السلام عليكم من تركيا "اخبار و استفسار"
 

انا لسة جديد في المنتدي بس بقالي شوية مع بنادق الصيد "رمسيس 1 ثم رمسيس 2 ثم ويبلي و بعتها "للاسف" و حاليا انا بدور علي بندقية كويسة و اقتصادية و هلكت تدوير في مصر في وسط الاسعار المبالغ فيها علي بندقية محترمة و افضل حاجة كانت في حدود الميزانية كانت الكرال ... المهم صبرت شوية و بعدها شاء الله اني انزل تركيا زيارة سريعة لمدة خمس ايام و انا حاليا في اليوم الثالث و طبعا رحت لكذا محل خاص بالأسلحة هنا في اسطنبول ووجدت التالي*
اولا : الكرال موجودة هنا بحوالي 100 دولار فقط "590 جنيه"
ثانيا : الناس هنا بيقولو عليها انها مش احسن حاجة في الدنيا و بعض المحلات الكبيرة مبتشتغلش فيها اساسا
ثالثا : أتعرض عليا كذا نوع بنادق غريبة ليس منها BSA & Diana لكن كان في كروسمان و جامو و حاجة ياباني و الاسعار كانت مرتفعة نسبيا
رابعا : أتعرض عليا نوع تركي حكو عليه انه شديد القوة و انضف بكتير من الكرال بالرغم من تقفيله بلاستيك نوعه
Torum Magnum 5.5 mm وكان ثمنه 130 دولار و أسئلتي لكم هنا .... هي

حد سمع عن النوع ده ؟؟
حد عنده فكرة عن امكانية جلب البندقية معايا عالطيارة ؟؟
في حد عمل العملة دي قبل كده ؟؟
هل في نوع تاني تنصحوني بيه ؟*

رد: السلام عليكم من تركيا "اخبار و استفسار"
 

السلام عليكم استاذ احمد ...
بالفعل انا سمعت عن نوع اسمه Torun وليس Torum ,
وهى على فكرة شبه الكرال واعتقد ان الكرال افضل منها كمان ومنها الفيبر ومنها الخشب
اما عن موضوع ان حضرتك تجيب البندقيه وانت جاى دى معنديش فكرة فيها بس اعتقد ان حتى لو عديت بيها الجمارررررك مش عارف هتكون كام ؟
اسال فيها المختصين افضل او حد فى الصادرات الواردات والجمارك علشان ما تجيبهاش وتتصادر منك

رد: السلام عليكم من تركيا "اخبار و استفسار"
 

بس اضافه ... انا مسمعتش عن النوع دة خالص فى مصر ... ولا اعرف حد استخدمها او هل هى موجودة فى مصر اصلا ... اكتر بندقيه تركى فى مصر هى الكرال وانا عندى واحدة

رد: السلام عليكم من تركيا "اخبار و استفسار"
 

كل معلوماتى عنها من على الانترنت :
http://www.air-rifles.eu/manufacturer/torun

رد: السلام عليكم من تركيا "اخبار و استفسار"
 

أستاذ أحمد طبعا الكرال مش حكاية أوي يعني ولكنها مناسبة الى حد ما بالنسبة للميزانيات المحدودة تخيل انها بتتباع في مصر 1100 جنيه زسألت عند السجلابي في اسكندرية قالتلي بـ 2000 جنيه لدرجة اني كنت حقل أدبي عليها. المهم لو تعرف تجيب حاجة من هناك هاتها وفكها حتت يعني اللي يبعهالك قولو بفكهالك عشان تعدى في الشنطة في المطار. بالنسبة للنوع Tourm magnum 5.5 ماسمعتش عنه قبل كده خالص. بس أنا عندي نوع بقترح انك تسأل عليه وأنا متأكد انه حاجة نضيفة أوي وهي تركي برضه واسمها Hatsan Mod 135 نمرة 2 وده بندقية هاي باور جامدة يا ريت تسأل على سعرها هناك وبلغني بيه وأكون شاكر ليك جدا.. بس اسأل عليها حتعجبك بجد

رد: السلام عليكم من تركيا "اخبار و استفسار"
 

[QUOTE=Ahmedlr;68221]انا لسة جديد في المنتدي بس بقالي شوية مع بنادق الصيد "رمسيس 1 ثم رمسيس 2 ثم ويبلي و بعتها "للاسف" و حاليا انا بدور علي بندقية كويسة و اقتصادية و هلكت تدوير في مصر في وسط الاسعار المبالغ فيها علي بندقية محترمة و افضل حاجة كانت في حدود الميزانية كانت الكرال ... المهم صبرت شوية و بعدها شاء الله اني انزل تركيا زيارة سريعة لمدة خمس ايام و انا حاليا في اليوم الثالث و طبعا رحت لكذا محل خاص بالأسلحة هنا في اسطنبول ووجدت التالي*
اولا : الكرال موجودة هنا بحوالي 100 دولار فقط "590 جنيه"
ثانيا : الناس هنا بيقولو عليها انها مش احسن حاجة في الدنيا و بعض المحلات الكبيرة مبتشتغلش فيها اساسا
ثالثا : أتعرض عليا كذا نوع بنادق غريبة ليس منها BSA & Diana لكن كان في كروسمان و جامو و حاجة ياباني و الاسعار كانت مرتفعة نسبيا
رابعا : أتعرض عليا نوع تركي حكو عليه انه شديد القوة و انضف بكتير من الكرال بالرغم من تقفيله بلاستيك نوعه
Torum Magnum 5.5 mm وكان ثمنه 130 دولار و أسئلتي لكم هنا .... هي

حد سمع عن النوع ده ؟؟
حد عنده فكرة عن امكانية جلب البندقية معايا عالطيارة ؟؟
في حد عمل العملة دي قبل كده ؟؟
هل في نوع تاني تنصحوني بيه ؟*[/QUOT



باشا حضرتك سالت انك تعرف تعديبيها من المطار؟

علشان انا مقيم في ايطاليا ولو ينفع انزل واحده شكرا

رد: السلام عليكم من تركيا "اخبار و استفسار"
 

ask for sam yang dragon slayer .50 cal,the most powerful airrifle in rang 500$ it for hunting big animals, south korean made

رد: السلام عليكم من تركيا "اخبار و استفسار"
 

شكرًا جزيلا للردود يا جماعة ... تلخيص ردودكو هيا كالتالي

١. ان اسم البندقية turun و ده واضح انو الأصح لاني لقيتها أونلاين و إدي صورتها
http://7kilometr.com/images/products...301plastic.jpg
و ده اللينك بتاع مواصفاتها
http://7kilometr.com/eng/market/prod...-ukraina-24018

٢. هناك نوع اخر قد يكون افضل
Hatasan mod 135 باذن الله حسال عليها و ارد عليكو.

٣. أيضاً هناك نوع كوري افضل
Sam yang dragon slayer *باذن الله برضو حسال عليها و ارد عليكو.

٤. محدش رد عليا في نقطة اني أجيبها معايا و دي الحاجة الوحيدة اللي مفرملاني اني اشتريها .. طبعا انا فكرت في تفكيكها بس بعد ما تتفك متبقي كبيرة برضو علي شنطتي فيإما أجيبها رسمي يا اما احلق للموضوع و اسلم نفسي لجشع تجار السلاح.

رد: السلام عليكم من تركيا "اخبار و استفسار"
 

حضرتك لو عجباك وشايف انها حلوة اشتريها بس اوعى تسلم نفسك لجشع تجار السلاح

رد: السلام عليكم من تركيا "اخبار و استفسار"
 

لو امكن تسأل على الجامو فيبر اكسبريس

رد: السلام عليكم من تركيا "اخبار و استفسار"
 

ياباشا بلاش تجيب حاجة معاك من بره لأن أولاً الجمارك 30% مش كتير صح.
لكن الي مش حلو أنك لما تجيبها وتدخل بيها المطار أول حاجة هتتصار منك علشان تروح المعمل علشان يحددوا إذا كانت رش ولا حي ، وهترجعلك بعد أسبوعين ثلاثة ، بس هيفككوها حته حته ، وربنا بقي يعوض عليك في اللي فاضل منها

رد: السلام عليكم من تركيا "اخبار و استفسار"
 

تحياتى_بخصوص سؤال حضرتك انك تدخل بندقية من المطار دة ممنوع والبندقية هاتتصادر ويتعمللك قضية دة بالنسبة للمطار هنا فى مصر يعنى هاتخسر تمن البندقية وكمان هايتعمللك قضيو وظروف البلد اللى ماشى فيها المحاكم العسكرية_تمهل

رد: السلام عليكم من تركيا "اخبار و استفسار"
 

المشكلة هنا في مصر حتتاخد عشان الامن وخبراء الاسلحة والمفرقعات يفحصوها ويا ترجع يا ماترجعش انت وبختك

رد: السلام عليكم من تركيا "اخبار و استفسار"
 

ياتري عملت ايه؟ اتمني الوصول بالسلامة

رد: السلام عليكم من تركيا "اخبار و استفسار"
 

ايه الأخبار سألت عالحاجات ولا لسه؟

رد: السلام عليكم من تركيا "اخبار و استفسار"
 

السلام عليكم
الكرال موجوده فى مصر وممكن تجيبها من هنا وتتجنب انها تتاخد او ما تتاخدش فى المطار
انا رايى لو لقيت الهاتسان 135 بسعر مناسب تجيبها على طول لانها تحفه قوه وشكل وخامات وعليها زناد حكايه ---- تحياتى

رد: السلام عليكم من تركيا "اخبار و استفسار"
 

لو جبت حاجه من تركيا هات قطع غيارها معاها يعنى سوسته او اتنين وجلبتين تلاته لان ممكن ما تلاقيش قطع غيارها هنا ومش هاتتصادر منك ولا حاجه انا متاكد

رد: السلام عليكم من تركيا "اخبار و استفسار"
 

رد: السلام عليكم من تركيا "اخبار و استفسار"
 

خد بالك ممكن فى المطار تتحجز وتروح المعمل الجنائى للفحص وممكن تاخد كم شهر أما عن الجمارك والضريبة حوالى 45%

رد: السلام عليكم من تركيا "اخبار و استفسار"
 

يا جماعة شكل الراجل عجبته القعدة هناك وكسر الفيزا هههههههههههه

رد: السلام عليكم من تركيا "اخبار و استفسار"
 

لو تسمح اخى لو كنت تعرف فى تركيا محلات بنادق صيد ممكن تقولى اسمها ومكانها عشان فى واحد صاحبى رايح وهخلية يجيبلى بندقية من هناك وشكرا
اخوك
احمد فتحى