الصيد فى مصر

الصيد فى مصر (http://www.egyhunt.net/index.php)
-   الصيد العام (http://www.egyhunt.net/forumdisplay.php?f=1)
-   -   مأساة مع اليمام (http://www.egyhunt.net/showthread.php?t=7298)

Baso 11-04-18 03:27 PM
مأساة مع اليمام
 
السلام عليكم ورحمة الله وبركاته

يا جماعة أنا أشتريت بندقية كرال تركي 5.5 دبشك فيبر ، علشان الناس اللي علي المنتدي بتشكر فيها جداً
المهم خرجت رحلة صيد مع نفسي كده وقلت أجرب البندقية
وذهلت صراحة بما رأيت
أولاً اليمامة بتاخد الرشة وتطيييييييييير ، وكذلك الحمام طبعاً
صدقوني والله أنا جربتها كذا مرة وللأسف الموضوع ده متكرر معايا تاخد الرشة وتنزل ريش وتطير
ثانياً أنا ضربت غراب علي بعد 10 أمتار والله انا شوفت الرشة وهي بتخترق جسمة ومع ذلك أخدها وطار ، أنا كنت هصوت صراحة ، مع العلم إن المدي الفعال للبندقية علي حسب ما قريت في المنتدي بيكون من 50:60 متر .
أنا جربتها علي خشب زان من حوالي 6 امتار كانت بتدخل في الخشبة وتستقر علي مسافة رشتين يعني لو شلت الرشة كانت بتعمل ثقب عمقة حوال 1.5 سنتيميتر ،
أرجوا الأفادة بخصوص الموضوع ده علشان أنا خلاص هولع في نفسي
مع العلم أن البندقية بتجيب عصافير زي الفل ، بس العصافير ممله وانا صراحة قررت أني مصطدش العصافير تاني.
النجدةةةةةةةةةة.

سيدخالد 11-04-18 03:34 PM
رد: مأساة مع اليمام
 
اخى الكريم الكرال بندقية مش بطاله دى سرعتها 260/ث يعنى هاى باور وانا بصطاد بيها وزى الفل ولكن انت لازم تصوب صح يعنى فى مقتل فى الصدر مثلا او فى نهاية الجناح وبالشكل ده هتقع على طول انما هى بتاخد الرشه وتطير دى تسمى بتتسرق يعنى ممكن انت صوبت صح وهى طارت وهتقع بعيد وممكن كمان انت صوبت على نهايه اليمامة الديل يعنى وبكدة انت وقعت شوية ريش فقط المهم لاتقلق وحاول مرة اخرى

ابو مروان 11-04-18 03:40 PM
رد: مأساة مع اليمام
 
استاز سيد خالد_واللة انا محتار جدا جدا بقالى كذا شهر مع الكرال ناس رافعاها السما وناس مبوظاها خالص وموش عاف اجيبها والا لا وانتة عارف الظروف المالية دلوقتى خايف اجيبها واندم هى مع حضرتك بقالها قد اية وهل ممكن تضرب بيها حاجات اكبر من اليمام زى فراخ الغيط والبط؟ ارجوك رسينى على بر والف شكر

سيدخالد 11-04-18 03:45 PM
رد: مأساة مع اليمام
 
الكرال مش وحشه هى هاى باور بس فيها مشكله صغيرة بس انى مساميرها بتفك لازم تربطها باستمراروهى معايا من 4 اشهر وممكن تصطاد بيها اى حاجة يا جماعه والله العبرةمش فى البندقية العبرة فى الممارسه والدقة فى النشان يعنى الرمسيس اقل البنادق فى ناس بتصطاد بيها احسن من الديانا اهم حاجه تتعود وتتدرب على البندقية بعد كده هتكون مدفع معاك

احمد فتحي 11-04-18 03:52 PM
رد: مأساة مع اليمام
 
بجد البندقيه قويه جدآ بس العيب النشكان بتعها بس احسن حاجه ركب عليها سكوب وهتبقي جامده

Consul 11-04-18 04:04 PM
رد: مأساة مع اليمام
 
اقتباس:
المشاركة الأصلية كتبت بواسطة baso (المشاركة 77067)
السلام عليكم ورحمة الله وبركاته

يا جماعة أنا أشتريت بندقية كرال تركي 5.5 دبشك فيبر ، علشان الناس اللي علي المنتدي بتشكر فيها جداً
المهم خرجت رحلة صيد مع نفسي كده وقلت أجرب البندقية
وذهلت صراحة بما رأيت
أولاً اليمامة بتاخد الرشة وتطيييييييييير ، وكذلك الحمام طبعاً
صدقوني والله أنا جربتها كذا مرة وللأسف الموضوع ده متكرر معايا تاخد الرشة وتنزل ريش وتطير
ثانياً أنا ضربت غراب علي بعد 10 أمتار والله انا شوفت الرشة وهي بتخترق جسمة ومع ذلك أخدها وطار ، أنا كنت هصوت صراحة ، مع العلم إن المدي الفعال للبندقية علي حسب ما قريت في المنتدي بيكون من 50:60 متر .
أنا جربتها علي خشب زان من حوالي 6 امتار كانت بتدخل في الخشبة وتستقر علي مسافة رشتين يعني لو شلت الرشة كانت بتعمل ثقب عمقة حوال 1.5 سنتيميتر ،
أرجوا الأفادة بخصوص الموضوع ده علشان أنا خلاص هولع في نفسي
مع العلم أن البندقية بتجيب عصافير زي الفل ، بس العصافير ممله وانا صراحة قررت أني مصطدش العصافير تاني.
النجدةةةةةةةةةة.
ألف بعد الشر عليك حبيب قلبي...غير الرش وإستعمل الجامو بروماجنوم...رش ثقيل ويجيب نتائج ممتازة مع البنادق الهاي باور...وبلاش تضرب بيها عصافير...ها تفرتكها...خالص تحياتي...

braveheart 11-04-18 04:14 PM
رد: مأساة مع اليمام
 
الكرال بندقية مدفع ... و لكنها تحتاج تليسكوب لتكون أكثر دقة ... و ذلك لأن لها ردة فعل قوية نسبيا .. و يجب ضبط ناشينكانك قبل النزول للصيد .. أو تجيب تليسكوب و تريح دماغك .. و سرقة الطير أعتقد أنها بسبب قوة البندقية و كما أشار الأستاذ / سيد خالد .. أنها ممكن تقع بس علي بعد منك ( من حلاوة الروح ) لأن اليمام و الحمام أقوي من العصافير .. و أنصحك بأستخدام جامو ماتش ... فهي دقيقة جدا .. كما أنها يتقفل الطير .. لكن لو الطريدة كبيرة أو المسافة كبيرة .. أرجح لك البروماجنوم لقوة إختراقها.

msa_79 11-04-18 04:27 PM
رد: مأساة مع اليمام
 
ياجماعه المشكلة اللي بيتكلم عليها الاخ العضو صاحب الموضوع ليس لها اي علاقة بنوع البندقية بالعكس كلامه دليل علي قوة البندقية لانها ببساطه بتسرق اليمامه وتطلع م نالناحية التانيه
المشكلة يا اخي العزيز هو ببساطه مكان الاصابه يعني لو ضربت اليمامه في الصدر في منطقة الرئة والقلب او في رأسها او جناحها هاتقع مقفوله انما لو ضربتها في الجزء السفلي يعني بطنها او في الحوصلة بدون اصابة الصدر نفسه هاتاخدها وتطير مهما كانت قوة البندقية وفيه موضوع في المنتدي عن اماكن الاصابة القاتلة في الصيد وكما اشار الاستاذ جمال القنصل الرش ايضا نوعه بيفرق ولكن في النهاية الاصل في مكان الاصابة

محمود شلبي 11-04-18 04:35 PM
رد: مأساة مع اليمام
 
الرزق الرزق الرزق لسه واكيد الخبرات الى بيوفرها عليك اعضاء المنتدى الكرام

محمود صالح 11-04-18 04:53 PM
رد: مأساة مع اليمام
 
على فكرة ده حصل معاية بس افتكرة ان النشان مش مضبوط بس هجرب

msa_79 11-04-18 04:57 PM
رد: مأساة مع اليمام
 
لازم قبل ما تبدأ تصطاد تتاكد ان النيشان مظبوط تمام بانك تجرب تنشن علي هدف ثابت ب رشتين او تلاته

Baso 11-04-18 05:32 PM
رد: مأساة مع اليمام
 
والله يا جماعة أنا بجد شاكر جداً ردودكم جميعاً
وبخصوص الرش انا بستعمل جامو بروماجنوم
ويبدوا أن الحل بالأجماع من الردود لحد دلوقتي هو ضبط مكان الضربة
وانا هحاول أني أكون أكثر دقة ، والله المستعان

dr mohamed kamal 11-04-18 07:32 PM
رد: مأساة مع اليمام
 
اقتباس:
المشاركة الأصلية كتبت بواسطة سيدخالد (المشاركة 77082)
الكرال مش وحشه هى هاى باور بس فيها مشكله صغيرة بس انى مساميرها بتفك لازم تربطها باستمراروهى معايا من 4 اشهر وممكن تصطاد بيها اى حاجة يا جماعه والله العبرةمش فى البندقية العبرة فى الممارسه والدقة فى النشان يعنى الرمسيس اقل البنادق فى ناس بتصطاد بيها احسن من الديانا اهم حاجه تتعود وتتدرب على البندقية بعد كده هتكون مدفع معاك
بعد إذن الاستاذ سيد خالد/ عيوب الكرال تتلخص فى الاتى, السوستة بتنكسر وده يكاد يكون 95%من العيوب وأنا شوفتها عملى مع بندقية أ/محمود شلبى فى رحلة صيد لينا إنكسرت 3 أجزاء ,النشان بيغير وكل شوية محتاج ضبط نشان,فإعمل حسابك على سوستة أصلية شادو إسبانى تشتريها عند شرائك البندقية ,لان السوستة الشادو الاسبانى بتركب عليها ,وبكده تكون حليت 95% من عيوبها ,أما النشان فيمكن تركيب منظار ,وطبعا كل هذا بفلوس ,وربنا يوفقك إلى الصواب

tarek8003 11-04-18 08:18 PM
رد: مأساة مع اليمام
 
3 مرفق
بالنسبة لناشنكاهات الكرال يمكن تثبيتها بطريقة سهلة جداً عن طريق مسمار شيش 2 سم يتم قطع حوالى ثلثه وصنع دائرة ناقصة بالباقى وضغطها بواسطة بنسة أو كماشة أسفل المسطرة.

black scorpion 11-04-20 10:08 PM
رد: مأساة مع اليمام
 
لا حول ولا قوة الا بالله قلبي معاك يا حبيبي ربنا معاك هههههههههههههههههههههههههههه
انت بس صفي نيتك واليمامة هتقع لوحدها ههههههههههههههههههههههههه


الساعة الآن 08:10 PM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir