الصيد فى مصر - أصطدت طائر غريب

الصيد فى مصر (http://www.egyhunt.net/index.php)

- صور وفيديو الصيد ورحلاته (http://www.egyhunt.net/forumdisplay.php?f=47)

- - أصطدت طائر غريب (http://www.egyhunt.net/showthread.php?t=6940)

messam

11-04-10 05:58 PM

أصطدت طائر غريب

2 مرفق

السلام عليكم فى الرحلة الأخيرة الى الأستاذ محمد غاوى صيد رفع صورها انا ضربت طائر من على شجرة عالية كنت فاكرة وز عراقى والله بس لما نزل معرفتش دة اية فياريت الأخوة الكرام يفيدونا بمعلومات عن الطير دة مع العلم انة كبير طولة حوالى 80سم ووزنة 2 كيلو وشكرا

gsober

11-04-11 02:04 AM

رد: أصطدت طائر غريب

هو شكله من اللى بيتغذى على الاسماك او القوارض ده باين من شكل بوزه
ورجليه الطويله

messam

11-04-11 10:14 AM

رد: أصطدت طائر غريب

المهم عاوز أعرف اسمة اية وهل بيتاكل ولا لأة

messam

11-04-11 10:24 AM

رد: أصطدت طائر غريب

على فكرة الطائر دة طلع أسمة بلشون اليل أو غراب اليل والمعلومات على الرابط دة وطبعا من الواضح أنة مش بيتاكل

http://www.syadh.com/vb/t56361.html

oteote2010

11-04-11 11:23 AM

رد: أصطدت طائر غريب

شكله غريب اوووووووووووووووووووووووي تقريبا اول مره اوفه

mohamed_salam

11-04-13 10:28 PM

رد: أصطدت طائر غريب

الموضوع مغلق من المستخدم

حازم ابوالنجا

11-04-14 01:11 AM

رد: أصطدت طائر غريب

الطائر يسمى البلشون الليلى .... وياتى مصر من شهر 11 الى شهر 5 ثم يرجع موطنه للتكاثر
غذائه الاساسى السمك ... يصطاد ليلا ويسكن نهارا ... صيده صعب جدا لانه من اكثر الطيور حذرا ويكون غالبا فى جماعات..... المهم ... هذا الطائر ليس من ذوات المخالب كما انه لا يمزق غذائه فبالتالى يحل اكله . لكن لحمه زفر جدا جدا ومحتاج طريقة طبخ وتنظيف معينه .لذلك انصحك الا تصطاده مرة اخرى
ممكن اعرف نوع البندقية اللى كانت معاك ، والرشه جتله فين ، لانه مش بيقع بسهوله

صائد البوم

11-04-14 01:27 AM

رد: أصطدت طائر غريب

ده بنسميه الواق ويسمي الكرك في الخليج والعراق وده حلال وجميل بس تعمله صح وله طريقه معينه اولا بيتسلخ مش بيتريش يعني بتيجي من عند صدره من تحت من النص وتعوره بالسكينه وتمسك بايدك وتشد هتلقيه طلع معاك زي الارانب كده بل اسهل ودي اهم خطوه وبعدين بعد متشيل الجلد بالريش لانه لو ريشته وطاب بالجلد هيكون زفر المهم بعد كده تيجي فاتحه ومنضفه من احشائه كويس وبعدين تديلو غلوه بالميه وترمي الميه وكمان تحطه في ميه بهاشويه ملح بسيطه وياريت لمونه تعصرها يا سلاام ويترك بالميه دي لمده ربع ساعه كده معتش فيه ظفاره خاالص وبعدين طيبه زي متحب وعلي فكره لما يتسلخ بيكون شبه الارنب بالضبط سبحان الله وبالهنا والشفا ومتنساش تدعيلي

messam

11-04-14 10:06 AM

رد: أصطدت طائر غريب

اقتباس:

المشاركة الأصلية كتبت بواسطة حازم ابوالنجا (المشاركة 74400)

البندقية نوريكا جت نمرة 1 والأصابة كانت فى الرأس بعون الله

messam

11-04-14 10:07 AM

رد: أصطدت طائر غريب

اقتباس:

المشاركة الأصلية كتبت بواسطة صائد البوم (المشاركة 74411)

شكرا يا صائد البوم على مشاركتك ومعلوماتك المفيدة

Eng Badran

11-04-15 08:44 PM

رد: أصطدت طائر غريب

يا عم اسلخ وسمى الله وكل انت لسه هتسأل

احمد العوضى

11-04-15 10:36 PM

رد: أصطدت طائر غريب

لا ياكل لانه حرم ولحمه اذرق ورائحته نفاذه

ابو مروان

11-04-15 10:38 PM

رد: أصطدت طائر غريب

اتاكل والا لا يا جماعة؟

mahmoud11144

11-04-18 03:46 PM

رد: أصطدت طائر غريب

عندنا هنا في بلطيم بنسمية عنزة وانا اصطاتة مرة قبل كدة وفعلا ريحة زفرة اوييييييييي وعموما وهو حلال اكلة لانة ليس لة مخالب والف الف الف هنا وشفا ..
وتقبل مروري..

الساعة الآن 08:18 AM