الصيد فى مصر - بنادق النوريكا في مصر

الصيد فى مصر (http://www.egyhunt.net/index.php)

- بنادق ضغط الهواء ومتعلقاتها (http://www.egyhunt.net/forumdisplay.php?f=51)

- - بنادق النوريكا في مصر (http://www.egyhunt.net/showthread.php?t=8311)

Ahmedlr

11-05-07 06:08 PM

بنادق النوريكا في مصر

السلام عليكم يا جماعة الخير

انا حاليا بشتري بندقية جديدة لحد اعرفو في إسكندريةو نظرا لميزانيته المحدودة (1500 - 1800) اتجهت للبندقية النوريكا و ده بناء علي آراء الأخوة الأفاضل بالمنتدي ... و كنت بسال دائماً عن النريكا جيت و الكويك و المارفيك نظرا لتكرار ذكر الموديلات دي.

الغريب في الامر .. ان عدد كبير من البائعين في إسكندرية مش عندهم اساسا الانواع ده و عندهم نوعين بس من النوريكا
نوريكا 61
و
نوريكا 73*

و الجوز مسمعتش عنهم قبل كده و لما أسئلهم عن المواصفات يقولولي نمرة اتنين و اما اسال عن السرعة مبيبقوش عارفين و يصدرولي الوش اللي شبه دبشك البندقية الرمسيس

علشان كدة . يا ريت لو حد يقدر يفيدني في امكانيات البندقيتين دو و متوسط سعرهم المتعارف عليه حاليا لان قرار الشراء حصل ومطلوب التنفيذ فورا

Kareem_Z

11-05-07 07:12 PM

رد: بنادق النوريكا في مصر

بص الموديلات اللى هى نوريكا 56 و 61 و 73 و 92 دى موديلات قديمة .. و عادة اللى عنده بيكون مغير لها جلبة عشان بتكون نشفت .. و دول متوسط أسعارهم من 1000 الى 1400 جنية حسب الموديل.

واضح كمان انك سألت فى محلات صغيرة .. لأن الموديلات الحديثة الى حد ما .. زى النوريكا كويك و ويست و مارفيك و جيت و سبورت موجودين فى معظم المحلات فى القاهرة و اسكندرية .. و أنا رأيى انك تجيب حاجة حديثة أفضل .. و بالنسبة للسعر اللى صديقك حاطة .. ممكن يجيب بيه نوريكا جيت نمرة واحد أو نوريكا سبورت نمرة 2.

Ahmedlr

11-05-07 07:18 PM

رد: بنادق النوريكا في مصر

طب بكام النوريكا سبورت و منين اجيبها إسكندرية او في مصر

dr_mohasan

11-05-07 07:32 PM

رد: بنادق النوريكا في مصر

انا جبتها من شريف ابو ضيف ب 1400 , بس أفضل انك تسأل عن سعرها عند الأهلية فى العتبة يمكن يكون أرخص
وبالتوفيق ان شاء الله

Kareem_Z

11-05-07 08:21 PM

رد: بنادق النوريكا في مصر

زى ما دكتور محمد قال لك .. اسأل فى كذا مكان عشان تجيب أحسن سعر و شوف الموضوع ده برضه فيه معظم محلات الأسلحة.

أماكن محلات الاسلحه وادوات الصيد فى القاهرة والاسكندرية بالخريطة

Consul

11-05-07 09:29 PM

رد: بنادق النوريكا في مصر

بارك الله فيكم أخوتي الأحباء...والله نوريكا سبورت بندقية أسباني حديثة وخفيفة وخامتها ممتازة ونيشاناتها فوسفورية سريعة التجميع ودقيقة وسرعتها 160 م/ث في عيار 5.5 ( نمرة 2 ) تعتبر سرعة متوسطة ولكنها ممتازة للمبتدئين للتدريب وإكتساب المهارات في الرماية والصيد وتصلح أيضا للمستقبل...كانت قبل الأحداث الأخيرة تباع عند ميشيل عازر ( الشركة الأهلية ) أمام سنترال العتبة بـ 1250 جنيه وبالفصال 1200 جنيه + علبة رش جامو ماتش هدية...بالتوفيق للجميع...خالص تحياتي...

koktal

11-05-07 09:48 PM

رد: بنادق النوريكا في مصر

طب بالنسبة للنوريكا كويك, بتهيألى انها احسن واحده فى النوع ده صح؟

1stlotengargidrees

11-05-07 10:06 PM

رد: بنادق النوريكا في مصر

بينو اللي في الزمالك عارض النوريكا ويست علي 3800
و لما سالته ايه تحت 2000
قاللي مفيش غير الكرال و الرمسيس و مش عندة
البارودي اللي في الجيزة عندة الكرال ب 1800 و الجامو سبيكترا ب 3500 و الجامو cfx ب 3800

1stlotengargidrees

11-05-07 10:08 PM

رد: بنادق النوريكا في مصر

حد يقوللي لو في حاجة حلوه للرماية لمسافات بعيدة و ممكن الصيد بس اخري 2000

سيدخالد

11-05-07 10:09 PM

رد: بنادق النوريكا في مصر

النوريكا 73 اعتقد ب1300 والنوريكا سبورت ب1400 عند شريف ابو ضيف ومحل البارودى بالجيزة من اسوء المحلات فى مصر حيث المغالاة والاستغلال

Consul

11-05-07 10:24 PM

رد: بنادق النوريكا في مصر

اقتباس:

المشاركة الأصلية كتبت بواسطة 1stlotengargidrees (المشاركة 91387)

حد يقوللي لو في حاجة حلوه للرماية لمسافات بعيدة و ممكن الصيد بس اخري 2000

بارك الله فيك أخي الحبيب...إذا كانت هذه حدودك فأنسب شيئ هو البام 22 أو 21 من أحسن البنادق الصيني...نسخة من الديانا 52 الألماني...خامتها ممتازة وزنها 4.6 كجم ( ثقيلة الوزن ) سرعتها في عيار 5.5 ( نمرة 2 ) 290 م/ث هاي باور ( رد فعلها شديد ) سعرها في حدود 2000-2200 جنيه...نصيحتي لا تصلح لمبتدئ...خالص تحياتي...

asoliman

11-05-12 02:45 AM

رد: بنادق النوريكا في مصر

بعد اللف و التدوير في محلات سلاح القاهرة و الاسكندرية افضل مكان تشتري منه النوريكا سبورت و انت مطمن هو شريف ابو ضيف في اول شارع شبرا من ناحية رمسيس, اولا اقل سعر 1400 لاعضاء المنتدى, ثانيا تكون ضامن انها جديدة مش متخزنه مثلا انا لقيت في فتح الله الاسكندرية النوريكا سبورت من غير نيشان فسفوري و ده الموديل القديم يعني متخزنه عندهم و السعر كان 1500, ثالثا و ده المهم الراحه النفسيه و المعامله في المحل بالاضافة انه بيضمن البندقيه 3 اشهر بعد الشراء.

adel152

11-05-12 03:18 PM

رد: بنادق النوريكا في مصر

اقتباس:

المشاركة الأصلية كتبت بواسطة Ahmedlr (المشاركة 91254)

الأخ العزيز أستاذ احمد
دى مواصفات بعد البنادق النوريكا المكتوبة على العلبة الخارجية للبنادق

Norica 56 4.5&5.5 length 954 weight 2.3kg speed 165m/s
Norica 61&90 4.5&5.5 length 1030 weight 2.5kg speed 180m/s
Norica 73 4.5&5.5 length 1060 weight 2.9kg speed 185m/s
Norica 80 4.5&5.5 length 1090 weight 3.1kg speed 200m/s
Norica 80G 4.5&5.5 length 1090 weight 3.3kg speed 200m/s
Norica 47 4.5&5.5 length 1050 weight 3.1kg speed 190m/s
Norica 92 4.5&5.5 length 1050 weight 3.2kg speed 190m/s

تحياتى

1stlotengargidrees

11-05-17 01:23 AM

رد: بنادق النوريكا في مصر

طب ايه من المحلات المحترمه للمشاهدة و المقارنه
اما الشراء ممكن يكون ا؟شريف ابو ضيف

asoliman

11-05-17 02:01 PM

رد: بنادق النوريكا في مصر

أماكن محلات الاسلحه وادوات الصيد فى القاهرة والاسكندرية بالخريطة
http://www.egypthunt.net/showthread.php?t=2175

monismod

11-05-17 03:57 PM

رد: بنادق النوريكا في مصر

عندى سؤال غريب شوية

أنا عايز أتعلم الرماية وليس للصيد وبفاضل بين النوريكا جيت (نمرة ١) والنوريكا سبورت (نمرة ٢)

الساعة الآن 04:30 PM