البندقية sam yang big bore 909s
 

البندقية sam yang big bore 909s ياسلام لو كانت بخزنه
هتجنن واجبها من الخارج بس المشكله فى الجمارك او تتصادر

رد: البندقية sam yang big bore 909s
 

لو عرفت تجيبها قول لي

رد: البندقية sam yang big bore 909s
 

ماشى يا برنس

رد: البندقية sam yang big bore 909s
 

مش عاوز اعقدك..بس البندقية دي محطوطة علي قوائم الاصناف المحظور استيرادها او الاتجار فيها او بعها إلا بتصريح خاص..ويعاقب حاملها بعقوبة إحراز سلاح قاتل بطبيعته دون ترخيص والتي تصل للغرامة حتي 5 الاف جنية والجبس الوجوبي من 5 إلي 10 سنين..وحالياً فيها محاكمة عسكرية...يعني مفيش استئناف..وطبعاً البندقية دي مش حتعرف تشيلها ولا تصطاد بيها إلا في المناطق الخاصة والمفتوحة..زي عزبة خاصة او مزرعة عائلية..وهي قوية للغاية علي نوع الطيور والحيوانات البرية في مصر.. يعني ايه اللي ممكن تصطادة بيها في مصر ومينفعش تصطادة بديانا 54 ولا اي بندقية هاي بور؟؟؟ ده حتي البنادق الهاي بور وعن خبرة ممكن تموت بها كلاب كبيرة الحجم وشرسة بطلقة في الدماغ من الجانب او الامام من مسافة 20 متر...عاوز ايه تاني اكتر من كدة.! لو عاوز حاجة للحماية..حتلك حاجة صغيرة ..مع اني مش بشجع علي كده..لكن تشيل الدهية دي في كل حته تراحها؟! البلد بقت امان في نظري..إلا لو بتسافر ا ساكن في حته مقطوعة..وربنا يسترها..بس رجاء فكر كويس قبل ما تورط نفسك في مشاكل بسبب بندقية ملهاش لزمة عندك اصلاً.

رد: البندقية sam yang big bore 909s
 

أخى الفاضل اشكرك شكرا جزيلا على المعلومات دى وتنبيهى, انا كنت عايزها للصيد الضخم مش للحماية, لكن من فضلك ترشحلى اقوى وافضل بندقية هاى باور فى مصر باكبر طلقة مصرح بيها

رد: البندقية sam yang big bore 909s
 

اعلي عيار هو نمرة 3 في البنادق الهوائية المتوفرة في مصر..وده موجود من معظم الانواع بس التجار مش بيجبوها كتير لان نمرة 2 هيا اللي عليها الاقبال اكتر..والسبب ان نمرة 2 بتديك قوة اختراق وسرعة معقولة بالمقارنة بنمرة 1 ونمرة 3 والطريدة مبتسرقش الرشة وتطير منك.

نمرة 1 سرعة عالية ولكن إختراق ونسبة تدمير اقل..نمرة 2 سرعة معقولة وإختراق معقول وتدمير كويس علي مستوي الطيور والفئران..نمرة 3..سرعة اقل بكتتتتير .زبس قدرة تدمير عالية من كل اللي فات..نمرة 2 بتكون رشتها 5.5 مللي ولكن المقذوف اخف واضعف من مقذوف المسدس طبعاً.

افضل الانواع طبعاً الديانا 54 اير كينج وسعرها حوالي 6000 جنية وفيه الجامو هنتر 1250 وسعرها حوالي 4500 وفيه النوريكا جت ودي ارخص وفيه البام 21 الصيني ..وكل البنادق دي قوية وتؤدي الغرض في صيد الفرائس التالية:

1. الطيور بكافة احجامها وانواعها (بخلاف طائر الرخ طبعاً عشان كبير شوية ههههه)
2- الارانب
3- الفئران

وممكن تصطاد بيها فرائس اخري زي الكلاب المسعورة ولكن ده محتاج إصابة قاتلة بالرأس او العنق، يعني اي إصابة اخري حتكون موجعة للحيوان بس غير قاتلة.

رد: البندقية sam yang big bore 909s
 

كده الرؤية وضحت وبشكرك تانى على مجهودك معايا