الصيد فى مصر - مطلوب نصيحه

الصيد فى مصر (http://www.egyhunt.net/index.php)

- ادوات الصيد الثقيله (http://www.egyhunt.net/forumdisplay.php?f=66)

- - مطلوب نصيحه (http://www.egyhunt.net/showthread.php?t=7126)

shoor80

11-04-14 05:30 PM

مطلوب نصيحه

الي جميع الخبراء في المنتدي
ما هو افضل سلاح لمقاومه البلتجيه
وماهو سعره

tarekvb

11-04-14 11:05 PM

رد: مطلوب نصيحه

مفيششششششششششششششششششششش انسسسسسى

بدر	11-04-14 11:10 PM

رد: مطلوب نصيحه

الاخ الفاضل
فالله خير حافظ وهو ارحم الراحمين
تحياتى

tarek8003

11-04-14 11:11 PM

رد: مطلوب نصيحه

يتوقف السلاح على إمكانيات مستخدمه, يعنى هتعرف تستخدم سلاح أبيض, أحسن من البلطجى ولا لأ, طيب لو معاك سلاح نارى يمكن الحرامى يبقى معاه بندقية آلى, من الآخر شوف إمكانياتك وقدرتك على إستخدام الأسلحة المتوفرة لديك حتى لو شومة, وربنا يتسر طريقك.

braveheart

11-04-14 11:38 PM

رد: مطلوب نصيحه

بندقية رش هاي بور ... و مولوتوف .. لو موجود بسكنك.
أما لو في الشارع .. يبقي ربنا معاك.

osha966

11-04-15 01:38 AM

رد: مطلوب نصيحه

لو فى الشارع يبقى ما فيش غير السلاح النارى - بس لازم تكون بتعرف تستخدمه بمهارة وطبعا لابد من الترخيص

shoor80

11-04-15 02:18 AM

رد: مطلوب نصيحه

شكرا لكم جميعا بس يا ريت نخلص بقي من الضروف دي

adel152

11-04-15 04:00 PM

رد: مطلوب نصيحه

اقتباس:

المشاركة الأصلية كتبت بواسطة shoor80 (المشاركة 74731)

الي جميع الخبراء في المنتدي
ما هو افضل سلاح لمقاومه البلتجيه
وماهو سعره

أعتقد أحسن سلاح لمقاومة البلطجية هو مساعدة الشرطة فى الرجوع الى الشارع بثقة مرة أخرى.

anaboora

11-04-15 08:54 PM

رد: مطلوب نصيحه

والله انا جبت مسدس صوت و طلق ببلى بس مش عارف ده هيكون فعال ولا لا بس احسن ماقف عريان قدام البلطجيه .. على الاقل اموت و انا باقاوم

m.e	11-04-15 09:03 PM

رد: مطلوب نصيحه

معلش يا جماعه حد يقولى علشان يظهر انى عايش فى بلد تانيه هو لسه فى بلطجيه بالصوره اللى تخلى لسه الناس تدور على اى سلاح لانى كنت فاكر ان الفيلم الهابط ده خلص يعنى والقصه هديت اويمكن البلطجيه اللى عندنا محترمين شويه عكس البلطجيه اللى فى حتت تانيه يا ريت حد يفهمنى

anaboora

11-04-15 09:09 PM

رد: مطلوب نصيحه

هو طبعا الموضوع قل كتير بس انت مقريتش جرايد اليومين الى فاتو و البلطجيه الى قبضوا عليهم فى اسكندريه و فى التجمع الخامس..

m.e	11-04-15 09:18 PM

رد: مطلوب نصيحه

معاك حق بس لو بصينا على الجرايد قبل الثورة هتلاقى النوعيه دى من الجرائم كانت موجودة يعنى الوضع مش متازم قوى للدرجة دى انى ادور على اى سلاح كده الموضوع بقى اوفر دى حاجه تانى حاجه السلاح ده دلوقتى هقدر اشيله وانا فى الشارع حيث يتواجد البلطجيه طبعا لا لان فى شرطه دلوقتى وممكن اتفتش وساعتها انا اللى هبقى بلطجى وانتا عارف الجيش بيعمل ايه سلومه الاقرع مبيعرفش اخوه طب البلطجى هيطلعلى البيت اعتقد ان ده صعب ان مكنش شبه مستحيل وشومه تؤدى الغرض يبقى ليه نعمل افلام على الفاضى
ده رائى ممكن انا اكون مقدر الموضوع غلط بس انا شايف كده

Ahmed914

11-04-15 09:32 PM

رد: مطلوب نصيحه

اقتباس:

المشاركة الأصلية كتبت بواسطة m.e (المشاركة 75377)

حلوة حكاية سلومة الأقرع ما يعرفش أخوه !!!!! , على فكرة , كفاية وجود مسدس صوت لأن نسبة الحرامية والبلطجية بحوالى 97% بيخافوا من مجرد صوت الطلقات , وأظن أن حالة 3% من البلطجية والحرامية واللى بيكونوا مسلحين بأسلحة نارية , نسبة أقل من اللى ممكن تسبب قلق , والموضوع اليومين دول هدى شوية والحمد لله .

zmbugany

11-04-15 11:53 PM

رد: مطلوب نصيحه

انا كنت بستخدم السلاح الرسمى للصعايدة الشومة

أميجو

11-04-16 12:10 AM

رد: مطلوب نصيحه

أنصحك بإستخدام السلاح الرسمى لأخواننا الصعايده أحباب الله وهو الشومة وهو سلاح فعال وقوى وخطير الضربة منها على راس أى أحد وعلى المستشفى على طول .
هى رفيقتى فى الايام السابقة ولم تخذلنى قط فقط صوبها إلى الرأس وأتبعها بعددة ضربات على الارجل مع كام واحدة على الضلوع وسوف ترى إستغاثات البلطجى فى الحال .
بس عليك وعلى شارع الازهر أو شارع كلوت بك بجوار شارع الفجالة وسوف تجدها هناك فإختار زات الرأس البنى الكبير و سوف تعرف بنفسك مدى أهمية ذلك السلاح .
وعلى الاصل دور .............. يكفى أنها سلاح الحرافيش فى ثلاثية كاتبنا الراحل الرائع نجيب محفوظ رحمة الله عليه .

shoor80

11-04-16 01:25 AM

رد: مطلوب نصيحه

طبعا لسه في بلتجيه انا واحد صحبي تم تثبيته من 4 ايام ومضوه علي مبايعه لعربيته علي الطريق الشرقيه الصحراوي

osha966

11-04-16 01:45 AM

رد: مطلوب نصيحه

البلطجية موجودين وكانو وسوف يتواجدون فى كل زمان ومكان ولكن نشاطهم بيقل لما تكون هناك شرطة شريفة ولا تخشى فى الحق لومة لائم

الساعة الآن 02:48 AM