|
لقيتوووووووا الروم الـ9ملل جديد في المحل
1 مرفق
الموضوع والله مجرد مساعدة للناس اللي كانت بتدور علي الروم الـ9ملل جديد ومش لاقياه في اي محل في مصر عشان اللي موجود الـ8 ملل جديد اما الـ9ملل موجود مستعمل ، ولكن اخوكم الأفوكاتو لما بيحط حاجة في دماغه مش بيجليها ، فضلت الف وادور واروح واجي واتنطط (شمين ويمال) يوووووه قصدي (يمال وشمين) وروحت عند فتح الله وميشيل عازر (عندهم الـ8ملل بس) لكن الـ9ملل مافيش منه جديد (هو ده كان الرد) ولكن يا جماعة لاقيته جديد في محل في الجيزة اسمه (البارودي) جنب المحكمة عنده الـ8ملل والـ9ملل جديد بس اسعاره (نااااااااااااااااااااار) مش نار اوي يعني ، هو مش بيختلف عن برة كتير كل ما هنالك ان اسعاره (اكتر من الضعف بحاجة بسيطة) اممم عادي يعني هو عارف ان هو الوحيد في مصر تقريبا دلوقتي اللي عندو الـ9ملل جديد علشان كدة عاوز يبيعهولي بحوالي 1000 جنيه زيادة ،
مثال: الـ8ملل دلوقتي بـ1800 جنيه عند فتح الله والأهلية وبصراحة مش عارف سعر السوق بتاع الـ9ملل ، فسألت الأخ بدر الله يباركله علي سعة صدره (الراجل ده ياجماعة اتحملني كتير والله ورد علي كل الاسئلة بصدر رحب فكرني بأستاذ نشأت بتاع العلوم كنت بجننه ، بس بكون قاصد لكن استاذ بدر بحس اني جننته من غير ما اكون قاصد) ما علينا ، قالي طالما الـ8ملل عامل 1800 جنيه وهو كان شاري قبل الثورة الـ9ملل بـ2000 جنيه يبقي لو وصل سعرها دلوقتي لغاية 2500 جنيه فـكدة هيكون معقول جدا (كلام موزون) وقاللي اكتر من كدة ما تدفعش فيها (خايف علي فلوسي كتر خيره) وبكدة قدرنا نحدد سعر البيع والشراء للـ8ملل وللـ9ملل (1800 ، 2500) بالكتير (كحد أقصي) البارودي بقي عايز يبيعلي الـ8ملل بـ3200 وبعد الفصال 3000 جنيه والـ9ملل بـ3700 وبعد الفصال الجامد بـ3500 (كلام بيع وشراء وكنت رايح اخلص) لا عيب يا جماعة بلاش ردود الفعل السريعة دي (بسرعة كدة) ، طبعا انا مش هاعلق انا هسيب الري اكشن ليكو وعايز اعرف هل في حد مجنون (غيري) ممكن يدفع الرقم ده في مسدس صوت؟ افيدوني من غير ما تضربوني !!! |
رد: لقيتوووووووا الروم الـ9ملل جديد في المحل
الف الف الف مبروك عليك وربنا يخلف عليك خير
|
رد: لقيتوووووووا الروم الـ9ملل جديد في المحل
بصراحة انا ممكن ادفع البلغ ده و اكتر و خصوصا فى المسدس ده (ببس الحمدلله ربنا عالم بحالى و كفانى بالهيكلر الحى) :) هههههههه
|
رد: لقيتوووووووا الروم الـ9ملل جديد في المحل
طب الله يكرمك طمنى جبته بكام
شكلك كده والله أعلم جبته 2000 جنيه صح لا بجد صح ؟؟؟ يبقا والله جامد جداً ولو كده أجيب واحد فوراً طبعاً أنا بتخيل ومفيش مشكله للتخيل ههههههههههه |
رد: لقيتوووووووا الروم الـ9ملل جديد في المحل
هو ايه ده اللى ب 2000 يا باشا ههههههههه بص انت على الاقل هتضرب فى 6 عشان تعرف اتدفع فيه كام و كمان سعر خيالى من 3 سنين و من صديق اقرب ما يكون لوالدى بس دلوقت سعره .... ولا بلاش :)
|
رد: لقيتوووووووا الروم الـ9ملل جديد في المحل
علي فكرة يا (فكرة) انا لسة ما اشتريتوش دي صورة اعلان وانا بيتهيألي ماقولتش في الموضوع اني اشتريته انا بقول افيدوني اجيبه ولا لأ؟ وبحكي قصة المشاوير اللي روحتها لكن ما اخدتش قرار لسة ولو ان فلوسه موجودة والحمد لله بس مش عايز اخد علي عيني واروح اجيبه زي الأهبل بفكر اعمل حاجة افيد من كدة بس لسة مستني ردود الأعضاء الكرام وانت معانا (انت مش كنت قولتلي احجزلي ولا انت مش عاوز ولا ايه ياريت ترسيني)
|
رد: لقيتوووووووا الروم الـ9ملل جديد في المحل
اقتباس:
اكتر من 2500 يبقى كتير جدا على مسدس صوت انت تجيب بيهم بندقية محترمة افيد دة رأى تانى تحياتى |
رد: لقيتوووووووا الروم الـ9ملل جديد في المحل
إلي أستاذي الكبير (جامايكا) ايه رأيك في الحوار ده ؟ الراجل ماسك علي 3500 جنيه في التسعة ملل و3000 جنيه بالنسبة لـ8ملل وانا بصراحة لو هجيب هجيب التسعة (طاااااااااااالع من عيني) بس ايه رأيك في السعر (انا عارف انه عالي) بس المسدس يستاهل ولا استني شوية ؟
اديني خبرتك !!! |
رد: لقيتوووووووا الروم الـ9ملل جديد في المحل
واضح انى رديت على فكرة و انا فاكره انت يا افوكاتو ههههههههه اعذرونى يا جماعة نفسى انام
|
رد: لقيتوووووووا الروم الـ9ملل جديد في المحل
بجد زعلتنى
أنا قلت أنك جبته وعاملهلنا مفاجأة يا فرحة ماتمت |
رد: لقيتوووووووا الروم الـ9ملل جديد في المحل
أكيد يا عمنا بدر أكيد
فعلاًَ أكتر من 2300 مش 2500 ميلزمش ده اسغلال واضح |
رد: لقيتوووووووا الروم الـ9ملل جديد في المحل
و الله يا أخ افوكاتو انت سألت الراجل المناسب سؤال غير مناسب هههههههههه
مشكلتى انى فعلا بضعف قدام الحاجة اللى تبقى عجبانى خصوصا السلاح و ممكن ادفع دم فلبى لمجرد انى لقيتها قدامى و ببقى عارف انى باخد على عينى مع الاسف بالنسبالى وصلت لحد الجنون مش مجرد هواية تحياتى |
رد: لقيتوووووووا الروم الـ9ملل جديد في المحل
اقتباس:
ليه من رأيك |
رد: لقيتوووووووا الروم الـ9ملل جديد في المحل
والله ما عارف اقولك ايه !!! انت بجد يا استاذ بدر اخ كبير (بس انا تقدر تقول مهووس) وتقدر تقول بردو مقتنع جدا بكلامك ولو شوفت في الموضوع هتلاقيني ايدت كلام حضرتك وفي الردود بتاعتي بقول مش عايز اجيبه دلوقتي بالسعر ده زي الأهبل بس بردو انت عارف واهو عندك وانت اكيد مجربه هو اه مسدس صوت بس حاجة محترمة ومش اي كلام ، وبالنسبة للبندقية (للأسف ماليش فيهم علي الاطلاق واكتر معلومة اعرفها عنها ان فيه بندقية اسمها ديانا) لكن عمري ما حبتها ولا مسكتها ولا اعرف لماذا تستخدم اذا كان رش ولا صيد ولا خرطوش ولا حي مش عارف (انا ماعنديش غير مسدس والتر بي 88) صوت بتاع ابويا وعايز بقي نتطور في صراع الأجيال ويبقي عندي حاجة خاصة
الف شكر لحضرتك ، وانا اخوك الصغير وبتقل عليك شوية استحملني |
رد: لقيتوووووووا الروم الـ9ملل جديد في المحل
أخي الحبيب الأستاذ أفوكاتو...أنا ملاحظ أنه لا يوجد لديك أي بندقية صيد...توكل على الله وإشتري بندقية أحسن وأفيد...هذا في رأيي ومن وجهة نظري...وطبعا أنت صاحب المال والقرار...خالص تحياتي...
|
رد: لقيتوووووووا الروم الـ9ملل جديد في المحل
اقتباس:
لان لو انا مكانك والله مدفع فيه أكتر من 1000 جنيه لانه صوت . |
رد: لقيتوووووووا الروم الـ9ملل جديد في المحل
شرف ليا انك ترد عليا يا سعادة القنصل وانا سعيد واتشرف اني اتكلم مع حضرتك أما بالنسبة للبندقية فأنا لا أفقه شئ عنها ولا أنواعها ولا اي شئ وبصراحة ماكنش عندي من صغري هواي الصيد ولا جربتها والآن (الوقت مش هيسمح بحاجة زي كدة) ولكن فيه ككلمة في كلام حضرتك شدتني وهي كلمة (افيد) ، ممكن اعرف ايه وجه الاستفادة مع العلم ان المسدس الصوت هاجيبه لمجرد حب اقتناؤه ليس الا ، هي ممكن تكون حاجة هايفة في نظر البعض ولكن زي ما قال الأستاذ جامايكا والأستاذ فكرة وانا زيهم ان هي حب اشباع الغريزة او الهوس بشئ معين وحب امتلاكه واقتناؤه ثم فيما بعد شعور بالملل ثم ركنته في الدولاب ثم بيعه بخسارة وربنا يعوض علينا .
تحياتي لمعاليك... |
رد: لقيتوووووووا الروم الـ9ملل جديد في المحل
انا اختلف معاك فموضوع ركنته و بيعه بخسارة لأنى لو هعمل كده مكنتش جبته و انصحك لو هتعمل كده فمتجيبوش احسن و بالنسبة للملل لو مليت من سلاح مش هركنه ولا هبيعه دانا هبروزه و احتفظ بيه كقطعة فنية ولا رأيك ايه يا بدر بيه
|
رد: لقيتوووووووا الروم الـ9ملل جديد في المحل
اقتباس:
|
رد: لقيتوووووووا الروم الـ9ملل جديد في المحل
اقتباس:
|
رد: لقيتوووووووا الروم الـ9ملل جديد في المحل
اهو الأستاذ بدر طلع شايله هو كمان في الدولاب (شكلنا كلنا هنوصل للمرحلة دي)
|
رد: لقيتوووووووا الروم الـ9ملل جديد في المحل
اقتباس:
انا قصدى دولاب المقتنيات الخاصة مش دولاب الهدوم هههههههه |
رد: لقيتوووووووا الروم الـ9ملل جديد في المحل
اهو الأستاذ بدر طلع هو كمان شايله في الدولاب (شكلنا كدة كلنا هنوصل للمرحلة دي)
|
رد: لقيتوووووووا الروم الـ9ملل جديد في المحل
اقتباس:
|
رد: لقيتوووووووا الروم الـ9ملل جديد في المحل
طب خلاص يا بدر بيه قوللي بس انت شايله في انهي درج عشان ما اقعدش ادور واكتبلي العنوان وانا اجي بالليل اسرقه ومش هقلقك ولا هتحس بيا زي ما هادخل زي ما هاخرج واستاذ فكرة كمان هايجي معايا علشان هو عايز واحد
|
رد: لقيتوووووووا الروم الـ9ملل جديد في المحل
اجى معاكو طيب و نقسم الغنيمة بما يرضى الله ههههههههههههههههههه
|
رد: لقيتوووووووا الروم الـ9ملل جديد في المحل
ااااااااااه ، واضح ان فيه اقبال جامد من قبل الجماهير العريضة ، تربس انهاردة كويس يا بدر بيه والنبي أحسن العدد في ازدياد ، وربنا يحرسك يارب ويحميك .
|
رد: لقيتوووووووا الروم الـ9ملل جديد في المحل
لا لا لا
بالسعر دة حرام صدقنى اصبر كام شهر والدنيا هترجع زى ما كانت ويمكن احسن كمان لا تتسرع لأن المسدس دة اولا واخير مسدس صوت يعنى حاجة تحتفظ بيها كتذكار او حب للأقتناء انما ليس سلاحا للدفاع عن النفس بشكل فعلى تقبل تحياتى يا اخى |
رد: لقيتوووووووا الروم الـ9ملل جديد في المحل
اقتباس:
أنا عارف مكان بيته أنا أخده الأول وهو راجل طيب هايجبلك واحد وبكده كله أستفاد لا بس أحنا هندعيلك ياعم بدر والله وبكده ياعم بدر أنتا الكسبان هو فى حاجه تقدر زى الدعاء طبعاً لا تقدر بثمن |
رد: لقيتوووووووا الروم الـ9ملل جديد في المحل
مع إحترامي لكلام الجميع أنا حبيت المسدس ده من المنتدي وبدور عليه من شهر وسألت إخوه كتير في المنتدي وبره وسمعت كلام أستاذ بدر منغير ما اعرفه وعقدت النيه اني مش هادفع فيه اكتر من 2500 عشان اكتر من كده علي اد ما بعشق المسدس كل ما همسكه هاحس اني اتنصب عليا فيه
وشكرا للجميع |
رد: لقيتوووووووا الروم الـ9ملل جديد في المحل
اقتباس:
- انا راى كده برده حرام 3500 فى مسدس صوت مهما كان. - لكن لو لابد تدفعهم هاتلك بندقيه bsa airsporter او gamo cfx royal ابرك من اى مسدس فقط صوت. |
رد: لقيتوووووووا الروم الـ9ملل جديد في المحل
اقتباس:
|
رد: لقيتوووووووا الروم الـ9ملل جديد في المحل
اقتباس:
|
رد: لقيتوووووووا الروم الـ9ملل جديد في المحل
هل المسدس 9 ميلى يستاهل الفرق دفع 1700 جنيه زيادة عن ال8 ايه الصوت الزيادة اللى هتسمعه ب1700 ؟؟؟؟ لذلك والراى ليك هات روم 8
|
رد: لقيتوووووووا الروم الـ9ملل جديد في المحل
اقتباس:
خسارة فية الفلوس فى الحالة دية |
رد: لقيتوووووووا الروم الـ9ملل جديد في المحل
اقتباس:
|
رد: لقيتوووووووا الروم الـ9ملل جديد في المحل
شوف يا باشا الأهلية عند ميشيل عازر ي العتبة ، سألته وقاللي هايجلي بكرة وسعره كان عامل عنده 1800 تقريبا .
وشكرا للاهتمام وتحياتي للجميـــــــــــــــع |
رد: لقيتوووووووا الروم الـ9ملل جديد في المحل
البرودي تا اغلي سعر محل في ميدان الجيزة بس ابن الاة عندة كل حاجة بطريقة غريبة بس السعر ناررررررررررر
والمعملة بصراحة ممتازة فعلااا |
رد: لقيتوووووووا الروم الـ9ملل جديد في المحل
عندك حق ، هو فعلا اغلي حتي من سمير عازر اللي هو تحت الكوبري (مع ان سمير عازر بردو حراق بيبيع الايكول التونا ب700 جنيه) ولكن البارودي نقدر نقول عليه (أغلي محل في مصر كلها) ولكن الحق يقال المحل نظيف جدا وشيك وعنده كل حاجة (مش كله كله يعني ) عنده الألماني روم بس لكن معندوش الوالتر وعنده الايطالي البروني كل الموديلات تقريبا ما عدا f92 شبيه البريتا وعنده الفالترو (عنده تقريبا الايطالي كله ما عدا الكيمار) وعنده جميـــــــع انواع التركي سواء ايكول او بلو (ايه ده انا كدة شكلي بعمله اعلان) وبالنسبة للمعاملة فعلا المعاملة ممتازة اوقات ومقبولة في ساعات تانية علي حسب الزحمة ولكن بيرد بأدب ولو كان المحل فاضي بيدخلك ويفرججك علي السلاح ويتكلم معاك ومرة وصلت اني انا وهو دخلنا في (مناقشة طويلة) ، بس كل ده مقابل سعر مضاعف أو أعلي من المضاعف كمان
تحياتي للجميــــــــــــــــــــــــــع |
رد: لقيتوووووووا الروم الـ9ملل جديد في المحل
اقتباس:
|
رد: لقيتوووووووا الروم الـ9ملل جديد في المحل
واحد مش هاوى صيد ازاى ترشحوا ليه بندقية ؟؟؟؟؟؟؟؟؟
|
| الساعة الآن 11:14 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir