|
انا خلاص هتجنن حد يساعدني بظبط سكوب 3*7*20
بسم الله الرحمن الرحيم
انا اشتريت امبارح سكوب 3*7*20 من عضو هنا في المنتدي المهم اول لما جبتو قلت اظبطو علي طووول فعمال اظبط في بالمفك فوق وتحت وشمال ويمين وتعبت صراحه لغاية لماقربت من الهدف جامد جدا يعني مش الهدف بالظبط بعيد عن الهدف بـــ 3سم المهم جيت النهاردة قولت اجربه في الصيد مش بيجي في الهدف في بالظبط الرشه بتيجي يمين او تحتيت احيانا ....فاثناء الصيد شلت الاسكوب علي طوول لان انا مش عارف اصطاد بيه والحمد الله ربنا كرمني في الساعتين بتوع الصبح جبت 9 يمامات وحمامه بس كنت مضايق ومنزلتش صور وكنت زعلان اوي |
رد: انا خلاص هتجنن حد يساعدني بظبط سكوب 3*7*20
الف مبروك يا باشا
ان شاء الله تتحل معلش انا مش حفيدك بس حبيت اباركلك بس تقبل مرورى وشكرا |
رد: انا خلاص هتجنن حد يساعدني بظبط سكوب 3*7*20
الف الف مبروك ومعلش انا كمان مش حاقدر افيدك اوي بس هو اللي اسمعه ان ظبطه زي الظبط العادي يعني لو جت فوق تجيبه تحت وكدا يعني وثبت البندقية على حاجة اهم حاجة وحاول تضرب بيه سلكتين واحدة بالطول وواحدة بالعرض وربنا يوفقك انشاء الله
|
رد: انا خلاص هتجنن حد يساعدني بظبط سكوب 3*7*20
سلام عليكم
اولا نوع الرش ثانيا الخيال الفي العدسه دا لازم وحاول تاني انا برده كان تعبني لكن هتتعود عليه ومش هاتعرف تصتاد من غيره لما تتعود والله المستعان |
رد: انا خلاص هتجنن حد يساعدني بظبط سكوب 3*7*20
الله يبارك فيكم ويخليكم ...بس معلش خيال اية اللي بيبقي في العدسه..... انا لازم احت عينيي في مكان معين علشان اشوف العدسه صافيه
|
رد: انا خلاص هتجنن حد يساعدني بظبط سكوب 3*7*20
اه لازم ما تلزقش عينك اوي فيه عشان تشوفه كويس ابعدها شوية وانا كان فيه احد الاخوة حاطط كام فيديو عن ظبطهم حادورلك عليهم
|
رد: انا خلاص هتجنن حد يساعدني بظبط سكوب 3*7*20
اقتباس:
|
رد: انا خلاص هتجنن حد يساعدني بظبط سكوب 3*7*20
خد يا باشا الفيديو ده و ادعيلي
|
رد: انا خلاص هتجنن حد يساعدني بظبط سكوب 3*7*20
السلام عليكم ..... اسامه ..
بالنسبه لضبط التليسكوب اولا ضبط التليسكوبات الصغيرة اللى قطرها 20 او 32 ( العدسه الاماميه ) الى حد ما صعب شويه لان قطر العدسه الصغير بيصعب الرؤيه اثناء المعايرة شويه ثانيا لازم تتاكد ان التليسكوب ثابت جدا فى مكانيه ... ثالثا تثبيت البندقيه فى وضعع ثابت حاول تستخدم اى شىء مثلا يشبه المنجله انا عن نفسى عندى قطعى فل من اللى بتبقى فى كراتين الاجهزة الكهربائيه البندقيه بتثبت فيها بالضبط وبستخدمها فى ضبط السكوب رابعا بالنسبه للهدف انصحك باستخدام ورقه بيضاء ثابته على لوح خشب مثلا او استخدام ورقه Target خامسا : تاكد ان التورت بتاعت الضبط بتحرك الكروشير فى الاتجاه الصحيح بمعنى انى التورت بتاع Up لما تحركه Upيحرك الكروشير لفوق مش لتحت ( بعض التليسكوبات الصينى الوضع فيها معكوس ودى عن تجربه مع اكتر من سكوب ) كان عندى واحد كل ما اجى اضبطه لفوق الاقيه بينزل تحت والحمد للله اتظبط. بعد كدة نشن فى وضع ثابت بدون تحريك البندقيه نهائيا على نقطه ارسمها بالقلم على الورقه البيضاء وبعدين شوف الرشه جت فين وابدا حرك الكورشير up - down right - left لغايه ما التقاطع يتطابق مع الهدف وحاول اكتر من مرة وان شاء الله هيتظبط وهيبقى زى الفل ... تحياتى |
رد: انا خلاص هتجنن حد يساعدني بظبط سكوب 3*7*20
اعتقد ان المشكله عندك ان اتجاه تحريك التورت معكوس حاول تجرب الاتجاه العكسى يعنى لو عايز تحرك لتحت حرك التورت لاتجاه فوق وهكذا
|
رد: انا خلاص هتجنن حد يساعدني بظبط سكوب 3*7*20
شوف يا سيدي ثبت البندقيه واوزن السكن ميبقاش
البندقيه مميله وهوا عدل خليهم موزونين ونفس النشان العادي تقريبا لو بتيجي الرشايه يمين جرب عكسها لفه بسيطه والرؤيه تكون واضحه تمام |
رد: انا خلاص هتجنن حد يساعدني بظبط سكوب 3*7*20
الله مليون مبررررررررررررررررروك
|
رد: انا خلاص هتجنن حد يساعدني بظبط سكوب 3*7*20
ربنا يخليكو والله علي تعاونكم بس البكره اللي في الجنب اللي بتاعت شمال ويمين ومكتوب علي المسمار نفسه r وعلمه صح وتحتيها صفر
شكرا |
رد: انا خلاص هتجنن حد يساعدني بظبط سكوب 3*7*20
1 مرفق
اخي العزيز انا اشتريت نفس السكوب وواجهتني نفس المشكله ركز معايا وتزهقش
اول حاجه ثبت السكوب كويس اوي علي البندقبه ولو ابندقيه هاي باور يستحسن تحط استوبر ورا السكوب علي البندقيه تاني حاجه اطبع هدف علي ورق زي المرفق وابعدعنه 20 متر اضرب بالبندقيه من ايدك بنفس الوضع والمسكه اللي بتضرب بيها علطول (لانك مش هاتروح تصطاد بالمنجله اليي متثبت عليها البندقيه من ايدك احسن) لو الرشه فوق الهدف انزل تحت بالمسمار اللي في اعلي السكوب لو يمين حرك يسار من المسار اللي في يمين السكوب خد متوسط كل تلات رشات متتالين للضبط وخليك صبور افضل رش للضبط عن تجربه الجامو ماتش |
رد: انا خلاص هتجنن حد يساعدني بظبط سكوب 3*7*20
انا متشكرا جدا يا اخواني وانا هجرب نصائحكم كلها وهنزل اشتري رش ماتش علما باني معايا رش ماجنوم وهفضل اجرب
شكرا |
رد: انا خلاص هتجنن حد يساعدني بظبط سكوب 3*7*20
اقتباس:
هل نفس المشكلة موجودة بدون تليسكوب؟ حاول تجرب بنيشان البندقية والأحسن لو تقدر تثبت البندقية كويس وتضرب من 7 الى 10 رشات وشوف النتيجة. وعلى فكرة لازم تضرب حوالى 10 رشات قبل ماتبتدى ضبط التليسكوب على الهدف لتسخين السوستة. مشكلة عدم الدقة ليها اكتر من سبب مثل: نوع الرش ماسورة البندقية محتاجة تنظيف من رايش الرش وجود زيت داخل ماسورة البندقية الجلبة الموجودة حول مكان وضع الرشة (للبنادق الكسر) محتاجة تغيير بالتوفيق ان شاء الله تحياتى |
رد: انا خلاص هتجنن حد يساعدني بظبط سكوب 3*7*20
اقتباس:
|
رد: انا خلاص هتجنن حد يساعدني بظبط سكوب 3*7*20
بس انا عندي مشكله هو الاسكوب بيضرب علي اي هدف في لغاية25 متر مثلا ولا هو بيضرب علي المسافه اللي مصفر عليها الاسكوب بس والهدف اللي ابعد من المسافة اللي متصفر عليها الاسكوب هضرب فوقيه يبقي انا كده عندي مشكله لان انا معنديش شرط ولا علامات علي الكروس ....ارجو الافاده
|
رد: انا خلاص هتجنن حد يساعدني بظبط سكوب 3*7*20
اقتباس:
|
رد: انا خلاص هتجنن حد يساعدني بظبط سكوب 3*7*20
اولا الف مبروك يا باشا ع السكوب
و اتمني ان الموضوع ده يفيدك و تصطاد يمام البلد كله http://www.egypthunt.net/showthread.php?t=7257 |
رد: انا خلاص هتجنن حد يساعدني بظبط سكوب 3*7*20
صيد مبارك عليك وعقبال الطلعات اللي جاية
ومتزعلش ان شاء الله تكون نصائح الاخوة الاعضاء افادتك والمرة اللي جاية يكون حظك احسن من كدة وتقبل مروري |
رد: انا خلاص هتجنن حد يساعدني بظبط سكوب 3*7*20
الحمد لله تم ظبط التليسكوب
انا فعلا متشكر لكل اخ ساعدني هنا في المنتدي .....وللاسف الحمد لله المشكله كانت بسبب عدم الثبات لان انا كنت بنشل علي الهدف وانا واقف في وضع الصيد عادي شكرا |
رد: انا خلاص هتجنن حد يساعدني بظبط سكوب 3*7*20
اقتباس:
|
| الساعة الآن 12:41 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir