|
لأهل الخبره
السلام عليكم ورحمه الله وبركاته
عاوز اسأل سؤال لولبي شويه يا جماعه , هو انا ممكن اغير سوسته الرمسيس 1 بسوسته بندقيه قويه (اسباني او تركي او روسي .... الخ) , ولو غيرتها هيبقي في تأثير ايجابي علي البندقيه ؟ ومعلش معلش كمان سؤال , ايه الضرر اللي ممكن تسببه السوسته اللي هتركب علي البنقيه نفسها ؟ |
رد: لأهل الخبره
سؤال لولبي ههههههههههههههه
انت ممكن تغير السوستة بس اهم حاجة تراعي شروط و انت بتغيرها لازم السوستة تبقى نفس الطول و نفس عدد الحلقات و نفس قطر الحلقة و نفس سمك الحلقة يعني بالبلدي تبقى كوبي للسوستة بتاعتك بس لأي ماركة بقى دور و شوف |
رد: لأهل الخبره
اقتباس:
يبقي معملتش حاجه لو ركبت سوسته بنفس المواصفات هو اكيد لازم اجيب سوسته نفس قطر الحلقه ونفس سمك الحلقه بس اللي عاوزه يبقي مختلف بأه هو طول السوسته او عدد الحلقات لانه هيفرق في قوه الدفع او الضغط اللي بسببه هيزيد ضغط الهواء علي العموم متشكر جدا لرد حضرتك علي الموضوع وجزاك الله خيراً لمساعدتي |
رد: لأهل الخبره
افيدوني يا جماعه !!!!!!
|
رد: لأهل الخبره
مافيش كلام يتقال بعد كلام الاستاذ سيد علاء
|
رد: لأهل الخبره
بص يا باشا منتا ممكن تركب سوستة الرمسيس عادي لكن لو عاوز حاجة نضيف
يبقى تدور على سوستة جامو او نوريكا او ديانا يا عم كمان و لو انها صعبة شوية بس برده ممكن تلاقي واحدة بنفس المواصفات و تركبها هتبقى احسن مليون مرة من بتاعت الرمسيس و متجبش حاجة اطول او زيادة في عدد الحلقات او القطر عن السوستة بتاعت الرمسيس الاصلية عشان البندقية مش هتسحملها و ممكن ترتد فيك السوستة او البندقية تضرر و ده اكيد عشان الكانون مش هيستحمل واحدة اقوى و اي استفسار تاني انا في الخدمة |
رد: لأهل الخبره
سوسته النوريكا 56 او الجامو 900
ولزياده القوه ياريت حضرتك تضع فيدر فى نهايه البستم (حدافه) علشان وزن البستم يكون اتقل |
رد: لأهل الخبره
اقتباس:
|
رد: لأهل الخبره
اقتباس:
ونظرياً كده انا فاهم ان لو السوسته اكبر شويه او عدد حلقاتها اكتر هتدي تأثير فعال في سرعه الرشه , انما عمليأً علي اساس كلام حضرتك هيبقي ليها أضرار اكتر من المنافعى, يبقي افضل اني ادور علي سوسته بنفس الحلقات والطول بس يبقي خامتها انضف |
رد: لأهل الخبره
اقتباس:
طيب بالمره اسعار السوستتين دول كام يا استاذ هشام وانا اسف بجد ايه هو الفيدر (الحدافه) ولو امكن صوره ليها , ولو متاحه عند حضرتك سعرها كام برضه وبجد متشكر جداً لأهتمامك يا باشا |
رد: لأهل الخبره
انا اجاوبك على سؤالك
بعد اذن الاستاذ هشام طبعا الحدافة ده جزء بيحافظ على السوستة من الانكسار و الانعوجاج لاطول فترة ممكنة فهمت و ده بيخليها ادق و اتزان رائع انا عن نفسي مركب واحد للكرال |
رد: لأهل الخبره
والحدافة دي عاملة كام والاقيها منين؟
وشكرا........... |
رد: لأهل الخبره
الحدافة هتلاقيها في محلات قطع الغيار
و انا الصراحة كان عندي واحدة قمت مركبها انت ممكن تسأل فتح الله هتلاقي عنده |
رد: لأهل الخبره
سيدي الفاضل صاحب الموضوع
انت ناوي تغير السوستة بنفسك ولا حتوديها عند محل .. لاني بعاني من بعض المشاكل المشابهة في بندقيتي الرمسيس و عايز اغير لها سوسنة و بستم |
رد: لأهل الخبره
اقتباس:
وكمان انا عمال اخترع في الجلبه وبحاول اشوف في تغيير في الضغط مع كل محاوله وأخر محاوله فاضلالي هي تغيير السوسته لو لقيت الضغط متغيرش يبقي هوديها المصنع بأه وأمري لله . بس هو حضرتك عاوز تغير البستم ليه ؟ يعني عرفت منين ان العيب اللي عندك بسبب البستم |
رد: لأهل الخبره
انا البندقية عندي عمرها بتاع ١٥ سنة و قوتها ضعفت جداً جداً و اما سالت لقيت السوستة و البسام بيتباعو ب ٣٠ جنيه ... قولت اغيرهم الجوز يمكن ترجع زي الاول .. بس انا عمري مفكيتها قبل كده
|
رد: لأهل الخبره
لو عند حضرتك امكانيه وقت وجهد وقدره متاحين لفك البندقيه انصحك انك تفكها وانت هتكتشف ايه اللي عاوز يتغير فيها بالظبط انما لو مش هتعرف يبقي متغامرش
وبعدين انا حاسس ان موضوع السوسته والبستم ب 30 جنيه انه فيه حاجه غلط لاني سألت علي السوسته بس قالولي 20 جنيه بس لو فعلا الموضوع كده يبقي اغيرهم انا كمان بالمره |
رد: لأهل الخبره
طيب ... انا بحاول اذاكر كيفية صيانة و فك البندقية و حستاذنك لو نتبادل أرقام التليفونات علشان لو اتشجعت و فكيتها و بعدين حصل في الامور امور أكلمك.
خصوصا اني ساكن في تنزانيا تقريبا و بعيد عن وسط البلد و محلات الصيانة في شبرا و الحوارات دي |
رد: لأهل الخبره
اقتباس:
ليك رساله علي الخاص |
رد: لأهل الخبره
اقتباس:
|
رد: لأهل الخبره
شكرًا جزيلا
ربنا يستر و الامور تمشي علي خير |
رد: لأهل الخبره
اقتباس:
|
رد: لأهل الخبره
اقتباس:
هات شويه زيت موبيل بتاع ماتور العربيه وحطهم في حقنه تمام واكسر البندقيه كأنك هتحطلها رشه ومن عند المكان اللي بيخرج منه الهوا ( هتلاقيه عباره عن فتحه دائرية صغيره ) حط فيها خمس نقط كده بحيث ان الزيت يدخل جوا الفتحه دي ويدخل للبستم واقفل الماسوره تاني من غير ما تحط رشه واضرب وعيد موضوع الكسر والضرب ده كذا مره من غير ما تحط رشه . لو ربنا كرم وحسيت بتغيير في البندقيه يبقي خير وبركه مش محتاج انك تفك البندقيه بس عاوزك بس تفك الدبشك من البندقيه وتحط علي السوسته زيت برضه علشان يسهل حركتها وبالمره لو عاوز تنضف الماسوره اللي بيتحط فيه الرشه علشان هتلاقيه برضه فيها شويه صدا من الرطوبه , هتجيب اسبراي (wd 40) من عند محلات اكسسوارات السيارات وترشه جوا الماسوره بتاعه الرشه وتضرب كام ضربه في الهوا من غير ما تحط رشه علشان تطلع الزائد من الاسبراي اللي انت رشيته وربنا يوفقك ان شاء الله وترجع بندقيتك احسن من الاول من غير ما تفكها او توديها لمحلات صيانه |
| الساعة الآن 12:39 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir