|
صيد السمك بالبندقية
السلام عليكم ورحمة الله وبركاته
أنا لاحظت هنا في المنتدى أنكم لم تتعرضوا لهذه الهواية الجميلة والممتعة جدا وهي صيد السمك بواسطة البنادق http://tbn0.google.com/images?q=tbn:...smak/fig08.gif http://tbn0.google.com/images?q=tbn:...smak/fig07.gif http://www.bbgunworld.com/store/usri...s-model-52.jpg فصيد الاسماك بواسطة البندقية له موسم ووقت محدد حيث أنه يبدأ من أول شهر إبريل حتى منتصف شهر مايو ربما يبدأ قبل ذلك ببعض الأيام وربما ينتهي بعد ذلك ببعض الأيام وفي هذا الوقت من السنة يبدأ السمك البلطي في التزاوج ووضع البيض بعد انقضاء فصل الشتاء مما يجعله يظهر على سطح الماء أفضل أماكن الصيد بهذه الطريقة هي الاماكن التى لا توجد فيها مياه جارية مثلا الترع في الايام التى تتوقف فيها المياه وكذلك مشروعات صرف الحقول وكذلك ايضا البحيرات او البرك التى تكون منعطفه من فروع النيل بحيث ان الماء بها ساكنا وللقائم بهذه الهواية لا بد ان تتوفر فيه بعض الامكانيات جيد النظر بحيث يستطيع رؤية السمكة لأنه في أغلب الأحيان تكون السمكة غاطسة في الماء على الاقل من5إلى10سم دقه عالية على التصويب لان المكان القاتل في السمكة هو الرأس , ورأس السمكة تظهر صغيرة جدا الملابس اثناء الصيد تكون قاتمة وغير لامعه لأن السمك حساس جدا ويهرب لأقل حركة او وجود شئ يعكس الضوء موضوع ضرب السمكة بالبندقية هكذا تم توضيحه بعد ذلك كيفية الحصول على السمكة بعد ضربها يستحسن دائما أن يرافقك شخص لديه القدرة على نزول الماء لتحصل على السمكة لأن هناك حالتين الاولى أما أن تطفو السمكة على سطح الماء بعد ضربها وبذلك يكون الحصول عليها سهل الى درجة ما الثانية أن تغطس السمكة في الماء بعد ضربها وهنا يأتي الدور المهم للشخص المرافق لك وعليه ان يعرف مكان السمكة بكل دقه وعند نزوله في الماء يكون بمنتهى الهدوء لأن تحريك الماء يؤدي الى تحريك السمكة من مكانها لانها لا تكون ثابته على الارض مثل الحجارة فهي تكون مثل الريشة في الهواء تتحرك مع تحرك الماء عموما انا فتحت معكم الموضوع وانتظر مشاركتكم فيه وأي أسئلة أيضا وشكرا لكم |
رد: صيد السمك بالبندقية
والله موضوع جميل وجديد علي الاقل عليا انا عمري متعرضتله خالص بس معتقدش انه ليه حد متابعه
الا اذا انت جربته ممكن تلفت نظرنا ليه |
رد: صيد السمك بالبندقية
السلام عليكم
مبدايا شكرا على الموضوع وعلى الافكار الجديدة بالرغم انى اعرف هدا الموضوع من زمان الا انى ملقتش ناس كتير بيعملوة ويمكن تكون انت من الرواد الى هيفتحة الباب فى الموضوع دة وشكرا |
رد: صيد السمك بالبندقية
شكرا على مروركم اخواني عاصــم الشبراوينــي والقناص
انا بردو فكرت في كده قلت اكيد ماحدش كتير يعرف الموضوع ده علشان كده كتبت الموضوع وأي سؤال أو استفسار في موضوع صيد السمك بالبندقية أنا جاهز لأن أنا مجربه كتير |
رد: صيد السمك بالبندقية
انا عن نفسي شايف ان الموضوع ده مفهوش لزه وده راي الشخصي وشايف انه ملوش ناس كتير تمارسه
|
رد: صيد السمك بالبندقية
لو تجربه يا عاصم و وتحس انك نجحت فيه وحققت حصيلة صيد كويسة وتاكل سمك انت صايده أكيد رأيك هيتغير
على فكرة السمك اللى تصيده بالبندقية بيكون طعمه ممتاز جدا لأن السمكة عند ضربها بتموت في الحال ولذلك تحتفظ بالطعم الجيد غير السمك الذي يتم صيده عن طريق الشبكة فيموت ببطئ ولذلك يفقد جزء من الطعم الجيد |
رد: صيد السمك بالبندقية
انا فعلا بحسدك علي انتقاء الموضوع الجيد والحصري من وجهه نظري وان شاء الله لزم نجربه مع بعض
|
رد: صيد السمك بالبندقية
أشكرك على إطراءك وإن شاء الله يا أخ عصام نطلع مع بعض طلعة صيد سمك وتكون ممتعة ومفيدة
|
رد: صيد السمك بالبندقية
انا بصطاد سمك بالسنارة وبالبندقيةوشكرا للمعلومات الجميلة
|
رد: صيد السمك بالبندقية
طيب ما انا اصطاد السمك بالسناره وخلاص ليه التعب ده
|
رد: صيد السمك بالبندقية
ساعاتكتير تلاقي السمك مايكلش اي طعم بيبقي في فترة تزاوج او حماية البيض وبيكون سمك كبي وقريب من الشط ولذلك نستخدم البندقية
|
رد: صيد السمك بالبندقية
انا عملت الموضوع دة مرة السمكة بتموت فعلا بس معرفتش اجبها واصعب حاجة فى الموضوع دة ان الرشاية بتيجى فى المية وبتغير اتجها
|
رد: صيد السمك بالبندقية
انا حاولت اصطاد سمك بالبندقية بس معرفتش بسبب انكسار الضوء
|
رد: صيد السمك بالبندقية
مع التجربة اكثر من مرة هتقدر تعرف اخطاءك وتصلحها وايضا تزيد خبرتك في الموضوع
|
رد: صيد السمك بالبندقية
حبيب الملايين اسامة بك خطاب بص يا باشا ان زمان رحت حتة اسمها عرب العليقات ودية نواحي منطقة ابو زعبل وهي منطقة محاجر وفيها بركة مياة وكان السمك في عز الضهر طالع علي وش المياة وكنا بنصتاد يمام وفراخ غيط ولما شوفنا السمك بالطريقة دية قلنا نصتاد سمك اهوة اي حاجة والسلام المهم كل واحد فيها مسك البندقية وقعدنا نكسر الدنيا وكانت الحصيلة حوالي 100 00000 يعني ماعرفناش نصياد ولا واحدة وطبعا لان النظرية القديمة الي خدناها في الاعدادي او الابتدائي في نظرية الانكسار في الماء وطبعا لاننا طلبة كنا فاشلين واهم حاجة الكورة والصيد رجعنا ايد قدام وايد ورا ههههههههه
|
رد: صيد السمك بالبندقية
أستاذنا جلال باشا منور الدنيا والله
فعلا السمكة بتكون ظاهرة لكن هي اصلا فوقها شوية ميه وبنسميها ( مغرَقة ) وأحسن طريقة للتنشين عليها أنك تخلي النشان شايل الهدف يعني نطبق قاعدة التنشين زي الكتاب ما بيقول منتصف أسفل الهدف وبتيجي فيها بإذن الله |
رد: صيد السمك بالبندقية
على فكرة صيد القراميط بالبندقية ممتع جدا انا مجربه كتير
|
رد: صيد السمك بالبندقية
صيد القراميط بالبندقية بيكون يوم واحد في السنة يكون أواخر إبريل وبداية مايو - وكل من يريد صيد القراميط يخرج كل يوم الى الأماكن التى تتواجد فيها القراميط انتظارا لهذا اليوم - وهذا اليوم هو يوم التكاثر لهم ويظهرون على سطح الماء لفترة طويلة مما يجعلك تسطيع التصويب - هذا حسب رواية أحد الأصدقاء لكن انا لم أجربه
|
رد: صيد السمك بالبندقية
شكرا يا اسامه بيه على الموضوع الجميل دة وانا معاك ان اللى حيجربه لايمكن يسيبه وهو مش معروف اوى لسكان المدن الكبرى ولكنه منتشر فى الريف واكيد انت عارف ان السمك فى البحر الفرعونى (البحر الاعمى) فى شنشور اشتكى منى ومن عائلتى كلها وعلى فكرة فى الموسم الجيد ممكن تكون الحصيله للبندقيه الواحدة من(20الى30 كج) فى الطلعه وطبعا معظم الاعضاء هنا مش عارفين النوع دة من الصيد لان احنا اتعلمناة من (صيادين السمك بالشباك للتعيش) اللى غاوين صيد بالسلاح فهم اصحاب الفكرة اساسا لان هم الذين يغطسون لاحضار السمك الغاطس فى القاع وطبعا انت عارف انا باصطادة بالبندقيه الموريس الرصاص لكن حاليا البحر اصبح غير صالح للصيد منذ عدة اعوام وشكرا على الموضوع
|
رد: صيد السمك بالبندقية
على فكرة يا اسامه بك انا وضعت صورة لى وانا صايد سمكه من حوض السمك فى منزلى فى شنشور وهى موجودة فى البوم فى الملف الشخصى وكنت ضربتها بالديانا 52 وطبعا الحوض تحت امرك فهو اسهل من البحر
|
رد: صيد السمك بالبندقية
ياعم صلاح انت الخبرة والاصل والي زيك النهاردة في الصيد تقلهم ذهب لان اصل الصيد هوة الخبرة والتجربة وعايز اسألك
بيت الشعر الي مكتوب دة من رباعيات صلاح جاهين لو كان ولا من خبرة السنين. |
رد: صيد السمك بالبندقية
اقتباس:
فى المنتدى سالونى//// قلبك مشغول بايه قلتلهم ارحمونى //// عاشق بى اس ايه دا هواكم اللى رمانا //// بالجامو والديانا اة يا ديانا اة يا ديانا هاهاها وهكذا يا باشا وايش جاب لجاب;);):eek: |
رد: صيد السمك بالبندقية
علي فكرة يا حاج صلاح اذا سمحتلي اناديك كدا
ان من عشاق صلاح جاهين ورباعياتة سوف تظل خالدة مادمنا علي الارض ناس عندهم نبض للحياة وممكن تسمعها بصوت علي الحجار روعة وجمال واخر جنان ... وعجبي!!! |
رد: صيد السمك بالبندقية
ياللى فتحت البتاع////فتحك على مقفول///لان اصل البتاع واصل على موصول////فاى شىء فى البتاع الناس تشوف على طول////فيبقى مين مسؤل وعجبى
|
رد: صيد السمك بالبندقية
اقتباس:
معلشي الأخ ناجي النسناس حاطط رده ده في موضوع يللا نصنع بأيدينا وانا هناك رديت عليه وقلت له ان ردي هيكون هنا أنا أعرف ان ناجي له تجارب مع صيد السمك طبعا كلامك مظبوط أن رؤية السمكة من الجنب بتديك مساحة أكبر لتسطيع التصويب عليها لكن من الامام وترى فتحة الفم ليس صعب في التصويب لانها تكون واضحة مع صغر المساحة المتاحة للتصويب لكن الوضع الأصعب فعلا لو اتجاه السمكة بالخلف يعني مدياك ضهرها ، فلازم انت تغير من وضعك لان اهم شئ في التصويب انك تضرب في الرأس لتضمن الحصول على السمكة وتقبل تحياتي وأهلا بك معنا في المنتدى ومرحبا بالشناشرة على رأي الأستاذ صلاح فريد |
رد: صيد السمك بالبندقية
صلاح باشا - لا يختلف اثنان في بلدنا شنشور ان حضرتك وعائلتك كما ذكرت لكم فضل كبير في انتشار صيد السمك بالبنادق من البحر الفرعوني ( البحر الأعمى ) وانتشار هواية الصيد عموما وأنواع السلاح المتعددة
على فكرة يا استاذ جلال زي ما قال الأستاذ صلاح ان هواية صيد السمك دي اللى يجربها يستمتع بيها جدا وربنا يسهل ونقدر تخليك تجربها معانا وأكيد يا استاذ جلال هيكون لنا لقاء انا وحضرتك والأستاذ صلاح |
رد: صيد السمك بالبندقية
اقتباس:
دا كده فيه مواهب تانية غير الصيد ربنا يحفظك |
رد: صيد السمك بالبندقية
الأ خ اسامه
السلام عليكم ورحمه الله وبركاته علي فكره موضوع صيد السمك من المواضيع الغايه في الجمال بس فيه مشكله وهي اماكن الصسد والسمك بقي شاحح جدا الا اذا تواجدت أماكن للصيد وتكون انت عارف مكانها واذا كان احد يعرف مكان ياريت نعرفها ولك كل التحيه |
رد: صيد السمك بالبندقية
اقتباس:
بس احب اقول لسيادتك ان الصورة دى فى منزلى فى فى شنشور بالمنوفيه وطبعا فى البيت انا بالجلباب على طول وطول ما انا موجود هناك عادة لا احلق ذقنى ومش عارف ليه ولكن تعودت على ذلك من زمان يعنى فى البلد اتحرر من كل الالتزامات واى روتين يومى وعندنا حوض لتربيه السمك (مزرعه مش سمك زينه) وهو دة اللى ممكن نتسلى فيه فى حاله عدم وجود صيد ومع ذلك يا حاج دى كويسه وفيه ناس كتير بينادونى بها وما تفرقش معايا (حاج او ابو صلاح او صاصا او ابو الصلح اوحبيب قلبى وخلافه) المهم عندى المعنى اساسا والاحترام:):):) |
رد: صيد السمك بالبندقية
اقتباس:
|
رد: صيد السمك بالبندقية
للاسف الصورة مش بتنزل على الموقع علشان حجمها اكبر من المسموح ومش عارف اصغرها
ساحول اصور الكروكى بالموبايل |
رد: صيد السمك بالبندقية الرسم التوضيحى
1 مرفق
ارجو ان لايكون الرسم صغير جدااا:eek::eek::eek:
|
رد: صيد السمك بالبندقية
الله ينور يا عمو صلاح الرسم ميه ميه وحاسس كأني صايد السمكة اللى في الصورة وقاعد أشويها اتفضلوا بالهنا والشفا
انا دايما مع ضرب السمك بأخلي النشان شايل السمكة يعني في منتصف أسفل الهدف |
رد: صيد السمك بالبندقية
على فكرة ا نا جربت صيد السمك بالبندقية وفعلا كانت تجربة لزيزة وكنت انا واحد اصدقائى نصيد السمك بالموريس وكان معانا ملقاف بطول 6متر بدل النزول فى الماء اما بالنسبة لبنادق الرش لازم تكون قوية لتخترق الماء.
|
رد: صيد السمك بالبندقية
باعم اسامة خلى بالك واوعى يجرالك اللى جرا معايا فى مرة خليت فلاح يلملى السمكمن المية لم السمك وطلع من الجنب التانى ويجعله عامر.........
|
رد: صيد السمك بالبندقية
شكرا على مرورك يا gamal abdelhak وما تخافشي علي لما بأصيد ما بيضيعشي من حاجة |
رد: صيد السمك بالبندقية
السلام عليكم جميعا انا جربته ليلا و جبت سمك كتير و كبير و بدل ما حد ينزل مخصوص يجيب السمك ..بيكون معاه لقاف يطلع بيه السمكة إنتم عارفين ليه السمكة بتطفو و ليه بتغطس احيانا بسب كيس العوم .. لو فرغته بعد الضربة بتغطس و لو فضل مليان هواء بتطفو و تكون الفرصة جيده لإلتقاطها بالملقاف بس اللي بيغطس بيكون اكثر و الواحد بيزعل ....لا تحاول ضرب القرموط لانه و بعد الإصابة الدقيقة بالمخ بيتحمل الضربة و بيخلع بسرعة فاسيبه يسترزق احسن! و لكني تغلبت على مشكلة غطس السمك البلطي بعد الضربة بطريقة من إختراعي ..جبت بندقية قديمة" رمسيس" و ظبطها و كنت بحط بدل الرش مسمار من غير راس مطعم بخيط رفيع من اخره" راسه المقطوعه" و كمان بجيب خيط حرير3 متر و اربطة في واقي الزناد و الطرف الاخر مربوط ب لاباسة قلم فرنساوي و مثبت على بوز الماسورة في طريق المسمار و هو خارج من الماسورة.... بعد الضرب ايه اللي بيحصل ينطلق المسمار و يخش في اللباسة و ينحشر فيه بسبب الخيط الرفيع اللي بدل رأس المسمار و ياخد الخيط الحرير و يرشق في السمك" زي الهربون الذي كنت لا اعرفة وقت ان كنت صغيرا" و سلملي على اي سمكه تهرب بقى و لكن يعيب تلك الطريقة انها لا تصيب الهدف بدق الا من قريب ايه رأيكم.......... دي براءة اختراع لم يستخدمها إلا 2 انا و رفيق الصياعة زمان من 20 سنه ممكن رأيكم |
رد: صيد السمك بالبندقية
اقتباس:
ممكن تعرفنا ازاي بتشوف السمك بالليل وتضرب عليه وتجيبه والجو ضلمة - محتاجه شرح اكتر |
رد: صيد السمك بالبندقية
الأخ أسامه خطاب المحترم
السلام عليكم اكيد طبعا كنا بنستخدم كشاف.... امال هانشوف أذاي.. السمك باليل بيكون اهدي و لو أنه لاحظنا انه بيغطس لو ما ضربناش بسرعة و ده بيرجع إلى اننا بناخذ وقت في إنتقاء اكبر الأسماك اي خدمة تاني --------------------------------- لن تجد من يمتطي ظهرك مالم تنحي له |
رد: صيد السمك بالبندقية
جميل ولكن الطرق التقليدية اسهل واوفر صيدا
|
رد: صيد السمك بالبندقية
|
رد: صيد السمك بالبندقية
|
رد: صيد السمك بالبندقية
اذا شكرت فاشكر الله
لا شكر على واجب يا استاذ اسامه |
| الساعة الآن 04:47 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir