عيب فى تصميم البوشنيل 50 -3:9
 

زى ما قولتيلكم انى اشتريت البوشنيل 50-3:9 من أ. مينا والسكوب زيرو وفيه زوم من 3مرات إلى 9 مرات و tune و إضاءة أحمر وأخضر للشعار 5 درجات لكل لون والسكوب رائع. ولكن... وأه من لكن اللى صمم السكوب ده يستحق شهادة متخلف مع مرتبة الشرف ليه؟ حجم العدسة الأمامية مع إرتفاع قاعدتى التثبيت الصغير يجعل العدسة الأمامية بتلامس وترتكز على البندقية مما يرفع بوز الاسكوب عن مؤخرته. وده بيعمل إيه ؟ بيخلى الضرب دائما أسفل الهدف والرجلاش ولا بيعمل حاجة فى الحكاية دى. كان المفروض ان قواعد التثبيت تكون أعلى 2 ميللى علشان ترفع العدسة لكن نقول إيه؟ المهم الحل هو وضع حشو تحت السكوب فوق القوس السفلى لقاعدتى التثبيت . الحشو المفروض يبقى معدن علشان مش يهبط بعد كده. النصيحة: متشتريش 50-3-9 واشترى 40-3-9. وشكرا

رد: عيب فى تصميم البوشنيل 50 -3:9
 

جزاك الله كل خير و شكرا على المعلومة الغالية

رد: عيب فى تصميم البوشنيل 50 -3:9
 

رد: عيب فى تصميم البوشنيل 50 -3:9
 

يا ريت حد من الاخوه الافاضل يعمل موضوع كامل و بالبلدي كده يفصص كل حاجه عن التلسكوبات

الانواع ..الارقام زي مثلا 3.9.50

المميزات .. العيوب الشائعه عند تركيبها علي البندقيه ؟ في بنادق مينفعش يركب عليها سكوب ؟

و اي تفاصيل اخري

شكرا مقدما

رد: عيب فى تصميم البوشنيل 50 -3:9
 

لأ طبعا العيب فى التليسكوب لأن قواعده بتيجى معاه أما القاعدة الثابتة فميزتها عدم تحرك التليسكوب نتيجة الارتداد العنيف للبنادق المفرطة القوة انما أعتقد الارتفاع واحد

الأنواع اللى فى مصر تقليد: بوشنيل وتاسكو وجامو
أما الأرقام فأكبر رقم ده بيبين حجم العدسة الأمامية وكل ما كبر كل ما كان أحسن إلا فى حالتنا دى علشان مأثر على التثبيت، و أصغر رقم هو أصغر قيمة تكبير يعنى فى حالتنا بيكبر 3 مرات ولو فيه رقم تالت زى حالتنا برده فده معناه ان التكبير متغير يعنى زوم متغير من 3 مرات إلى 9 مرات.

رد: عيب فى تصميم البوشنيل 50 -3:9
 

رد: عيب فى تصميم البوشنيل 50 -3:9
 

بارك الله فيك أخي الحبيب الأستاذ ساسكون...العيب ليس في التيليسكوب...أنا مركبه على البام 21 نفس إللي معاك بوشنيل مقاس 3-9*50 لآنه يوجد عليها مسطرة أو قاعدة أعلى لتثبيت التيليسكوب...وبالتالي راكب عليها بنفس القواعد إللي جاية معاه وبأركب عليه الفلتر حامي العدسات وأشيله بدون مشاكل...وكذلك الديانا 350 ماجنوم عليها تيليسكوب konus مقاس 3-12*40...ومركب على الـ bsa تيليسكوب bsa مقاس 3-9*32 وأيضا بالقواعد إللي جايه معاه وبالفلتر بدون مشاكل...وكذلك الكرال مركب تيليسكوب مقاس 3-9*40...الفكرة إنك قبل ما تجيب التيليسكوب تعرف مقاساته وتحدد إيه إللي يصلح للبندقية...وعموما ليها حل ومافيش مشكلة بإذن الله...إشتري قاعدة قطعة واحدة طويلة وعالية...أعتقد موجودة عند أخونا العزيز الأستاذ هشام سمير ( تقريبا في حدود 150 جنيه أو أكثر قليلا )...طبعا موجودة عند فتح الله وأشرف عازر والسجلابي...بس غالية...خالص تحياتي...

[CENTER]http://img850.imageshack.us/img850/9273/photo0195h.jpg

http://img707.imageshack.us/img707/6510/photo0199b.jpg

http://img35.imageshack.us/img35/8917/dsc00010hx.jpg

رد: عيب فى تصميم البوشنيل 50 -3:9
 

رد: عيب فى تصميم البوشنيل 50 -3:9
 

ألف شكر لتشريفك الموضوع سيادة القنصل. أنا بعد لف وبحث فى الشبكة العنكبوتية لقيت ان كل مقاس للعدسة فى مقاس من الرنجات او القواعد الثابتة كالتالى:
إلى 40 مم رنجات أو قاعدة واحدة مقاس low
من 40مم الى 50مم رنجات أو قاعدة ثابتة مقاس Meduim
فوق 50مم وحتى 56 مم رنجات أو قاعدة ثابتة مقاس high
فوق 56مم رنجات أو قاعدة ثابتة مقاس extra high
وبيفرق المقاس فى الارتفاع والزور قطر الرنجات

طبعا المفروض الشركة الى بتصنع تليسكوب عدسته مقاس 50مم تبعت معاه رنجات مقاس medium مش مقاس low زى كل التليسكوبات الموجودة فى مصر

كمان حتى القاعدة لو مجاتش مقاس medium للعدسة 50 مم حتبقى هيا هيا زى الرنجات مفيش فرق وده حصل مع زميل هنا معاه كرال وحطلها العدسة 50 مم على قاعدة ثابتة جايبها من أخونا الفاضل أ. هشام وبرده اضطر انه يجيب حشو ويحطه تحت انبوبة التليسكوب علشان يعليها من الأمام. وشكرا لحضرتك مرة تانية.