المشاركة الأصلية كتبت بواسطة hokaboka (المشاركة 67480)

لازم كده يعني!! محدش يقراء مواضيعي غير لما اعمل عنوان غريب! عموما هو مش غريب اوي عن اللي عاوز اقوله ..

بص يا سيدي...امبارح نزلت اشتري مسدس الرش اللي كنت عوزة..وكنت حجيبوا من واحد صاحب واحد صاحبي وكان عاوز فيه 1500 جنية (جنية ينطح جنية)...انا اصلاً عندي كام مسدس صوت ..هواية..بحب صوت الفرقعة..

المهم...طلعت الفلوس وبعدها عشان اديها للراجل واخد المسدس...وبعدين جالي شعور غريب...حسيت اني حمار..ومش اي حمار..حصاوييي

ليه؟ عشان اكتشفت اني بدفع الفلوس دي في لعبة..عندي 30 سنة ولسه بلعب!! وبقنع نفسي ان مسدس الرش ده ممكن ادافع بيه عن نفسي لو حد عاوز يقلبني...1500 جنية دول احسن اديهم لواحد غلبان يجيب اكل لعياله..وانا اتنيل علي عيني واروح اكمل شغلي واصلي ركتين لله عشان يرحمني...

متخدعوش نفسكوا...وتفتكروا انكم كراكشندس اللي ذبح كابشو وداخلين علي منتدي سلاح عشان مسدس رش وصوت....الحل..في الحي..او بنادق رش العصافير سواء للهواية او للدفاع عن النفس...

لازم يكون فيه خطوات فعاله عشان نشوف ازاي ممكن المنتدي يخدم الاعضاء في موضوع التراخيص...

مثلاً، اقترح نشر الاجراءات وتدبير السايط..ولو بفلوس عشان نطلع تراخيص سلاح قانوني...وده رائي

إلي الامام ..ثورة علي المنتدي لحين تنفيذ طلباتنا...عوزين منتدي فعال...بيساعد الاعضاء بجد مش كلام..والسلام ختام

المشاركة الأصلية كتبت بواسطة بدر (المشاركة 67484)

ماشى كلامك يا استاذ حوكا
انا بقى عيل وبحب المسدسات ههههههه
وحضرتك لازم تعرض المسدسات اللى عندك للبيع
اقولك اتبرع بيهم لرسالة
يا اخ حوكا والله انا معاك فى موضوع التراخيص بس دة ما يمنعش ان فية ناس وحضرتك منهم عندهم هواية اقتناء السلاح لمجرد الشكل
مش كدة ولا اية
وبعدين حضرتك ضيعت وقتى وكنت متخيل مغامرة جديدة وبعدين لقيتك بتهاجم نفسك وتهاجمنا معاك هههههههههههههه
تحياتى

المشاركة الأصلية كتبت بواسطة hokaboka (المشاركة 67491)

استاذ بدر،

انا بس متغاظ اوي من موضوع حصل لواحد صحبي في الشغل...مرمي في المستشفي بسبب مسدس صوت طلعة قدام بلطجية معاهم حي نحية الشيخ زايد...بواظوه..وانا اللي كنت بيعله المسدس ده!! ربنا يلطف بيه

انا اسف وعملت تعديل في المشاركة عشان انا بنتقد نفسي اكتر من اي حد..بصراحة متضايق..ليه مش عاوزين يفتحوا تراخيص الحي؟؟والمنتدي عملنا ايه بس!