|
الانفلات الامني ....وصل المنتدي
هو المنتدي دة ما لوش ادارة؟؟؟؟؟؟ بتراقب الكلام اللي بيتقال؟؟؟
المفروض اللي يقول كلام سب .. ياخد انذار ....يتم ايقافة... في ناس بتتكلم في اشياء مش تخصص المنتدي زي ....الاليكترك شوك وفي ناس بتتكلم في مواضيع خطيرة جدا ... زي تحويل المسدس الصوت الي حي وفي ناس بتبيع مسدسات حية ودة ممنوع قانونا ...وخطر علي المجتمع وفي ناس بتشتم ناس وفي ناس بتاخد كل حاجة.. مع انها مش محتاجة... بهزر طبعا هو المنتدي دة هدفة اية بالظبط؟؟؟؟ صيد الطيور ولا صيد البني ادمين ياريت الادارة تهتم شوية بالقوانين وتنفذها .... واسف ان كنت بتكلم في موضوع مش من حقي........... |
رد: الانفلات الامني ....وصل المنتدي
++++++++++
اخيرا لاقيت حد بيفهم |
رد: الانفلات الامني ....وصل المنتدي
اقتباس:
|
رد: الانفلات الامني ....وصل المنتدي
عيب يا محمد متولي
مايصحش كده المنتدي اكثر الناس اللي فيه الحمدلله اساتذه وياريت ماتقولش ان ماقصدش والكلام ده لو انت ماتقصدش كنت توضح كلامك |
رد: الانفلات الامني ....وصل المنتدي
اقتباس:
الاليكترك ووسائل الدفاع عن النفس نزل بيها موضوع انها مسموح بيها فى ظل الظروف اللى البلد فيها بالنسبة لتحويل المسدسات فالكلام كان على التحويل لمسدس بيتعدل لمسدس بلى مش اكتر بالنسبة للبيع راجع المواضيع هتلاقى اللى بيبيع بيشترط وجود رخصة والتنازل فى القسم يعنى الموضوع سليم 100% الشتيمة مسمعتهاش هنا وبصراحه اللى قابلتهم من المنتدى كلهم محترمين جدااا يمكن يكون فيه خلاف بين الاعضاء على حاجه معينة بس فى حدود المسموح به بالنسبة للناس فاللى عايز يتشترى يشترى هوا حر دى فلوسه وهوا حر فيها وحنا مش هنحجر على حد ونقولة لا متشتريش اخيرا اخى الفاضل ياريت تتأنى شوية قبل اصدار الاحكام على الناس وعلى المنتدى |
رد: الانفلات الامني ....وصل المنتدي
والله يا أستاذ أحمد كلامك زي الفل هما دول صيادين مصر ولا بلاش
|
رد: الانفلات الامني ....وصل المنتدي
استاذ whatzup حضرتك عضو جديد ما افتكرش ان بقالك اكتر من 15 يوم حضرتك موضوع السلاح الحى والحاجات دى بدأت بعد الثورة بحوالى 10 ايام تقريبا وارجع لتواريخ المواضيع والسبب فى السماح بكتابة المواضيع دى من قبل ادارة المنتدى هو الانفلات الامنى اللى حضرتك بتقول انه وصل للمنتدى انما لو حضرتك دورت على اى موضوع قبل كده مش هتلاقى ده موجود خالص وتصفح المنتدى كويس وبعدين ابقى احكم وشكرا لاهتمام حضرتك
|
رد: الانفلات الامني ....وصل المنتدي
اقتباس:
واحنا ماقولناش ان اكتر الناس مش ملتزمة انا شايف ان في شتايم.... وفي موضوع كبير جدا.. عن كيفية تحويل المسدس الصوت الي حي ودة خطر علي مستخدمة قبل مايكون خطر علي الناس فقولت انبة الادارة ان موضوع زي دة المفروض يتحذف من الاساس.. مش ادخل فية واقول دة حاجة مش كويسة لان مش كل الناس عاقلة وهاتسمع الكلام.. |
رد: الانفلات الامني ....وصل المنتدي
اقتباس:
وجايز انا غلط .... |
رد: الانفلات الامني ....وصل المنتدي
اقتباس:
مسموح نتكلم في تحويل الصوت الي حي هو دة اللي انا بتكلم علية وبطالب الادارة انها ... تحذف موضوع غير مناسب... او تدي انذارلعضو تجاوز حدود اللياقة في الحديث او توقف عضو اخر لسبب مماثل عشان ماحسش ان انا خايف اكتب في موضوع .. يقوم حد يشتمني.. او الاقي موضوع خطير ومضر والادارة ساكتة علية... علي فكرة انا محدش شتمني بس بزعل لما الاقي اسلوب الحوار علي المنتدي...غير مراقب وبعدين مع احترامي الكامل للمنتدي.. انا في منتديات تانية من سنيييين والقوانين تطبق بصرامة.. ودي صفة المنتديات الناجحة علي فكرة اخر حاجة عايز اقولها لحضرتك ... كونى عضو جديد لا يعني ان انا طفل في تفكيري مثلا صحيح انازعلان ان انا ما اكتشفتش المنتدي المحترم دة من زمان بس انا لقيتة دلوقتي.. وشايف ان الادارة المفروض تتدخل اكتر من كدة شوية حفاظا علي الصورة العامة للمنتدي وما تنساش ان انا قولت انا اسف في راس الموضوع وشكرا جزيلا لمرو ر حضرتك |
رد: الانفلات الامني ....وصل المنتدي
يا ريت يا جماعة حد يفكرنى بموضوع اتكتب عن الصيد من شهريين
وممكن حد يستفاد منة او يكون فية معلومة جديدة مش شايفيين ان فية حاجة غلط؟ |
| الساعة الآن 05:53 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir