعلانه على الخاص ، و على فكرة أنا حتى لو معرفتش أبيعه مش فارقة معايا ، أقل مافيها هنام و أنا مرتاح إنى كنت صريح مع الناس ، و لا مؤاخذه أنا هقوم دلوقت من على النت ، سلام

رد: مسدس صوت ألمانى متوسط الحجم
 

انت راجل محترم

رد: مسدس صوت ألمانى متوسط الحجم
 

شكرا يا أفندم

رد: مسدس صوت ألمانى متوسط الحجم
 

صباحو فل ، إيه يا جدعان ؟ إنتم قلقتم و اللا إيه ؟ يا جماعة المسدس مايقلقش و لا حاجة ، و أى مسدس فى الدنيا هو عبارة عن مجموعة من الروافع و السوست لو متركبتش صح المسدس مش بيشتغل كويس ، و الفن كله فى تظبيط الشئ مش فى إقتناؤه و خلاص ، نسمع بقى أحلى عروض النهاردة

رد: مسدس صوت ألمانى متوسط الحجم
 

صباح الخير يا استاذ احمد
انا عايز المسدس الريك ال8 مم اللى قبل دة ههههههههههه
تحياتى

رد: مسدس صوت ألمانى متوسط الحجم
 

صباح الفل يا أستاذ بدر ، و الله المسدس الريك اللى كان قبله إتباع من كام يوم على 850 للأستاذ عصام و الراجل قابلته بعدها و قاللى إنه المسدس مية مية ، و لو عايز رأيي المسدس الريك الموجود ده بقى تحفة برضه و سعره مهاود عن التانى و يصلح يتشال فى الجيب حتى من غير جراب خالص

رد: مسدس صوت ألمانى متوسط الحجم
 

[QUOTE=ahmadkader;57717]صباح الفل يا أستاذ بدر ، و الله المسدس الريك اللى كان قبله إتباع من كام يوم على 850 للأستاذ عصام و الراجل قابلته بعدها و قاللى إنه المسدس مية مية ، و لو عايز رأيي المسدس الريك الموجود ده بقى تحفة برضه و سعره مهاود عن التانى و يصلح يتشال فى الجيب حتى من غير جراب خالص[/QUOT
يا استاذى
ما انت عارف ان الموضوع ارتياح نفسى للشكل
وانا بضحك معاك وكل شئ نصيب طبعا
وشكرا لذوق حضرتك

رد: مسدس صوت ألمانى متوسط الحجم
 

يا باشا ده إنتا الذوق كله

رد: مسدس صوت ألمانى متوسط الحجم
 

استاذ احمد السلام عليكم و فعلا بحييك لانى اتصلت بالبائع و متفقناش فى السعر و بردة مقلش ليا انة فية مشكلة اصلا نهائى لانة قال انة لم يستخدمة انا بكتب لحضرتك فى استشارة انا لسة شارى مسدس Blow C06 كان بيضرب زى الفل و مافيش فية اى مشكلة لغاية ما قلت انظفة وحطيت W40 لاحظت بعد كدة انة مش بيطرد الفارغة مع العلم انى بستخدم طلق تركى الفضى العلبة الخضراء فى اسود هل ممكن يكون عيب رصاص فعلا . و امبارح عمل شىء غريب جدا انة بعد ما ضربت بية لاحظت ان الخزنة اتحشرت بالداخل و اتعوجت شوية بس قمت باستعدالها و اصبحت تمام المشكلة الان هو عدم طرد الفارغ . ممكن حضرتك تبعث الى على الخاص بتليفونك و بالسعر النهائى للمسدس و شكرا جدا لك

رد: مسدس صوت ألمانى متوسط الحجم
 

بص يا سيدى الفاضل ، بالنسبة للمقارنة ما بين شكل الطلقة التركى الفضى اللى ع الشمال فى الصورة و الطلقة الألمانى اللى على اليمين هتلاقى الخصر بتاع الطلقة اللى أصلا الطلقة بتتسحب من الماسورة عن طريقه بيكون مجوف فى حالة الطلقة الألمانى أكتر عشان الطلقة تتسحب كويس بعد ماتنضرب ، و بالتالى وارد إن الطلقات التركى تتحشر. ثانيا فى الصورة التانية اللى فيها أجزاء المسدس هتلاقى سهم بيشاور على حاجة إسمها extractor أو اللاقط و دى العتلة المسئولة عن لقط الطلقة من داخل الماسورة ، و بيبقى شكلها عامل زى الخطاف ، ممكن تكون جيبت زيت كتير فى المنطقة دى ف الطلقة بقت تتزحلق من على اللاقط.

تقبل تحياتى و يا رب أكون أفدتك

رد: مسدس صوت ألمانى متوسط الحجم
 

و الله يا أستاذ أحمد قل جداً من يعرض سلعته بهذه الصراحة و أنها كان بها عيب و تم إصلاحه .... يعنى فعلاً أنت راجل محترم ... أنا غاوى أجمع طبنجات بس بحب الأحجام الكبيرة للأسف و و الله لو كنت غاوى أحجام متوسطة كنت أشتريته منك و أنا مغمض لصراحتك فى الكلام و لإحساسى إنك فاهم الأجزاء كويس و فاهم إزاى تظبط السلاح.

لما يجيلك حاجة كبيرة (سلاح حجم كبير) و خزنته ما تقلش عن 12 طلقة و معاه مدفع الخراطيش بتاعه أبقى قوله و نتفق إن شاء الله لأن نفسى اتعامل معاك.

محمود الحسينى

رد: مسدس صوت ألمانى متوسط الحجم
 

شكرا جزيلا استاذ احمد وجزاك اللة كل خير يعنى كم الممكن انة يكون السبب هو نوع الطلقات فعلا ؟؟ طيب هو دة الى عمل المشكلة فى الخزنة وخلها تطبق من مكان سحب الطلقة طيب وراى حضرتك ازاى انظف المسدس دة ؟؟ و ثانيا اغير الطلقات ولا دة عيب فى المسدس واقوم بتغيرة و اخيرا بشكر بجد على مساعدتك

رد: مسدس صوت ألمانى متوسط الحجم
 

هو مش عيب فى المسدس للأسف ، هو اللى حصل أنك ضربت أول طلقة و إتسحبت كويس و لما إنضربت ردت الأجزاء للوراء بسرعة كبيرة و المفروض إن فى نفس الوقت كانت تنطر الطلقة اللى فى الماسورة بس ده محصلش و الأجزاء راجعة مكانها حبت تسحب الطلقة اللى بعدها فحصل تشوه فى الخزنة ، حاول تظبط الخزنه بالراحة بدون إستعجال كدا مع كباية شاى بروقان و إن شاء الله كل حاجة هتبقى فى السليم و بعد كدا إستخدم الطلقات النحاس اللى شاورتلك عليها سواء كانت المانى أو تركى و بلاش الطلقات الفضى دى تعبانة و صوتها كمان مش قد كدا

رد: مسدس صوت ألمانى متوسط الحجم
 

السعر إتغير يا جماعـــة ، هاه ياترى مين قال إشتريت ؟

رد: مسدس صوت ألمانى متوسط الحجم
 

استاذ احمد ممكن يكون سبب التعليق فى المسدس هوا عدم وجود زيت لتسهيل عملية اعادة التعمير بشكل الى ممكن تحط قطرة زيت سلاح ولو ما توفرش تحط زيت مكن خياطة الخفيف وتزيت الاجزاء كويس وبعدين تمسحة بقطعة قماش جافة وناعمة يفضل قماش قطن طبعا وجرب هتلاقى كلة تمام ان شاء الله وشكرا

رد: مسدس صوت ألمانى متوسط الحجم
 

بالنسبة لموضوع سحب الطلقة بالذات مابيكونش قصة تزييت ، الجزء اللى بيسحب الطلقة بيكون شبه الخطاف و بيكون فى جنب الطبنجات الكبيرة و بيكون من فوق فى الطبنجات الصغيرة ، و بعدي الأكيد و اللى أنا متأكد منه جدا إن الطلقات الفضى اللى أنا حطيتها فى الصورة دى و اللى هى رخيصة جدا مقارنة بالطلة الدهبى العادية لازم تنحشر كل شوية ، لأن الخطاف ده ببساشة مابيمسكهاش عدل ، و الطلقة لو إتحشرت أثناء ما المسدس بيضرب و الواحد إتعافى على الخزنة ممكن يكسر فيها حاجة

رد: مسدس صوت ألمانى متوسط الحجم
 

يا باشا انت قولت ان السعر اتغير بس انا معرفتش السعر الجديد كام , يا ربيت تقوللى السعر الجديد

رد: مسدس صوت ألمانى متوسط الحجم
 

السعر الجديد إن شاء الله 550 و ده بس عشان إحنا بقينا آخر الشهر و إنتا فاهم بقى :)) إنما أعتقد كمان كام يوم أكيد هغير رأيي ، مش بقول كدا تحلية بضاعة و الله بس دى الحقيقة ، و على فكرة نفس المسدس واحد عارضه على مصراوى ب 900 النهاردة بس هو فى المعادى ، سعر منطقة بقى هاهاهاها