|
صيانة كاملة لبندقية رمسيس نمرة 1
انا معايا الرمسيس من ايام ثانوي ... و كنت مصر علي انها تكون هدية تخرجي و اشتريتها وقتها ب75 جنيه
و نشانها كان ممتاز .. بس مؤخراً و بسبب ظروف الانتقال من الاسكندرية و الجواز اهملتها شوية و سبتها في الساحل الشمالي بتاع سنتين بس كنت سايبها متشحمة من برة علشان حدة الصدأ مكلهاش ... بس جيت اشغلها اليومين دول لقيتها ضعيفة جداً والماسورة مرحلة لفوق شوية و الرش بيتحشر في الماسورة و مبيطلعش الا بعد ضربتين تلاتة و مبقتش الرشة بتبات في بيتها مظبوط و الجلدة اللي حوالين بيت الرشة متبهدلة خالص. فياريت لو حد يعرف مكان قريب من اكتوبر او الشيخ زايد يشدهالي شده حلوة يبقي عمل فيا معروف كبير جداً |
رد: صيانة كاملة لبندقية رمسيس نمرة 1
بص يا باشا الدرس ده فيه كل حاجة
بس انت متفكهاش اول لما تشوف الشرح علطول انت تفضل ترجع الشرح لغاية لما يبقى ثابت في دماغك و تبقى متمكن نظري و بعد كده انت تعملها الصيانة بنفسك عشان الرمسيس اساسا سهلة بس زي ما قولتلك اتمكن نظري الاول و بعدين اعملها صيانة و ده لينك الشرح http://www.egypthunt.net/showthread.php?t=7485 و لو شايف نفسك مش هتعرف تعملها يبقى وديها لورشة صيانة من الاول كده و هوة هيظبطهالك الا لو طلعلك حد يقدر يعملها قريب منك |
رد: صيانة كاملة لبندقية رمسيس نمرة 1
شككككرا يا فندم للرد
طبعا انا قريت الموضوع الشيق جداً بتاع حضرتك .... بس من كتر ما انا خايف اني اعك و أبوظ حاجة مش مأمن انني أتصرف لوحدي ... فضلا عن اني مش عارف ايه هيا قطع الغيار اللي ححتاجها ساعة ما افتح الفتحة* |
رد: صيانة كاملة لبندقية رمسيس نمرة 1
بلاش تفتحها أحسن علشان مش حتعرف تركب السوسته . وديها ورشه سلاح افضل
|
رد: صيانة كاملة لبندقية رمسيس نمرة 1
ازيك انا اسمى محمد بس الاميل با سم صحبى ضياء وانا سكان فى الهرم لو عايز تظبط البندقيه بتعت
ك من عنيه انا بصلح الرمسيس من زمان وعندى مجموع من بندقيه رمسيس وده رقمى 0175537399 |
رد: صيانة كاملة لبندقية رمسيس نمرة 1
اقتباس:
|
رد: صيانة كاملة لبندقية رمسيس نمرة 1
هذه الروابط قد تنفع معك
كل مايهمك تعرفة عن البندقية الرمسيس (مزايا و عيوب و إصلاح ) الجزء الاول http://www.egypthunt.net/showthread.php?t=3640 كل ما يهمك تعرفة عن البندقية رمسيس (مزايا وعيوب وإصلاح ) الجزء التاني http://www.egypthunt.net/showthread.php?t=3665 كل ما يهمك تعرفة عن البندقية رمسيس الجزء الثالث http://www.egypthunt.net/showthread.php?t=3856 |
| الساعة الآن 12:10 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir