صيد الحمام في الاسكندريه
 

طلعت صيد حمام في الاسكندريه مع الصياد عبده ناني .. وفي انتظار الردود ..http://www.youtube.com/watch?v=i6OrHwsysek

رد: صيد الحمام في الاسكندريه
 

رد: صيد الحمام في الاسكندريه
 

على فكرة ده شكله حمام برى يا جماعه وده لونه واحيانا بيكون رمادى فى ابيض بسيط ولا داعى للانفعالات والدعاء ولو كان بلدى مش برى تكون الطريقة بلطف وبحسنه والله اعلم

رد: صيد الحمام في الاسكندريه
 

طيب يعني الواحد يعرف منين ده حمام ناس و لا لأ وبعدين اثناء ما الواحد بينشن علي الحمامة اكيد يعني ممكن تتسرق بس هيبقي غصب عنه اكيد و مش عارف ليه كل واحد يحط فيديو و هوا بيصطاد الردود تبقي بالشكل ده " حرام/ديه سرقه/ده بتاع ناس" لازم نشجعه برضو ... الفيديو جميييييييل اوي يا استاذ doddi شكرااا

رد: صيد الحمام في الاسكندريه
 

اعتقد برده ان ده حمام بري وعلي كفرة مش شرط انه عشان واقف علي عمارة يبقي حمام بلدي العمارات اللي في وسط البلد مليانه حمام بري بيكون واقف علي العمارات والبلكونات.
الاخ سيد فتحي زي ما قالك الاستاذ سيد خالد النصيحة تكون بالحسني الا طبعا لو حضرتك تعرف الاستاذ عبده وهو صديقك فطبعا يبقي انتو احرار

رد: صيد الحمام في الاسكندريه
 

نشجعه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
نشجعه علي ايه
يا ناس احنا وصلنا لدرجادي
الحلال بين والحرام بين
فين أخلاق الصيادين
عموما هو حر يارب ينزل كل حمام اسكندرية مقفول وتصقفولة علي مهارته في التنشين وتولع الناس اللي بتربي حمام واللي عنده حمامه يلمها
براااااااااافو يا عبده ناني براااافووووووووووووووووووووووووووووووووووووووووووو وووووو



ودي مش اول مره ده شكله متخصص صيد حمام اهالي وادي الرابط
http://www.egypthunt.net/showthread.php?t=7407

رد: صيد الحمام في الاسكندريه
 

اظاهر في واحد وقف في البلكونه وقالو يا عم حرام عليك يا عم راح الي بيصور قاله حرام؟ وسكت

رد: صيد الحمام في الاسكندريه
 

مش هقول حرام لان كل واحد عارف الحلال والحرام بس ليا تعليق علي طريقه الدبح يفضل التركيز علي الرقبه اي المنطقه اسفل الراس علي طول لاني لاحظط انك مركز علي الحصله وليس الرقبه (اطلع نحيه الرقبه شويه ) وارميها علي طول اول متدبحها ولما تقع الطريده لا تنسي انك شايل البندقيه وتسهي مع الطريده لان ممكن لا قدر الله تخبط بندقيتك ويحدث ما لا يحمد عقباه

رد: صيد الحمام في الاسكندريه
 

واللة ياجماعة الراجل دة حرام علية الان دي تاني مرة
وهو يعلم ان هذا حرام ولو هو يقبل علي نفسة الحرام
يبئي يعمل الي هوة عايزة [وحسبي اللة ونعم الوكيل]

رد: صيد الحمام في الاسكندريه
 

معلش يا جماعة استحملوني انا جديد في حوار الصيد و عمري ما اصطت ابل كده و نفسي اجمع كل المعلومات اللازمة من المنتدي الجامد ده و بعدين اجيب بندقية بقه و اديهاا ... هوة انتو ضد الراجل ده عشان اصطاد حمام بتاع ناس و لا فيه حاجة تانية ؟؟؟

رد: صيد الحمام في الاسكندريه
 

اولاً شكراً لكل الي شارك في الموضوع .. وبعدين انا نفسي افهم حاجه هو كل حمام في البلد بتاع ناس يا اخي انا اكاد اجزم ان مفيش ولا واحد من الرجاله الحلوه دي من الاسكندريه .. احنا في الاسكندريه مش في الفلاحين ومنطقه الصيد دي في محطه الرمل .. من ارقى مناطق الاسكندريه لايمكن يكون حد مربي فيها حمام وانا قبل ما اصطاد الحمام بسأل الناس الي في المنطقه حد مربي حمام هنا ولا لا والي يروح محطه الرمل في عماير كتير مهجوره محدش ساكنها .. الحمام البري و الشارد بيستوطنها وبيعيش فيها ولا يمكن ابداً يكون حمام ناااااااااااااس ابداً ابداً ابداً ابداً .. احنا بناخد الحمام ده نأكله واحنا ناس بنتقي الله لايمكن ناكل حرام .. والي مش مقتنع با الكلام ده شكراً ليه بس ياريت يبطل افتاء ويسأل اهل العلم احسن عشان ده تاني موضوع يحصل عليه الضجه دي .. انا بحترم جميع وجهات النظر بس والنبي مش عايزين نسيب موضوع النقاش الاصلي في مشاركه الصيد للاخوه الصيادين ونعض بقا كل مره بتاع ناس وبتاع الجيران .. كل واحد عارف هوا بيعمل ايه .. وبعدين الي بيقول حرام ده في الفيديو راجل كبير فاكرنا هندبح الحمام وهنرميها فبيقول حرام عدم الاستفاده بيها .. لما عرف اننا بناخده سكت .. اكرر اسفي للجميع حبيت التوضيح فقط ..

رد: صيد الحمام في الاسكندريه
 

بالهنا والشفا معلش اصل احنا فلاحين ومانفهمش خلينالك انت وعبده ناني الحضارة والتقدم

رد: صيد الحمام في الاسكندريه
 

يا اخي هو ما يقصدش كدة هو قصده ان في الفلاحين يعني بيربو حمام كتير انما في المنطقة اللي بيصطاد فيها ماحدش بيربي حمام وانا فعلا باشوف الحمام ده وبيبقا بري او هربان وبيبقا فيه منه الوان بس بيبقا معشش هناك مش بتاع حد

رد: صيد الحمام في الاسكندريه
 

شكراً اخي العزيز سمير .. وعلى العموم انا لسه جاي من محطه الرمل واصطادنا حمد الله وجاري رفع الفيديو الجديد .. ومتشكرين يا استاذ اسامه ..

رد: صيد الحمام في الاسكندريه
 

اخي العزيز .. يقول الله تعالى (فاسألوا أهل الذكر إن كنتم لا تعلمون) صدق الله العظيم .. اتوكل على الله وجيب بندقيتك يا معلم .. ولو انتا من اسكندريه كلمني نظبط وننزل نصطاد سوى .. واسأل الشيوخ زي ما انا عملت على صيد الحمام الشارد .. والبري مستوطن المدن وشوف هيقولولك ايه ومتشغلش بااااااااااااااااالك .. تحياتي

رد: صيد الحمام في الاسكندريه
 

شكراً عزيزي على التشجيع .. وجزاك الله خيرا

رد: صيد الحمام في الاسكندريه
 

شكرا ياباشا .. بس اولاً انا الي بصطاد مش عبده ناني .. عبده كان بيصور

رد: صيد الحمام في الاسكندريه
 

جزاك الله خيراً على النصيحه الغاليه .. وعلى العموم لما اصطدت النهارده دبحت بطريقتك ..ههههههههه:)

رد: صيد الحمام في الاسكندريه
 

دوددي باشا انا من الاسكندرية فعلا بس مستغرب ازاي حضرتك بتصطاد في محطة الرمل هوا في اشجار هناك؟؟ ولا حضرتك بتروح العماير المهجورة بس ؟ و احب اعرف منك هل في اماكن تانيا كويسة ؟؟ وانشاء الله لو جبت بندقية نطلع سوة

رد: صيد الحمام في الاسكندريه
 

بص يا باشا الحمام البري عمرو ما يقف على اشجار مطلقا .. موسم الحمام البري يكون في شهر تسعه .. وبعد كدا بيستوطن الاماكن الهادئه الي مفهاش ضوضاء كتير يعني في ظهر البنوك في محطه الرمل عشان المنطقه بتبقا هاديه طول اليوم .. العماير الي فيها الشركات .. وموجود في سيدي بشر برضو .. على العمو العماير الطويله الي فيها حليا:)ت او تكيفات يعشش فيها ويكون مفيهاش حركه كتير تلاقيهم عليها .. على العموم انا تحت امرك لو هتطلع وتليفوني 0104488950 .. عبدالله الجزيري

رد: صيد الحمام في الاسكندريه
 

شكرا علي المعلومات يا باشا :d

رد: صيد الحمام في الاسكندريه
 

طب يا ريت والله اطلع معاكم بس ليا كام سؤال دلوقتي حضرتك بتصطاد في محطة الرمل بس المنطقة دي معروف يعني انها بتبقا ملغمة ظباط ومخبرين فبتتعاملو ازاي ولا بتنزلو بدري وتخلصو بدري ولا عادي ومافيش مشاكل و ماحدش بيكلمكم؟ وحضرتك ساكن فين عشان لو قريب مني نروح سوا انا من محرم بيه

رد: صيد الحمام في الاسكندريه
 

انا ساكن في جناكليس .. وبعدين محدش بيكلمك لا ضباب ولا مخبرين .. دنا صدت مره حمامه واقفه على قسم العطارين قدام القسم كلو .. والضابط الي واقف عشان يعمل لنفسو منظر ندهنا وقعد يهزر معانا .. وامبارح اصطدت حمامه من وش القسم والعساكر والمخربين والامناء الى على الباب قعدو يشجعو .. الي ممكن يتكلم طول الرحله حد عادي من الناس يعض يتفلسف عليك شويه وليه .. وحرام .. والكلام الفاضي ده تقوم انتا منفضلو وماشي ..

رد: صيد الحمام في الاسكندريه
 

يا جامد يا جامد قدامهم كدا عيني عينك طب جميل اوي طب انتو طالعين المرة الجاية امتا و اقابلكم فين؟

منتظر الرد.....

رد: صيد الحمام في الاسكندريه
 

رد: صيد الحمام في الاسكندريه
 

هنحاول نظبط عل يوم الجمعه .. ولما تتأكد هنعلن عنها..

رد: صيد الحمام في الاسكندريه
 

ساكن في جناكليس, دحنا جران بقي حضرتك ساكن فين بالضبط ؟؟ انا ورا كلية الفنون الجميلة علي طول

رد: صيد الحمام في الاسكندريه
 

ممكن لما تظبط يوم انشاء الله اطلع معاكو

رد: صيد الحمام في الاسكندريه
 

انا هعمل موضوع في نفس القسم همنا ان شاء الله وهعلن لكل الحبايب من الاسكندريه الي عايز يطلع ونظبط ونتقابل في حته معينه نحددها سلفاً .. وانا ساكن ورا البريد الي عند فتح الله .. تحياتي

رد: صيد الحمام في الاسكندريه
 

ما شاء الله جبتها من مسافة بعيدة . بس واضح ان البندقية ضعيفة لانها ما ماتتش علي طول او يمكن انا ما عنديش خبرة في الصيد . بس فيديو جامد

رد: صيد الحمام في الاسكندريه
 

يا اخوانى الاعزاء اتقوا الشبهات الحلال بين والحرام بين_الحمام البرى معروف لايمكن لونة يكون غير الكحلى والاسمر او الاسمر فى الرصاصى اى لون تانى ابيض فى بنى ابيض فى اسود اسود بس بنى بس بيكون بلدى_والحمام البرى بيقف على شجر انما البلدى لايمكن يقف على شجر_احنا نتقى الشبهات لا يكون الحمام دة بتاع ناس وتدعى على اللى بياكلو ينزل فى المعدة بالس........ والا بلاش ربنا يحفظنا يمامتين احسن من الكلام دة والشبهة

رد: صيد الحمام في الاسكندريه
 

انا بقى مش هقول انو دة حلال او حرام لانى حتى لو متاكد ان الحمام برى مش بصطادو لانى بخاف اووووى من الحمام مهما كان لونو ليكون بتاع حد واكل عيالى حرام
انا هتكلم بس فى نقطة ان صاحب الموضوع راجل ما شاء الله قناص محترم ويجب علينا ان نقدرة
واعتقد انو الوحيد فينا الى ممكن يهتم ان كان برى او لا او حلال او لا لان هوا الى هياكلو بالف هنا مش احنا يعنى حلال لية حرام برضو لية
وموفق ان شاء الله فى طلعاتك الجاية واتمنى البحث عن قرى زراعية فستجد كل ما تشتهى هناك من يمام وقميرى و دجاج مية
عموما موفق

رد: صيد الحمام في الاسكندريه
 

يا باشا ما تقلقش الحمام ده بري و معشش و انا كنت في المنطقة دي النهاردة و الحمام كان مرشق في كل حتة وكنت بقول فينك يا بندقية

ما تقلقش خالص المنطقة دي اساسا مش سكنية دي كلها مصالح و بنوك و بيوت قديمة وعشان كدة الحمام بيعشش ورا التكييفات وفي الشقوق بتاعت البيوت القديمة دي

رد: صيد الحمام في الاسكندريه
 

خلاص يبقى تمام كدة وعلى فكرة يا جماعة فى كمان نوع من الحمام ممكن نسمية هارب بمعنى ان الحممامة تهرب من صاحبها وبتحصل كتير وتصادف انها تولف على حمامة من الحمام البرى وتعشش فعلا يعنى ممكن نقول حمام شارد عادى والله انا كل الى اقصدو ان لاااااااااااااااااااااازم نخلى بالنا ان ميكونش بتاع حد ولو شكينا 1 فى المليون انو لية صاحب بلاش احسن
كمان فى حاجة الى بيصطاد من منطقة زى دى يخلى بالو خلفية الهدف اية يعنى مثلا ممكن يكون شباك زجاج ممكن خرطوم تكييف الخ الخ الخ
برضو نخلى بالنامن الحجات دى لانها ممكن تعمل مشاكل واحنا فى غنى عنها
وموفق ومستنى فديوهات تانية

رد: صيد الحمام في الاسكندريه
 

اه ياعم الحلاوه دي

رد: صيد الحمام في الاسكندريه
 

صيد الحمام وسط المناطق السكنية مرفوض تمام منعا للشبهات تقبلوا تحياتي ..................

رد: صيد الحمام في الاسكندريه
 

حضرتك لو شوفت ردي في المشاركة اللي فاتت قولت ان المنطقة دي مش سكنية و الحمام ده بيبقا معشش و الله العظيم معشش

رد: صيد الحمام في الاسكندريه
 

بقولك يا استاذ سمير عشاااااااان نقدر نحدد موضوع انو معشش او غير معشش لازم اننا تطلع طلعة معاك وبعد الطلعة نحضر عملية الطبخ والاكل وبعد التذوق نقدر نحدد اذا كاااااااان معشش او غير معشش

هههههههههههههه
انا بهظر معاااااك يا جماعة الراجل موضح ان المكان الي هو بيصطاد منو مفهوش اي حد مربي حمااااام وان المكان في حمااام بري وحماااام معشش في المنطقة وشكرااااااااااااا جزيلا

رد: صيد الحمام في الاسكندريه
 

الحال من بعضه

نتمني علي الله ان نكتسب خبره من هذا المنتدي الرائع

لعل وعسي نتعلم الصيد ونصبح صيادين يوما ما