|
كام سؤال بسيط وملقتش الرد عليه فى المواضيع القديمه
انا مبتدئ فى الصيد وبجد نفسى اتعلم واكمل فى الهوايه الرائعه دى ولقيت انكم مش بتبخله على حد باى حاجه وعرفت ان المنتدى ده كل شخصياته محترمه جدأ جدأ
المهم سؤالى هو هل البندقيه الرش بيستعمل لها انابيب غاز او اى ما شبه ذالك ؟ ولا هى البندقيه والرشه وبس ؟ وكمان عايز اعرف اماكن قرب القاهره اقدر اصيد فيها بدون ما حد يتعرضلى ؟ وعايز اعرف ايه هى مواسم الصيد وبعد ما الفريسه تقع اتعامل معاها ازاى بالتفصيل ؟ والف شكر مقدما على اى حد هبفبدنى ويرد عليا بارك الله فيكم:) |
رد: كام سؤال بسيط وملقتش الرد عليه فى المواضيع القديمه
السلام عليكم ... ازيك .. اولا .. اسلحة ضغط الهواء فيها منها كذا نظام .. ( سبرنج ) سوسته .. وهى تعتمد على قوة انضغاط النابض اوالسوسته .. ودى زى البنادق المشهوره فى مصر زى رمسيس ومعادى (المصانع الحربيه) .. وفى منها بنادق كسر زى الرمسيس وبنادق بعتله (ذراع للتعمير اما جانبيه او سفليه ) زى التل المجرى ... والبنادق اللى بتستخدم انابيب الغاز بتبقى ضعيفه نوعا ما وتستخدم لصغار السن لتعلم الرمايه ... النظام الثانى وهو (pcp) وهى بنادق تعتمد على مخزن للهواء سواء كانت بخزنه او بدون ... وتملأ بالمنفاخ او اسطوانة هواء ... وطبعا البنادق دى مش موجوده بس هى جباره ... ونظام النيترو بيستون ... ده النظام الثالث وهو نظام مبتكر فى آخر 10 سنوات وعمل طفره فى اسلحة ضغط الهواء ... وهو خليط من النظامين يعنى بتتعامل مع البندقيه القديمه (الشكل) بتكنولو جيا حديثه من الداخل ... والنظام ده ناجح جدا فى الخارج ... انا طولت فى الكلام عشان افهم حضرتك لكن ممكن نشرحها مع بعض بعدين لكن زى ماقلت حضرتك هى البندقيه والرشه بس (ده اللى عندنا فى مصر ) وان شاء الله بالمتابعه هتعرف اكتر واكتر ... اما بالنسبه للاماكن لو مبتدأ خليك مع النيل والاراضى الزراعيه والاشجار واحذر الاماكن السكنيه لغاية ماتتعلم عشان المشاكل ... ولازم تخرج مع حد يكون اصطاد قبل كده لو عايز تتعلم بسرعه ( انما ممكن طبعا تعلم نفسك بس الصبر ) وعشان الونس كمان ... مواسم الصيد دى لما حضرتك تضرب طيور مهاجره لكن احنا فى مصر ولله الحمد موجود طيور طول السنه ... ومتهيألى حضرتك مش هتضرب الا يمام وحمام ... على الاقل دلوقتى ... نيجى لحكاية لما توقع فريسه .... تعمل فيها ايه ؟؟؟ . بص ياسيدى ... لما توقع يمامه (مثلا) لازم تلحقها بالسكينه اوام (حتى لو ماتت ) بس متنساش قبل ماتضرب تسمى وتكبر ... ولازم تدبح عشان هى ليها ناحيتين ... اول حاجه لازم عشان الشرع والحلال والحرام . تانى حاجه علميه وهى عشان حمض البوليك اللى فى اليمام ... نيجى بقى للذبح . قال رسول الله صلى الله عليه وسلم :" اذا ذبحت فأحسن الذبح " أنه يهتم بأن يسن الذابح شفرته «سكينه» حتى لا يؤلم ذبيحته . وطبعا الكلام مش عايز شرح ... لازم يبقى معاك سكينه حاميه ويفضل تبقى 3 سم عشان انت فاهم التلكيك ... ولو ملقيتش يبقى سكينة مطبخ عاديه بس خليك فى الاحجام الصغيره ... وطريقة الدبح تمسك جسم اليمامه بايدك وتلف الدماغ على صباعك الكبير عشان تبين رقبتها وبعدين تدبح ... ومتشلش الماغ كلها عشان يفضل تدفق الدم ... يارب اكون عرفت افيدك ... وطبعا لو انا غلطان فى حاجه من الكلام ده ابقى سعيد لو حد من اخوانا الصيادين يفهمنا فين الغلط والصح بتاعه ايه ... تحياتى . |
رد: كام سؤال بسيط وملقتش الرد عليه فى المواضيع القديمه
كلام سليم 100 100 واللة يخليك لينا يا اساذنا الكبير وميحرمناش من مواضيعك الرائعة انشاء اللة يا pop mon هتبقي صياد محترف وهتعلمني ههههههههه ..
وبالتوفيق انشاء اللة .. |
رد: كام سؤال بسيط وملقتش الرد عليه فى المواضيع القديمه
الله ينور عليك بجد استاذ
|
رد: كام سؤال بسيط وملقتش الرد عليه فى المواضيع القديمه
اقتباس:
|
رد: كام سؤال بسيط وملقتش الرد عليه فى المواضيع القديمه
اقتباس:
|
رد: كام سؤال بسيط وملقتش الرد عليه فى المواضيع القديمه
شرح وافــــــــــــى جداً و مشكـــور اوى.........تحياتى.
|
رد: كام سؤال بسيط وملقتش الرد عليه فى المواضيع القديمه
وهل لو تم قطع الرقبة بالكامل سيقف تدفق الدم ؟
|
رد: كام سؤال بسيط وملقتش الرد عليه فى المواضيع القديمه
اقتباس:
|
رد: كام سؤال بسيط وملقتش الرد عليه فى المواضيع القديمه
يا باش مهندس ربنا يباركلك ناقص نوصله اليمام لحد البيت انشاء الله هتكون صياد جامد
بس لازم تخرج مع حد قديم (خبرة ) هيوفر عليك كتير |
رد: كام سؤال بسيط وملقتش الرد عليه فى المواضيع القديمه
اقتباس:
عجز لسانى عن الشكر بجد بجد تعبت حضرتك معايا كتير وميرسى جدأ لكل الاعضاء الكرام اللى شرفو موضوعى mahmoud11144 ياباشا العفو انا تلميذك :) وعايز زى ما الاخوه برده سألو اعرف هل لو تم قطع الرقبة بالكامل سيقف تدفق الدم ؟ وايه الوقت المناسب علشان ارجع بالفريسه البيت قبل ما الحراره تخليها تبوظ او تغير ريحتها ؟ وشكرا جزيلا ليكم جميعا وربنا يوفق الجميع |
رد: كام سؤال بسيط وملقتش الرد عليه فى المواضيع القديمه
اقتباس:
الذبح هو قطع الودجين ( الأوعية الدموية على جانبى الرقبة ) وهى مجموعتين من الأوعية الدموية على جانبى الرقبة وإلى الأمام قليلا تحتوى كل مجموعة على : شريان ليوصل الدم من القلب الى الرأس , وريد لإعادة الدم من الرأس إلى القلب, وعاء ليمفاوى يوجد بين هذين الودجين : المرىء (الزور) والقصبة الهوائية وهم يقطعوا عادة عند الذبح ولكن ليس لهم دور فى عملية الذبح ذاتها ويوجد خلفمها .... العمود الفقرى .... وإذا قطع العمود الفقرى فى عملية الذبح فإنه يسبب الموت بطريقة أسرع كثيرا من الذبح لذلك يكون الطائر مقتولا وليس مذبوحا ولا يحل أكله ولذلك أؤكد أنه عند فصل الرأس بالكامل عند الذبح فإن الموت يحدث بسبب قطع العمود الفقرى وبداخله الحبل الشوكى , وليس بسبب الذبح الصحيح (قطع الودجين) ويكون الطائر حينئذ ...........مقتولا.......... ولا يحل أكله أما الوقت المناسب للرجوع بالصيد قبل فساده فهو يعتمد على حرارة الجو , ولا أعتقد أنك تستطيع الإحتفاظ بالصيد فى حرارة الصيف أكتر من 3 أو 4 ساعات لأن حرارة الجو الشديدة تعجل بفساده , كما أن الحرارة تشتد أكثر عند وضع الصيد فى مكان مغلق مثل شنطة السيارة , ولذلك أنصح بإستخدام الثلج (ice box) للحفاظ على الصيد لفترات أطول بالتوفيق ان شاء الله فى هذه الهواية الجميلة |
رد: كام سؤال بسيط وملقتش الرد عليه فى المواضيع القديمه
اقتباس:
بس حبيت ألفت نظر حضرتك يا د / محمد .. و الله الموفق. |
رد: كام سؤال بسيط وملقتش الرد عليه فى المواضيع القديمه
اقتباس:
الموت بسبب قطع العمود الفقرى يحدث فى الحااااااااااااال , فى ثانية واحدة ولذلك فإن أحكام الإعدام (أعاذنا الله منها) تكوت عن طريق الشنق (وهو قطع الحبل الشوكى داخل العمود الفقرى اعتمادا على ثقل وزن الجسم , فيحدث انفصال لفقرات العمود الفقرى وقطع للحبل الشوكى بداخله) لأنها أسرع وسيلة للموت وتحدث فى ثانية واحدة بدون ألم يذكر وعلى ذلك فإن قطع الرقبة كلها يشتمل على قطع العمود الفقرى فيكون الموت بسبب قطع العمود الفقرى وليس بسبب الذبح وهو ما يعد ................................ قتلاً وليس ذبحاً |
رد: كام سؤال بسيط وملقتش الرد عليه فى المواضيع القديمه
اقتباس:
|
رد: كام سؤال بسيط وملقتش الرد عليه فى المواضيع القديمه
اقتباس:
خالص تحياتى |
رد: كام سؤال بسيط وملقتش الرد عليه فى المواضيع القديمه
مشكور ليكم جميعا وشكر خاص للدكتور محمد على الاضافه الجميله دى
وبجد تعبتكم معايا جدأ وشكر ليكم جميعا على الاهتمام وعلفكرا انا اشتريت بندقيه رمسيس نمره اتنين زى ما انتم نصحتونى علشان اتعلم فيها انا خدتها مستعمله ب170 جنيه بس شغاله حلو جدأ وكنت مبسوط جدأ انى اخدت الخطوه دى لدرجه انى فى يوم واحد ضربت بيها اكتر من 50 رشه :d بجد متشكر كمان مره على تعبكم |
رد: كام سؤال بسيط وملقتش الرد عليه فى المواضيع القديمه
أولا : مبروك البندقية وربنا يرزقك خيرها ان شاء الله
ثانيا : إحنا جميعا إخوة وقد تعلمنا من أساتذتنا الكبار فى المنتدى أن نساعد بعضنا على قدر ما نستطيع ولا ندخر جهدا فى ذلك ثالثا : ياريت تعرفنا بنفسك ومكان سكنك , علشان تقدر ترتب رحلات مع الأعضاء القريبين منك خالص تحياتى |
رد: كام سؤال بسيط وملقتش الرد عليه فى المواضيع القديمه
السلام عليكم ... الف مليون مبروك ... تحياتى .
|
رد: كام سؤال بسيط وملقتش الرد عليه فى المواضيع القديمه
الله يبارك فيكم وميرسى كتير لذوقكم وللمساعده
وانا من شبرا الخيمه واسمى اندرو ويشرفنى اطلع معاكم طلعات صيد واخد خبره منكم وكنت عايز اعرف ايه اسم الزيت المستخدم لتنظيف البندقيه وبكام وبيتباع فين ؟ ولكم جزيل الشكر |
رد: كام سؤال بسيط وملقتش الرد عليه فى المواضيع القديمه
اقتباس:
|
| الساعة الآن 10:24 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir