نصيحه افضل البنادق الرش
 

السلام عليكم ان عضو جديد بالمنتدى بس قديم فى الصيد لذلك جربت معظم البنادق من رمسيس لنوريكا 61 او توين وحتى ديانا 54 وانصح كل من يرغب فى شراء بندقيه ان يشترى ديانا 54

رد: نصيحه افضل البنادق الرش
 

طب لو واحد لسه بيتعلم جديد تنصحه انه يتعلم على اى بندقيه ؟

رد: نصيحه افضل البنادق الرش
 

الاخ العزيز معتصم
ردا علي كلام المهندس كرم النجار هوة كلامة صحيح مية في المية البنادق الديانا باختلاف موديلاتها من احسن واقوي البنادق في العالم بس عند شراء بندقية لازم نفكر علي قد الامكانيات المادية يعني البندقية الديانا سعرها حوالي 5000 جنية النوركا حوالي 2800 الجامو 2000 جنية اهم حاجة انك لو بتحب الصيد لازم تبتدي في شراء البندقية

رد: نصيحه افضل البنادق الرش
 

ماهو حضرتك انا لسه حبدا ... صعب عليا اشترى بندقيه ب 5000 و انا لسه بتعلم
انت ايه رايك فى رمسيس او البندقيه الصينى كبدايه للتعلم و كسعر .... انا بس عايز ابدا اتعود عليها و اتدرب كويس قبل ما اشترى البنادق الجامده ديه

رد: نصيحه افضل البنادق الرش
 

الاخ العزيز معتصم
البندقية الرمسيس طبعا سيئة جدا جدا اما البندقية الصيني معقولة وفيها انواع كويسة زي شركة pam وسعرها يبدء من 500 جنية واغلاها 1500 ودية تقليد للبندقية الديانا 52 عايز انصحك بحاجة مهمة جدا لو انت بتحب الصيد وعايز تتمتع لازم تشيري بندقية كويسة ممكن تشتري بندقية جامو هانير في حدود 1500 جنية صناعة اسباني وقوية وممكن تنزل عند ميشيل عازر وتشوف الية الجديد المناسب لك وتشتري بس حاول تشتري بندقية كويسة علشان تستمتع بالصيد ولو محتاج اي مساعدو في شراء البندقية ممكن تكلمني علي الموبيل وانزل معاك في اي وقت وتليفوني 0127717179 احنا موجودين علشان برحب ونساعد وننمي موهبة الصيد وشكرا

رد: نصيحه افضل البنادق الرش
 

ربنا يخليك يا جلال بجد انتو ناس زوق هنا اوى ... ياريت انا كنت من القاهره عشان كنت اقابلك حتى
انا من الاسكندريه انا ممكن اروح اسال عند السجلابى ده مشهور جدا فى محطه الرمل و انا حعمل بنصيحتك و اشترى حاجه كويسه .. و ان شاء الله لما مستوايا يبقى كويس فى الصيد ابقى اجى القاهره اصطاد معاك

رد: نصيحه افضل البنادق الرش
 

لاشكر علي واجب يا معتصم واهلا بيك في القاهرة في اي وقت

رد: نصيحه افضل البنادق الرش
 

انى ارى هنا بالمنتدى ناس فى قمة الزوق والاخلاق فى كل نواحى الردود والمناقشة للجميع منى اجمل التحية والتقدير والاحترام اخوكم القناص المنياوى

رد: نصيحه افضل البنادق الرش
 

احلي صباح علي كل الناس الي شاركت معانا في اي موضوع او مناقشة