الصيد فى مصر

الصيد فى مصر (http://www.egyhunt.net/index.php)
-   ادوات الصيد الثقيله (http://www.egyhunt.net/forumdisplay.php?f=66)
-   -   موضوع ارى انه لازم انشوروا فى جميع اقسام المنتدى (http://www.egyhunt.net/showthread.php?t=8197)

koktal 11-05-05 04:57 PM
موضوع ارى انه لازم انشوروا فى جميع اقسام المنتدى
 
فعلا الاسلحة النارية هنا فى المنتدى كترت جدا ودى حاجة فعلا مش كويسة تلاقى اى خناقة دلوقتى بيستخدموا فيها جميع الاسلحة النارية من فضلوكوا عايزين المنتدى للصيد بس مش لحاجة تانية يغنى مش موضوع جميل انى اتغزل واعجب بسلاح نارى وكرابيج على شوية شوم على شوية صواعق وتلاقى واحد بيقول امتا يرفعوا عننا الحظر ونجيب سلاح (حظر ايه بس اللى يرفعوه وهتجيبه تعمل بيه ايه اصلا هوا لعبة !!!! دى ضغطة وحدة منه تقتل بشر ياخوانا!!) معرفش بتتكلموا هنا عن الاسلحة النارية اكنها حاجه عادية .....فى النهاية أرجوا من حضراتكم ان المنتدى يكون للصيد بس مش اكتر لان الخناقات بقت كتير والقتل زاد جدا والدعاية زادت اوى للحاجات دى احنا هدفنا الاساسى الاهتمام بهواية الصييد >>>ارجوا ان محدش يتضايق من كلامى مع احترامى ليكو جميعا والله

Mr_mody 11-05-05 05:07 PM
رد: موضوع ارى انه لازم انشوروا فى جميع اقسام المنتدى
 
اقتباس:
المشاركة الأصلية كتبت بواسطة koktal (المشاركة 89715)
فعلا الاسلحة النارية هنا فى المنتدى كترت جدا ودى حاجة فعلا مش كويسة تلاقى اى خناقة دلوقتى بيستخدموا فيها جميع الاسلحة النارية من فضلوكوا عايزين المنتدى للصيد بس مش لحاجة تانية يغنى مش موضوع جميل انى اتغزل واعجب بسلاح نارى وكرابيج على شوية شوم على شوية صواعق وتلاقى واحد بيقول امتا يرفعوا عننا الحظر ونجيب سلاح (حظر ايه بس اللى يرفعوه وهتجيبه تعمل بيه ايه اصلا هوا لعبة !!!! دى ضغطة وحدة منه تقتل بشر ياخوانا!!) معرفش بتتكلموا هنا عن الاسلحة النارية اكنها حاجه عادية .....فى النهاية أرجوا من حضراتكم ان المنتدى يكون للصيد بس مش اكتر لان الخناقات بقت كتير والقتل زاد جدا والدعاية زادت اوى للحاجات دى احنا هدفنا الاساسى الاهتمام بهواية الصييد >>>ارجوا ان محدش يتضايق من كلامى مع احترامى ليكو جميعا والله
استاذي الفاضل كلامك اكثر من رائع و انا كنت علقت علي الموضوع دة و قلت ان اي مشاركة في موضوع من اي عضو يتاجر او يعلن عن اي سلاح ليس لهة علاقة بهواية الصيد يتم الغاء المشاركة و انذار اولا و اذا تكررت مرة اخري وقف العضوية

البطل 11-05-05 08:20 PM
رد: موضوع ارى انه لازم انشوروا فى جميع اقسام المنتدى
 
أيوه فعلا كله بيتكلم عن الاسلحه النارية والمنتدى ده مندتي للصيد مش للاسلحة النارية وأشكر الاستاذ الفاضل بتنبيه عن الاسلحة النارية بالمنتدى

الادارة 11-05-05 10:50 PM
رد: موضوع ارى انه لازم انشوروا فى جميع اقسام المنتدى
 
الموضوع يتوقف بشكل اساسي على السلوك الذي يتم استخدام السكين به .. فاذا ما تم استخدام السكين او السلاح الناري بشكل مخالف للقانون فهناك روادع قانونيه لمنع ذلك .. منع نشر المواضيع المتعلقه بالاسلحه الناريه او غيرها لن يحد من انتشار الجريمه او الرغبه فى امتلاك الاسلحه .. ومطالبات المواطنين بفتح باب التراخيص لامتلاك السلاح هي مطالب مشروعه ومن حق اي انسان ان يمتلك سلاحاً .. سلطه الدوله هي سلطه تنظيميه ولا يحق لدوله تعطي الحقوق لمواطنيها ويتمتع فيها مواطنها بحريته ان تمنعه من امتلاك وحيازه الاسلحه الناريه .. والتجارب والامثله واضحه للعيان .. يمكن لسيادتكم مراجعه قوانين امتلاك الاسلحه فى الدول العربيه وبقيه دول العالم اذا كنت مهتماً .. هذه سياسه المنتدى واحببنا توضيحها ..

Mr_mody 11-05-06 01:44 AM
رد: موضوع ارى انه لازم انشوروا فى جميع اقسام المنتدى
 
اقتباس:
المشاركة الأصلية كتبت بواسطة الادارة (المشاركة 89966)
الموضوع يتوقف بشكل اساسي على السلوك الذي يتم استخدام السكين به .. فاذا ما تم استخدام السكين او السلاح الناري بشكل مخالف للقانون فهناك روادع قانونيه لمنع ذلك .. منع نشر المواضيع المتعلقه بالاسلحه الناريه او غيرها لن يحد من انتشار الجريمه او الرغبه فى امتلاك الاسلحه .. ومطالبات المواطنين بفتح باب التراخيص لامتلاك السلاح هي مطالب مشروعه ومن حق اي انسان ان يمتلك سلاحاً .. سلطه الدوله هي سلطه تنظيميه ولا يحق لدوله تعطي الحقوق لمواطنيها ويتمتع فيها مواطنها بحريته ان تمنعه من امتلاك وحيازه الاسلحه الناريه .. والتجارب والامثله واضحه للعيان .. يمكن لسيادتكم مراجعه قوانين امتلاك الاسلحه فى الدول العربيه وبقيه دول العالم اذا كنت مهتماً .. هذه سياسه المنتدى واحببنا توضيحها ..
كلام مقنع جدا ولكن المنتدي اسمة الصيد في مصر ففي ماذا يستخدم الالكتيرك شوكر في عملية الصيد؟ و في ماذا تستخدم اميريكان ستيك في عملية الصيد؟ من رأيي الشخصي ان كل ما ليس له علاقة بالصيد يمكن الغاء الموضوع و بما ان موجود فرع في المنتدي جديد يسمي الاسلحة النارية فهذا شيء جميل من ناحية الفصل في الاقسام و ايضا اوافق ان الدولة اعطت كل انسان الحرية و الحق في اقتناء سلاح حي ولكن رايي ايضا و اعتقد كتير من الاعضاء يوافقني الرأي ان مواضيع الاسلحة النارية كثرت منما جعلنا لا نشعر بانة منتدي يتعلق بالهواية الجميلة و هي الصيد..
وتقبلوا مروري و شكرا علي اهتمامكم:)

arch79 11-05-12 09:35 AM
رد: موضوع ارى انه لازم انشوروا فى جميع اقسام المنتدى
 
اقتباس:
المشاركة الأصلية كتبت بواسطة mr_mody (المشاركة 90055)
كلام مقنع جدا ولكن المنتدي اسمة الصيد في مصر ففي ماذا يستخدم الالكتيرك شوكر في عملية الصيد؟ و في ماذا تستخدم اميريكان ستيك في عملية الصيد؟ من رأيي الشخصي ان كل ما ليس له علاقة بالصيد يمكن الغاء الموضوع و بما ان موجود فرع في المنتدي جديد يسمي الاسلحة النارية فهذا شيء جميل من ناحية الفصل في الاقسام و ايضا اوافق ان الدولة اعطت كل انسان الحرية و الحق في اقتناء سلاح حي ولكن رايي ايضا و اعتقد كتير من الاعضاء يوافقني الرأي ان مواضيع الاسلحة النارية كثرت منما جعلنا لا نشعر بانة منتدي يتعلق بالهواية الجميلة و هي الصيد..
وتقبلوا مروري و شكرا علي اهتمامكم:)
نسيت حضرتك كمان الاعلان عن الشوم والاعلان عن الكرابيج السودانى مش فاهم انا ايه علاقته بالصيد؟؟ ولا الصياد هيصطاد اليمامه ولا الحمامه ويعذبها الاول شويه وبعدين يطبخها او يسويها؟؟؟

ahmadkader 11-05-12 10:17 AM
رد: موضوع ارى انه لازم انشوروا فى جميع اقسام المنتدى
 
قد أختلف مع حضرتك بخصوص الأسلحة النارية قليلا ، لأنه فيه أسلحة نارية للصيد زى الموريس و الخرطوش ، و فيه سكاكين و خناجر للصيد و الغطس ، و فيه محدثات صوت و صواريخ إشارة مهمة للى بيطلع صيد فى مناطق صحراوية ، و فيه خناجر قتالية مهمة عشان اللى بيطلع سفارى ، الطريقة بقى اللى الناس بتستخدم بيها الحاجة مش هى اللى تخلينا نقاطع الحاجة ، تقبل مرورى

hesham[MaFya]a 11-05-12 01:54 PM
رد: موضوع ارى انه لازم انشوروا فى جميع اقسام المنتدى
 
عندك حق فى كل كلمة والله!

دكتور عابدينوف 11-05-13 10:06 PM
رد: موضوع ارى انه لازم انشوروا فى جميع اقسام المنتدى
 
طيب انتا راجل بتحترم القانون دا كويس بس تمنه حياتك لان غيرك مش محترمه وشايل السلاح وهيموتك بيه ياريت لو وجهة نظرى غلط حد يقنعنى

د.حسام 11-05-19 12:47 AM
رد: موضوع ارى انه لازم انشوروا فى جميع اقسام المنتدى
 
السلام عليكم
انا معك قلبا وقالبا فعلا مش المفروض ان يتم بيع او شراء على المنتدى لاى نوع من الاسلحه الممنوع اقتنائها الا بشكل قانونى يعنى مثلا حد بيبيع سلاح نارى بترخيص لحد يحمل ترخيص
بس الحقيقه اللى انا مش موافق عليه
ان كمان الكلام ممنوع ماينفعش نحجر على حد ونمنعه من الكلام عن حتة سلاح حتى لو هيتغزل فيها مش القانون يمنعه يرخص واحنا نمنعه يفضفض
انا مثلا مراتى بتغير من اى حتة سلاح كمان ملاقيش مكان افضفض فيه دى ماتبقاش عيشه
وتقبلوا مرورى

mrasool 11-05-19 01:11 AM
رد: موضوع ارى انه لازم انشوروا فى جميع اقسام المنتدى
 
اقتباس:
المشاركة الأصلية كتبت بواسطة الادارة (المشاركة 89966)
الموضوع يتوقف بشكل اساسي على السلوك الذي يتم استخدام السكين به .. فاذا ما تم استخدام السكين او السلاح الناري بشكل مخالف للقانون فهناك روادع قانونيه لمنع ذلك .. منع نشر المواضيع المتعلقه بالاسلحه الناريه او غيرها لن يحد من انتشار الجريمه او الرغبه فى امتلاك الاسلحه .. ومطالبات المواطنين بفتح باب التراخيص لامتلاك السلاح هي مطالب مشروعه ومن حق اي انسان ان يمتلك سلاحاً .. سلطه الدوله هي سلطه تنظيميه ولا يحق لدوله تعطي الحقوق لمواطنيها ويتمتع فيها مواطنها بحريته ان تمنعه من امتلاك وحيازه الاسلحه الناريه .. والتجارب والامثله واضحه للعيان .. يمكن لسيادتكم مراجعه قوانين امتلاك الاسلحه فى الدول العربيه وبقيه دول العالم اذا كنت مهتماً .. هذه سياسه المنتدى واحببنا توضيحها ..
الكلام دا تمام جدا
وياريت يبطلو يتحججو بحكاية حظر السلاح النارى علشان مايستخدمش فى جرائم القتل مع العلم ان اللى عاوز يقتل حد بيكون حواليه فى كل مكان كذا حاجة ممكن يستخدما فى قتل اللى قدامو
المشكلة مش فى الاداة اللى فى ايد الانسان سواء كان سلاح نارى او غيرو المشكلة كلها فى الانسان اللى بيستخدم الاداة اللى فى ايدو
والسلاح النارى زى ما ممكن يستخدم فى القتل ممكن كمان يستخدم لردع بلطجى بيحاول يتهجم على فى سيارتى او فى طريقى والردع مش معناه انى اقتلو برضو
اللى بيستخدم السلاح ممكن يصيب اللى بيهاجمو فى اماكن غير قاتلة الفكرة كلها هاتستخدمو ازاى

mrasool 11-05-19 01:16 AM
رد: موضوع ارى انه لازم انشوروا فى جميع اقسام المنتدى
 
اقتباس:
المشاركة الأصلية كتبت بواسطة د.حسام (المشاركة 98459)
السلام عليكم
انا معك قلبا وقالبا فعلا مش المفروض ان يتم بيع او شراء على المنتدى لاى نوع من الاسلحه الممنوع اقتنائها الا بشكل قانونى يعنى مثلا حد بيبيع سلاح نارى بترخيص لحد يحمل ترخيص
بس الحقيقه اللى انا مش موافق عليه
ان كمان الكلام ممنوع ماينفعش نحجر على حد ونمنعه من الكلام عن حتة سلاح حتى لو هيتغزل فيها مش القانون يمنعه يرخص واحنا نمنعه يفضفض
انا مثلا مراتى بتغير من اى حتة سلاح كمان ملاقيش مكان افضفض فيه دى ماتبقاش عيشه
وتقبلوا مرورى
مش كدا والنبى :)

yassersn 11-05-19 01:27 AM
رد: موضوع ارى انه لازم انشوروا فى جميع اقسام المنتدى
 
معك كل الحق وأنا أؤيدك تماماً واعطي صوتي لهذا الموضوع

arch79 11-05-19 08:45 AM
رد: موضوع ارى انه لازم انشوروا فى جميع اقسام المنتدى
 
اقتباس:
المشاركة الأصلية كتبت بواسطة mrasool (المشاركة 98485)
الكلام دا تمام جدا
وياريت يبطلو يتحججو بحكاية حظر السلاح النارى علشان مايستخدمش فى جرائم القتل مع العلم ان اللى عاوز يقتل حد بيكون حواليه فى كل مكان كذا حاجة ممكن يستخدما فى قتل اللى قدامو
المشكلة مش فى الاداة اللى فى ايد الانسان سواء كان سلاح نارى او غيرو المشكلة كلها فى الانسان اللى بيستخدم الاداة اللى فى ايدو
والسلاح النارى زى ما ممكن يستخدم فى القتل ممكن كمان يستخدم لردع بلطجى بيحاول يتهجم على فى سيارتى او فى طريقى والردع مش معناه انى اقتلو برضو
اللى بيستخدم السلاح ممكن يصيب اللى بيهاجمو فى اماكن غير قاتلة الفكرة كلها هاتستخدمو ازاى
بعيدا بس عن الموضوع انا معنديش طبعا سلاح حى والحمدلله لكنى غاوى الموضوع طبعا فحبيت ابدى اعجابى بس بصورة البروفايل بتاع حضرتك المسدس الجلوك انا امبارح كنت فى البنك وهنا فى السعوديه تسليح الشرطه معاهم المسدس من نفس النوع فشفت ظابط كان داخل البنك بيخلص حاجه ليه وعينى كانت هتطلع على المسدس الى معاه لانه كان جلوك ويعنى كنت شويه وهقوله ممكن اشوفه هههههههههه

blow c06 11-05-19 11:14 PM
رد: موضوع ارى انه لازم انشوروا فى جميع اقسام المنتدى
 
ياجماعه عايزين نتكلم بموضوعيه من غير سذاجه.. الى عايز يقتل او يستعمل السلاح غلط مش فارقه معاه الرخصه.. هو كده كده سوابق.. الى فارقه معاه الرخصه ده الى عايز يدافع عن نفسه و عارف مسئولية السلاح.. انا بانادى بفتح ترخيص السلاح لاى مواطن شريف فوق 25سنه و ليس له سجل اجرامى... زى دول العالم كلها.. عايزين لما اسرائيل تدخل مصر تلاقى شوية عيال ميعرفوش حتى يعمرو السلاح... هنحارب بالشوم.. لازم نكون جاهزين لاى ظرف سواء من بلطجيه او اسرائيل او اى حاجه طارئه

waleedrd 11-05-20 03:02 AM
رد: موضوع ارى انه لازم انشوروا فى جميع اقسام المنتدى
 
أخوانى الاعزاء , لو تلاحظوا ان الموضوعات ده انتشرت بعد الثورة وده بسبب الانفلات الامنى وحرية الراى اللى كان النظام الفاسد مانعها , ومن وجهى نظرى ان كل حاجة هتهدى بعد فترة وهيرجع المنتدى لسابق عهده ,
ما تستعجلوش

gamopt80 11-05-20 10:38 AM
رد: موضوع ارى انه لازم انشوروا فى جميع اقسام المنتدى
 
اقتباس:
المشاركة الأصلية كتبت بواسطة blow c06 (المشاركة 99075)
ياجماعه عايزين نتكلم بموضوعيه من غير سذاجه.. الى عايز يقتل او يستعمل السلاح غلط مش فارقه معاه الرخصه.. هو كده كده سوابق.. الى فارقه معاه الرخصه ده الى عايز يدافع عن نفسه و عارف مسئولية السلاح.. انا بانادى بفتح ترخيص السلاح لاى مواطن شريف فوق 25سنه و ليس له سجل اجرامى... زى دول العالم كلها.. عايزين لما اسرائيل تدخل مصر تلاقى شوية عيال ميعرفوش حتى يعمرو السلاح... هنحارب بالشوم.. لازم نكون جاهزين لاى ظرف سواء من بلطجيه او اسرائيل او اى حاجه طارئه
والله انت قولت الي عايز اقوله, انت عارف المشكله عندنا ايه اننا بنحب نبقى اوصيه على غيرنا
يعني واحد معاه سلاح مش عايز حد تاني يشيل او يرخص سلاح غيره
والحكومة لازم تطلع عينك في ترخيص سلاح دا لو عرفت تطلعه, وياريتهم بيحمونا
واديكم شوفتوا في ايام الثوره لما كنا في الشوارع ماسكين شوم والبلطجيه بسلاح ! ماهي الحكومة كانوا مستخبيين في البيوت وسايبينا ليهم, ومكنش في حاجه مديانا ثقه شويه غير الكام واحد الي كان معاه طبنجات في الشارع
مش لو كل مواطن شريف فعلا معاه سلاح كان فكر بلطجي يهوب ناحية اي بيت!!

blow c06 11-05-20 11:38 AM
رد: موضوع ارى انه لازم انشوروا فى جميع اقسام المنتدى
 
ياباشا الدول المقدمه كلها بتطلع ترخيص سلاح فى اسبوع و محل السلاح الى بيعملهولك كمان مش انت... و فى بلاد بيرخصوا الى كمان... احنا لازم نكون مستعدين للمقاومه الشعبيه سواء فى وش اسرائيل او اى عدو اخر من الداخل او الخارج

koktal 11-05-20 11:59 AM
رد: موضوع ارى انه لازم انشوروا فى جميع اقسام المنتدى
 
والله انا قلت وجهة نظرى اللى شايف انها صح بس واضح ان التجاوب مع الموضوع بسيط وضعيف..
وناس بتتهمنى بالسذاجة!!!!! ...

على العموم متشكر لمداخلتكم

gamopt80 11-05-20 12:37 PM
رد: موضوع ارى انه لازم انشوروا فى جميع اقسام المنتدى
 
koktal وجهة نظرك محترمها جدا, وانت فيك الخير انك بتنصح وخايف على الناس
والكل من حقه يقول وجهة نظره بدون اساءه لشخصك المحترم
وانا عن نفسي بتكلم بشكل عام مقصدكش ابدا والله

blow c06 11-05-20 02:13 PM
رد: موضوع ارى انه لازم انشوروا فى جميع اقسام المنتدى
 
انا والله ماقصد حضرتك بالسذاجه... انا اتكلمت كده من وجهة نظرى و من المناقشات الى حصلت قبل كده فى الموضوع ده و انا اسف لحضرتك جدا اذا كنت فاكر انى قصدتك باكلمه دى

koktal 11-05-20 03:01 PM
رد: موضوع ارى انه لازم انشوروا فى جميع اقسام المنتدى
 
اقتباس:
المشاركة الأصلية كتبت بواسطة blow c06 (المشاركة 99364)
انا والله ماقصد حضرتك بالسذاجه... انا اتكلمت كده من وجهة نظرى و من المناقشات الى حصلت قبل كده فى الموضوع ده و انا اسف لحضرتك جدا اذا كنت فاكر انى قصدتك باكلمه دى


حصل خير... انا اللى اسف على الفهم الخاطئ..ويا سيدى اتفضلوا قولوا اللى انتو عايزينو .. تحياتى لك وللأخ gamopt80

محمد المهدى 11-05-20 05:05 PM
رد: موضوع ارى انه لازم انشوروا فى جميع اقسام المنتدى
 
الاخوة الافاضل بعد اذن حضرتكم اى منتدى محترم هدفة
1 التعارف الجاد المثمر للافادة لجميع الاعضاء
2 التناصح و الخير للكل و ليس غير ذالك
3

koktal 11-05-21 01:51 PM
رد: موضوع ارى انه لازم انشوروا فى جميع اقسام المنتدى
 
اقتباس:
المشاركة الأصلية كتبت بواسطة محمد المهدى (المشاركة 99443)
الاخوة الافاضل بعد اذن حضرتكم اى منتدى محترم هدفة
1 التعارف الجاد المثمر للافادة لجميع الاعضاء
2 التناصح و الخير للكل و ليس غير ذالك
3

اكرمك الله بس 3 فين ههه .. تحياتى

smsmn8888 11-05-22 12:54 AM
رد: موضوع ارى انه لازم انشوروا فى جميع اقسام المنتدى
 
مع احترامي للجميع
لو حضرتك طالع تصطاد ببندقية رش الفجر مثلا وطلعت في مكان جميلة وفي زراعة او مناظر خلابة وانت بدون سلاح يبقي معلش ولا هترجع ولا هتشوف صيد تاني
يا راجل حرام عليك تا البلطجة في كل حتة فيكي يا محروسة تا الدنيا خربانةةةةةةةةةةة وحضرتك بتقول الاسلحة معلش هو حضرتك عايش في مصر ؟؟؟؟؟

adel_7768 11-05-22 12:58 AM
رد: موضوع ارى انه لازم انشوروا فى جميع اقسام المنتدى
 
وانا اؤيد حضرتك في الموضوع ده

essam assem 11-05-22 01:13 AM
رد: موضوع ارى انه لازم انشوروا فى جميع اقسام المنتدى
 
السلام عليكم اعضاء المنتدى الكرام واللة يا جماعة انا عارف ان الاخوة اللى زعلانة من كثرة مواضيع عرض الاسلحة النارية والصاعق والسكاكين بس انا عايز اقول حاجة احنا فى مرحلة استثنائية يعنى فى ناس كتيرة عمرها اصلا ما مسكت سلاح لا حى ولا صوت اصلا بس خزب عنهم اترو يشلو الكلام دة عشان يحمو اولادهم وبيوتهم وممتلاكتهم من البلطجية المنتشرين انا معنى كلامى مش اباحة عرض الكلام دة لاكن يا جماعة عايزين نبقى صرحة مع بعض انتم كلم عارفين ان اغلب الاعضاء الجدد ومن طمنهم انا اتعرفنا على المنتدى بعد الثورة عن طريق البحث على النت يا اما عن سلاح او صاعق او اى حاجة للدفاع عن النفس وكان الموضوع دة ايجابى من وجة نظرى الشخصية لان فى ناس كتيرة اعجبت بالمنتدى وبى خبرات الناس اللى موجودة فية وكان امامهم حاجة من اتنين ياما ينمى الهواية القديمة اللى هية الصيد او يبداء يتعلم الصيد وبالفعل بداءت ناس كتيرة الفترة السابقة فى شراء بنادق صيد منها الحماية الشخصية ومنها الصيد والهواية القديمة ومن هنا اقدر اقول انى هيا فترة وهتعدى ان شاء اللة على خير وساعتها نبقى نقفل الباب دة خالص ومنتكلمش غير فى هواية الصيد ومستلزماتة فقط وهنكون ان شاء اللة كسبنا اعضاء كتيرة لينا فى المنتدى لذالك بطلب من السادة الاعضاء بعدم النفور من العروض والطلابات الخاضة بالصاعق وادوات الحماية الخفيفة دية على الاقل وعلى البائع التاكد من الشارى انة ميكنش بلطجى ونقوم بعمل تسويق للهواية الجميلة الصيد للاعضاء الجدد الباحثين على مستلزمات الحماية بالرد الجميل المجذب وبعمل المواضيع الخاصة بالرماية والصيد خلا الفترة المقبلة واسف على الاطالة وتحيــــــــــــاتى للجميـــــــــــــع اخوكم فى اللة ابو فارس

hosam hamza 11-05-22 01:16 AM
رد: موضوع ارى انه لازم انشوروا فى جميع اقسام المنتدى
 
الله ينور يا مدير

http://www.majalisna.com/gallery/40/...1269547286.jpg


الساعة الآن 05:00 AM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir