الصيد فى مصر - اريد مطوه قرن غزال

الصيد فى مصر (http://www.egyhunt.net/index.php)

- الصيد البري وادواته (http://www.egyhunt.net/forumdisplay.php?f=58)

- - اريد مطوه قرن غزال (http://www.egyhunt.net/showthread.php?t=5898)

ahmed swidan

11-03-17 06:10 PM

اريد مطوه قرن غزال

اريد مطوه قرن غزال فى مصر الجيزه

:confused:

سيدخالد

11-03-17 06:17 PM

رد: اريد مطوه قرن غزال

اشمعنى المطواه انت داخل تتخانق طب اسئل على بندقية صيد او مسدس صوت وانت هتلاقى كتير يدلوك وبلاش المطاوى والاسلحة البيضاء لانها كمان بتكون مسئولية عليك وحبسها 6 اشهر ودى وجهة نظرى وياريت تغير رائيك

professional sniper

11-03-17 08:38 PM

رد: اريد مطوه قرن غزال

اقتباس:

المشاركة الأصلية كتبت بواسطة ahmed swidan (المشاركة 57953)

اريد مطوه قرن غزال فى مصر الجيزه

:confused:

استاذنا الكريم أ . ahmed swidan , بالنسبه للمطوه فحضرتك لم تحدد لماذا تريدها للصيد ام للدفاع
عن النفس , حمل هذه المطوه خطر عليك انت اولا فهى تعرضك للمسائله القانونيه, انا عارف ان حضرتك عايزها علشان الايام الغبره اللى احنا فيها وإن شاء الله الايام دى هتعدى على خير بإذن الله وربنا مايجبش وحش .
تقبل مرورى,,,

hima	11-03-18 12:04 AM

رد: اريد مطوه قرن غزال

اقتباس:

المشاركة الأصلية كتبت بواسطة ahmed swidan (المشاركة 57953)

اريد مطوه قرن غزال فى مصر الجيزه

:confused:

انا مستغرب بصراحة ان اول مشاركة لحضرتك تكون عن مطواه قرن غزال
وعلى فكرة زى ماقال الاستاذ سيد خالد فيها 6 اشهر وبالاحكام العسكرية 3سنين
ياريت بلاش

dr_mohasan

11-03-18 12:09 AM

رد: اريد مطوه قرن غزال

أنصحك بلاش وشوف اى حاجة تانى احسن

الابيض

11-03-19 04:30 PM

رد: اريد مطوه قرن غزال

متوافرة عندي ياغالي الرجاء الاتصال بي بس ياريت يكون الغرض الدفاع عن النفس او هواية الاقتناء 0125256595 طارق الأبيض ومتوافرة جديدة

mostafa_hunter122

11-03-20 01:21 AM

رد: اريد مطوه قرن غزال

اقتباس:

المشاركة الأصلية كتبت بواسطة الابيض (المشاركة 58908)

اكبر نصاب ممكن تقبله فحياتك ولو مش مصدق جربه وانت تعرف

احمد العوضى

11-03-20 03:07 AM

رد: اريد مطوه قرن غزال

بلاش احسن لانها كرسه

braveheart

11-03-20 11:10 AM

رد: اريد مطوه قرن غزال

اقتباس:

المشاركة الأصلية كتبت بواسطة mostafa_hunter122 (المشاركة 59149)

اكبر نصاب ممكن تقبله فحياتك ولو مش مصدق جربه وانت تعرف

أنت شكلك أتلسعت منه ولا إيه .. هههههه

هو عملك إيه ... صحيح هو بيبيع المطواة بـ 50 ج .. و المفروض إن سعرها جملة 8 ج ... بس يلا عادي بقي ... هههههههه

younisst

11-03-21 05:07 PM

رد: اريد مطوه قرن غزال

يا جماعة الراجل ممكن يكون من هوايته انه يحتفظ بالحاجات دى عنده
انا هواية عندى برده احط سيوف ومطاوى وخناجر هواية مش للخناقات
وربنا يكرمه ويكون ده غرضها

oteote2010

11-03-28 06:36 PM

رد: اريد مطوه قرن غزال

اولا حمل المطواه يسبب لك قضيه يصل الحبس فيها لسته اشهر
ثانيا الجيش هو اللي ماسك البلد حاليا
وبيتم عمل اكمنه من الشرطه العسكريه وبيكونو لابسين لبس ملكي ومربين دقنهم
وهاتتفاجئ بواحد بيقلك وريني بطاقتك .. وتسمحلي افتشك.. وهايوريك الكارنيه بتاعه طبعا .
ولو لي معاك حاجه زي دي هاتتحبس وهايتحكم عليك في فتره اقل من شهر .
لان الاحكام بقت سريعه جدا عندهم .
وزي ما قالك احد الاخوة في الاحكام العسكريه بقي يا باشا ممكن تاخد
3سنين يعني ادعي ان الشرطه هي اللي تمسكك بيها .. وده شئ اشك فيه.

ثالثا بقي . تقدر تشتريها من سوق الجمعه . مش عارف اتنقل راح فين دلوقتي . وسعرها من 15 الي 30 جنيه .

سيدخالد

11-03-28 06:43 PM

رد: اريد مطوه قرن غزال

انا منصحكش انك تجيب المطوه لانها مجرمه حملها ويعاقب عليها القانون باعتبارها سلاح ابيض بالحبس 6شهور وفى ظل الاحكام العسكرية ممكن تصل الى 3سنوات فارجوا الابتعاد عن الفكرة وفكر فى بندقية الى احسن هههههههههه

الابيض

11-04-02 05:31 PM

رد: اريد مطوه قرن غزال

اقتباس:

المشاركة الأصلية كتبت بواسطة mostafa_hunter122 (المشاركة 59149)

اكبر نصاب ممكن تقبله فحياتك ولو مش مصدق جربه وانت تعرف

اولا تحية طيبة للمنتدى الغالي بس ياريت اعرف الاخ مصطفى بيقول عليه نصاب فياريت اعرف اتنصب عليه في ايه ومن كلامة انه جرب التعامل معي فياريت يحكي الي حصل عشان لوفي خطأ عملتة دون قصد يتضح مع حرصي في التعامل مع الزبائن وعلى العموم متشكر على حسن كلامك

سمسم	11-04-04 10:49 AM

رد: اريد مطوه قرن غزال

المطوى خطر جدا و مش هقول اكتلر من اللى اتقال و بعدين لما السلاح يبقي في جيبك هتتعود عليه و دى كرسةو ممكن تعمل بيه حاجة تندم عليها

احمد حسن ادريس

11-04-09 12:46 PM

رد: اريد مطوه قرن غزال

السلام عليكم
اخوكم احمد ياريت يا اخوانى اللى يعرف حد نصاب يحكى الموضوع بالظبط علشان نحترس منة

osama2011

11-04-09 06:02 PM

رد: اريد مطوه قرن غزال

انا معاكم يا رجاله في حظر بيع الطاوي داخل المنتدي بس اتمني ان ده يحصل علي الجميع مش بس المطاوي القرن لان انا شايف ان في مواضيع عن مطاوي سسته وتايلاندي وسويسري ومحدش قال حاجة عنها بالعكس كانت بتتخطف ولا علشان المطوة قرن غزال نقوم نظلمها ؟ ولا يمكن الممنوع بس مطاوي قرن الغزال يمكن عشان الغزال نفسة معرض للانقراض ؟؟؟؟؟؟؟؟؟؟؟؟؟؟
وادي لينكات مواضيع عن مطاوي ومحدش اتكلم وقال المطاوي ممنوعه
وعلي فكرة انا ماعرفش حد ولا ليا مصلحة الا اظهار نقطة غامضة انا مش فاهمها يا نمنع المطاوي كلها يا نسيبها كلها وادي اللينكان ومحدش يقولي اصل دي عشان الصيد والكلام ده مش معني اني اخش موضوع واقول انا عايز مطوة عشان ازكي الصيد يبقي هي دي نيتي فعلا
http://www.egypthunt.net/showthread.php?t=6748
http://www.egypthunt.net/showthread.php?t=6657
http://www.egypthunt.net/showthread.php?t=6583
http://www.egypthunt.net/showthread.php?t=6659

essam assem

11-04-09 06:56 PM

رد: اريد مطوه قرن غزال

واللة يا جماعة ياريت نستثنى المطاوى السويسرى من موضوع المنع دة انا شايف انها ملاهاش ضرر بالعكس هى تعتبر عدة مصغرة ومفيدة جدا وتصلح لجميع الاغراض

hazeeeeem

11-04-10 10:34 PM

رد: اريد مطوه قرن غزال

اقتباس:

المشاركة الأصلية كتبت بواسطة braveheart (المشاركة 59237)

ده الظاهر ان مش هو بس اللى اتلسع منه ههههههههه

Seal4

11-04-22 01:44 AM

رد: اريد مطوه قرن غزال

المطواه دى اصلا من الاسلحه المحظور بيعها فى المنتدى

deeb_no_comment

11-05-03 04:27 PM

رد: اريد مطوه قرن غزال

با جماعة لما هى محظورة لية بتتباع فى المحلات انا مش يتكلم على القرن انا اقصد الطاوى العادية السوستة مثلا بعنى مثلا محلات كتير جدا بتبيع مطاوى اكتر من مسدسات الصوت و بنادق الرش با ربت حد يقولى ازاى ؟؟؟

osama2011

11-05-04 11:23 AM

رد: اريد مطوه قرن غزال

المطاوي سواء سوسته او غير قرن او سكينه او حتي قصافة (لو ظابط رخم) جنحة والحبس فيها 6 شهور والمحلات تبيعها ماتبعهاش مش هاتفرق حاجة القااااااانون هو اللي يحكم علي المحلات مش المحلات اللي تحكم علي القانون ولا ايه !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!

omarmagic

11-05-06 09:06 PM

رد: اريد مطوه قرن غزال

ممكن بمداخلة بسيطة للاخ اللى بيسئل ازاى المحلات بتبيع مطاوى اولا المطاوى عند المحلات دى حاجة عادى يعنى مطاوى عند الراجل غير لما تبقى معاك انت الراجل اللى بيبيع المطاوى هو عنده رخصه بيع المطاوى والمسدسات يعنى مثلا مسدس حى عند الراجل محدش يقدر يكلمه علشان هو معاه رخصة بيع اسلحة ثانيا ميقدرش يطلع مسدس كدة من غير رخصة لانه هو ممكن يروح فى داهية علشان المسدسات دى بتبقى بملكية الراجل ده ولو حد خده وعمل بيه نصيبه طبعا صاحب المحل هو اللى هيشيل الليلة فلما بيجى يبيع مسدس لواحد معاه رخصة بتتنقل الملكية من الراجل صاحب المحل للراجل اللى اشترى المسدس فبكده لو الراجل اللى اشترى المسدس عمل بيه نصيبة طبعا هو اللى هيشيل الليلة لانه مترخص وبورق وكده اما حكاية المطاوى ديه هو حيبعها وهو معلهوش اى مسئولية والمطاوى اللى بتتباع اكيد مبتتباعش عند محلات مشهورة بتبقى عند واحد متجول كده بعربية او لمواخذة فارش بيها فى الشارع ونا شفتها بعنيا اما حكاية المطاوى اللى بتتباع عند تجار السلاح دى مبتبقاش مطاوى قرن غزال دى بتبقى سكاكين صيد بس شبه المطاوى بس هيا مش مطاوى واكيد طبعا واحد محترم ماشى ببندقية ومعاه سكينة محدش هيقدر يكلمه خصوصا لان دى شغلة الحكومة هما يقدره يميزه بين المحترم واللى مش محترم وانا انصحك لو لقيت مطوى قرن غزال ياريت تبقى للاقتناء فقط منظر يعنى يعنى متتعاركش بيها خصوصا لاننا فى ايام مايعلم بيها غير ربنا ويارب يعدى الازمة دى على خير وارجو انى اكون افدتك

احمد حسن ادريس

11-05-06 11:40 PM

رد: اريد مطوه قرن غزال

السلام عليكم ورحمة الله وبركاتة
على فكرة كلام الاخوة اللى نصحوك بخصوص موضوع المطوة صح لو انت عايز المطوة للاقتناء
مفيهاش مشكلة وياريت متكنش لحاجة تانية لو انت عايز تدافع عن نفسك بطريقة كويسة
اشترك فى اى لعبة قتالية كنغ فو او بوكس او مصارعة رومانية لو انت غاوى سلاح تدافع بية
عن نفسك عليك بلعبة الكنغ فو انا ذات نفسى الحمد للة متعلم الفرمنش دة سلاح بسيط بس
فى قمة الخطورة يعنى لو انت متعلم الفرمنش واتقنتة اكيد هتدافع عن نفسك لو حد طلع عليك بسلاح حاد انا قصدى من الكلام دة كلة ان الناس ممكن تدافع عن نفسها بطريقة شرعية ومافيهاش خطورة عليك ياريت اكون قدرت اوصلك قصدى

s.elrefaey

11-05-07 06:24 AM

رد: اريد مطوه قرن غزال

بلاش المطواه احسن ..... ولو عاوز حاجه تدافع بيها عن نفسك و تكون ما فيهاش مسأله قانونيه
ممكن تجيب اميركان ستيك.
ده رائي.. و تقبل مروري

الجزار

11-05-07 10:42 AM

رد: اريد مطوه قرن غزال

ارجوا الغاء الموضوع من قبل الاداره

الساعة الآن 10:43 AM