الصيد فى مصر - الاسلحة والثورة -- عار عليكي يا مصر !!

الصيد فى مصر (http://www.egyhunt.net/index.php)

- ادوات الصيد الثقيله (http://www.egyhunt.net/forumdisplay.php?f=66)

- - الاسلحة والثورة -- عار عليكي يا مصر !! (http://www.egyhunt.net/showthread.php?t=6815)

Eng Badran

11-04-08 03:13 AM

الاسلحة والثورة -- عار عليكي يا مصر !!

بسم الله الرحمن الرحيم
السلام عليكم ورحمة الله وبركاته
بصراحة يا جماعة انا متدايق جدا .. ومش عارف ابدأ الموضوع منين
انا اشتريت مسدس صوت شعبي - قصدي تركي - وطبعا انا بقيت حاسس ان المسدس ده بقا تصنيع محلي من كتر ما هوا مالي السوق ومغرق الدنيا وبصراحة كفائتة زي العسل بس في بعض العيوب في شكله شوية
المهم مش ده موضوعنا دلوقتي ...
موضوعنا اللي بتكلم فيه ليه حال مصر بقا كده ؟ احنا عملنا الثورة . ونجحنا فيها الحمد لله بس انا مش شايف اي تغيير في البلد الا في الحاجات دي
المكروباصات اجرتها غليت
مسدسات الصوت اللي كنا بنفاصل وننزل مع الراجل بال 100 جنيه بقينا بنبوس ايده بعد ما بقا التركي بيتباع ب 2000 جنيه
بركب تاكسي .. بعد ما كنت بدفعله 2 جنيه او 3 في وقت الذروة لقيته بيرد عليا بيقولي قبل ما اركب انا باخد خمسة جنيه يا استاذ .. طبعا ساعتها رديت عليه رد مش ظريف خالص ومش هينفع اقوله هنا خااااالص
المهم نرجع لموضوعنا ومعلش انا هطول بس الموضوع ده مهم جدا ولازم ننتبه ليه
يا جماعة انا عارف تاجر سلاح امريكي من اصل مصري عايش في امريكا .. فوجئت بيه لما اتكلمت معاه ولقيت الطبنجات الحية في امريكا ارخص من طبنجات الصوت في مصر !!! طب ليه ؟؟؟
لما تكون الطبنجة الجلوك .. اللي مشهورة بانها طبنجة رخيصة جدا علي امكانياتها في امريكا بتتباع جديده لانج ب 600 دولار ... وافاجأ ان في مصر تتباع ب 65000 جنيه ... نعم !! #فقط خمسة وستون الف جنيها لا غير# وادي الشباك عشان محدش يزور في مشاركتي
طب ليه يا جماعة كده ؟؟ يا تري مين بيخنسر الفلوس دي كلها ؟؟ يا جدعان اقسم بالله لو سافرت النمسا جبته ورجعت صد رد ما هصرف 65 الف جنيه
طب ليه كده طيب ؟؟ ليه يبقا البريتا الايطالي انتاج السنه بيتباع في امريكا ب 350 دولار جديد لانج وفي مصر يتباع ب 30 الف جنيه ؟؟ يا جدعان انا همشي بكام مليون في جيبي الوراني عشان ادافع عن نفسي بطبنجة تمنها 65 الف جنيه ؟؟؟
يا جدعان والله حرام .. والدولة بتزعل مننا لما نشيل سلاح بدون ترخيص .. يا اخوانا حرام عليكم طيب راعوا ربنا فينا
لما اروح اشتري الطبنجة الحلوان ب 7 تلاف ونص .. والحلوان 2 المطورة ( ال يعني بقا احنا اللي اخترعناها ) ب 9 تلاف جنيه .. ده اسمه ايه في شرع ربنا ؟؟؟ ليه كده يا جدعان ؟؟ دي المصانع دي كلها ولا اخترعنا فيها حاجة ولا طورنا فيها حاجة دي كلها زبالة مصنع بريتا الايطالي .. وفوق كل ده ياريته بيتباع بتمنه .. يا جدعان الطبنجة دي واقفة علي مصر بأجر العمالة بأجر المعدن بكل حاجة ب 200 او 300 جنيه لما تضرب الدم كمان وده كتير عليها !!!!
وبتزعلوا مننا قوي لما نفكر نقلب المسدس الصوت يضرب بلي .. حتي دي كمان قفلتوها علينا
يعني نعمل ايه بالظبط ؟ واحد بلطجي ابن كلب محترف حرب شوارع من يوم ما كان في اللفة وهوا شايل سنجة .. انا واحد مش محترف ولا بتاع سنجة ولا يحزنون اخري اقشر البرتقانة بالسكينة وامصلي عود قصب بعد الغدا .. احاربة ازاي ؟
لا وفوق كل ده اجراءات التراخيص زي الزفت .. فيش وتشبيه . شهادات طبية . شهادة حيازة اراضي ولازم اراضي في حتت مقطوعة ..ههههههههه والله نسيت الباقي كمان
يعني بالصلا علي النبي كده ليلتنا فل
ياريت يا جماعة تتنبهوا للموضوع ده .. اجدع طبنجة في تاريخ امريكا بتتباع ب 1500 دولار ... واحنا في مصر لازم تكون ملياردير عشان تجيب الجلوك وميفرقش معاك طبعا سعرها لان 65 الف دول انا اروح اجيب بيهم شقة اصيف فيها انا وخطيبتي لما ربنا يكرمنا ونتجوز انا شاء الله ..

fikra

11-04-08 06:58 AM