مسدسي وانا صغير .. صدفة عجيبة
 

وانا انهاردة بدخل الملابس الشتوي في الدولاب لاقيت كرتونة (كل سنة بشوفها وبنفضلها) السنة دي قولت افتحها ، انا عارف انها فيها كراكيب لكن لما فتحتها لاقيت فيها هدايا لعب أطفال (أيام الطفولة البرئية) فتحتها وافتكرت الزكريات وفجـــــــــــــــــــــــأة عيني وقعت علي ايه ؟ مسدسي وانا صغير ، أول ما قالوا يا مسدسات خرز قبل ما ينزل مصر كمان في أواخر الثمانينات وافتكرت فعلا المسدس وايامه الجميلة ولكن الصدفة العجيبة اني لاقيت نوعه (walther) اه والله والتر شبه بتاع جيمس بوند كدة ، ولما جربته لاقيت الأجزاء شغالة تمام وصوتها حلو بس الزناد بايظ عايز سوسته والخزنة بتاعته مش لاقيها ، بس هو فعلا اللي يشوفه مايقولش عليه لعبة ابدا ، ومش لاقي عالنت غير صورة واحدة ليه
انا هاحطلكو صورته ومنتظر تعليقاتكو من باب الفكاهة والترفيه
بس محدش يقول عليا عيل .. ههههههههههه

رد: مسدسي وانا صغير .. صدفة عجيبة
 

انا بقي كان اول مسدس حلو يجيلي كان حديد بس كان ساقيه وكان بيضرب بارود بس كلو ضاع

رد: مسدسي وانا صغير .. صدفة عجيبة
 

انا بقه غلبان هههههههههههههههه
كنت بجيب المسدس البارود ده ابو مشط احمر

رد: مسدسي وانا صغير .. صدفة عجيبة
 

واضح انك سفاح من زمان هههههههههه
وطول عمرك غاوى الحجات الحلوة الى زيك يا ريس

رد: مسدسي وانا صغير .. صدفة عجيبة
 

حبيب قلبى انا بردة زيك كدة و كنت سعات لام ملاقيش مسدس فكنت افرقع الشريك بزلطة

رد: مسدسي وانا صغير .. صدفة عجيبة
 

للعلم المسدس بالكامل مصنوع من البلاستيك وبيضربق بلي بس بلاستيك بردو ، حاولت افكوه واصلحه بس للاسف فشلت لأنه معقد بجد نفس تصميم الحقيقي من الداخل والخارج وعندي مسدس 6ملل مصري انتاج مصانع فتح الله وكان بايظ فكيته وصلحته في 5 دقائق انما ده بلاستيك بس معقد عشان مش مصري
ثلاث أشياء أكرهم في الصناعة المصرية : السيارة الشاهين والمسدس الحلوان والسجاير الكليوباترا
خالص تحياتي للجميـــــــــــــــــــــــع

رد: مسدسي وانا صغير .. صدفة عجيبة
 

لا والتر والتر يعنى
انت بتفكرنى بنفسى لما كان معايا واحد بس عامل زى الايكول ماجنوم كده كان كبير اوى
والشاكوش بتاعه او حتة البلاستك اللى مكان الشاكوش دى انكسرت وكانت ماسكة السوستة بتاعت ضغط الهوا
واعدت يومين كل يوم يجى 6 او 7 ساعات لحد ما صلحته
بس طبعا كنت فى 4 ابتدائى والتصليح كان نص كم
مكملش علبة البلى وانكسرت تانى
بس بردو اشتغل شوية
زعلت عليه جدا كان بستة جنيه ساعتها هههههههههههههههههههه
طفولة

رد: مسدسي وانا صغير .. صدفة عجيبة
 

أنتا أبوك كان مدلعك وأنتا صغير وجايبلك والتر هههههههههههه

1- مالها الشاهين ماهى سترانا وزى الفل
2- ماله الحلوان جيشك وبلدك متسلحة بيه
3- الحمد لله مبدخنش وربنا يافينا من التدخين

حبيبى والله يا أفوكاتو

معلش أنا والله أنشغلت ومعرفتش أحكيلك على الروم
أقولك أبعتلى رقم على الخاص عندى وأنا إن شاء الله أكلمك

تقبل مرورى

رد: مسدسي وانا صغير .. صدفة عجيبة
 

انا موجود اهه وقفشتك يا برنس ، وهكلمك عالخاص دلوقتي حالا

رد: مسدسي وانا صغير .. صدفة عجيبة
 

هههههههههه موضوع لذيذ فكرتنا بايام الطفولة