رحلة صيد يوم الجمعة
 

يوم الجمعة قمت برحلة صيد انا واخويا محمد وهو اصغر منى ولكن صياد من الدرجة الاولى وانا بحب اشوفة وهو بيضرب على مسافات كبير بدون منظار وبالذات العصفور البلدى الصغير ودى بعض الصور انا ومحمد رحلة قصيرة تبدا من الساعة 6 صباحا وحتى العاشره صباحا وانتم هتشوفوا نتيجة الرحلة
طبعا مع السلامة مع رحلة يوم الجمعة القادمة ان شاء الله

رد: رحلة صيد يوم الجمعة
 

مشاء اللة
وربنا يزيداك كمان وكمان

رد: رحلة صيد يوم الجمعة
 

بسم اللة ماشاء الله تسلم ايدكوالله ينور عليك

رد: رحلة صيد يوم الجمعة
 

رد: رحلة صيد يوم الجمعة
 

تسلم ايدك يا برنس بس كنت بتصطاد منين ؟

رد: رحلة صيد يوم الجمعة
 

تسلم إيدك و ربنا يزيدك
وبالهنا والشفاء

رد: رحلة صيد يوم الجمعة
 

السلام عليكم يا خالد شن نوع البندقبة نورة 1 او 2

رد: رحلة صيد يوم الجمعة
 

ايه الحلاوة دى يا رجالة
مشاء الله لاقوة الابالله... نوع بندقيتك ايه يا بطل؟

رد: رحلة صيد يوم الجمعة
 

ياعم خالد الناس كلها بتسأل عن نوع البندقية بس انا
بقولهم مش البندقية يا جماعة دة الصياد ولان الراجل موهوب وحريف حتي لو معاة اي نوع ربنا هايكرمة
تسلم ايدة وعينة

رد: رحلة صيد يوم الجمعة
 

السلام عليكم الله يبارك فيكم ويرزقكم من الخير الكثير
طبعا نوع البندقية بيفرق كتير علشان انا كان معيا بندقية الاول Bsaالحديثة بدراع مش الكسر وغيرت نوع البندقية علشان بها مشاكل كتير وجبت بندقية جامو Cf30وبصرحه بندقية الثمن جميلة جدا خفيفة وقوية والنيشان بتعها خطيروطبعا مهما تكون صياد لازم تكون البندقية كويسه

رد: رحلة صيد يوم الجمعة
 

السلام عليكم ورحمة الله وبركاتة
كلامك صح بس لو افترضنا ان واحد مابيعرفش يصتاد ومعاة بندقية ماجنوم 350 وهي طبعا من اقوي البنادق وواحد معاة نوركا 73 او نوركا يانج وراجل صياد ومحترف ياتري مين هيكون صيدة احسن ولا الموضوع اعتراض من اجل الاعتراض
( من اللامنطق ان نتناول بالمنطق مالامنطق فية )
تحياتي

رد: رحلة صيد يوم الجمعة
 

اخى العزيز جلال انا طبعا مش بعترض على كلام حضرتك ولكن دة راى وانا عندى مبدأ الاختلاف فى الراى لا يفسد فى الود قضية وانا بحترم وبقدر رايك ولكن انا بتكلم عن تجربة شخصية لم كان معى البندقية الانجليزى كانت دائما فى نصف الر حلة يحصل خلل بسبب فك المسامير وكان نسبة اصابة الطائر 50 % يعنى كل مائة رشاية اصيب 50 فقط
اما والحمد لله البندقية الجامو بصرحة نسبة الاصابة بها 80 % وشكرا على رايك الاجميل يا اخ جلال ولاتمنى ان تعتبرا صديق او اخ وتتقبل راى بصدر رحب

رد: رحلة صيد يوم الجمعة
 

السلام عليكم
بص يا استاذ طالما انت مصمم علي رئيك ماشي بس تعال نحلل
كلامك براحة انت قلت ان البندقية النجليزي كانت وحشة لية علشان فيها مشكلة وهي انها بتفك المسامير تمام
اولا الصناعة الانجليزية لاغبار عليها والبندقية الي معاك فيها مشاكل وكان نسبة الاصابة للاهداف 50 % ياتري دة دليل علي اية ما انت بتقول ان البندقية وحشة اذا نسبة الاصابة الي انت عملتها كان السبب فيها انت مش البندقية صح
ثانيا : لما غيرت البندقية وجبت الجامو زادت نسبة الاصابة ال 80% يعني مع وجود بندقية وصياد محترف وفاهم حدث زيادةفي الصيد

ثالثا " تعالي نحلل المعادلة السابقة
بندقية وحشة + صياد كويس النتيجة 50 %
بندقية احسن + صياد كويس النتيجة 80%

بندقية حلوة + صياد وحش النتيجة 20 %
بندقية وحشة + صياد وحش النتيجة 10 %
ياتري مين يكسب النتيجة الاولي ولا التانية
ياخالد في اوقات الواحد يبقا معاة بندقية كويسة وهوة كويس بس الرزق لسة ما جاش خليها دايما الي الله

رد: رحلة صيد يوم الجمعة
 

شكرا على التحليل الجميل والمقنع وعلى ما اعتقد انت اللى بتحب التحليل والرياضيا ت

رد: رحلة صيد يوم الجمعة
 

لاشكر بين الاخوة المهم انك تكون مقتنع ان العامل البشري ( الانسان) هوة المحرك لاي اداة في العالم وفي الدنيا ولايمكن لاي اداة ان تتحكم في الانسان وانا والله مش غاوي
رياضيات ولا حاجة بس انا حاولت ابين بطريقة بسيطة
انك انت الصياد مش البندقية الي صيادة ودية حاجة المفروض
انها تفرحك وتثبت انك صياد جامد وشكرا