|
رجاء من السادة الاعضاء الاختيار .....
السلام عليكم ورحمة الله وبركاته السادة الاعضاء المحترمين أرجو من حضراتكم بخبراتكم وتجاربكم ومعلوماتكم الجبارة ترشيح احدى البندقيتين لي الأولى كرال التركي وسعرها عند ابو ضيف اليوم فرع المهندسين بمناسبة الافتتاح 1250 جنيه وهي السوداء الفايبر وهي مخفضة من 1450 جنيه والثانية هي نوريكا 73 وسعرها عنده ايضا 1350 جنيه بس مش عارف ليها تخفيض ولا لا وانا سمعت وقرأت عن البندقيتين ما بين مؤيد ومعارض مما ادى الي زيادة حيرتي فأرجو منكم بارك الله فيكم الافادة عشان آخذ قرار اليوم او غدا إن شاء الله وإن كان لأحد ترشيح بندقية أخرى في نفس السعر وتكون نمرة 2 لا يبخل عليّ بالنصيحة وجزاكم الله خيرا جميعا |
رد: رجاء من السادة الاعضاء الاختيار .....
والله يا أخ أبويوسف أنا حاليا بسال نفسى نفس السؤال , ولكنى اجد نفسى أميل قليلا ناحية النوريكا وذلك بسبب انها صناعة اسبانى , متجربة ومحدش قال عليها اى تعليق سلبى ولا عملت مشاكل مع حد
أنا ان شاء الله هانزل اشترى ومتشكر ان حضرتك عرفتنى ان النوريكا موجودة عند شريف بالمناسبة , هى نمرة واحد ولا 2 ؟؟؟ |
رد: رجاء من السادة الاعضاء الاختيار .....
بالنسبة لتعليقات من اقتنى الكرال في باقي المواضيع مشجعة لشرائها ولكن انا منتظر التعليقات الخاصة بالمقارنة
وبالنسبة ان النوريكا اللي سألت عليها كانت نمرة 2 شرفني مرور حضرتك يا دكتور |
رد: رجاء من السادة الاعضاء الاختيار .....
طبعا النوريكا بما انها اسبانى اعتقد احسن بكتير جدا
|
رد: رجاء من السادة الاعضاء الاختيار .....
+++ 1 1 1
طبعا بدون اى تردد النوريكا افضل . الدقه و الصناعة و جوده الخامات و الاسم اهم من القوه فقط. - الكرال مشاكلها بالجمله - اى نعم لها حلول - لكنى مش جايب بندقيه جديده استمتع بها و كل شويه اوجع دماغى بكيفيه اصلاح و تلافى عيوبها مره السوسته تكسر / النشنكانات الخلفيه لا تثبت / المسامير الدبشك الاماميه بتفك . . . . . !! طبعا دى وجهه نظرى الخاصه. تقبل تحياتى . . . |
رد: رجاء من السادة الاعضاء الاختيار .....
اقتباس:
|
رد: رجاء من السادة الاعضاء الاختيار .....
جزاكم الله خيرا يا جماعة على الاهتمام
وبكدة حصل اجماع على النوريكا ... ولكن حد له رأي آخر |
رد: رجاء من السادة الاعضاء الاختيار .....
اقتباس:
لو حضرتك مقتنع بالكرال ، يبقى خلاص حضرتك حر طبعا - بس مش حتجد احد يقولك الكرال افضل من النوريكا حتى اصحاب الكرال الافاضل نفسهم . تحياتى . . . |
رد: رجاء من السادة الاعضاء الاختيار .....
اخي العزيز استاذ ابو يوسف
طبعا مع احترامي لرأي جميع الاعضاء انا لن اقترح عليك بندقية معينه ولكني سوف اعطيك معلومات تفيدك في اختيارك لا يوجد بندقية خالة من العيوب حتي البنادق الديانا الالماني تحوي علي بعض العيوب ولكنها اقل بالطبع من غيرها. لا يوجد بندقية لا يحدث بها اعطال او لا تحتاج الي صيانة والامر يتوقف علي استعمالك وصيانتك الدائمة لها فانا رأيت بندقية بي أس الناشينكان الخلفي فيها مكسور وغير موجود في المحلات مع انها بي أس صناعة انجليزي. الان سوف اخبرك بمميزات وعيوب كل بندقية: النوريكا 73 مميزاتها انها صناعة اسباني وطبعا هذا يعني جودة الخامات والدقة في التجميع عيوبها انها بندقية ضعيفة ليست هاي بور وهي أيضا قديمة الصنع مما يعني انك سوف تحتاج الي تغيير الجلبة الخاصة بها في الغالب لانها ستكون جافة من طول مدة ركنها. الكرال مميزاتها انها بندقية قوية هاي بور نيشانها فسفوري سريع التجميع خامتها جيدة ايضا. عيبها هو انكسار السوستة بعد فترة وستحتاج الي تغييرها وهو امر في منتهي السهولة ممكن تعمله بنفسك وممكن توديها ورشه(افضل تعملها بنفسك عشان تتعلم فك وتركيب البندقية لأنك لازم تفك بندقيتك كل فتره عشان تشحمها من الداخل وده في أي بندقية) وتقبل احترامي |
رد: رجاء من السادة الاعضاء الاختيار .....
سيدي الفاضل ... لقد أوضح سيادة الأستاذ / msa_79 كافة العيوب و المميزات بالنسبة للمقارنة ببين هاتيت البندقتين بالتحديد .. و لكنني سأضيف علي كلامة بعض الأشياء للتوضيح ... و لك الأختيار في النهاية.
مسألة أختيار بندقية تتوقف علي أشياء كثيرة ... و أهمها علي الأطلاق الجانب المادي أو المقدرة المادية و الذي يحدد ماركة البندقية و بلد الصنع .. ثم نوع الطريدة ( أي ماذا ستصطاد ببندقيتك ) و الذي يحدد عيار البندقية سواء كانت نمرة 1 أو 2 أو 3 . لو كانت المقارنة بين نوريكا جيت أو مارفيك نمرة 2 و كرال ماجنوم نمرة 2 ... لأخترت لك النوريكا بالطبع ... حيث انهم جميعا هاي بور 250 م /ث لنمرة 2 تقريبا .. بالإضافة لجودة الصنع الأسبانية و الدقة. و لكن بمقارنة كرال مع نوريكا 73 ... أعتقد أنني أرشح الكرال لأنها هاي بور ... و بالنسبة للدقة فلا مانع من تركيب تليسكوب 3:7 *20 ... فهو سيفي بالغرض تماما. و بهذا ستكون قد جمعت بين القوة و الدقة في أن واحد .. تقبل مروري. |
رد: رجاء من السادة الاعضاء الاختيار .....
اقتباس:
وشرفني مرورك |
رد: رجاء من السادة الاعضاء الاختيار .....
اقتباس:
وانت عارف ثقافة معظم الشعب المصري عايز يجمع بين كل المواصفات والاوبشن وبسعر قليل عشان كده انتشرت السلع الصيني في مصر وخاصة السيارات |
رد: رجاء من السادة الاعضاء الاختيار .....
دا كمان يا جماعة انا اول مرة هاشتري بندقية وامسك بندقية رش واتعلم النيشان واصطاد والكلام ده
مع اني ضربت ببندقية خرطوش قبل كده عندنا في البلد في الافراح :) |
رد: رجاء من السادة الاعضاء الاختيار .....
اقتباس:
- لانك مبتدأ و دى اول بندقيه لك ، لو ميال للكرال يبقى لازم تكون على علم بكل ما ذكره الاخوه من سلبيات و اعطال و مستعد و متقبل لمعالجتها و ده محتاج وقت و مصاريف اضافيه على المده الطويل . - ايضا لو السعر عامل هام لك -القى نظره على الصينى البام 21 هاى باور - تقليد للديانا - اغلى شويه من الكرال - لكنها عيوبها اقل من الكرال . . بالتوفيق لك و تحياتى . . . |
رد: رجاء من السادة الاعضاء الاختيار .....
استاذ Batman جزاك الله خيرا على الاهتمام والافادة
هو الامر محير جدا بس انا استخرت الله عز وجل وشرعت في اقتناء الكرال كتجربة وهي مش هاتبقى اخر مرة يعني اشتري الايام جاية إن شاء الله ... بس اهم حاجة يبقى في يمام وحمام وكل البروتين |
رد: رجاء من السادة الاعضاء الاختيار .....
شكر وتقدير لكل الاعضاء اللذين اهتموا بالموضوع وقدموا ما عندهم من نصائح ومعلومات
وفعلا انا سعيد جدا بأنضمامي للمنتدى والتعرف على الاعضاء المحترمين مثلكم حقيقي جزاكم الله خيرا واذّكركم بحديث النبي صلى الله عليه وسلم الذي رواه الامام مسلم عن ابي هريرة رضي الله عنه ( ......... والله في عون العبد ما كان العبد في عون أخيه .............) |
رد: رجاء من السادة الاعضاء الاختيار .....
لا يمكنك مقارنة بندقية هاي بور ببندقية ضعيفة... مقارنة ليست عادلة، وأنا رأيي إن النوركيا أفضل.
|
رد: رجاء من السادة الاعضاء الاختيار .....
اقتباس:
|
رد: رجاء من السادة الاعضاء الاختيار .....
أخي الحبيب أبو يوسف...بارك الله فيك وفي الأخوة الأعزاء الأحباء جميعا...ومع تقديري وإحترامي لآرائكم وتعليقاتكم جميعا...فإسمحوا لي أن أرشح لأخي الحبيب نوريكا سبورت...بما أنه مبتدئ ويريد أن يتعلم ويتدرب ويتقن ويكتسب مهارات في الرماية والصيد...النوريكا سبورت من ضمن مجموعتي الشخصية والمحببة والقريبة من نفسي جدا...بندقية رشيقة وخفيفة ( 2.7 كجم ) حجمها جميل ومتوازنة في مسكتها ونيشاناتها فوسفورية دقيقة وسريعة التجميع وخامتها ممتازة وشكلها جميل وسرعتها في عيار 5.5 ( نمرة 2 ) 160 م/ث سرعة ممتازة للصيد على مسافات 20-30 متر وممكن أكثر حسب مهارتك ( عملية جدا ) وأغلب الصيادين لا يزيدون على هذه المسافات وتستمر وتعمر معك وتظل تستعملها ولا تستغني عنها حتي مع البنادق الهاي باور...كانت تباع لدي ميشيل عازر قبل الأحداث الأخيرة بـ 1250 جنيه وممكن تفاصل فيها وتأخذ علبة رش جامو ماتش هدية كمان...بصراحة أفضلها لك عن النوريكا 73...والكرال لا أنصحك بها في الوقت الحالي للتدريب لأنها تريد معاملة خاصة ودرجة مهارة معينة ولا تصلح لمبتدئ...أرجو أن أكون قد أفدتك برأيي...وأنت صاحب القرار...خالص تحياتي...
|
رد: رجاء من السادة الاعضاء الاختيار .....
اقتباس:
بس انا عايز اعرف سعرها ايه عشان اشوف لو كانت في متناول اليد أم لا |
رد: رجاء من السادة الاعضاء الاختيار .....
مع احترامي لاراء الجميع ولكني ارشحلك النوريكا من حيث الدقة ومتانة الخامات وجودة الصناعة والنوريكا طبعا غنية عن التعريف
وتقبل مروري... |
رد: رجاء من السادة الاعضاء الاختيار .....
موضوع محير فعلا
|
رد: رجاء من السادة الاعضاء الاختيار .....
الكرال الكسر + سوسته جامو أصلى + تليسكوب (صغير الحجم للثبات مثل 3*7-20 ) مع تثبيت مسامير الدبشك = بندقية قوية خفيفة الوزن ودقيقة للغاية لو قلنا التكلفة لكل ده 1500 جنيه
دي وصفة الأستاذ عادل السحرية |
رد: رجاء من السادة الاعضاء الاختيار .....
عرض جميل و معقول لنوريكا 73 - نمره 2 - سرعه 180 م/ث : http://www.egypthunt.net/showthread....3986#post73986 |
رد: رجاء من السادة الاعضاء الاختيار .....
اقتباس:
|
رد: رجاء من السادة الاعضاء الاختيار .....
جزاكم الله خيرا جميعا على المساعدة وقد منّ الله عليا وبعد الاستخارة واشتريت الكرال خلاص شكلها وقوتها اغرتني فتوكلت على الله واشتريت فشكر وتقدير لكل من شارك في هذا الموضوع |
| الساعة الآن 06:58 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir