الصيد فى مصر - تحذير من بنادق فتح الله

الصيد فى مصر (http://www.egyhunt.net/index.php)

- بنادق ضغط الهواء ومتعلقاتها (http://www.egyhunt.net/forumdisplay.php?f=51)

- - تحذير من بنادق فتح الله (http://www.egyhunt.net/showthread.php?t=7216)

أبو شوشة

11-04-16 06:26 PM

تحذير من بنادق فتح الله

السلام عليكم
اشتريت من فتح الله بندقية بام ٢١ اكتشفت ان الجلبة الصغيرة الى بتحكم الهواء ضعيفة ولما بتضرب بيها بتتفرول وتتاكل ﻭﻫﺬﻩ ﺻﻮﺭﺓ ﻟﺠﺰﺉ ﻣﻨﻬﺎ img834.imageshack.us/ img834/6854/12042011060.jpg وغيرت البندقية من عنده ونفس المشكلة وانا حفيت على الجلبة دى ومش لاقيها
لو حد عنه الجلبه دى ويبعهالى بدون مبالغة فى السعر يبقى جزاه الله خير
وانا الان بفكر اهجر هواية الصيد دى بسبب الاحتكار وتخزين البضائع والمعاملة السيئة
الاحتكار محرم ، ﻭﺩﻝ ﻋﻠﻰ ﺗﺤﺮﻳﻤﻪ ﻣﺎ ﺭﻭﺍﻩ ﻣﺴﻠﻢ ﻓﻲ ﺻﺤﻴﺤﻪ ﻋﻦ ﻣﻌﻤﺮ ﺑﻦ ﻋﺒﺪ ﺍﻟﻠﻪ ﺭﺿﻲ ﺍﻟﻠﻪ ﻋﻨﻪ ﻗﺎﻝ: ﻗﺎﻝ ﺭﺳﻮﻝ ﺍﻟﻠﻪ ﺻﻠﻰ ﺍﻟﻠﻪ ﻋﻠﻴﻪ ﻭﺳﻠﻢ) :ﻻ ﻳﺤﺘﻜﺮ ﺇﻻ ﺧﺎﻃﺊ. ( ﻗﺎﻝ ﺍﻟﻨﻮﻭﻱ ﺭﺣﻤﻪ ﺍﻟﻠﻪ ﺗﻌﺎﻟﻰ: ﻗﺎﻝ ﺃﻫﻞ ﺍﻟﻠﻐﺔ ﺍﻟﺨﺎﻃﺊ ﻫﻮ ﺍﻟﻌﺎﺻﻲ ﺍﻵﺛﻢ ﻭﻫﺬﺍ ﺍﻟﺤﺪﻳﺚ ﺻﺮﻳﺢ ﻓﻲ ﺗﺤﺮﻳﻢ ﺍﻻﺣﺘﻜﺎﺭ

mahmoudalaa

11-04-16 06:46 PM

رد: تحذير من بنادق فتح الله

روح حضرتك لاي حد بتاع قطع غيار سيارات و اوصفهالو هيا اسمها اورنج هو عارفها وخد معاك البندقية علشان المقاس هي في حدود 1,5 جنية

waleedrahmy

11-04-16 07:03 PM

رد: تحذير من بنادق فتح الله

ازاي يا ابو شوشة مش لاقي الجلبة انت دورت عند مين ..........وهل لما غيرت البندقية ظهر العيب في البندقية الجديدة برضه حاجة غريبة جدااااااااا .....ودور عند بتوع الاونسيلات والورد والصواميل وبتوع قطع الغيار حتلاقيها باذن الله تعالي

احمد فتحي

11-04-16 07:43 PM

رد: تحذير من بنادق فتح الله

زي ما الا خوه قلولك ممكن تروح عند بتاع قطع غيار السيرات

sayed allaa

11-04-16 07:49 PM

رد: تحذير من بنادق فتح الله

بص انت تفكها و تروح تدور على واحدة زيها زي ما الناس قالولك
و بيتهيألي ان البام اللي في السوق حاليا كلها كده
نفس الكلام برده كذا واحد صاحبي جبها و شاف نفس المشكلة
عشان البندقية بتنزل مفيهاش ولا نقطة شحم مش عارف هية كده من الاول ولا ايه
ولا دي دفعة جديدة فيها المشكلة دي مش عارف الصراحة
و لما بتضرب بيها بتفرتك الجلبة
كذا واحد من اصحابي حصلتلو نفس المشكلة
يلا ربنا معاك

tiesto

11-04-16 08:32 PM

رد: تحذير من بنادق فتح الله

السلام عليكم
بص يا باشا لو انتا من القاهره انزل شارع اسمه شامبليون هوا بين التحرير و رمسيس معلش انا مش عارف الوصفه بالظبط لانى كل ما بنزل هناك بتوه و بسال بس هوا معروف جدا و هتلاقى الناس كلها تدلك عليه هناك ملوك الجلب و الاورسيل و كل حاجه هتروح محل اسمه اويلسيل مصر هوا ده اكبر واحد و الملك بتاع الموضوع ده بدل ما تلف و تدور
هتجيب الاويلسيل اللى يعجبك و هات اكبر و اصغر لان الفروق عندهم ربع مللى و هتلاقى الجلده ولا الولسيل بالكتير بنص جنيه و انزل شوف و لو معرفتش تجيبها او فى اى مشكله انا ممكن اجى معاك و انشاء الله هتتحل و انا تحت امرك فى اى استفسار و الحمد لله انا ليا خبره كويسه فى تصليح البنادق الرش و فوق كل ذى علم عليم و متخليش الناس الوحشه تخليك تسيب هوايه انتا بتستمتع بيها و بتحبها و خليهم يعدو يحتكرو و ياكلو فى بعض فى الاخر هيرجعو زى الك... لمؤاخذه لان احنا الزباين الدايمه و هما مش هيشتغلو منغيرنا

waleedrahmy

11-04-16 09:05 PM

رد: تحذير من بنادق فتح الله

اقتباس:

المشاركة الأصلية كتبت بواسطة tiesto (المشاركة 75873)

الله ينور علي حضرتك انت جبت المفيد وبالضبط وملك الونسيلات والجلب والورد الفيبر فعلا بعد ابوطارق بتاع الكشري الشهير بشارع شمبليون في الشارع ال امامه ال بيؤدي لشارع طلعت حرب

Mohamed Mahmoud

11-04-16 09:21 PM

رد: تحذير من بنادق فتح الله

شارع شامبليون دة امام حلوانى العبد فى شارع طلعت حرب على ناصيتة كشك بيبع جلود و احزامة

tarekvb

11-04-16 09:45 PM

رد: تحذير من بنادق فتح الله

هل انت اشتريت البندقية من المحل اللى فى رمسيس اللى ادام نقابة المحامين ؟ وياترى هل لما بدلت البندقية بدلتها من نفس المحل ؟ لان حسب المعلومات معندوش صيانة وتقريبا بيقول على عنوان اخر فى شبرا يا ريت تقولنا على الموضوع ده بالتفصيل

أبو شوشة

11-04-16 11:16 PM

رد: تحذير من بنادق فتح الله

البندقية من الفرع الى جمب النقابة وغيرتها من نفس الفرع وانا اتصلت بشريف الى فى شبرا قالىةمافيش وناس تانية برضه مافيش المشكلة انا ممعيش جلبه زيها عشان اخد مقسها لان الجزئ الى كان معاية ضاع ياريت اخ teisto
تسيب نمرة تليفونك وانته من القاهرة ولا منين?

mahmoud11144

11-04-17 12:04 AM

رد: تحذير من بنادق فتح الله

بص يا كبير انا هئولك علي فكرة حلوة جدا هتروح عند اي ميكانيكي سيارات وهتقول لة انا عايز استك فنتر جاز بتاع عرابية هيجب ليك استك اسمر مدور هتخدة وتروح تشيل الجلدة الي في البندقية وهتجيب الاستك تئطعة بموس وتئوم مركبة في المان الي طلعت منة الجلدة الاوليوتبدا تلفة في الدائرة بتاعة الماسورة وتضغط علية جاااااااامد حتي يركب في الدائرة ولما يوصل ببعضة تقطعة بالموس بالضبط وانا جربت الفكرة ديت ونفعت في ركذا بندقية ومافيهاش اي تسريبهواء نهائي نهائي جربها وقول ليعلي النتيجة ضروري ضروري ....

mahmoud11144

11-04-17 01:00 AM

رد: تحذير من بنادق فتح الله

جربت فكرة استك فنتر الجاز في عمل جلدة للماسورة وهي فكرة رائعة

darwish

11-04-17 03:02 AM

رد: تحذير من بنادق فتح الله

1 مرفق

ا / محمود 11144
تقصد هذه المحاوله ف ىالبندقيه الكسر
ولكن ا / أبو شوشه يقصد البام بندقيه عتله
القطعه رقم 69 فى الصوره

أبو شوشة

11-04-17 01:39 PM

رد: تحذير من بنادق فتح الله

اى حد يعرف حد عنده الجلبه الاصلية بتاعتها او بتاعت الديانا ٥٢ يقولى على مكانه

YOSSEF EL MASRY

11-06-09 02:23 AM

رد: تحذير من بنادق فتح الله

اخواني الاعزاء
يوجد عند محلات قطع غيار السيارات طقم يسمي ( كوتش ماستر فرامل ) وهو علبة بها مقاسات كتير مختلفة وايضا تختلف مقاسات الطقم حسب ماركة السيارة وهو مصنع من نوع من الكاوتشوك الذي يتحمل الضغط
ارجو ان اكون قد افدتكم

fidodido

11-06-09 05:36 AM

رد: تحذير من بنادق فتح الله

حسبى الله و نعم الوكيل فى فتح الله

hazem1

11-06-09 08:04 AM

رد: تحذير من بنادق فتح الله

اقتباس:

المشاركة الأصلية كتبت بواسطة أبو شوشة (المشاركة 76268)

اى حد يعرف حد عنده الجلبه الاصلية بتاعتها او بتاعت الديانا ٥٢ يقولى على مكانه

شوف الاستاذ شريف ابو ضيف
او محل الصياد المصرى وباذن الله تجدها وان احتجت شىء انا فى الخدمه

ahmadkader

11-06-09 08:21 AM

رد: تحذير من بنادق فتح الله

باشا ، فيه محل فى شارع شمبليون إسمه "أويل سيل مصر" ، عندهم أي مقاس أويل سيل إتخلق على وجه الأرض و أسعارهم حاجة ببلاش كدا

الساعة الآن 10:44 AM