الصيد فى مصر - العرض الذى طال إنتظاره

الصيد فى مصر (http://www.egyhunt.net/index.php)

- محدثات الصوت (http://www.egyhunt.net/forumdisplay.php?f=81)

- - العرض الذى طال إنتظاره (http://www.egyhunt.net/showthread.php?t=6609)

ahmadkader

11-04-04 09:40 AM

العرض الذى طال إنتظاره

المسدس إتباع ، شكرا و برجاء غلق الموضوع

tarekvb

11-04-04 09:59 AM

رد: العرض الذى طال إنتظاره

اسمحلى يا استاذ احمد يفرق ايه عن مسدس الخرز بتاع الاطفال اللى بيتباع فى محلات اللعب ده حتى لازم بعد كل طلقة تشد الاجزاء يعنى مش ورا بعض يعنى لو جيبت مسدس ب20 جنيه خرز مش برده هيبقى نفس نتيجة والمسدس ده ايه اللى هيزيد عنه وايه الامكانيات الزيادة بالعكس دى مسدسات الاطفال فيها كمان ليزر للتنشين ده مفهوش يعنى الو 20 جنيه فى ميزة مجرد استفسار ويا ريت نعرف الفرق

SMART141366

11-04-04 10:15 AM

رد: العرض الذى طال إنتظاره

الاخ الكريم ahmadkader انا محتاج 10 انابيب غاز لمسدسات الغاز ال co2 من نوعية ممتازة مثل كروسمان او اوماركس بس انا موجود فى السويس ممكن توفرهملى لو حضرتك تقدر؟

ahmadkader

11-04-04 12:27 PM

رد: العرض الذى طال إنتظاره

اقتباس:

المشاركة الأصلية كتبت بواسطة tarekvb (المشاركة 67686)

فيه فروق كتير بينهم ، يعنى الحاجات الرخيصة دى بتكون ضعيفة و غير دقيقة و لا تصلح لأغراض الرماية ، أما المعروض ده بيكون من خامات قوية و يكاد يكون فى نفس جودة و تقفيل الحى ، و الأجزاء الداخلية بتكون من المعدن مش بلاستيك ، يعنى مش هتستخدمه يومين و يبوظ

khaledabdelnaby

11-04-04 01:37 PM

رد: العرض الذى طال إنتظاره

مبارك للبائع والشارى

ahmadkader

11-04-04 01:38 PM

رد: العرض الذى طال إنتظاره

اقتباس:

المشاركة الأصلية كتبت بواسطة cheetos007 (المشاركة 67759)

فيه سحب اجزاء؟؟

بتسحب أجزاء فى كل طلقة

younisst

11-04-04 03:05 PM

رد: العرض الذى طال إنتظاره

احمد باشا طارق عامل ايه وايه الاخبار يارب تكون بخير ممكن تقولى ايه نظام المسدسات دى والرش بتاعها حديد ولا بلاتيك اقصد الخرز انا معايا اخوه الروم 9 ملم صوت وعايز اشترى واحد من دول بس ممكن افهم منك فيهم شوية متزعلش منى

ahmadkader

11-04-04 03:09 PM

رد: العرض الذى طال إنتظاره

اقتباس:

المشاركة الأصلية كتبت بواسطة younisst (المشاركة 67822)

يا باشا أزعل منك ليه بس ربنا مايجيبش زعل ، دى مسدسات لتعليم الرماية و تعليم الناس فكرة المسدس الحى إيه ، و ليها أمان و زرار تحرير الأجزاء و خزنة و نشان زى الحى بالظبط ، و هى من خامات جيدة جدا و بتضرب خرز بلاستيك بصراحة مجربتهاش مع المعدن لسة

mosho

11-04-04 04:07 PM

رد: العرض الذى طال إنتظاره

طب هو صوته زى الحى ولا زى لعب الاطفال؟؟؟

tamer_tatow

11-04-04 04:29 PM

رد: العرض الذى طال إنتظاره

اقتباس:

المشاركة الأصلية كتبت بواسطة mosho (المشاركة 67877)

طب هو صوته زى الحى ولا زى لعب الاطفال؟؟؟

المفروض انه ملهوش صوت اصلا حاجة كدة زي بنادق ضغط الهوا

البرنس 777

11-04-04 05:32 PM

رد: العرض الذى طال إنتظاره

السعر ده يا باشا نهائي؟
مش غالي كده شوية
و هو صناعه اه بعد ازنك

messam

11-04-04 06:10 PM

رد: العرض الذى طال إنتظاره

ممكن الصور لو سمحت ...........وشكرا جزيلا

ahmadkader

11-04-05 12:34 AM

رد: العرض الذى طال إنتظاره

السادة الأفاضل ، المسدسات الموجودة مش متبقى منها غير مسدس واحد هيكلر ، و هى فعلا بالتجربة قوية جداااااااا و مداها أكبر من الغاز ، و لكنها مصممة للخرز البلاستيك و لن أغامر بتجربة البلى المعدن عشان ما أبوظش الماسورة نظرا لقوة إندفاع الطلقة ، المسدس صتاعة تايوانية ، و كل أجزاؤه الداخلية من المعدن ، و هو فعلا دقيق جدا فى الرماية ، مصنع من خامات عالية الجودة و هو نفس شكل ووزن الحقيقى بالظبط ، و السعر نهائى 350 جنيه

osama Rohm

11-04-05 01:00 AM

رد: العرض الذى طال إنتظاره

تم شراء المسدس Air Gun اليوم من الاستاذ احمد و المسدس جيد و فعلن يساعد علي تعليم الرماية
و بشكر الاستاذ احمد رجل محترم

Widiman

11-04-05 01:05 AM

رد: العرض الذى طال إنتظاره

يا استاذ الصورة معروضة على موقع بيبيع لعب اطفال

ahmadkader

11-04-05 01:05 AM

رد: العرض الذى طال إنتظاره

1 مرفق

لمن يريد تفصيلى عن المسدس الهيكلر اللى فاضل يتفضل يدخل يقرأ مواصفاته و إستخداماته فى هذه الصفحة
http://www.airsplat.com/Items/AP-HA-112BS.htm

أسيبكم بقى مع صورة المسدس ، و اللى يعرف يطلع إختلاف بينه و بين الحى ليه ربع جنيه :)

ahmadkader

11-04-05 01:16 AM

رد: العرض الذى طال إنتظاره

اقتباس:

المشاركة الأصلية كتبت بواسطة cheetos007 (المشاركة 68292)

ده الhk p2000 صح؟

إنتا صح ، بس أنا غيرت الصورة دلوقتى بواحدة تانية واضحة ، ياللا يا شباب مين هيطلع أول إختلاف ، مع العلم دى صورة المسدس اللى معايا مش الحى ، ياللا بقى ورونا الشطارة

ahmadkader

11-04-05 01:21 AM

رد: العرض الذى طال إنتظاره

اقتباس:

المشاركة الأصلية كتبت بواسطة Cheetos007 (المشاركة 68293)

و يا ا\احمد لازم اسحب الاجزاء كل ما اضرب ؟؟؟ هو مسدس لعبة ؟؟؟

إنتا مازلت مصمم إنه لعبة ؟ سيادتك قرأت التعليق اللى عليه ؟
طيب بلاش ، إكتب فى جوجل: HFC HK USP P8 Spring Airsoft Gun Pistol
و إقرا التعليقات اللى عليه و بعدين إبقى ساعتها قرر مين اللى بيلعب بيه ؟

jamayka

11-04-05 01:22 AM

رد: العرض الذى طال إنتظاره

اقتباس:

المشاركة الأصلية كتبت بواسطة ahmadkader (المشاركة 68283)

لمن يريد تفصيلى عن المسدس الهيكلر اللى فاضل يتفضل يدخل يقرأ مواصفاته و إستخداماته فى هذه الصفحة
http://www.airsplat.com/items/ap-ha-112bs.htm

أسيبكم بقى مع صورة المسدس ، و اللى يعرف يطلع إختلاف بينه و بين الحى ليه ربع جنيه :)

انا عرفت الاختلاف هات الربع جنيه و اقولك :)

أميجو

11-04-05 01:23 AM

رد: العرض الذى طال إنتظاره

مسدس بلى بلاستيك ب 350 جنيه ويباع من نفس النوعيه فى محلات لعب الاطفال مثله ب 20 جنيه !!!!!!
لا تعليق

ahmadkader

11-04-05 01:25 AM

رد: العرض الذى طال إنتظاره

اقتباس:

المشاركة الأصلية كتبت بواسطة أميجو (المشاركة 68309)

مسدس بلى بلاستيك ب 350 جنيه ويباع من نفس النوعيه فى محلات لعب الاطفال مثله ب 20 جنيه !!!!!!
لا تعليق

شوفت بقى الدنيا ؟ متشتريهوش لحسن وحش ، إشترى أبو 20 جنيه هو حلو جدا و مناسب

ahmadkader

11-04-05 01:28 AM

رد: العرض الذى طال إنتظاره

اقتباس:

المشاركة الأصلية كتبت بواسطة cheetos007 (المشاركة 68313)

أولك ايه الاختلاف الخرز مفيش نص الى او الى و لازم تسحم الاجزاء ولازم انبوبت غاز و المسورة على قد البلية و بعض الاجزاء فى المسدس مش معدن الحى بئه العكس

إنتا فهمتنى غلط أنا بتكلم عن الإختلافات الشكلية ، يعنى إنتا لو الإثنين قصادك هتفرق بينهم إزاى من غير ماتضرب بيهم ؟

ahmadkader

11-04-05 01:37 AM

رد: العرض الذى طال إنتظاره

اقتباس:

المشاركة الأصلية كتبت بواسطة cheetos007 (المشاركة 68319)

اههههههههههههههههههههههههههههههههههههه مفيش فرق غير المسورة و الخزنة

صح و مش صح ، فعلا لو نظرت فى الماسورة من قدام هتلاقى فيه فرق فى القطر الداخلى ف هتعرف إنه مسدس رش ، إنما بالنسبة للخزنة بقى فهيا نفس الشكل و الوزن و الخامة بالمللى ، كدا يبقى إنتا ليك ربع جنيه ، كمان إختلاف و أخليك تضرب بيه طلقتين :)

ahmadkader

11-04-05 01:44 AM

رد: العرض الذى طال إنتظاره

يا لأيم ، جامدة دى ، إشطة كدا ليك نص جنيه ياللا إتجدعن و هخصمهولك من ثمن المسدس :)

ahmadkader

11-04-05 01:48 AM

رد: العرض الذى طال إنتظاره

اقتباس:

المشاركة الأصلية كتبت بواسطة cheetos007 (المشاركة 68328)

ههههههه يالا انا قولت الى ماحدش قاله:d:d:d:d:d

إشطة عليه ، هستأذنك بقى هروح أنام بقى عشان أصحى الصبح بدرى ألعب بالمسدس شوية قبل ماروح الشغل :)

jamayka

11-04-05 01:49 AM

رد: العرض الذى طال إنتظاره

اقولك انا بقى الاختلاف اللى كان قصدى عليه
الاختلاف فى شفة الخزنة من تحت فى الحى مش بارزة عن يد المسدس (قبل ما اى حد يقولى لأ انت غلطان السلاح ده عندى و بلاش احراج) ههههههههههه

ahmadkader

11-04-05 01:53 AM

رد: العرض الذى طال إنتظاره

إيه بس قوة الملاحظة دى ؟ فعلا ده حقيقى ، بس بكرة عندى ليك مفاجأة ، الإسود من المسدس ده فعلا الكعب بتاع الخزنة بتاعه مش بارز

ahmadkader

11-04-05 01:58 AM

رد: العرض الذى طال إنتظاره

اقتباس:

المشاركة الأصلية كتبت بواسطة cheetos007 (المشاركة 68334)

هو الى عند حضرتك خرز صح؟؟

أيوة يا كنج أمال إحنا بنقول إيه من الصبح ، بس بصراحة و الله التنشين بيه متعة جامدة جدا مكنتش متخيل إنه دقيق كدا ، و بعدين و لا أنابيب غاز و لا دياولوا ، حاجة ببلاش كدا و الخرز بتاعه رخيص ال 1500 حباية ب 40 جنيه و ترسم الهدف بتاعك على أى ورقة بيضة و تثبتها على بعد 10 - 20 متر و إديها

osha966

11-04-05 02:25 AM

رد: العرض الذى طال إنتظاره

يا جماعة المسدس ده تمنه فى أمريكا 20 دولار يعنى 120 جنيه يعنى لو عايز تعرف سعره هنا تضرب فى 2 يعنى 240 جنيه على الأقل دا غير مكسب تاجر الجملة والتاجر الوسيط ..يعنى أعتقد سعره كده مش مبالغ فيه أوى يعنى

Abkreno_007

11-04-05 02:37 AM

رد: العرض الذى طال إنتظاره

بعد اذنك يا استاذ احمد ازاى 350 وهو فى الموقع بيتباع باقل من 20 دولار يعنى فى حدود 100 جنية او 110 ؟؟؟؟

Abkreno_007

11-04-05 02:40 AM

رد: العرض الذى طال إنتظاره

ماشى يا عم اوشا
هنقول فى شحن
بس عمره ما يوصل ل 350

osha966

11-04-05 02:50 AM

رد: العرض الذى طال إنتظاره

لا يا جماعة أى بضاعة مستوردة من الخارج يبقى تضرب فى 2 دا عن خبرة دا الماشى فى مصر..

Abkreno_007

11-04-05 02:54 AM

رد: العرض الذى طال إنتظاره

يا استاذى انا مش هستورد وادفع جمارك والكلام ده
انا بس هشحن القطعة بتاعتى فى طرد مش اكتر
واخلى حد يجيبهالى سهلة يعنى
ومش هتكلف كل ده

ahmadkader

11-04-05 11:48 AM

رد: العرض الذى طال إنتظاره

اقتباس:

المشاركة الأصلية كتبت بواسطة abkreno_007 (المشاركة 68363)

إشحنها بال dhl و إبقى قوللى إيه النتيجة

ahmadkader

11-04-05 11:49 AM

رد: العرض الذى طال إنتظاره

اقتباس:

المشاركة الأصلية كتبت بواسطة osha966 (المشاركة 68348)

أشكر حضرتك على تفهم الموضوع ، فعلا الشحن و الجمارك بتخلى سعر الحاجة ينضرب فى 4

saskon

11-04-08 10:30 PM

رد: العرض الذى طال إنتظاره

أنا قابلت اليوم الأستاذ أحمد وهوا شاب محترم جدا و لذيذ و فرجنى على المسدسين اللى عارضهم بصراحة أنا أول ما شوفت المسدسات افتكرتها صوت وبعدين جربتهم بصراحة حاجة رائعة جدا. ولكن أنا ليا ملاحظات:
- المسدسات وخصوصا شبيه الهيكلر -رائع- ممكن حد من بعيد يفتكرهم حى
- المسدس معدن من الداخل وبلاستيك خارج وتقيل فى الوزن وخاماته رائعة. ويوجد به أمان
- المسدس يركب عليه خرز وربما بلى حديد
- يوجد بالمسدس شيز (ناشينكاه خلفى) ودبانة (ناشينكاه أمامى) وتجميع النشان عليه هايل
- أعتقد أن هذه المسدسات رائعة لمن يريد التدريب على الرماية بالمسدسات إلا أنى لا أعتقد انه صالح للدفاع عن النفس الا اذا تم التنشين على العين فقط
- طبعا ده حاجة واللى أنا اشتريته قبل كده من كارفور حاجة تانية خالص لا مقارنة أساسا
وللعلم أنا اشتريت المطواة الأمريكى والعدة الصينى وبصراحة حاجة الراجل ده محترمة جدا
وشكرا مرة أخرى للأستاذ أحمد

saskon

11-04-09 04:47 AM

رد: العرض الذى طال إنتظاره

اقتباس:

المشاركة الأصلية كتبت بواسطة cheetos007 (المشاركة 70871)

حلو يعنى ولا ايه؟؟:confused:

لو انت جايبه تتعلم عليه رماية يبقى حلو جدا جدا ولو انت جايبه علشان دفاع عن النفس أو صيد يبقى رأيى هوا مش معمول للغرض ده.

ahmadkader

11-04-10 11:44 AM

رد: العرض الذى طال إنتظاره

اقتباس:

المشاركة الأصلية كتبت بواسطة saskon (المشاركة 70760)

أشكرك يا فندم على كلماتك الرقيقة ، و أتمنى أكون عند حسن ظن الجميع ، أنا كان عندى مسدسين من ده ، فيه واحد إتباع إمبارح و ربنا يبارك للمشترى و باقى واحد فقط

الساعة الآن 01:00 PM