بندقية رائعة وساحرة في رحلة يوم الجمعة
 

الاخوة الاعضاء المحترمين
يوم الجمعة السابقة الموافق 13/2/2009 زهبنا الي رحلة صيد في سرابيون ودية مدينة تبعد عن القاهرة 110 كم في طريق الاسماعلية بس بالنسبة لي شخصيا شفت حاجة اهم من الصيد ودية المرة الاولي الي اشوف بندقية وهي ( webley eclepse ) يا جماعة بندقية مش رائعة بس بل ساحرة ايضا جميلة جدا تجميع نشان ما شفتهوش قيل كدة قوية
فيها شئ جميل وغريب تحب البندقية اول ما تمسكها
طبعا الاخوة كلهم عايزين يعرفوا هي مع مين من غير ماتفكر اول ماتسمع او تعرف لازم تكون مع الاخ العزيز المهندس طلعت بخيت دايما لما نطلع نصياد يجيب تحفة جديدة
وانا عايز اشكرة جدا جدا علي احترامة وادبة وذوقة ولما رجعت البيت قعدت علي النت لمدة يومين ادور علي البندقية دية ادخل شبكة امريكا وانجلترا علشان اشوف معلومات عن الساحرة الي شوفتها واخيرا وبعد عناء لقيت لها صورة
علي موقع في امريكا وهوة www.soldusa.com وقعدت ادور تاني الي وصلت الي www.you tube.comومنها الي البحث عن air gun fun بندقية جميلة

رد: بندقية رائعة وساحرة في رحلة يوم الجمعة
 

معلش يا جماعة الرابط هوة www.youtube.com والبحث عن airgun fun

رد: بندقية رائعة وساحرة في رحلة يوم الجمعة
 

اسف للخطأ وعزرا مجددا
اسم الرابط www.youtub.com ثم airgun gun

رد: بندقية رائعة وساحرة في رحلة يوم الجمعة
 

حبيبي وأخي العزيز الغالي عليا جدا
أستاذ جلال (أبو سيف الصياد البطل الصغير)
والله ماعارف أقولك أيه000000
أنا أحب أعتذر أولا عن تقصيري فترة كبيرة وعدم مشاركتى رغم أني كنت بادخل المنتدي سرقه وكان بيبقي نفسي أشارك في المواضيع الجميله ولكن لأسباب يعرفها المقربون مني وتعلمها أنت جيدا كنت في حالة نفسيه سيئه هي ماجعلتني أنقطع هذه الفتره عن المشاركه0
وطبعا أنا مش هاصدع دماغ أغلي ناس عليا وهم أنتوا ياأحلي وارجل وأجدع ناس (أعضاء المنتدي الكرام )
عموما أخويا جلال النهارده بمشاركته دي سحبني مره أخري ورماني تاني في حضن حبايبي اللي كنت مكسوف منهم جدا بسبب قلة مشاركاتي كما ذكرت سلفا
سامحوني 00000000000
وألف ألف شكر ليك ياجلال ربنا يجعلك دايما كبير 000 شأن ومقام وخبره ومحبة لأنك فعلا كده
ِ

رد: بندقية رائعة وساحرة في رحلة يوم الجمعة
 

البندقية تحفة فنية .. ما شاء الله عليها ..

رد: بندقية رائعة وساحرة في رحلة يوم الجمعة
 

مشاء الله عليك أنت يامحمدياوردة المنتدي وأجمل الصيادين ;)

رد: بندقية رائعة وساحرة في رحلة يوم الجمعة
 

اخي وحبيبي المهندس طلعت
انت الكبير ياعمي وخبريك في انواع البنادق لايضاهية احد ودية حقيقة بشهادة الكل مش انا
وانا سعيد جدا بالمشاركة دية ومهما رحت بعيد احنا ها نجيلك ونجيبك لان معرفتك كنز لايفني

رد: بندقية رائعة وساحرة في رحلة يوم الجمعة
 

استاذ طلع بخيت ..
مبروك عليك السلاح الجديد ونفسى تجمعنا سوا رحلة صيد
وياترى اصتطدوا ايه يوم الجمعة اللى فات

رد: بندقية رائعة وساحرة في رحلة يوم الجمعة
 

الله يسلمك يا م\ طلعت ...
شرف ليا شهادتك دي..

رد: بندقية رائعة وساحرة في رحلة يوم الجمعة
 

الاخوة الاعزاء اعضاء المنتدي
وليد - محمد - الكبير المهندس طلعت ياريت وقبل ما موسم الصيد يخلص نطبق موضوع ان احنا نتجنع ونروح محافظة فيها واحد من المنتدي ونقضي يوم صيد جميل ودة ها يكون فرصة للتعارف بين الناس وايضا تقارب بين الافراد

رد: بندقية رائعة وساحرة في رحلة يوم الجمعة
 

صراحة .. أنا مرتبط بالكلية . و الدراسة .

بس ممكن أحاول إن كان فيه نصيب .

رتبوها و بلغوني ...و الإقتراح جميل جدا يا أ\ جلال

رد: بندقية رائعة وساحرة في رحلة يوم الجمعة
 

أستاذ وليد الله يبارك فيك وشرف ليا ولكل المجموعة انك تشرفنا في رحلة صيد .
أما بالنسبة لصيد الجمعة الماضيه فكان حمام ويمام وقمري وفاتنا نصور الرحلة بس أنشاء الله الرحلة اللي هانتشرف بوجودك فيها لازم نصورها.

رد: بندقية رائعة وساحرة في رحلة يوم الجمعة
 

اقتراح جميل يا استاذ جلال ... انا موافق

رد: بندقية رائعة وساحرة في رحلة يوم الجمعة
 

هي تمنها كام وموجوده في مصر وموجوده فين

رد: بندقية رائعة وساحرة في رحلة يوم الجمعة
 

صباح الفل يافادي
انت فين ياريس مختفي لية وفين السوستة الي انت قلت عليها
البندقية الويبلي الاكلبس غير متوفرة في مصر واذا وجدت ممكن يصل سعرها الي 5000 جنية وهي تستاهل لانها تحفة نادرة
وساحرة

رد: بندقية رائعة وساحرة في رحلة يوم الجمعة
 

انا موجود بس انت عارف الشغل ساعات بتجي فترات علي الواحد مش بيعرف يتنفس اهو حاجه حضرتك اخبارك ايه واخبار الناس هنا ايه يارب تكونو بخير

رد: بندقية رائعة وساحرة في رحلة يوم الجمعة
 

وبعدين انت من جنبي ما تيجي نظبط يوم ونصتاد مع بعض

رد: بندقية رائعة وساحرة في رحلة يوم الجمعة
 

يا حبيبي انا مقيم في القاهرة بس بروح المنصورة علشان اولاد
اختي واولاد عمي قاعدين عندك وان شاء الله في اول سفر ليا
هاتصل بيك واقابلك

رد: بندقية رائعة وساحرة في رحلة يوم الجمعة
 

مصنعي الوبلي اطلقو عليها الخسوف اي تتكرر كل 50 سنه مره!!!!!!!!!!!!!!!!!!!!!!!

رد: بندقية رائعة وساحرة في رحلة يوم الجمعة
 

ياجامد قوي لان البحث عن معني الكلمة هو الدليل علي مالمراد بها من الصانع