|
ضبط التلسكوب
السلام عليكم
ارجو من خبراء المنتدى شرح كيفية ضبط التلسكوب لانة تم شراء تلسكوب تاسكو 3-12*40 ولكن بعد تثبيتة على البندقية مش عارف اضبطة فارجو من احد الاخوة الخبراء الافادة |
رد: ضبط التلسكوب
اخى الكريم
يوجد على التليسكوب مسمارين واحد فوق وواحد فى الجنب سبت البندقية جيدن فى وضع الضرب واضرب طلقة على ورقة بيضاء وبعدين ابتدى حرك المسامير فوق وتحت ويمين وشمال حتى تاتى الصليبة على مكان الطلقة المضروبة كدة يكون اتظبط بازن الله المسمار الى فوق تعلى وتوطى المسمار الى فى الجنب عشان تجيب يمين وشمال وتقبل مرورى |
رد: ضبط التلسكوب
السلام عليكم
اولا مبروك التلسكوب الجديد ودا نوع ممتاز ثانيا لتركيب التلسكوب اول مرة بتحتاج لميزان مياة و حبل رفيع او خيط سميك تربط فية ثقل و يتثيت على شئ مرتفع على حائط او حلق باب وطولة متر ونصف وتحط اى ثقل بحيث انو يعمل ميزان راسى وبعد تثبيت المنظار على البندقية تهوي مسامير المنظار نفسة ولو ثبت البندقية على منجلة يكون افضل وتحط ميزان المية على البندقية بشكل كروس بحيث انها تكون موزونة تماما والعلامة الظبط لميزان المية فى المنتصف بالظبط وتبص فى المنظار على الخيط الراسي وتلف المنظار لغاية ما الكروس يكون على الخيط بالظبط وبكدا المنظار متركب صح مية مية لان اى لفة يمين او شمال تغير اتجاة ضبط المنظار و تحص هدف عبارة عن ورقة اية فور زى بتاعت التصوير وترسم عليها كروس يقسم الورقة اربع تربع و فى المنتصف ترسم دايرة بالقلم الاسود بحجم العشر قروش وتظللها و تقف على مسافة 25 متر فى مكان لا يوجد فية تيارت هوا ولو المكان دا مقفول يكون تمام التمام عشان الهوا مايغيرش اتجاة الرشة وتحط البندقية على منجلة على ارتفاع متر ولو مش موجودة تحطها على ترابيزة وترتكز على كيس رمل لو ما توفرش يبقى تمسك البندقسة وترتكز بكوعك على الترابيزة وتوكل على الله ونشن كويس ومع مراعة قواعد التنشين انك تكتم النفس وتسحب الزناد برفق زى ماتكون بتعصر حاجة وتشوف الرشة جت فين و لو الرشة مرتفعة عن الدايرة السودا تلف البكرة الى فوق لليسار تكة تكة حسب بعد الرشة عن الدايرة ولو يمين الهدف تلف البكرة الجانبية شمال تكة تكة لغية ما تظبط ولو يسار الهدف تلف يمين يعنى بالعكس لغاية ما تظبط الرشة فى الدايرة بالظبط ويكدا التلسكوب مظبوت تمام التمام . |
رد: ضبط التلسكوب
اقتباس:
شكرا استاذ /مؤنس على شرح حضرتك انا تقريبا عملت كدة بس المشكلة ان الرشة مكنتش بتصيب الورقة اصلا بس ممكن علشان ان المكان كان مفتوح هحاول اجرب فى مكان تانى |
رد: ضبط التلسكوب
اقتباس:
انشاء اللة هحاول انفذ طريقة حضرتك وابلغك بالنتيجة |
رد: ضبط التلسكوب
اقتباس:
ولكن اسمحلى ،، الطريقه دى تتظبط بيها البنادق بره مش عندنا لانها تعتبر محتاجه عدد كتير يعنى منجله وميزان الخ الخ انما احنا هنا فى مصر مش كل صياد عنده ورشه خاصه بيه فى البيت طريقة الاستاذ مؤنس مثلا فــــــــل جدا وهى دى اللى تنفع معانا حاجه كده تنجز اوام اوام ههههه . والله الموفق |
رد: ضبط التلسكوب
الف مبروك يا اخ محمد بس قول لنا جبته بكام؟ ومن فين؟
|
رد: ضبط التلسكوب
اقتباس:
اللة يبارك فيك استاذ سيد انا جبتة من هشام سمير 850ج على فكرة انا جبت جراب زى الى انتة اشتريتة من نفس المحل بتاع الجيزة ب100ج ياريت نتقابل ونطلع طلعة صيد مع بعض |
رد: ضبط التلسكوب
الله يفتح عليك
|
رد: ضبط التلسكوب
الله يبارك فيكم إخوتي وأبنائي الأحباء...مشكورين على إجتهاداتكم ومأجورين إن شاء الله على مساعداتكم...وإليكم طرق بسيطة مشروحة بالفيديو لطريقة تركيب وظبط التيليسكوب على البندقية...نصيحتي راجعوهم أكثر من مرة بهدوء وتركيز ولا تتسرعوا وبعدين جربوهم وطبقوهم على الطبيعة...وإن شاء الله تظبط معاكم...موفقين إن شاء الله...خالص تحياتي...
|
رد: ضبط التلسكوب
القنصل كل مرة اقرا رد سيادتكم على احدى المواضيع اصاب بالدهشة والاعجاب
|
رد: ضبط التلسكوب
[QUOTE=Consul;77528][SIZE="3"][COLOR="Blue"][B]الله يبارك فيكم إخوتي وأبنائي الأحباء...مشكورين على إجتهاداتكم ومأجورين إن شاء الله على مساعداتكم...وإليكم طرق بسيطة مشروحة بالفيديو لطريقة تركيب وظبط التيليسكوب على البندقية...نصيحتي راجعوهم أكثر من مرة بهدوء وتركيز ولا تتسرعوا وبعدين جربوهم وطبقوهم على الطبيعة...وإن شاء الله تظبط معاكم...موفقين إن شاء الله...خالص تحياتي
شرف كبير ليا مرورك سيادة القتصل والف شكر على الفديوهات |
رد: ضبط التلسكوب
اقتباس:
|
رد: ضبط التلسكوب
سيادة القنصل
نشكر سيادتكم علي النصائح المفيدة ادام الله لنا نصحك وارشادك |
| الساعة الآن 11:45 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir