ماهى عيوب البام كل من بها يذكر عيوبها
 

كل من كان يملك البام ٢١ وبعه بس عاوز اعرف عيوبها
بصراحة ان كنت ناوى اشترى الكرال التركى بس مشكلة ان السسته بنكسر وواحد قال ان القميص بتعها ضعيف مع سستتها الشديدة وبرضة بسمع انها بتزيق لما بتيجى تعمرها انا بختصار عاوز بندقيه هاى باور بسعر فى المتناول وتكون معمرة
الكرال سعرها مناسب ليه ولكن من كلام الاعضاء انها غير معمرة
البام سعرها غالى عليه بس ممكن اجبها ولكنى لا اعرف عيوبها فذكروا عيوبها جزاكم الله خير

رد: ماهى عيوب البام كل من بها يذكر عيوبها
 

فى ناس بتشترى الكرال واول حاجه تعملها تغير السوسته بسوسته جامو وتزيتها و بدده تكون تمام باذن الله
وللاعضاء المحترمين تعديل الخطا فى مشاركتى ان وجد ٠٠٠٠٠٠٠

رد: ماهى عيوب البام كل من بها يذكر عيوبها
 

منين اشترى السوسته واين اغيرها ؟؟؟؟؟؟؟؟؟؟؟

رد: ماهى عيوب البام كل من بها يذكر عيوبها
 

رد: ماهى عيوب البام كل من بها يذكر عيوبها
 

أستاذ ابوشوشة
أكتر واحد ممكن يفيد حضرتك فى الموضوع ده أستاذنا الكبير الأستاذ جمال Consul لأن عنده بندقية بام 21 . وأعتقد المشكلة االمعروفة بالنسبة للبام عدم ثبات النيشان الخلفى ودى لها حل بتغيير مسامير النيشان. والمشكلة التانية وزنها حوالى 4.5 كيلو وديه مالهاش حل.
تحياتى

رد: ماهى عيوب البام كل من بها يذكر عيوبها
 

بارك الله فيك أخي الحبيب الأستاذ عادل...حمدا لله على السلامة...غايب ليه عنا وحارمنا من مواضيعك الجميلة ومداخلاتك القيمة...أنت أستاذنا ولا أجد ما أضيفه من بعدك...بالنسبة للبام 21 وكما قال أخي الحبيب الأستاذ عادل ضعف مسامير الناشينكان الخلفي مع رد الفعل الشديد للبندقيه تجعله غير ثابت وتم علاج ذلك بإستبدالهما بمسامير صلب سن خشن وأصبحت ثابتة...المشكلة الثانية مع حمل البندقية لوقت طويل تشعر فعلا بثقل البندقية ( 4.7 كجم ) أنا أقول هذا لأني عجوز وأنتم ما شاء الله شباب ربنا يحفظكم...بالمداومة والتدريب والإستعمال بتتعود عليها...بالنسبة للكرال...بسم الله ما شاء الله أنا عندي بندقيتين ( الفايبر البني بلون الخشب خامتها أحسن وتقفيلها أنظف ) ولله الحمد لم أغير لهما سوستة وشغالين زي الفل...بس أول ما إشتريتهم فكيتهم ونظفتهم من الداخل وشحمتهم وزييت أماكن الإحتكاك المعدن بطبقة خفيفة ومسحتها ( لم أتركها غرقانة في الزيت...والشربات زي لقمة القاضي ) نشفتها ومسحتها ومافيش ولا أصوات ولا حسب الله مثلما يحلو للبعض التشبيه...البندقيتين حلوين ( الكرال والبام ) وعمليين وأسعارهم في المتناول...لا تحير نفسك...وأي بندقية ممكن تكسر سوستة...هذا وارد...وأول مرة أسمع أن قميص الكرال ضعيف...طبعا كلام غير صحيح...خالص تحياتي...

رد: ماهى عيوب البام كل من بها يذكر عيوبها
 

السلام عليكم و رحمة الله و بركاته
استاذ جمال القنصل
طبعا انا ليا الشرف ان بكلم صياد كبير زيك و في خبرتك و بصراحه انا كنت ناوي اشتري الكرال
بس فيه ناس كتييييييييييييييييير قوي مايدتنيش فيها بسبب انها صناعه تركي و تقفيلها مش كويس و طبعا العيب الخطير فيها ان السوسته بتنكسر و ان الناشينكان مش ثابت يعني كل شويه بتعوز تظبطه. بس بصراحه كلامك هايخليني ارجع تاني و افكر فيها

رد: ماهى عيوب البام كل من بها يذكر عيوبها
 

الله واكبر كلام جميل وخلتنى والله احب الكرال وعاوز اشتريها بس لو ملقتش غير الفيبر السود اعمل اية اجيبو بردو بس والله انت بجد ممتاز يا استاذ جمال يا كبير وهية الكرال دقيقة وبتصيب من بعد ولا مرة تصيب ومرة تخيب

رد: ماهى عيوب البام كل من بها يذكر عيوبها
 

أرجوك ومن فضلك أخي الحبيب إبعد عن السوداء...خليك في الفايبر البني بلون الخشب...إختلاف كبير بين الإثنين...وللعم كل إللي إشتكوا وعانوا من مشاكلها هي الفايبر السوداء...البني بلون الخشب حاصلة على الأيزو 9001 ( iso 9001 )...البندقية نيشاناتها فوسفورية دقيقة وسريعة التجميع...طبعا يفضل إستخدام نوع رش جيد وثقيل مثل الجامو بروماجنوم...وللمسافات الأبعد رش أخف مثل الجامو ماتش وفي هذه الحالة يستحسن إستخدام تيليسكوب...لكن أرجع أكرر وأنبه وأحذر البندقية لا تصلح لمبتدئ يريد أن يتعلم مبادئ الرماية...ممكن تيجي في مرحلة لاحقة بعد التدريب وإكتساب المهارات في الرماية والصيد على بندقية متوسطة القوة...اللهم بلغت...اللهم فاشهد...وبالتوفيق للجميع...خالص تحياتي...

رد: ماهى عيوب البام كل من بها يذكر عيوبها
 

طب بعد اذن حضرتك استاذنا الكبير الاب الروحى البروفوسير الاستاذ القنصل ايه رائ حضرتك انا دلوقتى عايز اشترى بندقية ومحتار اشترى ايه فحضرتك ياريت تختارلى حاجة طبعا حضرتك اكتر خبرة
اشترى النوريكا ولا الكرال (الفيبر.الخشب) ولا التل المجرى يايت يااستاذنا تفيدنى فى الموضوع ده وياريت لو مفيهاش غلاسة اعرف اسعار كل واحدة والمدى والخامة والحجات دى معلش يااستاذنا ابنك وعايز يستفيد
وشكرا لك سيادة القنصل

رد: ماهى عيوب البام كل من بها يذكر عيوبها
 

بارك الله فيك إبني الغالي...إليك مقارنة إمكانيات وأسعار معظم البنادق المتداولة في مصر...
1- الديانا الألماني 350 ماجنوم عيار 4.5 ( نمرة 1 ) السرعة 1250 ق/ث يعادل 381 م/ث...عيار 5.5 ( نمرة 2 ) 910 ق/ث يعادل 277 م/ث والسعر 6500 جنيه.
2- الديانا الألماني 48 و52 و54 عيار 4.5 ( نمرة 1 ) السرعة 1150 ق/ث يعادل 350 م/ث...عيار 5.5 ( نمرة 2 ) السرعة 850 ق/ث يعادل 260 م/ث والسعر بالترتيب : 5300 جنيه - 5600 جنيه - 6500 جنيه.
3- الـ bsa air sporter mk7 عيار 5.5 ( نمرة 2 ) السرعة 788 ق/ث يعادل 240 م/ث السعر 3500 جنيه.
4- النوريكا مارفيك جولد عيار 4.5 ( نمرة 1 ) السرعة 1000 ق/ث يعادل 305 م/ث...عيار 5.5 ( نمرة 2 ) السرعة 820 ق/ث يعادل 250 م/ث السعر 3400 جنيه.
5- الجامو هانتر 440 عيار 4.5 ( نمرة 1 ) السرعة 1000 ق/ث يعادل 305 م/ث...عيار 5.5 ( نمرة 2 ) السرعة 722 ق/ث يعادل 220 م/ث السعر 2200 جنيه.
6- البام سواء 21 أو 22 عيار 5.5 ( نمرة 2 ) السرعة 950 ق/ث يعادل 290 م/ث السعر 2000- 2200 جنيه.
7- الكرال التركي عيار 4.5 ( نمرة 1 ) السرعة 1000 ق/ث يعادل 305 م/ث...عيار 5.5 ( نمرة 2 ) السرعة 855 ق/ث يعادل 260 م/ث السعر 1100-1200 جنيه...الخلاصة وزي ما بيقولوا من الآخر المناسب والمفيد لك كمبتدئ النوريكا سبورت بندقية أسباني حديثة خاماتها ممتازة وخفيفة الوزن وموزونة في مسكتها وحملها نيشاناتها فوسفورية دقيقة وسريعة التجميع سرعتها في عيار 5.5 ( نمرة 2 ) 160 م/ث سرعة متوسطة ومناسبة لك في التدريب الآن وتنفع أيضا للمستقبل في الصيد...وسعرها في حدود 1300-1400 جنيه...طبعا موجودة عن أخونا الحبيب الأستاذ شريف أبو ضيف ( محلات بوندي أول شبرا )...خالص تحياتي...

رد: ماهى عيوب البام كل من بها يذكر عيوبها
 

شكرا ياسيادة القنصل على الرد الوافى وانا بحمد ربنا اننا معنا شخص مثل سيادتك وربنا يديك الصحة والعافية ويخليك لينا ياسيادة القنصل ويزيدك الله من علمه وربنا انا كنت مطنش ومكسل فى حكاية الصيد دى بس حضرتك شجعتنى وقويت العزيمة فى فانا جديد فى المنتدى ولكنى قديم فى الصيد بس مااجيش حاجة طبعا جنب حضرتك وانا بشكر حضرتك على ردك الوافى وعلى تواجدك معانا حفظك الله
ابنك عمر

رد: ماهى عيوب البام كل من بها يذكر عيوبها
 

ما شاء الله اجابه وافيه كامله ومتكالمه
بأختصار اجابه تتدرس فى مدارس السلاح ربنا يخليك لينا ومفيش اى اضافه نقدر نضيفها بعد حضرتك

رد: ماهى عيوب البام كل من بها يذكر عيوبها
 

ده سيادة القنصل يعنى اجاباته كلها مراجع ودروس تدرس فى المدارس بجد احنا ربنا بيحبنا علشان موجود بينا شخص محترم وشخصية محبوبة مثل سيادة القنصل

رد: ماهى عيوب البام كل من بها يذكر عيوبها
 

شكرا جناب الاب الروحى_ولكن التل المجرى_يا جناب القنصل ممكن الواحد يضرب بيها بط وفراخ غيط والا تبقى ضعيفة والبام احسن ؟

رد: ماهى عيوب البام كل من بها يذكر عيوبها
 

ماشاء الله سيادة القنصل كتبلك مرجع وافى فى المواصفات والأسعار...والباقى عليك بقى يا بطل تشوف ايه المناسب ليك..تحياتى

رد: ماهى عيوب البام كل من بها يذكر عيوبها
 

[quote=ابو مروان;100092]شكرا جناب الاب الروحى_ولكن التل المجرى_يا جناب القنصل ممكن الواحد يضرب بيها بط وفراخ غيط والا تبقى ضعيفة والبام احسن ؟[/quote

بارك الله فيك أخي الحبيب...التل العادية ضعيفة ولا تتعدي سرعتها 140 م/ث ولن تسعفك أو تساعدك في البط وفراخ الغيط...ولكنها من البنادق الدقيقة والمعمرة وقليلة الأعطال والمحببة للكثيرين...خصوصا قدامي الصيادين...طبعا التل ريليوم تورنادو هي الأحدث والأقوى وتصل سرعتها لـ 190-200 م/ث طبعا تعطي نتائج أفضل ولكن في المجمل والعموم تعتبر من البنادق القديمة وكل من يقتنيها غاويها ويطلبها بالإسم لإرتباطه بها عاطفيا ولراحته النفسيه...هناك ماركات بنادق كثيرة وحديثة أقوى وأدق وتعطيك إمكانيات أكثر...وبمقارنتها بالبام سواء 21 أو 22...بالطبع كفة الميزان ترجع جانب البام...لقوتها وإمكانياتها وأنها نسخة من الديانا 52...هذا بالنسبة للطرائد الكبيرة نسبيا وللصيد الخاص من مسافات بعيدة...أما بالنسبة للصيد العادي من مسافات قصيرة ومتوسطة ولطرائد صغيرة نسبيا مثل اليمام والحمام...فأعتقد أن التل وأي بندقية خفيفة ودقيقة ومتوسطة القوة تتفوق على البام...هذا من وجهة نظري وفي إعتقادي الشخصي...وعن تجربة...ونرجع برضو نكرر ونقول الراحة النفسية للصياد عليها عامل هام جدا...خالص تحياتي...